ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 11 : PALI ROMAN Sutta Pitaka Vol 3 : Sutta. Tī. Pā.

                    Atanatiyasuttam
     [207]   Evamme  sutam  .  ekam  samayam  bhagava  rajagahe  viharati
gijjhakute   pabbate   .   athakho   cattaro   maharaja   mahatiya  ca
yakkhasenaya   mahatiya   ca   gandhabbasenaya  mahatiya  ca  kumbhandasenaya
mahatiya   ca   nagasenaya   catuddisam   rakkham   thapetva  catuddisam  gumbam
thapetva    catuddisam    ovaranam    thapetva    abhikkantaya    rattiya
abhikkantavanna    kevalakappam    gijjhakutam   obhasetva   yena   bhagava
tenupasankamimsu     upasankamitva    bhagavantam    abhivadetva    ekamantam
nisidimsu   .   tepi   kho   yakkha   appekacce  bhagavantam  abhivadetva
ekamantam   nisidimsu   appekacce   bhagavata   saddhim  sammodimsu  sammodaniyam
katham   saraniyam   1-  vitisaretva  ekamantam  nisidimsu  appekacce  yena
bhagava     tenanjalimpanametva     ekamantam    nisidimsu    appekacce
namagottam    savetva    ekamantam   nisidimsu   appekacce   tunhibhuta
ekamantam nisidimsu.
     [208]   Ekamantam   nisinno  kho  vessavano  maharaja  bhagavantam
etadavoca   santi   hi   bhante   ulara   yakkha  bhagavato  appasanna
santi   hi   bhante  ulara  yakkha  bhagavato  pasanna  santi  hi  bhante
majjhima   yakkha   bhagavato   appasanna   santi   hi   bhante   majjhima
yakkha   bhagavato   pasanna   santi   hi   bhante  nica  yakkha  bhagavato
appasanna santi hi bhante nica yakkha bhagavato pasanna.
@Footnote: 1 Yu. saraniyam.
     {208.1}   Yebhuyyena   kho  pana  bhante  yakkha  appasannayeva
bhagavato   tam   kissa  hetu  bhagava  hi  bhante  panatipata  veramaniya
dhammam   deseti   adinnadana   veramaniya   dhammam   deseti   kamesu
micchacara   veramaniya   dhammam   deseti  musavada  veramaniya  dhammam
deseti   suramerayamajjapamadatthana   veramaniya   dhammam   deseti  .
Yebhuyyena   kho   pana   bhante   yakkha  appativiratayeva  panatipata
appativirata     adinnadana    appativirata    kamesu    micchacara
appativirata     musavada    appativirata    suramerayamajjapamadatthana
tesantam   hoti  appiyam  amanapam  .  santi  hi  bhante  bhagavato  savaka
aranne   vanapatthani   pantani   senasanani   patisevanti   appasaddani
appanigghosani   vijanavatani   manussarahaseyyakani   patisallanasaruppani
tattha   santi  ulara  yakkha  nivasino  ye  imasmim  bhagavato  pavacane
appasanna   tesam   pasadaya   ugganhatu   bhante  bhagava  atanatiyam
rakkham    bhikkhunam   bhikkhuninam   upasakanam   upasikanam   guttiya   rakkhaya
avihimsaya phasuviharayati. Adhivasesi bhagava tunhibhavena.
     {208.2}   Athakho   vessavano   maharaja   bhagavato  adhivasanam
viditva tayam velayam imam atanatiyam rakkham abhasi
     [209] Vipassissa 1- namatthu           cakkhumantassa sirimato
                 sikhissapi 2- namatthu            sabbabhutanukampino.
                 Vessabhussa 3- namatthu        nhatakassa tapassino
@Footnote: 1 Yu. vipassissa ca. 2 Ma. sikhissapi ca. 3 Ma. vessabhussa ca.
               Namatthu kakusandhassa               marasenappamaddino.
               Konagamanassa namatthu           brahmanassa vusimato
               kassapassa 1- namatthu           vippamuttassa sabbadhi.
               Angirasassa namatthu               sakyaputtassa sirimato
               yo imam dhammamadesesi 2-       sabbadukkha panudanam.
               Ye capi nibbuta loke         yathabhutam vipassisum
              te jana apisuna                  mahanta vitasarada.
              Hitam devamanussanam                 yam namassanti gotamam
              vijjacaranasampannam               mahantam vitasaradam.
              Yato uggacchati suriyo 3-       adicco mandalimaha
              yassa cuggacchamanassa           samvaripi nirujjhati.
              Yassa cuggate suriye               divasoti pavuccati
              rahadopi tattha gambhiro            samuddo saritodako
              evantam tattha jananti            samuddo saritodako.
     [210] Ito sa purima disa            iti nam acikkhati jano
                yam disam abhipaleti                maharaja yasassi so
                gandhabbanam adhipati 4-      dhatarattho iti 5- namaso
               ramati naccagitehi                   gandhabbehi purakkhato.
               Puttapi tassa bahavo            ekanamati me sutam
               asiti dasa eko ca                  indanama mahabbala
@Footnote: 1 Ma. kassapassa ca. 2 Ma. dhammam desesi. 3 Ma. suriyo.
@4 Ma. adhipati. ito param idisameva. 5 Ma. dhataratthoti.
               Te capi buddham disvana          buddham adiccabandhunam
               durato va namassanti               mahantam vitasaradam.
               Namo te purisajanna            namo te purisuttama
               kusalena samekkhasi                 amanussapi tam vandanti.
               Sutam netam abhinhaso              tasma evam vademhase 1-
               jinam vandatha gotamam                 jinam vandama gotamam
               vijjacaranasampannam             buddham vandama gotamam.
               Yena peta pavuccanti            pisuna pitthimamsika
               panatipatino ludda 2-   cora nekatika jana.
     [211] Ito sa dakkhina disa        iti nam acikkhati jano
                yam disam abhipaleti                maharaja yasassi so
                kumbhandanam adhipati          virulho iti namaso
                ramati naccagitehi                  kumbhandehi purakkhato.
                Puttapi tassa bahavo           ekanamati me sutam
                asiti dasa eko ca                indanama mahabbala
                te capi buddham disvana         buddham adiccabandhunam
                durato va namassanti               mahantam vitasaradam.
                Namo te purisajanna           namo te purisuttama
                kusalena samekkhasi                amanussapi tam vandanti.
                Sutam netam abhinhaso             tasma evam vademhase
@Footnote: 1 Ma. Yu. vademase. ito param idisameva. 2 Yu. luddha.
                Jinam vandatha gotamam                jinam vandama gotamam
                vijjacaranasampannam            buddham vandama gotamam.
                Yattha coggacchati suriyo        adicco mandalimaha
                yassa coggacchamanassa        divasopi nirujjhati
                yassa coggate suriye            samvariti pavuccati.
                Rahadopi tattha gambhiro          samuddo saritodako
                evantam tattha jananti          samuddo saritodako.
     [212] Ito sa pacchima disa         iti nam acikkhati jano
                yam disam abhipaleti                maharaja yasassi so
                naganam adhipati                 virupakkho iti 1- namaso
                ramati naccagitehi                  nagehi 2- purakkhato.
                Puttapi tassa bahavo           ekanamati me sutam
                asiti dasa eko ca                 indanama mahabbala
                te capi buddham disvana          buddham adiccabandhunam
               durato va namassanti               mahantam vitasaradam.
               Namo te purisajanna            namo te purisuttama
               kusalena samekkhasi                 amanussapi tam vandanti.
               Sutam netam abhinhaso               tasma evam vademhase
               jinam vandatha gotamam                  jinam vandama gotamam
               vijjacaranasampannam              buddham vandama gotamam.
@Footnote: 1 nagananca adhipati virupakkhoti .  2 Ma. nageheva.
               Yena uttarakuru ramma 1-        mahaneru sudassano
              manussa tattha jayanti          amama apariggaha.
              Na te bijam pavappanti 2-         napi niyanti nangala
              akatthapakimam salim                paribhunjanti manusa.
              Akanam athusam suddham                   sugandham tandulapphalam
              tundikire 3- pacitvana         tato bhunjanti bhojanam.
              Gavim ekakhuram katva                anuyanti diso disam
              pasum ekakhuram katva                 anuyanti diso disam.
              Itthim vahanam 4- katva           anuyanti diso disam
              purisam vahanam katva                anuyanti diso disam.
              Kumarim vahanam katva               anuyanti diso disam
              kumaram vahanam katva               anuyanti diso disam.
              Te yane abhiruhitva              sabba disa anupariyanti 5-
                                 pacara tassa rajino.
          Hatthiyanam assayanam           dibbam yanam upatthitam
          pasada sivika ceva           maharajassa yasassino.
          Tassa ca nagara ahu              antalikkhe sumapita
    atanata kusinata parakusinata     natapariya 6- parakusitanata.
          Uttarena kapivanto 7-       janoghamaparena ca
    navanavatiyo 8- ambaraambaravatiyo      alakamanda nama rajadhani
@Footnote: 1 Ma. uttarakuruvho. 2 Ma. Yu. pavapanti. 3 Ma. Yu. tundikire.
@4 Ma. itthim va vahanam. Yu. itthivahanam. ito param idisameva.
@5 Ma. anupariyayanti .  6 Ma. natasuriya Yu. natapuriya. 7 Ma. kasivanto.
@8 Ma. navanavutiyo.
    Kuverassa kho pana marisa maharajassa    visana nama rajadhani
          tasma kuvero maharaja              vessavanoti pavuccati.
          Paccesanto pakasenti               tatola tattala tatotala
               ojasi tejasi tatojasi
               suro 1- raja arittho nemi.
               Rahadopi tattha dharani nama
               yato megha pavassanti
               vassa yato patayanti
               sabhapi tattha bhagalavati 2- nama
               yattha yakkha payirupasanti.
          Tattha niccaphala rukkha         nanadijaganayuta
          mayurakoncabhiruda             kokilabhihi 3- vaggubhi.
          Jivanjivakasaddettha            atho otthavacittaka
          kukkutaka kuliraka             vane pokkharasataka.
          Sukasalikasaddettha            dandamanavakani ca
          sobhati sabbakalam sa          kuveranalini sada.
     [213] Ito sa uttara disa     iti nam acikkhati jano
          yam disam abhipaleti                 maharaja yasassi so.
          Yakkhanam adhipati 4-             kuvero iti namaso
          ramati naccagitehi                   yakkhehi 5- purakkhato.
@Footnote: 1 Ma. Yu. suro. 2 Ma. salavati. 3 Ma. kokiladihi.
@4 Ma. yakkhananca adhipati. 5 Ma. yakkheheva.
          Puttapi tassa bahavo            ekanamati me sutam
          asiti dasa eko ca                  indanama mahabbala.
          Te capi buddham disvana          buddham adiccabandhunam
          durato va namassanti                mahantam vitasaradam.
          Namo te purisajanna            namo te purisuttama
          kusalena samekkhasi                 amanussapi tam vandanti.
          Sutam netam abhinhaso              tasma evam vademhase
          jinam vandatha gotamam jinam            vandama gotamam
          vijjacaranasampannam              buddham vandama gotamanti.
     [214]  Ayam  kho  sa  marisa  atanatiya  rakkha bhikkhunam bhikkhuninam
upasakanam   upasikanam  guttiya  rakkhaya  avihimsaya  phasuviharayati .
Yassa   kassaci   marisa   bhikkhussa   va  bhikkhuniya  va  upasakassa  va
upasikaya   va   ayam  atanatiya  rakkha  sugahita  bhavissati  samatta
pariyaputa  tance  amanusso  yakkho  va  yakkhini  va  yakkhapotako  va
yakkhapotika   va  yakkhamahamatto  va  yakkhaparisajjo  va  yakkhapacaro
va   gandhabbo   va  gandhabbi  va  gandhabbapotako  va  gandhabbapotika
va   gandhabbamahamatto   va   gandhabbaparisajjo   va   gandhabbapacaro
va   kumbhando   va  kumbhandi  va  kumbhandapotako  va  kumbhandapotika
va       kumbhandamahamatto      va      kumbhandaparisajjo      va
kumbhandapacaro   va   nago   va   nagini   va   nagapotako   va
Nagapotika   va  nagamahamatto  va  nagaparisajjo  va  nagapacaro
va   padutthacitto   bhikkhum   va   bhikkhunim   va   upasakam  va  upasikam
va   gacchantam   va   anugaccheyya   thitam  va  upatittheyya  nisinnam  va
upanisideyya  nipannam  va  upanipajjeyya  .  na  me  so marisa amanusso
labheyya  gamesu  va  nigamesu  va  sakkaram  va  garukaram  va  .  na
me   so   marisa  amanusso  labheyya  alakamandaya  nama  rajadhaniya
vatthum  va  vasam  va  .  na  me  so  marisa amanusso labheyya yakkhanam
samitim gantum.
     {214.1}  Apissu  nam  marisa  amanussa  anavayhampi  1-  kareyyum
avivayham   .   apissu   nam   marisa  amanussa  attahi  2-  paripunnahi
paribhasahi   paribhaseyyum  .  apissu  nam  marisa  amanussa  rittampi  3-
pattam   sise  nikkujjeyyum  .  apissu  nam  marisa  amanussa  sattadhapissa
muddham  phaleyyum  santi  hi  marisa  amanussa  canda  ruddha  4-  rabhasa
te   neva  maharajanam  adiyanti  na  maharajanam  purisakanam  adiyanti
na  maharajanam  purisakanam  purisakanam  adiyanti  .  te  kho  te marisa
amanussa maharajanam avaruddha nama vuccanti.
     {214.2}  Seyyathapi  marisa  ranno  magadhassa  vijite cora 5-
te   neva  ranno  magadhassa  adiyanti  na  ranno  magadhassa  purisakanam
adiyanti  na  ranno  magadhassa  purisakanam  purisakanam  adiyanti  te  kho
te  marisa  mahacora  ranno  magadhassa avaruddha nama vuccanti evameva
kho  marisa  santi  hi  6-  amanussa  canda  ruddha 4- rabhasa te neva
@Footnote: 1 Ma. anavayhampi nam. Yu. anavayhampi nam. 2 Ma. Yu. attahipi.
@3 Ma. rittam pissa. 4 Yu. rudda. 5 Ma. Yu. mahacora. 6 Ma. Yu. hisaddo natthi.
Maharajanam    adiyanti   na   maharajanam   purisakanam   adiyanti   na
maharajanam   purisakanam   purisakanam   adiyanti   te   kho  te  marisa
amanussa maharajanam avaruddha nama vuccanti.
     {214.3}  Yo  hi  koci  marisa  amanusso  yakkho va yakkhini va
yakkhapotako   va  yakkhapotika  va  yakkhamahamatto  va  yakkhaparisajjo
va  yakkhapacaro  va  gandhabbo  va  gandhabbi  va  gandhabbapotako  va
gandhabbapotika   va   gandhabbamahamatto   va   gandhabbaparisajjo   va
gandhabbapacaro   va   kumbhando  va  kumbhandi  va  kumbhandapotako  va
kumbhandapotika   va   kumbhandamahamatto   va   kumbhandaparisajjo   va
kumbhandapacaro  va  nago va nagini 1- va nagapotako va nagapotika
va  nagamahamatto  va  nagaparisajjo  va nagapacaro va padutthacitto
bhikkhum  va  bhikkhunim  va  upasakam  va upasikam va gacchantam va anugaccheyya
thitam  va  upatittheyya  nisinnam  va upanisideyya nipannam va upanipajjeyya.
Imesam   yakkhanam   mahayakkhanam  senapatinam  mahasenapatinam  ujjhapetabbam
vikkanditabbam  viravitabbam  ayam  yakkho  ganhati  ayam  yakkho avisati 2- ayam
yakkho  hetheti  ayam yakkho vihetheti ayam yakkho himsati ayam yakkho vihimsati ayam
yakkho na muncatiti.
     [215] Katamesam yakkhanam mahayakkhanam senapatinam mahasenapatinam.
          Indo somo varuno ca           bharadvajo pajapati
          candano kamasettho ca         kinnughandu nighandu ca.
@Footnote: 1 Ma. nagi .  2 Yu. avisati.
          Panado opamanno ca         devasuto ca matali
          cittaseno ca gandhabbo         naloraja janosabho 1-
          satagiro hemavato              punnako karatiyo gulo 2-
          sivako muccalindo ca             vessamitto yugandharo.
          Gopalo suppagedho 3- ca    hiri netti ca mandiyo
          pancalacando alavako 4- pajunno sumukho dadhimukho 5-
          mani manicaro 6- digho         atho serisako saha 7-.
     [216]   Imesam   yakkhanam  mahayakkhanam  senapatinam  mahasenapatinam
ujjhapetabbam    vikkanditabbam   viravitabbam   ayam   yakkho   ganhati   ayam
yakkho  avisati  8-  ayam  yakkho  hetheti ayam yakkho vihetheti ayam yakkho
himsati ayam yakkho vihimsati ayam yakkho na muncatiti.
     [217]  Ayam  kho  sa  marisa  atanatiya  rakkha bhikkhunam bhikkhuninam
upasakanam   upasikanam  guttiya  rakkhaya  avihimsaya  phasuviharayati .
Handa   cadani   mayam   marisa   gacchama  bahukicca  mayam  bahukaraniyati .
Yassadani tumhe maharajano kalam mannathati.
     [218]   Athakho   cattaro   maharaja   utthayasana   bhagavantam
abhivadetva    padakkhinam   katva   tatthevantaradhayimsu   .   tepi   kho
yakkha   utthayasana   appekacce   bhagavantam   abhivadetva   padakkhinam
katva    tatthevantaradhayimsu    appekacce   bhagavata   saddhim   sammodimsu
sammodaniyam     katham     saraniyam     vitisaretva    tatthevantaradhayimsu
@Footnote: 1 Ma. Yu. janesabho. 2 Ma. gulo. 3 Ma. supparodho. 4 Ma. alavako.
@5 Ma. Yu. pajunno sumano sumukho. 6 Ma. manimanivaro. 7 Yu. serissako saha.
@8 Yu. avisati.
Appekacce    yena   bhagava   tenanjalimpanametva   tatthevantaradhayimsu
appekacce    namagottam   savetva   tatthevantaradhayimsu   appekacce
tunhibhuta tatthevantaradhayimsu.
     [219]  Athakho  bhagava  tassa  rattiya  accayena  bhikkhu amantesi
imam   bhikkhave   rattim   cattaro   maharaja  mahatiya  ca  yakkhasenaya
mahatiya   ca   gandhabbasenaya   mahatiya  ca  kumbhandasenaya  mahatiya  ca
nagasenaya    catuddisam   rakkham   thapetva   catuddisam   gumbam   thapetva
catuddisam    ovaranam   thapetva   abhikkantaya   rattiya   abhikkantavanna
kevalakappam     gijjhakutam     obhasetva     yenaham     tenupasankamimsu
upasankamitva  mam  abhivadetva  ekamantam  nisidimsu  .  tepi  kho bhikkhave
yakkha   appekacce   mam   abhivadetva  ekamantam  nisidimsu  appekacce
maya    saddhim   sammodimsu   sammodaniyam   katham   saraniyam   vitisaretva
ekamantam     nisidimsu    appekacce    yenaham    tenanjalimpanametva
ekamantam    nisidimsu    appekacce   namagottam   savetva   ekamantam
nisidimsu appekacce tunhibhuta ekamantam nisidimsu.
     {219.1}  Ekamantam  nisinno  kho  bhikkhave  vessavano maharaja
mam   etadavoca   santi  hi  bhante  ulara  yakkha  bhagavato  appasanna
santi  hi  bhante  ulara  yakkha  bhagavato pasanna santi hi bhante majjhima
yakkha   bhagavato  appasanna  santi  hi  bhante  majjhima  yakkha  bhagavato
pasanna  santi  hi  bhante  nica  yakkha bhagavato appasanna santi hi bhante
Nica   yakkha   bhagavato   pasanna  yebhuyyena  kho  pana  bhante  yakkha
appasannayeva  bhagavato  tam  kissa  hetu  bhagava  hi  bhante panatipata
veramaniya   dhammam   deseti   adinnadana   veramaniya  dhammam  deseti
kamesu   micchacara  veramaniya  dhammam  deseti  musavada  veramaniya
dhammam deseti suramerayamajjapamadatthana veramaniya dhammam deseti.
     {219.2}   Yebhuyyena  kho  pana  bhante  yakkha  appativiratayeva
panatipata    appativirata    adinnadana    appativirata    kamesu
micchacara  appativirata musavada appativirata suramerayamajjapamadatthana
tesantam   hoti   appiyam   amanapam   santi  hi  bhante  bhagavato  savaka
aranne   vanapatthani   pantani   senasanani   patisevanti   appasaddani
appanigghosani   vijanavatani   manussarahaseyyakani   patisallanasaruppani
tattha   santi  ulara  yakkha  nivasino  ye  imasmim  bhagavato  pavacane
appasanna   tesam   pasadaya   ugganhatu   bhante  bhagava  atanatiyam
rakkham  bhikkhunam  bhikkhuninam  upasakanam  upasikanam  guttiya  rakkhaya avihimsaya
phasuviharayati  .  adhivasesim  kho  aham  bhikkhave  tunhibhavena. Athakho
bhikkhave  vessavano  maharaja  mam  1-  adhivasanam  viditva tayam velayam
imam atanatiyam rakkham abhasi
     [220] Vipassissa namatthu           cakkhumantassa sirimato
          sikhissapi namatthu                    sabbabhutanukampino
.pe.  (soyeva  purimo  peyyalo  vittharetabbo)  .  ayam  kho  sa
@Footnote: 1 Ma. me.
Marisa   atanatiya   rakkha   bhikkhunam  bhikkhuninam  upasakanam  upasikanam
guttiya    rakkhaya   avihimsaya   phasuviharayati   .   handadani   mayam
marisa   gacchama   bahukicca   mayam   bahukaraniyati   .  yassadani  tumhe
maharajano  kalam  mannathati  .  athakho  bhikkhave  cattaro  maharaja
utthayasana   mam   abhivadetva  padakkhinam  katva  tatthevantaradhayimsu .
Tepi  kho  bhikkhave  yakkha  utthayasana  appekacce  mam  abhivadetva
padakkhinam   katva   tatthevantaradhayimsu  appekacce  maya  saddhim  sammodimsu
sammodaniyam     katham     saraniyam     vitisaretva    tatthevantaradhayimsu
appekacce     yenaham     tenanjalimpanametva     tatthevantaradhayimsu
appekacce    namagottam   savetva   tatthevantaradhayimsu   appekacce
tunhibhuta    tatthevantaradhayimsu   .   ugganhatha   bhikkhave   atanatiyam
rakkham   pariyapunatha   bhikkhave   atanatiyam   rakkham   dharetha   bhikkhave
atanatiyam   rakkham   atthasanhitayam   1-  bhikkhave  atanatiya  rakkha
bhikkhunam   bhikkhuninam   upasakanam   upasikanam   guttiya  rakkhaya  avihimsaya
phasuviharayati  .  idamavoca  bhagava  .  attamana  te  bhikkhu  bhagavato
bhasitam abhinandunti.
                 Atanatiyasuttam nitthitam navamam.
                   ----------------
@Footnote: 1 Ma. atthasamhita.



             The Pali Tipitaka in Roman Character Volume 11 page 208-221. http://84000.org/tipitaka/read/roman_read.php?B=11&A=4443&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=11&A=4443&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=11&item=207&items=14              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=11&siri=9              Study Atthakatha :- http://84000.org/tipitaka/attha/attha.php?b=11&i=207              The Pali Atthakatha in Thai :- http://84000.org/tipitaka/atthapali/read_th.php?B=6&A=3802              The Pali Atthakatha in Roman :- http://84000.org/tipitaka/atthapali/read_rm.php?B=6&A=3802              Contents of The Tipitaka Volume 11 http://84000.org/tipitaka/read/?index_11

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com