ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.

                       Cetokhilasuttam
     [226]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   tatra   kho   bhagava  bhikkhu
amantesi bhikkhavoti. Bhadanteti te bhikkhu bhagavato paccassosum.
     [227]   Bhagava   etadavoca  yassakassaci  bhikkhave  bhikkhuno  panca
cetokhila   appahina   panca   cetaso   vinibandha   asamucchinna   so
vatimasmim    dhammavinaye   vuddhim   virulhim   vepullam   apajjissatiti   netam
thanam vijjati.
     [228]   Katamassa   panca   cetokhila  appahina  honti  .  idha
bhikkhave   bhikkhu   satthari  kankhati  vicikicchati  nadhimuccati  na  sampasidati .
Yo    so   bhikkhave   bhikkhu   satthari   kankhati   vicikicchati   nadhimuccati
na    sampasidati    tassa    cittam   na   namati   atappaya   anuyogaya
sataccaya   padhanaya  .  yassa  cittam  na  namati  atappaya  anuyogaya
sataccaya    padhanaya    evamassayam   pathamo   cetokhilo   appahino
hoti.
     {228.1}   Puna   caparam  bhikkhave  bhikkhu  dhamme  kankhati  vicikicchati
nadhimuccati    na    sampasidati    .pe.    sanghe    kankhati   vicikicchati
nadhimuccati    na    sampasidati    .pe.    sikkhaya   kankhati   vicikicchati
nadhimuccati   na   sampasidati   .   yo   so   bhikkhave   bhikkhu  sikkhaya
kankhati    vicikicchati    nadhimuccati    na   sampasidati   tassa   cittam   na
Namati   atappaya   anuyogaya   sataccaya   padhanaya  .  yassa  cittam
na   namati   atappaya   anuyogaya   sataccaya  padhanaya  evamassayam
catuttho cetokhilo appahino hoti.
     {228.2}  Puna  caparam  bhikkhave  bhikkhu  sabrahmacarisu  kupito  hoti
anattamano  ahatacitto  khilajato  .  yo so bhikkhave bhikkhu sabrahmacarisu
kupito   hoti  anattamano  ahatacitto  khilajato  tassa  cittam  na  namati
atappaya   anuyogaya  sataccaya  padhanaya  .  yassa  cittam  na  namati
atappaya   anuyogaya   sataccaya   padhanaya   evamassayam   pancamo
cetokhilo appahino hoti. Imassa panca cetokhila appahina honti.
     [229]  Katamassa  panca  cetaso  vinibandha  asamucchinna  honti.
Idha  bhikkhave  bhikkhu  kame  avitarago  hoti  avigatacchando  avigatapemo
avigatapipaso   avigataparilaho   avigatatanho   .   yo   so   bhikkhave
bhikkhu  kame  avitarago  hoti  avigatacchando  avigatapemo  avigatapipaso
avigataparilaho    avigatatanho    tassa   cittam   na   namati   atappaya
anuyogaya   sataccaya   padhanaya   .   yassa  cittam  .pe.  padhanaya
evamassayam pathamo cetaso vinibandho asamucchinno hoti.
     {229.1}  Puna  caparam  bhikkhave  bhikkhu kaye avitarago hoti .pe.
Rupe    avitarago   hoti   avigatacchando   avigatapemo   avigatapipaso
avigataparilaho   avigatatanho   .   yo   so   bhikkhave   bhikkhu   rupe
avitarago   hoti   .pe.   evamassayam   tatiyo   cetalo   vinibandho
Asamucchinno hoti.
     {229.2}   Puna   caparam   bhikkhave  bhikkhu  yavadattham  udaravadehakam
bhunjitva    seyyasukham    passasukham   middhasukham   anuyunjanto   viharati  .
Yo   so   bhikkhave  bhikkhu  yavadattham  udaravadehakam  bhunjitva  seyyasukham
passasukham    middhasukham    anuyunjanto   viharati   tassa   cittam   na   namati
atappaya   anuyogaya   sataccaya   padhanaya   .   yassa   cittam  na
namati    atappaya    anuyogaya   sataccaya   padhanaya   evamassayam
catuttho cetaso vinibandho asamucchinno hoti.
     {229.3}  Puna  caparam  bhikkhave  bhikkhu  annataram  devanikayam panidhaya
brahmacariyam  carissati  1-  iminaham  silena  va  vattena  va  tapena va
brahmacariyena  va  devo  va  bhavissami  devannataro  vati . Yo so
bhikkhave   bhikkhu   annataram  devanikayam  panidhaya  brahmacariyam  carissati  2-
iminaham  silena  va  vattena  va tapena va brahmacariyena va devo va
bhavissami   devannataro   vati   tassa   cittam   na   namati   atappaya
anuyogaya sataccaya padhanaya.
     {229.4}  Yassa  cittam  na  namati  atappaya anuyogaya sataccaya
padhanaya  evamassayam  pancamo  cetaso  vinibandho  asamucchinno  hoti.
Imassa   panca  cetaso  vinibandha  asamucchinna  honti  .  yassa  kassaci
bhikkhave  bhikkhuno  ime  panca  cetokhila  appahina  ime  panca cetaso
vinibandha   asamucchinna   honti   3-   so  vatimasmim  dhammavinaye  vuddhim
virulhim vepullam apajjissatiti netam thanam vijjati.
@Footnote: 1-2 Ma. Yu. carati. 3 Ma. Yu. ayam patho natthi.
     [230]   Yassakassaci   bhikkhave  bhikkhuno  panca  cetokhila  pahina
panca    cetaso    vinibandha   samucchinna   so   vatimasmim   dhammavinaye
vuddhim virulhim vepullam apajjissatiti thanametam vijjati.
     [231]   Katamassa   panca   cetokhila   pahina   honti  .  idha
bhikkhave  bhikkhu  satthari  na  kankhati  na  vicikicchati  adhimuccati  sampasidati .
Yo   so   bhikkhave   bhikkhu  satthari  na  kankhati  na  vicikicchati  adhimuccati
sampasidati    tassa   cittam   namati   atappaya   anuyogaya   sataccaya
padhanaya   .   yassa   cittam   namati  atappaya  anuyogaya  sataccaya
padhanaya evamassayam pathamo cetokhilo pahino hoti.
     {231.1}  Puna  caparam  bhikkhave  bhikkhu  dhamme na kankhati na vicikicchati
adhimuccati   sampasidati  .pe.  sanghe  na  kankhati  na  vicikicchati  adhimuccati
sampasidati    .pe.   sikkhaya   na   kankhati   na   vicikicchati   adhimuccati
sampasidati  .  yo  so  bhikkhave  bhikkhu  sikkhaya  na  kankhati  na vicikicchati
adhimuccati   sampasidati   tassa   cittam  namati  .pe.  evamassayam  catuttho
cetokhilo pahino hoti.
     {231.2}  Puna  caparam  bhikkhave  bhikkhu  sabrahmacarisu na kupito hoti
na  anattamano  1-  na  ahatacitto  na khilajato. Yo so bhikkhave bhikkhu
sabrahmacarisu  na  kupito  hoti  na  anattamano  1- na ahatacitto 2- na
khilajato  tassa  cittam  namati  atappaya anuyogaya sataccaya padhanaya.
Yassa    cittam   namati   atappaya   anuyogaya   sataccaya   padhanaya
@Footnote: 1 Yu. attamano 2 Ma. Yu. anahatacitto akhilajato.
Evamassayam   pancamo   cetokhilo   pahino   hoti   .   imassa  panca
cetokhila pahina honti.
     [232]  Katamassa  panca  cetaso  vinibandha  susamucchinna  honti.
Idha   bhikkhave   bhikkhu   kame  vitarago  hoti  vigatacchando  vigatapemo
vigatapipaso   vigataparilaho   vigatatanho   .   yo  so  bhikkhave  bhikkhu
kame  vitarago  hoti  vigatacchando  vigatapemo vigatapipaso vigataparilaho
vigatatanho     tassa     cittam     namati     atappaya     anuyogaya
sataccaya    padhanaya   yassa   cittam   namati   atappaya   anuyogaya
sataccaya    padhanaya    evamassayam    pathamo    cetaso   vinibandho
susamucchinno hoti.
     {232.1}  Puna  caparam  bhikkhave  bhikkhu  kaye vitarago hoti .pe.
Rupe   vitarago  hoti  .pe.  puna  caparam  bhikkhave  bhikkhu  na  yavadattham
udaravadehakam   bhunjitva  seyyasukham  passasukham  middhasukham  ananuyunjanto  1-
viharati  .  yo  so  bhikkhave  bhikkhu  na  yavadattham udaravadehakam bhunjitva
seyyasukham   passasukham   middhasukham   ananuyunjanto   2-  viharati  tassa  cittam
namati   atappaya   anuyogaya  sataccaya  padhanaya  yassa  cittam  namati
atappaya   anuyogaya   sataccaya   padhanaya   evamassayam   catuttho
cetaso vinibandho susamucchinno hoti.
     {232.2}   Puna   caparam   bhikkhave  bhikkhu  na  annataram  devanikayam
panidhaya   brahmacariyam   carissati  3-  iminaham  silena  va  vattena  va
tapena     va     brahmacariyena    va    devo    va    bhavissami
@Footnote: 1-2 Ma. Yu. anuyutto. 3 Ma. Yu. carati.
Devannataro    vati   .   yo   so   bhikkhave   bhikkhu   na   annataram
devanikayam    panidhaya    brahmacariyam   carissati   iminaham   silena   va
vattena   va   tapena   va  brahmacariyena  va  devo  va  bhavissami
devannataro    vati    tassa    cittam   namati   atappaya   anuyogaya
sataccaya    padhanaya   yassa   cittam   namati   atappaya   anuyogaya
sataccaya    padhanaya    evamassayam    pancamo   cetaso   vinibandho
susamucchinno   hoti   .   imassa  panca  cetaso  vinibandha  susamucchinna
honti   .   yassa   kassaci   bhikkhave  bhikkhuno  ime  panca  cetokhila
pahina   ime   panca   cetaso   vinibandha   susamucchinna   honti  .
So    vatimasmim    dhammavinaye   vuddhim   virulhim   vepullam   apajjissatiti
thanametam vijjati.
     [233]   So  chandasamadhipadhanasankharasamannagatam  iddhipadam  bhaveti
viriyasamadhicittasamadhivimamsasamadhipadhanasankharasamannagatam iddhipadam
bhaveti  ussolhiyeva  pancami  .  sa  kho  so  bhikkhave  evam ussolhi
pannarasangasamannagato      bhikkhu     bhabbo     abhinibbhidaya     bhabbo
sambodhaya   bhabbo   anuttarassa  yogakkhemassa  adhigamaya  .  seyyathapi
bhikkhave   kukkutiya   andani   attha   va   dasa   va   dvadasa  va
tanassu   kukkutiya   samma   adhisayitani   samma   pariseditani  samma
paribhavitani  .  kincapi  tassa  kukkutiya  na  evam  iccha uppajjeyya
aho   vatime   kukkutapotaka   padanakhasikhaya   va   mukhatundakena   va
Andakosam    padaletva    sotthina    abhinibbhijjeyyunti    atha   kho
bhabba   va   te   kukkutapotaka   padanakhasikhaya  va  mukhatundakena  va
andakosam    padaletva    sotthina    abhinibbhijjitum    evameva   kho
bhikkhave     evam     ussolhipannarasangasamannagato     bhikkhu    bhabbo
abhinibbhidaya    bhabbo   sambodhaya   bhabbo   anuttarassa   yogakkhemassa
adhigamayati.
     Idamavoca    bhagava    attamana   te   bhikkhu   bhagavato   bhasitam
abhinandunti.
                 Cetokhilasuttam nitthitam chattham.
                     ------------



             The Pali Tipitaka in Roman Character Volume 12 page 205-211. https://84000.org/tipitaka/read/roman_read.php?B=12&A=4175&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=4175&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=12&item=226&items=8              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=16              Study Atthakatha :- https://84000.org/tipitaka/attha/attha.php?b=12&i=226              The Pali Atthakatha in Thai :- https://84000.org/tipitaka/atthapali/read_th.php?B=7&A=10006              The Pali Atthakatha in Roman :- https://84000.org/tipitaka/atthapali/read_rm.php?B=7&A=10006              Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]