PaliRoman Vol.12

Mahasaccakasuttam [405] Evamme sutam ekam samayam bhagava vesaliyam viharati mahavane kutagarasalayam . tena kho pana samayena bhagava pubbanhasamayam sunivattho hoti pattacivaramadaya vesaliyam pindaya pavisitukamo . Atha kho saccako niganthaputto janghaviharam anucankamamano anuvicaramano yena mahavanam kutagarasala tenupasankami . addasa kho ayasma anando saccakam niganthaputtam duratova agacchantam disvana bhagavantam etadavoca ayam bhante saccako niganthaputto agacchati bhassappavadiko panditavado sadhusammato bahujanassa eso kho bhante avannakamo buddhassa avannakamo dhammassa avannakamo sanghassa sadhu bhante bhagava muhuttam nisidatu anukampam upadayati . nisidi bhagava pannatte asane . atha kho saccako niganthaputto yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi. [406] Ekamantam nisinno kho saccako niganthaputto bhagavantam etadavoca santi bho gotama eke samanabrahmana kayabhavananuyogamanuyutta viharanti no cittabhavanam . phusanti hi bho gotama saririkam dukkhavedanam . bhutapubbam bho gotama saririkaya dukkhaya vedanaya phutthassa sato urukkhambhopi nama bhavissati hadayampi Nama phalissati unhampi lohitam mukhato uggamissati ummadampi papunissanti ^1- cittakkhepam . tassa kho etam bho gotama kayanvayam cittam hoti kayassa vasena vattati tam kissa hetu abhavitatta cittassa . Santi pana bho gotama eke samanabrahmana cittabhavananuyogamanuyutta viharanti no kayabhavanam . phusanti hi bho gotama cittacetasikam dukkham vedanam . bhutapubbam bho gotama cetasikaya dukkhaya vedanaya phutthassa sato urukkhambhopi nama bhavissati hadayampi nama phalissati unhampi lohitam mukhato uggamissati ummadampi papunissanti ^1- cittakkhepam . tassa kho eso bho gotama cittanvayo kayo hoti cittassa vasena vattati tam kissa hetu abhavitta kayassa . Tassa mayham bho gotama evam hoti addha bhoto gotamassa savaka cittabhavananuyogamanuyutta viharanti no kayabhavananti. [407] Kinti pana te aggivessana kayabhavana sutati . Seyyathidam nando vaccho kiso sankicco makkhali gosalo ete hi bho gotama acelaka muttacara hatthavalekhana na ehibhadantika na titthabhadantika ^2- na abhihatam na uddissa katam na nimantanam sadiyanti te na kumbhimukha patigganhanti na kalopimukha patigganhanti na elakamantaram na dandamantaram na musalamantaram na dvinnam bhunjamananam na gabbhiniya na payamanaya na purisantaragataya na sankittisu na yattha sa upatthito hoti na yattha makkhika @Footnote: ¹ Po. Ma. papunissati. ² Ma. na titthabhaddantika. Sandasandacarini na maccham na mamsam na suram na merayam na thusodakam pivanti te ekagarika va honti ekalopika dvagarika va honti dvalopika .pe. sattagarika va honti sattalopika ekissapi dattiya yapenti dvihipi dattihi yapenti .pe. sattahipi dattihi yapenti ekahikampi aharam aharenti dvihikampi aharam aharenti .pe. sattahikampi aharam aharenti iti evarupam addhamasikampi pariyayabhattabhojananuyogamanuyutta viharantiti. {407.1} Kim pana te aggivessana tavatakeneva yapentiti. No hidam bho gotama appekada bho gotama ularani ularani khadaniyani khadanti ularani ularani bhojanani bhunjanti ularani ularani sayaniyani sayanti ularani ularani panani pivanti te imam kayam balam gahenti nama bruhenti nama medenti namati . yam kho te aggivessana purimam pahaya paccha upacinanti evam imassa kayassa acayapacayo hoti. [408] Kinti pana te aggivessana cittabhavana sutati . Cittabhavanaya ^[1]- saccako niganthaputto bhagavata puttho samano na sampayasi . atha kho bhagava saccakam niganthaputtam etadavoca yapi kho te esa aggivessana purima kayabhavana bhavita sapi ariyassa vinaye no dhammika kayabhavana kayabhavanampi kho tvam aggivessana na annasi kuto pana tvam cittabhavanam @Footnote: ¹ Ma. kho. Janissasi apica aggivessana yatha abhavitakayo ca hoti abhavitacitto ca bhavitakayo ca hoti bhavitacitto ca tam sunahi sadhukam manasikarohi bhasissamiti . evam bhoti kho saccako niganthaputto bhagavato paccassosi. [409] Bhagava etadavoca kathanca aggivessana abhavitakayo ca hoti abhavitacitto ca . idha aggivessana assutavato puthujjanassa uppajjati sukha vedana so sukhaya vedanaya phuttho samano sukhasaragi ca hoti sukhasaragitam ca apajjati tassa sa sukha vedana nirujjhati sukhaya vedanaya nirodha uppajjati dukkha vedana so dukkhaya vedanaya phuttho samano socati kilamati paridevati urattalim kandati sammoham apajjati tassa kho esa aggivessana uppannapi sukha vedana cittam pariyadaya titthati abhavitatta kayassa uppannapi dukkha vedana cittam pariyadaya titthati abhavitatta cittassa yassakassaci aggivessana evam ubhatopakkham uppannapi sukha vedana cittam pariyadaya titthati abhavitatta kayassa uppannapi dukkha vedana cittam pariyadaya titthati abhavitatta cittassa evam kho aggivessana abhavitakayo ca hoti abhavitacitto ca. {409.1} Kathanca aggivessana bhavitakayo ca hoti bhavitacitto ca . idha aggivessana sutavato ariyasavakassa uppajjati sukha vedana so sukhaya vedanaya phuttho samano na Sukhasaragi ^[1]- hoti na sukhasaragitam apajjati tassa sa sukha vedana nirujjhati sukhaya vedanaya nirodha uppajjati dakkha vedana so dukkhaya vedanaya phuttho samano na socati na kilamati na paridevati na urattalim kandati na sammoham apajjati tassa kho evam sa aggivessana uppannapi sukha vedana cittam na pariyadaya titthati bhavitatta kayassa uppannapi dukkha vedana cittam na pariyadaya titthati bhavitatta cittassa yassakassaci aggivessana ubhatopakkham ^2- uppannapi sukha vedana cittam na pariyadaya titthati bhavitatta kayassa uppannapi dukkha vedana cittam na pariyadaya titthati bhavitatta cittassa evam kho aggivessana bhavitakayo ca hoti bhavitacitto cati . evam pasanno aham bhoto gotamassa bhavam hi gotamo bhavitakayo ca hoti bhavitacitto cati. [410] Addha kho te ayam aggivessana asajja upaniya vaca bhasita apica te aham byakarissami yato kho aham aggivessana kesamassum oharetva kasayani vatthani acchadetva agarasma anagariyam pabbajito tam vata me uppanna va sukha vedana cittam pariyadaya thassati uppanna va dukkha vedana cittam pariyadaya thassatiti netam thanam vijjatiti . naha nuna bhoto gotamassa uppajjati tatharupa sukha vedana yatharupa uppanna sukha vedana cittam pariyadaya tittheyya naha nuna bhoto gotamassa @Footnote: ¹ Ma. ca. ² Po. Ma. evam ubhatopakkham. Uppajjati tatharupa dukkha vedana yatharupa uppanna dukkha vedana cittam pariyadaya tittheyyati. [411] Kinhi no siya aggivessana idha aggivessana pubbeva sambodha anabhisambuddhassa bodhisattasseva sato etadahosi sambadho gharavaso rajapatho abbhokaso pabbajja nayidam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum yannunaham kesamassum oharetva kasayani vatthani acchadetva agarasma anagariyam pabbajeyyanti . so kho aham aggivessana aparena samayena daharova samano susukalakeso bhadrena yobbanena samannagato pathamena vayasa akamakanam matapitunam assumukhanam rodantanam kesamassum oharetva kasayani vatthani acchadetva agarasma anagariyam pabbajim. {411.1} So ^[1]- pabbajito samano kimkusalagavesi anuttaram santivarapadam pariyesamano yena alaro kalamo tenupasankamim upasankamitva alaram kalamam etadavocam icchamaham avuso kalama imasmim dhammavinaye brahmacariyam caritunti . evam vutte aggivessana alaro kalamo mam etadavoca viharatayasma tadiso ayam dhammo nattha vinnu puriso nacirasseva sakam acariyakam sayam abhinna sacchikatva upasampajja vihareyyati . so kho aham aggivessana nacirasseva khippameva tam dhammam pariyapunim . so kho aham aggivessana tavatakeneva otthapahatamattena lapitalapanamattena @Footnote: ¹ Ma. evam. Nanavadanca vadami theravadanca janami passamiti ca patijanami ahanceva anne ca . tassa mayham aggivessana etadahosi na kho alaro kalamo imam dhammam kevalam saddhamattakena sayam abhinna sacchikatva upasampajja viharamiti pavedeti addha alaro kalamo imam dhammam janam passam viharatiti . atha khvaham aggivessana yena alaro kalamo tenupasankamim upasankamitva alaram kalamam etadavocam kittavata no avuso kalama imam dhammam sayam abhinna sacchikatva upasampajja ^[1]- pavedesiti. {411.2} Evam vutte aggivessana alaro kalamo akincannayatanam pavedesi . tassa mayham aggivessana etadahosi na kho alarasseva kalamassa atthi saddha mayhampatthi saddha na kho alarasseva kalamassa atthi viriyam mayhampatthi viriyam na kho alarasseva kalamassa atthi sati mayahampatthi sati na kho alarasseva kalamassa atthi samadhi mayhampatthi samadhi na kho alarasseva kalamassa atthi panna mayhampatthi panna yannu naham yam dhammam alaro kalamo sayam abhinna sacchikatva upasampajja viharamiti pavedeti tassa dhammassa sacchikiriyaya padaheyyanti. {411.3} So kho aham aggivessana nacirasseva khippameva tam dhammam sayam abhinna sacchikatva upasampajja vihasim . atha khvaham aggivessana yena alaro kalamo tenupasankamim upasankamitva alaram kalamam etadavocam ettavata no avuso @Footnote: ¹ Ma. viharamiti. ito param evam natabbam. Kalama imam dhammam sayam abhinna sacchikatva upasampajja pavedesiti . Ettavata kho aham avuso imam dhammam sayam abhinna sacchikatva upasampajja pavedemiti . ahampi kho avuso ettavata imam dhammam sayam abhinna sacchikatva upasampajja viharamiti . labha no avuso suladdham no avuso ye mayam ayasmantam tadisam sabrahmacarim passama iti yaham dhammam sayam abhinna sacchikatva upasampajja pavedemi tam tvam dhammam sayam abhinna sacchikatva upasampajja viharasi yam tvam dhammam sayam abhinna sacchikatva upasampajja viharasi tamaham dhammam sayam abhinna sacchikatva upasampajja pavedemi iti yaham dhammam janami tam tvam dhammam janasi yam tvam dhammam janasi tamaham dhammam janami iti yadiso aham tadiso tuvam yadiso tuvam tadiso aham ehidani avuso ubho vasanta imam ganam pariharamati. {411.4} Iti kho aggivessana alaro kalamo acariyo me samano antevasim mam samanam attano samasamam thapesi ularaya ca mam pujaya pujesi . tassa mayham aggivessana etadahosi nayam dhammo nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yavadeva akincannayatanupapattiyati. So kho aham aggivessana tam dhammam analankaritva tasma dhamma nibbijja apakkamim. [412] So kho aham aggivessana kimkusalagavesi anuttaram Santivarapadam pariyesamano yena uddako ramaputto tenupasankamim upasankamitva uddakam ramaputtam etadavocam icchamaham avuso rama imasmim dhammavinaye brahmacariyam caritunti . evam vutte aggivessana uddako ramaputto mam etadavoca viharatayasma tadiso ayam dhammo yattha vinnu puriso nacirasseva sakam acariyakam sayam abhinna sacchikatva upasampajja vihareyyati . so kho aham aggivessana nacirasseva khippameva tam dhammam pariyapunim . so kho aham aggivessana tavatakeneva otthapahatamattena lapitalapanamattena nanavadanca vadami theravadanca janami passamiti ca patijanami ahanceva anne ca . tassa mayham aggivessana etadahosi na kho ramo imam dhammam kevalam saddhamattakena sayam abhinna sacchikatva upasampajja viharamiti pavedeti addha ramo imam dhammam janam passam viharatiti. {412.1} Atha khvaham aggivessana yena uddako ramaputto tenupasankamim upasankamitva uddakam ramaputtam etadavocam kittavata no avuso rama imam dhammam sayam abhinna sacchikatva upasampajja pavedesiti . evam vutte aggivessana uddako ramaputto nevasannanasannayatanam pavedesi . tassa mayham aggivessana etadahosi na kho ramasseva ahosi saddha mayhampatthi saddha na kho ramasseva ahosi viriyam mayahampatthi viriyam na kho ramasseva ahosi sati mayhampatthi sati na kho ramasseva ahosi samadhi Mayhampatthi samadhi na kho ramasseva ahosi panna mayhampatthi panna yannunaham yam dhammam ramo sayam abhinna sacchikatva upasampajja viharamiti pavedeti tassa dhammassa sacchikiriyaya padaheyyanti . so kho aham aggivessana nacirasseva khippameva tam dhammam sayam abhinna sacchikatva upasampajja vihasim . atha khvaham aggivessana yena uddako ramaputto tenupasankamim upasankamitva uddakam ramaputtam etadavocam kittavata ^1- no avuso rama imam dhammam sayam abhinna sacchikatva upasampajja pavedesiti. {412.2} Ettavata kho aham avuso imam dhammam sayam abhinna sacchikatva upasampajja pavedemiti . ahampi kho avuso ettavata imam dhammam sayam abhinna sacchikatva upasampajja viharamiti . labha no avuso suladdham no avuso ye mayam ayasmantam tadisam sabrahmacarim passama iti yam dhammam ramo sayam abhinna sacchikatva upasampajja pavedesi tam tvam dhammam sayam abhinna sacchikatva upasampajja viharasi yam tvam dhammam sayam abhinna sacchikatva upasampajja viharasi tam dhammam ramo sayam abhinna sacchikatva upasampajja pavedesi iti yam dhammam ramo annasi ^2- tam tvam dhammam pajanasi yam dhammam janasi tam dhammam ramo annasi ^3- iti yadiso ramo ahosi tadiso tuvam yadiso tuvam tadiso ramo ahosi ehidani avuso ubho vasanta imam ganam pariharamati . iti kho aggivessana @Footnote: ¹ Ma. ettavata. 2-3 Po. Ma. abhinnasi. Uddako ramaputto sabrahmacari me samano acariyatthaneva mam thapesi ularaya ca mam pujaya pujesi . tassa mayham aggivessana etadahosi nayam dhammo nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yavadeva nevasannanasannayatanupapattiyati . so kho aham aggivessana tam dhammam analankaritva tasma dhamma nibbijja apakkamim. [413] So kho aham aggivessana kimkusalagavesi anuttaram santivarapadam pariyesamano magadhesu anupubbena carikancaramano yena uruvela senanigamo tadavasarim . tatthaddasam ramaniyam bhumibhagam pasadikanca vanasandam nadinca sandantim ^1- setakam supatittham ramaniyam samanta ^[2]- gocaragamam . tassa mayham aggivessana etadahosi ramaniyo vata bho bhumibhago pasadiko ca vanasando nadi ca sandati setaka supatittha ramaniya samanta ^[3]- gocaragamo . alamidam kulaputtassa padhanikassa padhanayati . so kho aham aggivessana tattheva nisidim alamidam padhanayati. [414] Apissu mam aggivessana tisso upama patibhamsu anacchariya pubbe assutapubba . seyyathapi aggivessana allam kattham sasneham udake nikkhittam . atha puriso agaccheyya uttararanim adaya aggim abhinibbattessami tejo ^4- patukarissamiti . tam kim mannasi aggivessana api nu so puriso amum allam kattham sasneham udake @Footnote: ¹ Ma. sandatim. 2-3 Po. Ma. ca . ⁴ Po. tejodhatum karissamiti. Nikkhittam uttararanim adaya abhimatthento aggim abhinibbatteyya tejo ^1- patukareyyati . no hidam bho gotama tam kissa hetu adunhi bho gotama allam kattham sasneham tanca pana udake nikkhittam yavadeva ca pana so puriso kilamathassa vighatassa bhagi assati evameva kho aggivessana ye hi keci samana va brahmana va kayena ceva ^[3]- kamehi avupakattha viharanti yo ca nesam kamesu kamachando kamasneho kamamuccha kamapipasa kamaparilaho so ca ajjhattam na supahino hoti na supatippassaddho. Opakkamika cepi te bhonto samanabrahmana dukkha tippa khara katuka vedana vediyanti abhabbava te nanaya dassanaya anuttaraya sambodhaya . no cepi te bhonto samanabrahmana opakkamika dukkha tippa khara katuka vedana vediyanti abhabbava te nanaya dassanaya anuttaraya sambodhaya . ayam kho mam aggivessana pathama upama patibhasi anacchariya pubbe assutapubba. [415] Aparapi kho mam aggivessana dutiya upama patibhasi anacchariya pubbe assutapubba . seyyathapi aggivessana allam kattham sasneham araka udaka thale nikkhittam . atha puriso agaccheyya uttararanim adaya aggim abhinibbattessami tejo patukarissamiti . tam kim mannasi aggivessana api nu kho puriso amum allam kattham sasneham araka udaka thale nikkhittam uttararanim @Footnote: ¹ Po. tejodhatum kareyyati. ² yevati padena bhavitabbam. ³ Ma. cittena ca. Adaya abhimatthento ^1- aggim abhinibbatteyya tejo patukareyyati. No hidam bho gotama tam kissa hetu adunhi bho gotama allam kattham sasneham kincapi araka udaka thale nikkhittam yavadeva ca pana so puriso kilamathassa vighatassa bhagi assati . evameva kho aggivessana ye hi keci samana va brahmana va kayena ceva ^2- ^[3]- kamehi vupakattha viharanti yo ca nesam kamesu kamachando kamasneho kamamuccha kamapipasa kamaparilaho so ca ajjhattam na supahino hoti na supatippassaddho . opakkamika cepi te bhonto samanabrahmana dukkha tippa khara katuka vedana vediyanti abhabbava te nanaya dassanaya anuttaraya sambodhaya . no cepi te bhonto samanabrahmana opakkamika dukkha tippa khara katuka vedana vediyanti abhabbava te nanaya dassanaya anuttaraya sambodhaya . ayam kho mam aggivessana dutiya upama patibhasi anacchariya pubbe assutapubba. [416] Aparapi kho mam aggivessana tatiya upama patibhasi anacchariya pubbe assutapubba . seyyathapi aggivessana sukkham kattham kolapam udaka thale nikkhittam . atha puriso agaccheyya uttararanim adaya aggim abhinibbattessami tejo patukarissamiti . Tam kim mannasi aggivessana api nu kho so puriso amum sukkham kattham kolapam araka udaka thale nikkhittam uttararanim @Footnote: ¹ Ma. abhimanthento. ² yevatipadena bhavitabbam. ³ Ma. cittena ca. Adaya abhimatthento aggim abhinibbatteyya tejo patukareyyati . Evam bho gotama tam kissa hetu adunhi bho gotama sukkham kattham kolapam tanca pana araka udaka thale nikkhittanti. Evameva kho aggivessana ye hi keci samana va brahmana va kayena ceva ^1- ^[2]- kamehi vupakattha viharanti yo ca nesam kamesu kamachando kamasneho kamamuccha kamapipasa kamaparilaho so ca ajjhattam supahino hoti supatippassaddho . opakkamika cepi te bhonto samanabrahmana dukkha tippa khara katuka vedana vediyanti bhabbava te nanaya dassanaya anuttaraya sambodhaya . no cepi te bhonto samanabrahmana opakkamika dukkha tippa khara katuka vedana vediyanti bhabbava te nanaya dassanaya anuttaraya sambodhaya . ayam kho mam aggivessana tatiya upama patibhasi anacchariya pubbe assutapubba . ima kho mam aggivessana tisso upamayo patibhamsu anacchariya pubbe assutapubba. [417] Tassa mayham aggivessana etadahosi yannunaham dantebhi dantamadhaya jivhaya talum ahacca cetasa cittam abhinigganheyyam abhinippileyyam abhisantapeyyanti . so kho aham aggivessana dantebhi dantamadhaya jivhaya talum ahacca cetasa cittam abhinigganhami abhinippilemi abhisantapemi tassa mayham aggivessana dantebhi dantamadhaya jivhaya talum ahacca cetasa cittam abhinigganhato @Footnote: ¹ yevatipadena bhavitabbam. ² Ma. cittena ca. Abhinippilayato abhisantapayato kacchehi seda muccanti . seyyathapi aggivessana balava puriso dubbalataram purisam sise va gahetva khandhe va gahetva abhinigganheyya abhinippileyya abhisantapeyya evameva kho me aggivessana dantebhi dantamadhaya jivhaya talum ahacca cetasa cittam abhinigganhato abhinippilayato abhisantapayato kacchehi seda muccanti . araddham kho pana me aggivessana viriyam hoti asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato . evarupapi kho me aggivessana uppanna dukkha vedana cittam na pariyadaya titthati. [418] Tassa mayham aggivessana etadahosi yannunaham appanakamyeva jhanam jhayeyyanti . so kho aham aggivessana mukhato ca nasato ca assasapassase uparundhim . tassa mayham aggivessana mukhato ca nasato ca assasapassasesu uparuddhesu kannasotehi vatanam nikkhantanam adhimatto saddo hoti . Seyyathapi nama kammaragaggariya dhamamanaya adhimatto saddo hoti evameva kho me aggivessana mukhato ca nasato ca assasapassasesu uparuddhesu kannasotehi vatanam nikkhantanam adhimatto saddo hoti . araddham kho pana me aggivessana viriyam hoti asallinam upatthita sati appammuttha saraddho ca Pana me kayo hoti appatippassaddho teneva dukkhappadhanena padhanabhitunnassa sato . evarupapi kho aggivessana uppanna dukkha vedana cittam na pariyadaya titthati. [419] Tassa mayham aggivessana etadahosi yannunaham appanakamyeva jhanam jhayeyyanti . so kho aham aggivessana mukhato ca nasato ca kannato ca assasapassase uparundhim . Tassa mayham aggivessana mukhato ca nasato ca kannato ca assasapassasesu uparuddhesu adhimatta vata muddhanam ohananti . Seyyathapi aggivessana balava puriso tinhena sikharena muddhanam ^1- abhimattheyya evameva kho me aggivessana mukhato ca nasato ca kannato ca assasapassasesu uparuddhesu adhimatta vata muddhanam ^1- ohananti . araddham kho pana me aggivessana viriyam hoti asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato . Evarupapi kho me aggivessana uppanna dukkha vedana cittam na pariyadaya titthati. [420] Tassa mayham aggivessana etadahosi yannunaham appanakamyeva jhanam jhayeyyanti . so kho aham aggivessana mukhato ca nasato ca kannato ca assasapassase uparundhim . Tassa mayham aggivessana mukhato ca nasato ca kannato ca @Footnote: ¹ Ma. muddhani. Assasapassasesu uparuddhesu adhimatta sise sisavedana honti . Seyyathapi aggivessana balava puriso galhena varattakkhandhena sise sisavetthanam dadeyya evameva kho me aggivessana mukhato ca nasato ca kannato ca assasapassasesu uparuddhesu adhimatta sise sisavedana honti . araddham kho pana me aggivessana viriyam hoti asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato . evarupapi kho me aggivessana uppanna dukkha vedana cittam na pariyadaya titthati. [421] Tassa mayham aggivessana etadahosi yannunaham appanakamyeva jhanam jhayeyyanti . so kho aham aggivessana mukhato ca nasato ca kannato ca assasapassase uparundhim . Tassa mayham aggivessana mukhato ca nasato ca kannato ca assasapassasesu uparuddhesu adhimatta vata kucchim parikantanti . Seyyathapi aggivessana dakkho goghatako va goghatakantevasi va tinhena govikantanena kucchim parikanteyya evameva kho me aggivessana mukhato ca nasato ca kannato ca assasapassasesu uparuddhesu adhimatta vata kucchim parikantanti . araddham kho pana me aggivessana viriyam hoti asallinam upatthita sati appammuttha saraddho ca pana me kayo hoti appatippassaddho teneva Dukkhappadhanena padhanabhitunnassa sato . evarupapi kho me aggivessana uppanna dukkha vedana cittam na pariyadaya titthati. [422] Tassa mayham aggivessana etadahosi yannunaham appanakamyeva jhanam jhayeyyanti . so kho aham aggivessana mukhato ca nasato ca kannato ca assasapassase uparundhim . Tassa mayham aggivessana mukhato ca nasato ca kannato ca assasapassasesu uparuddhesu adhimatto kayasmim daho hoti . Seyyathapi aggivessana dve balavanto purisa dubbalataram purisam nanabahasu gahetva angarakasuya santapeyyum samparitapeyyum evameva ^[1]- kho aggivessana mukhato ca nasato ca kannato ca assasapassasesu uparuddhesu adhimatto kayasmim daho hoti. {422.1} Araddham kho pana me aggivessana viriyam hoti asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato . Evarupapi kho me aggivessana uppanna dukkha vedana cittam na pariyadaya titthati . apissu mam aggivessana devata disva evamahamsu kalakato samano gotamoti . ekacca devata evamahamsu na kalakato samano gotamo apica kalam karotiti . ekacca devata evamahamsu na kalakato samano gotamo napi kalam karoti araham samano gotamo viharo tveva so arahato evarupo hotiti. @Footnote: ¹ Ma. me. [423] Tassa mayham aggivessana etadahosi yannunaham sabbaso aharupacchedaya patipajjeyyanti . atha kho mam aggivessana devata upasankamitva etadavocum ma kho tvam marisa sabbaso aharupacchedaya patipajji sace kho tvam marisa sabbaso aharupacchedaya patipajjissasi tassa te mayam dibbam ojam lomakupehi ajjhoharissama taya tvam yapessasiti . tassa mayham aggivessana etadahosi ahanceva kho pana sabbaso jaddhukam ^1- patijaneyyam ima ca me devata dibbam ojam lomakupehi ajjhohareyyum taya caham yapeyyam tam mama assa musati . so kho aham aggivessana ta devata paccacikkhami alanti vadami. [424] Tassa mayham aggivessana etadahosi yannunaham thokam thokam aharam ahareyyam pasatam pasatam yadi va muggayusam yadi va kulatthayusam yadi va kalayayusam yadi va harenukayusanti . So kho aham aggivessana thokam thokam aharam aharesim pasatam pasatam yadi va muggayusam yadi va kulatthayusam yadi va kalayayusam yadi va harenukayusam . tassa mayham aggivessana thokam thokam aharam aharayato pasatam pasatam yadi va muggayusam yadi va kulatthayusam yadi va kalayayusam yadi va harenukayusam adhimattakasimanam patto me kayo hoti . seyyathapi nama asitikapabbani va kalapabbani va @Footnote: ¹ Ma. ajajjitam. Yu. ajaddhukam. Evamevassu me angapaccangani bhavanti tayevappaharataya . Seyyathapi nama otthapadam evamevassu me anisadam hoti tayevappaharataya . seyyathapi nama vattanavalli evamevassu me pitthikantako unnatavanato hoti tayevappaharataya . seyyathapi nama jarasalaya gopanasiyo oluggavilugga bhavanti evamevassu me phasuliyo oluggavilugga bhavanti tayevappaharataya. {424.1} Seyyathapi nama gambhire udapane udakataraka gambhiragata okkhayika dissanti evamevassu me akkhikupe ^1- akkhitaraka gambhiragata okkhayika dissanti tayevappaharataya . seyyathapi nama tittikalabu amakacchinno vatatapena samphusito hoti sammilato evamevassu me sise sisacchavi samphusita hoti sammilata tayevappaharataya . so kho aham aggivessana udaracchavim parimasissamiti pitthikantakamyeva parigganhami pitthikantakam parimasissamiti udaracchavimyeva parigganhami yavassu me aggivessana udaracchavi pitthikantakam allina hoti tayevappaharataya. {424.2} So kho aham aggivessana vaccam va muttam va karissamiti tattheva avakujjo papatami tayevappaharataya. So kho aham aggivessana imameva kayam assasento panina gattani anumajjami tassa mayham aggivessana panina gattani anomajjato putimulani lomani kayasma papatanti tayevappaharataya . apissu mam aggivessana @Footnote: ¹ Ma. akkhikupesu. Manussa disva evamahamsu kalo samano gotamoti . ekacce manussa evamahamsu na kalo samano gotamo samo samano gotamoti . ekacce manussa evamahamsu na kalo samano gotamo napi samo manguracchavi samano gotamoti . yavassu me aggivessana tava parisuddho chavivanno pariyodato upahato hoti tayevappaharataya. [425] Tassa mayham aggivessana etadahosi ye kho keci atitamaddhanam samana va brahmana va opakkamika dukkha tippa khara katuka vedana vediyimsu etavaparamam nayito bhiyyo . Yekeci ^1- anagatamaddhanam samana va brahmana va opakkamika dukkha tippa khara katuka vedana vediyissanti etavaparamam nayito bhiyyo . yekeci ^2- etarahi samana va brahmana va opakkamika dukkha tippa khara katuka vedana vediyanti etavaparamam nayito bhiyyo . na kho panaham imaya katukaya dukkarakiriyaya adhigacchami uttari manussadhamma alamariyananadassanavisesam . siya nu kho anno maggo bodhayati . tassa mayham aggivessana etadahosi abhijanami kho panaham pitu sakkassa kammante sitaya jambuchayaya nisinno vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharita siya nu kho eso maggo bodhayati . tassa mayham aggivessana @Footnote: ^1-2 Ma. yepi hi keci. Satanusarivinnanam ahosi eseva maggo bodhayati . tassa mayham aggivessana etadahosi kinnu kho aham tassa sukhassa bhayami yantam sukham annatreva kamehi annatra akusalehi dhammehiti . Tassa mayham aggivessana etadahosi na kho aham tassa sukhassa bhayami yantam annatreva kamehi annatra akusalehi dhammehiti. [426] Tassa mayham aggivessana etadahosi na kho tam sukaram sukham adhigantum ^[1]- adhimattakasimanam pattakayena yannunaham olarikam aharam ahareyyam odanam kummasanti . so kho aham aggivessana olarikam aharam aharemi ^2- odanam kummasam . tena kho pana samayena aggivessana panca bhikkhu paccupatthita honti yanno ^3- samano gotamo dhammam adhigamissati tanno arocessatiti . yato kho aham aggivessana olarikam aharam aharesim odanam kummasam atha me te panca bhikkhu nibbijja pakkamimsu bahulliko samano gotamo padhanavibbhanto avatto bahullayati. [427] So kho aham aggivessana olarikam aharam aharetva balam gahetva vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja vihasim . evarupapi kho me aggivessana uppanna sukha vedana cittam na pariyadaya titthati . vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam ... tatiyam @Footnote: ¹ Ma. evam. ² Ma. aharesim. ³ Ma. yam kho. Jhanam ... catuttham jhanam upasampajja vihasim . evarupapi kho me aggivessana uppanna sukha vedana cittam na pariyadaya titthati. So evam samahite citte parisuddhe pariyodate anangane vigatupakkilese mudubhute kammaniye thite anenjappatte pubbenivasanussatinanaya cittam abhininnamesim . so anekavihitam pubbenivasam anussarami seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarami . ayam kho me aggivessana rattiya pathame yame pathama vijja adhigata avijja vihata vijja uppanna tamo vihato aloko uppanno yathatam appamattassa atapino pahitattassa viharato . evarupapi kho me aggivessana uppanna sukha vedana cittam na pariyadaya titthati. [428] So evam samahite citte parisuddhe pariyodate anangane vigatupakkilese mudubhute kammaniye thite anenjappatte sattanam cutupapatananaya cittam abhininnamesim . so dibbena cakkhuna visuddhena atikkantamanusakena satte passami cavamane upapajjamane hine panite suvanne dubbanne sugate duggate yathakammupage satte pajanami .pe. ayam kho me aggivessana rattiya majjhime yame dutiya vijja adhigata avijja vihata vijja uppanna tamo vihato aloko uppanno yathatam appamattassa atapino pahitattassa viharato . evarupapi kho me Aggivessana uppanna sukha vedana cittam na pariyadaya titthati. [429] So evam samahite citte parisuddhe pariyodate anangane vigatupakkilese mudubhute kammaniye thite anenjappatte asavanam khayananaya cittam abhininnamesim . so idam dukkhanti yathabhutam abbhannasim ayam dukkhasamudayoti yathabhutam abbhannasim ayam dukkhanirodhoti yathabhutam abbhannasim ayam dukkhanirodhagamini patipadati yathabhutam abbhannasim ime asavati yathabhutam abbhannasim ayam asavasamudayoti yathabhutam abbhannasim ayam asavanirodhoti yathabhutam abbhannasim ayam asavanirodhagamini patipadati yathabhutam abbhannasim . tassa me evam janato evam passato kamasavapi cittam vimuccittha bhavasavapi cittam vimuccittha avijjasavapi cittam vimuccittha .pe. naparam itthattayati abbhannasim . ayam kho me aggivessana rattiya pacchime yame tatiya vijja adhigata avijja vihata vijja uppanna tamo vihato aloko uppanno yathatam appamattassa atapino pahitattassa viharato . evarupapi kho me aggivessana uppanna sukha vedana cittam na pariyadaya titthati. [430] Abhijanami kho panaham aggivessana anekasataya parisaya dhammam deseta . apissu mam ekameko evam mannati mamevarabbha samano gotamo dhammam desetiti . na kho panetam aggivessana evam datthabbam yavadeva vinnapanatthaya tathagato sammadeva tesam ^1- @Footnote: ¹ Ma. paresam. Dhammam desetiti . so kho aham aggivessana tassayeva gathaya pariyosane tasmimyeva purimasmim samadhinimitte ajjhattameva cittam santhapemi sannisidami samadahami ekodim karomi yena sudam niccakappam viharamiti . okappaniyametam bhoto gotamassa yathatam arahato sammasambuddhassa abhijanati kho pana bhavam gotamo diva supitati . abhijanamaham aggivessana gimhanam pacchime mase pacchabhattam pindapatapatikkanto catugunam sanghatim pannapetva dakkhinena passena sato sampajano niddam okkamitati . etam kho bho gotama eke samanabrahmana sammohaviharasmim vadantiti . Na kho aggivessana ettavata sammulho va hoti asammulho va apica aggivessana yatha sammulho va hoti asammulho va tam sunahi sadhukam manasikarohi bhasissamiti . evam bhoti kho saccako niganthaputto bhagavato paccassosi. [431] Bhagava etadavoca kathanca aggivessana sammulho hoti yassakassaci aggivessana ye asava sankilesika ponobbhavika sadara dukkhavipaka ayatim jatijaramaraniya appahina tamaham sammulhoti vadami asavanam hi aggivessana appahana sammulho hoti . Yassa kassaci aggivessana ye asava sankilesika ponobbhavika sadara dukkhavipaka ayatim jatijaramaraniya pahina tamaham asammulhoti vadami asavanam hi aggivessana pahana asammulho hoti . Tathagatassa kho aggivessana ye asava sankilesika ponobbhavika sadara dukkhavipaka ayatim jatijaramaraniya pahina ucchinnamula talavatthukata anabhavangata ayatim anuppadadhamma . seyyathapi nama aggivessana talo matthakacchinno abhabbo puna virulhiya evameva kho aggivessana tathagatassa ye asava sankilesika ponobbhavika sadara dukkhavipaka ayatim jatijaramaraniya pahina ucchinnamula talavatthukata anabhavangata ayatim anuppadadhammati. [432] Evam vutte saccako niganthaputto bhagavantam etadavoca acchariyam bho gotama abbhutam bho gotama yavancidam bhoto gotamassa evam asajja asajja vuccamanassa upanitehi vacanapathehi samudacariyamanassa chavivanno ceva pariyodayati mukhavanno ca vippasidati yathatam arahato sammasambuddhassa abhijanamaham bho gotama puranam kassapam vadena vadam samarabhita sopi maya vadena vadam samaraddho annenannam paticari bahiddha katham apanamesi kopanca dosanca appaccayanca patvakasi bhoto pana gotamassa evam asajja asajja vuccamanassa upanitehi vacanapathehi samudacariyamanassa chavivanno ceva pariyodayati mukhavanno ca vippasidati yathatam arahato sammasambuddhassa abhijanamaham bho gotama makkhalim gosalam ... ajitam kesakambalam ... Pakudham kaccayanam ... Sanjayam velatthaputtam ... nigantham nataputtam vadena vadam samarabhita sopi Maya vadena vadam samaraddho annenannam paticari bahiddha katham apanamesi kopanca dosanca appaccayanca patvakasi bhoto pana gotamassa evam asajja asajja vuccamanassa upanitehi vacanapathehi samudacariyamanassa chavivanno ceva pariyodayati mukhavanno ca vippasidati yathatam arahato sammasambuddhassa handa cadani mayam bho gotama gacchama bahukicca ^[1]- bahukaraniyati . Yassadani tvam aggivessana kalam mannasiti. Atha kho saccako niganthaputto bhagavato bhasitam abhinanditva anumoditva utthayasana pakkamiti. Mahasaccakasuttam nitthitam chattham. --------- @Footnote: ¹ Ma. mayam.

The Pali Tipitaka in Roman Character Volume 12 page 437-463. https://84000.org/tipitaka/read/roman_read.php?B=12&A=8844&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=8844&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=405&items=28 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=36 Study Atthakatha :- https://84000.org/tipitaka/attha/attha.php?b=12&i=405 The Pali Atthakatha in Thai :- https://84000.org/tipitaka/atthapali/read_th.php?B=8&A=4890 The Pali Atthakatha in Roman :- https://84000.org/tipitaka/atthapali/read_rm.php?B=8&A=4890 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12