PaliRoman Vol.13

page54.

Upalivadasuttam ^1- [62] Evamme sutam ekam samayam bhagava nalandayam viharati pavarikambavane . tena kho pana samayena nigantho nataputto nalandayam pativasati mahatiya niganthaparisaya saddhim . atha kho dighatapassi nigantho nalandayam pindaya caritva pacchabhattam pindapatapatikkanto yena pavarikambavanam yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam atthasi . ekamantam thitam kho dighatapassim nigantham bhagava etadavoca samvijjanti kho dighatapassi asanani sace akankhasi nisidati . evam vutte dighatapassi nigantho annataram nicam asanam gahetva ekamantam nisidi. [63] Ekamantam nisinnam kho dighatapassim nigantham bhagava etadavoca kati pana tapassi nigantho nataputto kammani pannapeti papassa kammassa kiriyaya papassa kammassa pavattiyati . na kho avuso gotama acinnam niganthassa nataputtassa kammam kammanti pannapetum dandam dandanti kho avuso gotama acinnam niganthassa nataputtassa pannapetunti. {63.1} Kati pana tapassi nigantho nataputto dandani pannapeti papassa kammassa kiriyaya papassa kammassa pavattiyati . tini ^2- avuso gotama @Footnote: ¹ Ma. upalisuttam . ² Ma. Yu. tini kho avuso.

--------------------------------------------------------------------------------------------- page55.

Nigantho nataputto dandani pannapeti papassa kammassa kiriyaya papassa kammassa pavattiya ^1- seyyathidam kayadandam vacidandam manodandanti. {63.2} Kim pana tapassi annadeva kayadandam annam vacidandam annam manodandanti . annadeva avuso gotama kayadandam annam vacidandam annam manodandanti . imesam pana tapassi tinnam dandanam evam pativibhattanam evam pativisitthanam katamam dandam nigantho nataputto mahasavajjataram pannapeti ^2- papassa kammassa kiriyaya papassa kammassa pavattiya yadi va kayadandam yadi va vacidandam yadi va manodandanti. {63.3} Imesam kho avuso gotama tinnam dandanam evam pativibhattanam evam pativisitthanam kayadandam nigantho nataputto mahasavajjataram pannapeti papassa kammassa kiriyaya papassa kammassa pavattiya no tatha vacidandam no tatha manodandanti . kayadandanti tapassi vadesi . kayadandanti avuso gotama vadami . kayadandanti tapassi vadesi . kayadandanti avuso gotama vadami . kayadandanti tapassi vadesi . kayadandanti avuso gotama vadamiti . Itiha bhagava dighatapassim nigantham imasmim kathavatthusmim yavatatiyakam ^3- patitthapesi. [64] Evam vutte dighatapassi nigantho bhagavantam etadavoca tvam panavuso gotama kati dandani pannapesi papassa kammassa @Footnote: ¹ Ma. pavattiyati . ² Ma. pannapeti . ³ Ma. yavatatiyakampi.

--------------------------------------------------------------------------------------------- page56.

Kiriyaya papassa kammassa pavattiyati. {64.1} Na kho tapassi acinnam tathagatassa dandam dandanti pannapetum kammam kammanti kho tapassi acinnam tathagatassa pannapetunti . tvam panavuso gotama kati kammani pannapesi papassa kammassa kiriyaya papassa kammassa pavattiyati. {64.2} Tini kho aham tapassi kammani pannapemi papassa kammassa kiriyaya papassa kammassa pavattiya seyyathidam kayakammam vacikammam manokammanti . kim panavuso gotama annadeva kayakammam annam vacikammam annam manokammanti . annadeva tapassi kayakammam annam vacikammam annam manokammanti . imesam panavuso gotama tinnam kammanam evam pativibhattanam evam pativisitthanam katamam kammam mahasavajjataram pannapesi papassa kammassa kiriyaya papassa kammassa pavattiya yadi va kayakammam yadi va vacikammam yadi va manokammanti. {64.3} Imesam kho aham tapassi tinnam kammanam evam pativibhattanam evam pativisitthanam manokammam mahasavajjataram pannapemi papassa kammassa kiriyaya papassa kammassa pavattiya no tatha kayakammam no tatha vacikammanti. {64.4} Manokammanti avuso gotama vadesi . mano kammanti tapassi vadami .pe. manokammanti avuso gotama vadesi . Manokammanti tapassi vadamiti . itiha dighatapassi nigantho bhagavantam imasmim kathavatthusmim yavatatiyakam patitthapetva

--------------------------------------------------------------------------------------------- page57.

Utthayasana yena nigantho nataputto tenupasankami. [65] Tena kho pana samayena nigantho nataputto mahatiya ^1- gihiparisaya saddhim nisinno hoti balakiniya ^2- upalippamukhaya . Addasa kho nigantho nataputto dighatapassim nigantham duratova agacchantam disvana dighatapassim nigantham etadavoca handa kuto nu tvam tapassi agacchasi divadivassati . ito hi kho aham bhante agacchami samanassa gotamassa santikati . ahu pana te tapassi samanena gotamena saddhim kocideva kathasallapoti . ahu kho me bhante samanena gotamena saddhim kocideva kathasallapoti . yathakatham pana te tapassi ahu samanena gotamena saddhim kocideva kathasallapoti. Atha kho dighatapassi nigantho yavatako ahosi bhagavata saddhim kathasallapo tam sabbam niganthassa nataputtassa arocesi . evam vutte nigantho nataputto dighatapassim nigantham etadavoca sadhu sadhu tapassi yatha tam sutavata savakena sammadeva satthu sasanam ajanantena evameva ^3- dighatapassina niganthena samanassa gotamassa byakatam kinhi sobhati chavo manodando imassa evam olarikassa kayadandassa upanidhaya atha kho kayadandova mahasavajjataro papassa kammassa kiriyaya papassa kammassa pavattiya no tatha vacidando no tatha manodandoti. @Footnote: ¹ Yu. mahatiya mahatiya . ² Ma. parisaya . ³ Yu. evamevam.

--------------------------------------------------------------------------------------------- page58.

[66] Evam vutte upali gahapati nigantham nataputtam etadavoca sadhu sadhu bhante dighatapassi yatha tam sutavata savakena sammadeva satthu sasanam ajanantena evameva ^1- bhadantena dighatapassina samanassa gotamassa byakatam kinhi sobhati chavo manodando imassa evam olarikassa kayadandassa upanidhaya atha kho kayadandova mahasavajjataro papassa kammassa kiriyaya papassa kammassa pavattiya no tatha vacidando no tatha manodando handa caham bhante gacchami samanassa gotamassa imasmim kathavatthusmim vadam aropessami sace me samano gotamo tatha patitthahissati yatha bhadantena tapassina patitthapitam {66.1} seyyathapi nama balava puriso dighalomikam elakam lomesu gahetva akaddheyya parikaddheyya samparikaddheyya evamevaham samanam gotamam vadena vadam akaddhissami parikaddhissami samparikaddhissami seyyathapi nama balava puriso sondikakammakaro ^2- mahantam sondikakilanjam ^3- gambhire udakarahade pakkhipitva kanne gahetva akaddheyya parikaddheyya samparikaddheyya evamevaham samanam gotamam vadena vadam akaddhissami parikaddhissami samparikaddhissami {66.2} seyyathapi nama balava puriso sondikadhutto thalam ^4- kanne gahetva odhuneyya niddhuneyya nippotheyya ^5- evamevaham samanam gotamam vadena vadam odhunissami niddhunissami @Footnote: ¹ Ma. Yu. evamevam . ² Po. sondikakammam karonto. Ma. Yu. balava sondikakammakaro. @³ Po. sondikam kilanjam . ⁴ Po. Yu. valam . ⁵ Yu. nicchadeyya.

--------------------------------------------------------------------------------------------- page59.

Nippothessami ^1- {66.3} seyyathapi nama kunjaro satthihayano gambhiram pokkharanim ogahetva sanadhovikam nama kilitajatam kilati evamevaham samanam gotamam sanadhovikam ^2- manne kilitajatam kilissami handa caham bhante gacchami samanassa gotamassa imasmim kathavatthusmim vadam aropessamiti. Gaccha tvam gahapati samanassa gotamassa imasmim kathavatthusmim vadam aropehi aham va gahapati samanassa gotamassa vadam aropeyyam dighatapassi va nigantho tvam vati. [67] Evam vutte dighatapassi nigantho nigantham nataputtam etadavoca na kho me tam bhante ruccati yam upali gahapati samanassa gotamassa vadam aropeyya samano hi bhante gotamo mayavi avattanim mayam janati yaya annatitthiyanam savake avattetiti . atthanam kho etam tapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyya gaccha tvam gahapati samanassa gotamassa imasmim kathavatthusmim vadam aropehi aham va ^3- gahapati samanassa gotamassa vadam aropeyyam dighatapassi va nigantho tvam vati. {67.1} Dutiyampi kho dighatapassi nigantho nigantham nataputtam etadavoca na kho me tam bhante ruccati yam upali gahapati samanassa gotamassa @Footnote: ¹ Yu. nicachadessami . ² Po. sanadhovikanneva. manneti padam natthi. @³ Ma. Yu. aham va hi.

--------------------------------------------------------------------------------------------- page60.

Vadam aropeyya samano hi bhante gotamo mayavi avattanim mayam janati yaya annatitthiyanam savake avattetiti . Atthanam kho etam tapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyya gaccha tvam gahapati samanassa gotamassa imasmim kathavatthusmim vadam aropehi aham va gahapati samanassa gotamassa vadam aropeyyam dighatapassi va nigantho tvam vati. {67.2} Tatiyampi kho dighatapassi nigantho nigantham nataputtam etadavoca na kho me tam bhante ruccati yam upali gahapati samanassa gotamassa vadam aropeyya samano hi bhante gotamo mayavi avattanim mayam janati yaya annatitthiyanam savake avattetiti . Atthanam kho etam tapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyya gaccha tvam gahapati samanassa gotamassa imasmim kathavatthusmim vadam aropehi aham va ^1- gahapati samanassa gotamassa vadam aropeyyam dighatapassi va nigantho tvam vati. [68] Evam bhanteti kho upali gahapati niganthassa nataputtassa patissutva utthayasana nigantham nataputtam abhivadetva padakkhinam @Footnote: ¹ Ma. Yu. aham va hi.

--------------------------------------------------------------------------------------------- page61.

Katva yena pavarikambavanam yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho upali gahapati bhagavantam etadavoca agama nu khvidha bhante dighatapassi niganthoti . agama khvidha gahapati dighatapassi niganthoti . Ahu ^1- pana te bhante dighatapassina niganthena saddhim kocideva kathasallapoti . ahu kho me gahapati dighatapassina niganthena saddhim kocideva kathasallapoti . yathakatham pana te bhante ahu dighatapassina niganthena saddhim kocideva kathasallapoti. {68.1} Atha kho bhagava yavatako ahosi dighatapassina niganthena saddhim kathasallapo tam sabbam upalissa gahapatissa arocesiti ^2- . Evam vutte upali gahapati bhagavantam etadavoca sadhu sadhu bhante dighatapassi ^3- yatha tam sutavata savakena sammadeva satthu sasanam ajanantena evameva ^4- dighatapassina niganthena bhagavato byakatam kinhi sobhati chavo manodando imassa evam olarikassa kayadandassa upanidhaya atha kho kayadandova mahasavajjataro papassa kammassa kiriyaya papassa kammassa pavattiya no tatha vacidando no tatha manodandoti . sace kho tvam gahapati sacce patitthaya manteyyasi siya no ettha kathasallapoti . sacce aham bhante patitthaya mantessami hotu no ettha kathasallapoti. [69] Tam kim mannasi gahapati idhassa ^5- nigantho abadhiko @Footnote: ¹ Ma. ahu kho pana . ² Yu. iti saddo natthi . ³ Yu. tapassi. @⁴ Ma. Yu. evammevam . ⁵ Ma. idhassa.

--------------------------------------------------------------------------------------------- page62.

Dukkhito balhagilano sitodakapatikkhitto unhodakapatisevi so sitodakam alabhamano kalam kareyya imassa ^1- pana gahapati nigantho nataputto katthupapattim pannapetiti . atthi bhante manosatta nama deva tattha so uppajjati ^2- {69.1} tam kissa hetu asu ^3- hi bhante manopatibaddho kalam karotiti . gahapati gahapati ^4- manasikarohi ^5- manasikaritva kho tvam gahapati byakarohi na kho te sandhiyati purimena va pacchimam pacchimena va purimam bhasita kho pana te gahapati esa vaca sacce aham bhante patitthaya mantessami ^6- hotu no ettha kathasallapoti. Kincapi bhante bhagava evamaha atha kho kayadandova mahasavajjataro papassa kammassa kiriyaya papassa kammassa pavattiya no tatha vacidando no tatha manodandoti. [70] Tam kim mannasi gahapati idhassa nigantho ^7- catuyamasamvarasamvuto sabbavarivarito sabbavariyutto sabbavaridhuto sabbavariphuttho so abhikkamanto patikkamanto bahu khuddake pane sanghatam apadeti imassa pana gahapati nigantho nataputto kim ^8- vipakam pannapetiti . asancetanikam bhante nigantho nataputto no mahasavajjam pannapetiti . sace pana gahapati cetetiti . Mahasavajjam bhante hotiti . cetanam pana gahapati nigantho nataputto kismim pannapetiti. Manodandasmim pana bhanteti. @Footnote: ¹ Ma. idhassa . ² Po. upapajjati . ³ Ma. amu hi . ⁴ Ma. dutiyalapanam natthi. @⁵ Yu. ayam patho natthi . ⁶ Ma. manteyyami. @⁷ Ma. etthantare nataputtoti dissati . ⁸ Ma. Yu. kam vipakam.

--------------------------------------------------------------------------------------------- page63.

{70.1} Gahapati gahapati manasikarohi manasikaritva kho gahapati byakarohi na kho te sandhiyati purimena va pacchimam pacchimena va purimam bhasita kho pana te gahapati esa vaca sacce aham bhante patitthaya mantessami hotu no ettha kathasallapoti . kincapi bhante bhagava evamaha atha kho kayadandova mahasavajjataro papassa kammassa kiriyaya papassa kammassa pavattiya no tatha vacidando no tatha manodandoti. {70.2} Tam kim mannasi gahapati ayam nalanda iddha ceva phita ca bahujana akinnamanussati . evam ^1- bhante ayam nalanda iddha ceva phita ca bahujana akinnamanussati . tam kim mannesi gahapati idha puriso agaccheyya ukkhittasiko so evam vadeyya aham yavatika imissa nalandaya pana te ekena khanena ekena muhuttena ekammamsakhalam ^2- ekammamsapunjam karissamiti . Tam kim mannasi gahapati pahoti nu kho so puriso yavatika imissa nalandaya pana te ekena khanena ekena muhuttena ekammamsakhalam ekammamsapunjam katunti . dasapi ^3- bhante purisa visampi bhante purisa timsampi bhante purisa cattalisampi bhante purisa pannasampi bhante purisa nappahonti yavatika imissa nalandaya pana te ekena khanena ekena muhuttena ekammamsakhalam ekammamsapunjam katum kinhi sobhati eko chavo purisoti . tam kim mannasi @Footnote: ¹ Ma. evam ...manussati ime patha natthi . ² Yu. ekamamsakhalam . ³ Ma. dasampi.

--------------------------------------------------------------------------------------------- page64.

Gahapati idhagaccheyya samano va brahmano va iddhima cetovasippatto so evam vadeyya aham imam nalandam ekena manopadosena bhasmam karissamiti. {70.3} Tam kim mannasi gahapati pahoti nu kho so samano va brahmano va iddhima cetovasippatto imam nalandam ekena manopadosena bhasmam katunti . dasapi bhante ^1- nalanda visampi bhante nalanda timsampi bhante nalanda cattalisampi bhante nalanda pannasampi bhante nalanda pahoti so samano va brahmano va iddhima cetovasippatto imam nalandam ^2- ekena manopadosena bhasmam katum kinhi sobhati eka chava nalandati. {70.4} Gahapati ^3- gahapati manasikarohi namasikaritva kho tvam gahapati byakarohi na kho te sandhiyati purimena va pacchimam pacchimena va purimam bhasita kho pana te gahapati esa vaca sacce aham bhante patitthaya mantessami ^4- hotu no ettha kathasallapoti . Kincapi bhante bhagava evamaha atha kho kayadandova mahasavajjataro papassa kammassa kiriyaya papassa kammassa pavattiya no tatha vacidando no tatha manodandoti. {70.5} Tam kim mannasi gahapati sutante dandakirannam ^5- kalingarannam ^6- mejjharannam ^7- matangarannam arannam arannabhutanti . evam bhante sutam me dandakirannam kalingarannam mejjharannam matangarannam arannam arannabhutanti . @Footnote: ¹ Ma. idheva ekalapanameva atthi . ² Ma. Yu. imam nalandanti dve patha natthi. @³ Ma. tenahi gahapati. dutiyalapanam natthi . ⁴ Ma. manteyyami . ⁵ Yu. dandakarannam. @⁶ Ma. kalingarannam . ⁷ Ma. majjharannam.

--------------------------------------------------------------------------------------------- page65.

Tam kim mannasi gahapati kinti te sutam kena ^1- tam dandakirannam kalingarannam mejjharannam matangarannam arannam arannabhutanti . Sutam metam bhante isinam manopadosena tam dandakirannam kalingarannam mejjharannam matangarannam arannam arannabhutanti. {70.6} Gahapati ^2- gahapati ^3- manasikarohi manasikaritva kho tvam gahapati byakarohi na kho te sandhiyati purimena va pacchimam pacchimena va purimam bhasita kho pana te gahapati esa vaca sacce aham bhante patitthaya mantessami ^4- hotu no ettha kathasallapoti. [71] Purimenaham ^5- bhante opammena bhagavato attamano abhiraddho apicaham imani bhagavato vicittani panhapatibhanani sotukamo evaham bhagavantam paccanikatabbam avamannissam abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti ^6- evameva ^7- bhagavata anekapariyayena dhammo pakasito esaham bhante bhagavantam saranam gacchami dhammanca bhikkhusanghanca upasakam mam bhagava dharetu ajjatagge panupetam saranangatanti ^8-. [72] Anuviccakaram kho gahapati karohi anuviccakaro tumhadisanam @Footnote: ¹ Ma. sutam . ² Ma. tenahi gahapati . ³ Ma. dutiyalapanam natthi. @⁴ Ma. manteyyami . ⁵ Yu. purimenevahanti dissati. Ma. purimenavaham. @⁶ Yu. dakkhintiti . ⁷ Yu. evamevam . ⁸ Si. saranagatam.

--------------------------------------------------------------------------------------------- page66.

Disanam natamanussanam sadhu hotiti . iminapaham ^1- bhante bhagavato bhiyyoso mattaya attamano abhiraddho yam mam bhagava evamaha anuviccakaram kho gahapati karohi anuviccakaro tumhadisanam natamanussanam sadhu hotiti mam hi bhante annatitthiya savakam labhitva kevalakappam nalandam patakam parihareyyum upali amhakam gahapati savakattam upagatoti atha ca pana mam bhagava evamaha anuviccakaram kho gahapati karohi anuviccakaro hi ^2- tumhadisanam natamanussanam sadhu hotiti esaham bhante dutiyampi bhagavantam saranam gacchami dhammanca bhikkhusanghanca upasakam mam bhagava dharetu ajjatagge panupetam saranangatanti. [73] Digharattam kho te gahapati niganthanam opanabhutam kulam ^3- yena tesam ^4- upagatanam pindapatam ^5- databbam manneyyasiti . Iminapaham bhante bhagavato bhiyyoso mattaya attamano abhiraddho yam mam bhagava evamaha digharattam kho te gahapati niganthanam opanabhutam kulam ^6- yena tesam ^7- upagatanam pindapatam databbam manneyyasiti sutam metam bhante samano gotamo evamaha mayhameva danam databbam nannesam danam databbam mayhameva savakanam danam databbam nannesam savakanam danam databbam mayhameva dinnam mahapphalam nannesam dinnam mahapphalam mayhameva @Footnote: ¹ Si. iminapaham . ² Yu. hisaddo natthi . 3-6 Po. kulamyeva. yenati @pathapadam natthi . 4-7 Ma. Yu. nesam . ⁵ Si. yu pindakam.

--------------------------------------------------------------------------------------------- page67.

Savakanam dinnam mahapphalam nannesam savakanam dinnam mahapphalanti atha ca pana mam bhagava niganthesupi dane samadapeti apica bhante mayamettha kalam janissama esaham bhante tatiyampi bhagavantam saranam gacchami dhammanca bhikkhusanghanca upasakam mam bhagava dharetu ajjatagge panupetam saranangatanti. [74] Atha kho bhagava upalissa gahapatissa anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . yada bhagava annasi upalim gahapatim kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva ^1- upalissa gahapatissa tasmimyeva asane virajam vitamalam dhammacakkhum udapadi yankinci samudayadhammam sabbantam nirodhadhammanti . atha kho upali gahapati ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparapaccayo satthu sasane bhagavantam etadavoca handa cadani mayam bhante gacchama bahukicca mayam bahukaraniyati . yassadani tvam gahapati kalam mannasiti. [75] Atha kho upali gahapati bhagavato bhasitam abhinanditva @Footnote: ¹ Yu. evamevam.

--------------------------------------------------------------------------------------------- page68.

Anumoditva utthayasana bhagavantam abhivadetva padakkhinam katva yena sakam nivesanam tenupasankami upasankamitva dovarikam amantesi ajjatagge samma dovarika avarami dvaram niganthanam niganthinam anavatam dvaram bhagavato savakanam ^1- bhikkhunam bhikkhuninam upasakanam upasikanam sace koci nigantho agacchati tamenam tvam evam vadeyyasi tittha bhante ma pavisi ajjatagge upali gahapati samanassa gotamassa savakattam upagato avatam dvaram niganthanam niganthinam anavatam dvaram bhagavato savakanam bhikkhunam bhikkhuninam upasakanam upasikanam sace te ^2- bhante pindakena attho ettheva tittha ettheva te ^3- aharissantiti . evam bhanteti kho dovariko upalissa gahapatissa paccassosi. [76] Assosi kho dighatapassi nigantho upali kira gahapati samanassa gotamassa savakattam upagatoti . atha kho dighatapassi nigantho yena nigantho nataputto tenupasankami upasankamitva nigantham nataputtam etadavoca sutam ^4- metam bhante upali kira gahapati samanassa gotamassa savakattam upagatoti . atthanam kho etam tapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyyati . dutiyampi kho dighatapassi nigantho nigantham nataputtam etadavoca sutam metam @Footnote: ¹ Ma. Yu. savakananti natthi . 2-3 Ma. vo . ⁴ Ma. sutametam.

--------------------------------------------------------------------------------------------- page69.

Bhante upali kira gahapati samanassa gotamassa savakattam upagatoti . atthanam kho etam tapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyyati. {76.1} Tatiyampi kho dighatapassi nigantho nigantham nataputtam etadavoca sutam metam bhante upali kira gahapati samanassa gotamassa savakattam upagatoti . atthanam kho etam tapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyyati handaham bhante gacchami yava janami yadi va upali gahapati samanassa gotamassa savakattam upagato yadi va noti . gaccha ^1- tvam tapassi janahi yadi va upali gahapati samanassa gotamassa savakattam upagato yadi va noti. [77] Atha kho dighatapassi nigantho yena upalissa gahapatissa nivesanam tenupasankami . addasa kho dovariko dighatapassim nigantham duratova agacchantam disvana dighatapassim nigantham etadavoca tittha bhante ma pavisi ajjatagge upali gahapati samanassa gotamassa savakattam upagato avatam dvaram niganthanam niganthinam anavatam dvaram bhagavato savakanam bhikkhunam bhikkhuninam upasakanam @Footnote: ¹ Po. saccam.

--------------------------------------------------------------------------------------------- page70.

Upasikanam sace te bhante pindakena attho ettheva tittha ettheva te aharissantiti . na me avuso pindakena atthoti vatva tato patinivattitva yena nigantho nataputto tenupasankami upasankamitva nigantham nataputtam etadavoca saccamyeva kho bhante yam upali gahapati samanassa gotamassa savakattam upagato etam kho te aham bhante nalattham na kho me tam ^1- bhante ruccati yam upali gahapati samanassa gotamassa vadam aropeyya samano hi bhante gotamo mayavi avattanim mayam janati yaya annatitthiyanam savake avattetiti avatto kho te bhante upali gahapati samanena gotamena avattaniya mayayati . atthanam kho etam ^2- dighatapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyyati. {77.1} Dutiyampi kho ^3- dighatapassi nigantho nigantham nataputtam etadavoca saccamyeva kho bhante yam upali gahapati samanassa gotamassa savakattam upagato etam kho te aham bhante nalattham na kho me bhante ruccati yam upali gahapati samanassa gotamassa vadam aropeyya samano hi bhante gotamo mayavi avattanim mayam janati yaya annatitthiyanam savake avattetiti avatto kho te bhante @Footnote: ¹ Ma. ayam patho natthi . ² Yu. Ma. dighaiti na dissati. @³ Po. Yu. dutiyampi kho...tatiyampi kho dighatapassiti dissati.

--------------------------------------------------------------------------------------------- page71.

Upali gahapati samanena gotamena avattaniya mayayati . Atthanam kho etam tapassi anavakaso yam upali gahapati samanassa gotamassa savakattam upagaccheyya thananca kho etam vijjati yam samano gotamo upalissa gahapatissa savakattam upagaccheyya ^1- ^[2]- handa caham tapassi gacchami yava ^3- samamyeva janami yadi va upali gahapati samanassa gotamassa savakattam upagato yadi va noti. [78] Atha kho nigantho nataputto mahatiya niganthaparisaya saddhim yena upalissa gahapatissa nivesanam tenupasankami . addasa kho dovariko nigantham nataputtam duratova agacchantam disvana nigantham nataputtam etadavoca tittha bhante ma pavisi ajjatagge upali gahapati samanassa gotamassa savakattam upagato avatam dvaram niganthanam niganthinam anavatam dvaram bhagavato savakanam bhikkhunam bhikkhuninam upasakanam upasikanam sace te bhante pindakena attho ettheva tittha ettheva te aharissantiti. {78.1} Tenahi samma dovarika yena upali gahapati tenupasankama upasankamitva upalim gahapatim evam vadehi nigantho ^4- nataputto mahatiya niganthaparisaya saddhim bahidvarakotthake thito so te dassanakamoti . evam bhanteti kho dovariko niganthassa nataputtassa patissutva yena upali gahapati tenupasankami upasankamitva upalim gahapatim etadavoca nigantho bhante nataputto mahatiya niganthaparisaya @Footnote: ¹ Ma. upagaccheyyati . ² Ma. Yu. tatiyampi kho dighatapassi .pe. upagaccheyya. @³ Ma. yava caham . ⁴ Ma. nigantho bhante.

--------------------------------------------------------------------------------------------- page72.

Saddhim bahidvarakotthake thito so te dassanakamoti. {78.2} Tenahi samma dovarika majjhimaya dvarasalaya asanani pannapesiti ^1- . evam bhanteti kho dovariko upalissa gahapatissa patissutva majjhimaya dvarasalaya asanani pannapetva yena upali gahapati tenupasankami upasankamitva upalim gahapatim etadavoca pannattani kho bhante majjhimaya dvarasalaya asanani yassadani kalam mannasiti . atha kho upali gahapati yena majjhima dvarasala tenupasankami upasankamitva yam tattha asanam agganca setthanca uttamanca panitanca tattha samam ^2- nisiditva dovarikam amantesi tenahi samma dovarika yena nigantho nataputto tenupasankami upasankamitva nigantham nataputtam evam vadehi upali bhante gahapati evamaha pavisa kira bhante sace akankhasiti. Evam bhanteti kho dovariko upalissa gahapatissa patissutva yena nigantho nataputto tenupasankami upasankamitva nigantham nataputtam etadavoca upali bhante gahapati evamaha pavisa kira bhante sace akankhasiti. Atha kho nigantho nataputto mahatiya niganthaparisaya saddhim yena majjhima dvarasala tenupasankami. [79] Atha kho upali gahapati yam sudam pubbe ^3- yato passati nataputtam ^4- duratova agacchantam disvana tato paccuggantva yam tattha asanam agganca setthanca uttamanca panitanca tam @Footnote: ¹ Ma. pannapehiti . ² Yu. samanti natthi . ³ Ma. pubbeva . ⁴ Ma. nigantham @nataputtam.

--------------------------------------------------------------------------------------------- page73.

Uttarasangena sammajjitva ^1- pariggahetva nisidapeti sodani yam tattha asanam agganca setthanca uttamanca panitanca tattha samam nisiditva nigantham nataputtam etadavoca samvijjanti kho bhante gahapati ^2- asanani sace akankhasi nisidati . evam vutte nigantho nataputto upalim gahapatim etadavoca ummattosi tvam gahapati dattosi tvam gahapati gacchamaham bhante samanassa gotamassa vadam aropessamiti gantvana mahatasi ^3- vadasanghatena patimukko agato seyyathapi gahapati puriso andaharako gantva ubbhatehi andehi agaccheyya seyyatha va pana gahapati puriso akkhikaharako gantva ubbhatehi akkhihi ^4- agaccheyya evameva kho tvam gahapati gacchamaham bhante samanassa gotamassa vadam aropessamiti gantva mahatasi vadasanghatena patimukko agato avatto ^5- khosi tvam gahapati samanena gotamena avattaniya mayayati. [80] Bhaddika bhante avattani maya kalyani bhante avattani maya piya me bhante natisalohita imaya avattaniya avatteyyum piyanampi me assa natisalohitanam digharattam hitaya sukhaya sabbe cepi bhante khattiya imaya avattaniya avatteyyum sabbesanampissa khattiyanam digharattam hitaya sukhaya sabbe cepi bhante brahmana .pe. vessa .pe. sudda imaya avattaniya avatteyyum sabbesanampissa @Footnote: ¹ Yu. pamajjitva. Ma. sammajjitva . ² Ma. ayam patho natthi . ³ Ma. mahatapi. @⁴ Ma. akkhehi . ⁵ Ma. avattosi kho.

--------------------------------------------------------------------------------------------- page74.

Suddanam digharattam hitaya sukhaya sadevako ^1- cepi bhante loko samarako sabrahmako sassamanabrahmani paja sadevamanussa imaya avattaniya avatteyya ^2- sadevakassapissa ^3- lokassa samarakassa sabrahmakassa sassamanabrahmaniya pajaya sadevamanussaya digharattam hitaya sukhayati ^4- tenahi bhante upamam te karissami upamayapidhekacce vinnu purisa bhasitassa attham jananti ^5-. [81] Bhutapubbam bhante annatarassa brahmanassa jinnassa vuddhassa mahallakassa dahara ^6- manavika pajapati ahosi gabbhini upavijanna . atha kho bhante sa manavika tam brahmanam etadavoca gaccha tvam brahmana apana makkatacchapakam kinitva anehi yo me kumarakassa kilapanako bhavissatiti . evam vutte bhante ^7- so brahmano tam manavikam etadavoca agamehi tava bhoti yava vijayasi sace tvam bhoti kumarakam vijayissasi tassa te aham apana makkatacchapakam kinitva anissami yo te kumarakassa kilapanako bhavissati sace pana tvam bhoti kumarikam vijayissasi tassa te aham apana makkatacchapikam kinitva anissami ya te kumarikaya kilapanika bhavissatiti . dutiyampi kho bhante sa manavika tam brahmanam etadavoca gaccha tvam brahmana apana makkatacchapakam kinitva anehi yo me kumarakassa kilapanako bhavissatiti . dutiyampi kho bhante so @Footnote: ¹ Ma. sadevakopi ce . ² Ma. avatteyyum . ³ Ma. pissati natthi. @⁴ Yu. itisaddo natthi . ⁵ Yu. ajananti . ⁶ Ma. daharimanavika. @⁷ Ma. bhanteti alapanapadam natthi.

--------------------------------------------------------------------------------------------- page75.

Brahmano tam manavikam etadavoca agamehi tava bhoti yava vijayasi sace tvam bhoti kumarakam vijayissasi tassa te aham apana makkatacchapakam kinitva anissami yo te kumarakassa kilapanako bhavissati sace pana tvam bhoti kumarikam vijayissasi tassa te aham apana makkatacchapikam kinitva anissami ya te kumarikaya kilapanika bhavissatiti. {81.1} Tatiyampi kho bhante sa manavika tam brahmanam etadavoca gaccha tvam brahmana apana makkatacchapadam kinitva anehi yo me kumarakassa kilapanako bhavissatiti . atha kho bhante so brahmano tassa manavikaya saratto patibaddhacitto apana makkatacchapakam kinitva anetva tam manavikam etadavoca ayam te bhoti maya ^1- apana makkatacchapako kinitva anito yo te kumarakassa kilapanako bhavissatiti . evam vutte bhante sa manavika tam brahmanam etadavoca gaccha tvam brahmana imam makkatacchapakam adaya yena rattapani rajakaputto tenupasankami ^2- upasankamitva rattapanim rajakaputtam evam vadehi icchamaham samma rattapani imam makkatacchapakam pitavalepanam nama rangajatam rajitam ^3- akottitapaccakottitam ubhatobhagavimatthanti. {81.2} Atha kho bhante so brahmano tassa manavikaya saratto patibaddhacitto ^4- makkatacchapakam adaya yena @Footnote: ¹ Ma. Yu. ayam patho natthi . ² Yu. tenupasankama . ³ Si. Yu. ranjitam. @⁴ Yu. tanti dissati.

--------------------------------------------------------------------------------------------- page76.

Rattapani rajakaputto tenupasankami upasankamitva rattapanim rajakaputtam etadavoca icchamaham samma rattapani imam makkatacchapakam pitavalepanam nama rangajatam rajitam akottitapaccakottitam ubhatobhagavimatthanti. {81.3} Evam vutte bhante rattapani rajakaputto tam brahmanam etadavoca ayam kho te bhante makkatacchapako rangakkhamo hi kho no akottanakkhamo no vimajjanakkhamoti . evameva kho bhante balanam niganthanam vado rangakkhamo hi kho balanam no panditanam no anuyogakkhamo no vimajjanakkhamo . atha kho bhante so brahmano aparena samayena navam dussayugam adaya yena rattapani rajakaputto tenupasankami upasankamitva rattapanim rajakaputtam etadavoca icchamaham samma rattapani imam navam dussayugam pitavalepanam nama rangajatam rajitam akottitapaccakottitam ubhatobhagavimatthanti. {81.4} Evam vutte bhante rattapani rajakaputto ^1- brahmanam etadavoca idam kho te bhante navam dussayugam rangakkhamanceva akottanakkhamanca vimajjanakkhamancati . evameva kho bhante tassa bhagavato vado arahato sammasambuddhassa rangakkhamo ceva panditanam no balanam anuyogakkhamo ca vimajjanakkhamo cati . Sarajika kho tam gahapati parisa evam janati upali gahapati niganthassa nataputtassa savakoti kassa tam gahapati savakam dharemati. @Footnote: ¹ Ma. Yu. tam.

--------------------------------------------------------------------------------------------- page77.

[82] Evam vutte upali gahapati utthayasana ekamsam uttarasangam karitva yena bhagava tenanjalimpanametva nigantham nataputtam etadavoca tenahi bhante sunohi yassaham savako ^1- {82.1} dhirassa vigatamohassa ^2- pabhinnakhilassa ^3- vijitavijayassa anighassa susamacittassa buddhasilassa sadhupannassa vesamantarassa ^4- vimalassa bhagavato tassa savakohamasmi akathamkathissa tusitassa vantalokamisassa muditassa katasamanassa manujassa antimasarirassa ^5- narassa anopamassa virajassa bhagavato tassa savakohamasmi asamsayassa kusalassa ^6- venayikassa sarathivarassa anuttarassa ruciradhammassa nikkankhassa pabhasakarassa ^7- manacchidassa virassa bhagavato tassa savakohamasmi nisabhassa appameyyassa gambhirassa monappattassa khemankarassa vedassa ^8- dhammatthassa susamvutattassa ^9- sangatigassa muttassa bhagavato tassa savakohamasmi nagassa pantasenassa khinasannojanassa muttassa patimantakassa monassa ^10- pannadhajassa vitaragassa dantassa nippapancassa bhagavato tassa savakohamasmi isisattamassa akuhassa tevijjassa brahmasattassa ^11- nhatakassa padakassa ^12- passaddhassa viditavedassa purindadassa sakkassa bhagavato tassa savakohamasmi ariyassa bhavitattassa pattipattassa veyyakaranassa satimato vipassissa anabhinatassa no apanatassa anejassa vasippattassa bhagavato tassa @Footnote: ¹ Ma. savakoti . ² Po. vitamohassa . ³ Ma. bhinnakhilassa. @⁴ Si. Yu. vessantarassa. ⁵ Ma. Yu. antimasarirassa . ⁶ Si. kalassa. @⁷ Ma. pabhasakassa. ⁸ Si. Ma. devassa. ⁹ Ma. Yu. samvutattassa. @¹⁰ Yu. dhonassa . ¹¹ Ma. Yu. brahmapattassa. ¹² Po. padakaranassa.

--------------------------------------------------------------------------------------------- page78.

Savakohamasmi sammaggatassa jhayissa ananugatantarassa suddhassa asitassa appabhitassa ^1- pavivittassa aggappattassa tinnassa tarayantassa bhagavato tassa savakohamasmi santassa bhuripannassa mahapannassa vitalobhassa tathagatassa sugatassa appatipuggalassa asamassa visaradassa nipunassa bhagavato tassa savakohamasmi tanhacchidassa ^2- buddhassa vitadhumassa anupalittassa ahuneyyassa yakkhassa uttamapuggalassa atulassa mahato yasaggappattassa bhagavato tassa savakohamasmiti. [83] Kada sannulha pana te gahapati ime samanassa gotamassa vannati . seyyathapi bhante nanapupphanam mahapuppharasi tamenam dakkho malakaro va malakarantevasi va vicitramalam ^3- gantheyya evameva kho bhante so bhagava anekavanno anekasatavanno ko hi bhante vannarahassa vannam na karissatiti. Atha kho niganthassa nataputtassa bhagavato sakkaram asahamanassa tattheva unham lohitam mukhato ugganchiti. Upalivadasuttam nitthitam chattham. ---------- @Footnote: ¹ Yu. appahinassa . ² Ma. tanhacchindissa. @³ Ma. vicittam malam. Yu. vicitram.