PaliRoman Vol.13

Selasuttam [604] Evamme sutam ekam samayam bhagava anguttarapesu carikancaramano mahata bhikkhusanghena saddhim addhaterasehi bhikkhusatehi yena apanam nama anguttarapanam nigamo tadavasari . assosi kho keniyo jatilo samano khalu bho gotamo sakyaputto sakyakula pabbajito anguttarapesu carikancaramano mahata bhikkhusanghena saddhim addhaterasehi bhikkhusatehi apanam anuppatto tam kho pana bhavantam gotamam evamkalyano kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava so imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti. [605] Atha kho keniyo jatilo yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinnam kho keniyam jatilam bhagava dhammiya kathaya sandassesi samadapesi samuttejesi Sampahamsesi . atha kho keniyo jatilo bhagavata dhammiya kathaya sandassito samadapito samuttejito sampahamsito bhagavantam etadavoca adhivasetu me bhavam gotamo svatanaya bhattam saddhim bhikkhusanghenati. Evam vutte bhagava keniyam jatilam etadavoca maha kho keniya bhikkhusangho addhaterasani bhikkhusatani tvanca brahmanesu abhippasannoti. {605.1} Dutiyampi kho keniyo jatilo bhagavantam etadavoca kincapi bho gotama mahabhikkhusangho addhaterasani bhikkhusatani ahanca brahmanesu abhippasanno adhivasetu me bhavam gotamo svatanaya bhattam saddhim bhikkhusanghenati . dutiyampi kho bhagava keniyam jatilam etadavoca maha kho keniya bhikkhusangho addhaterasani bhikkhusatani tvanca ^1- brahmanesu abhippasannoti. {605.2} Tatiyampi kho keniyo jatilo bhagavantam etadavoca kincapi bho gotama mahabhikkhusangho addhaterasani bhikkhusatani ahanca ^2- brahmanesu abhippasanno adhivasetveva me bhavam gotamo svatanaya bhattam saddhim bhikkhusanghenati . adhivaseti ^3- bhagava tunhibhavena . atha kho keniyo jatilo bhagavato adhivasanam viditva utthayasana yena sako assamo tenupasankami upasankamitva mittamacce natisalohite amantesi sunantu me bhonto mittamacca natisalohita samano ^4- gotamo nimantito svatanaya bhattam saddhim bhikkhusanghena yena me kayaveyyavattikam kareyyathati . evam bhoti @Footnote: ¹ Yu. tavanca kho . ² Yu. ahanca kho . ³ Yu. adhivasesi. @⁴ Yu. samano me gotamo. Kho keniyassa jatilassa mittamacca natisalohita keniyassa jatilassa patissutva appekacce uddhanani khananti appekacce katthani phalenti appekacce bhajanani dhovanti appekacce udakamanikam patitthapenti appekacce asanani pannapenti . Keniyopi ^1- jatilo samanneva mandalamalam patiyadeti. [606] Tena kho pana samayena selo brahmano apane pativasati tinnam vedanam paragu sanighanduketubhanam sakkharappabhedanam itihasapancamanam padako veyyakarano lokayatamahapurisalakkhanesu anavayo tini manavakasatani mante vaceti . tena kho pana samayena keniyo jatilo sele brahmane abhippasanno hoti . atha kho selo brahmano tihi manavakasatehi parivuto janghaviharam anucankamamano anuvicaramano yena keniyassa jatilassa assamo tenupasankami. {606.1} Addasa kho selo brahmano keniyasmim ^2- jatile appekacce uddhanani khanante appekacce katthani phalente appekacce bhajanani dhovante appekacce udakamanikam patitthapente appekacce asanani pannapente keniyam ^3- jatilam samanneva mandalamalam patiyadentam disvana keniyam jatilam etadavoca kim nu bhoto keniyassa avaho va bhavissati vivaho va bhavissati mahayanno va paccupatthito raja ^4- magadho seniyo bimbisaro nimantito svatanaya saddhim balakayenati . na me bho sela @Footnote: ¹ Yu. keniyo pana . ² Yu. keniyassamiye . ³ Yu. keniyam pana. @⁴ Yu. raja va. Avaho va bhavissati napi vivaho va bhavissati napi raja magadho seniyo bimbisaro nimantito svatanaya saddhim balakayena apica kho me mahayanno paccupatthito atthi samano gotamo sakyaputto sakyakula pabbajito anguttarapesu carikancaramano mahata bhikkhusanghena saddhim addhaterasehi bhikkhusatehi apanam anuppatto tam kho pana bhavantam gotamam evamkalyano kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati so me nimantito svatanaya saddhim bhikkhusanghenati. Buddhoti bho keniya vadesiti . buddhoti bho sela vadamiti. Buddhoti bho keniya vadesiti. Buddhoti bho sela vadamiti. {606.2} Atha kho selassa brahmanassa etadahosi ghosopi kho eso dullabho lokasmim yadidam buddhoti agatani kho panamhakam mantesu dvattimsa mahapurisalakkhanani yehi samannagatassa mahapurisassa dveva gatiyo bhavanti ananna sace agaram ajjhavasati raja hoti cakkavatti dhammiko dhammaraja caturanto vijitavi janapadattha ^1- viriyappatto sattaratanasamannagato tassimani satta ratanani bhavanti seyyathidam cakkaratanam hatthiratanam assaratanam maniratanam itthiratanam gahapatiratanam parinayakaratanameva sattamam parosahassam kho panassa putta bhavanti sura virangarupa parasenappamaddana @Footnote: ¹ Yu. janapadatthavariyappatto. So imam pathavim sagarapariyantam adandena asatthena dhammena abhivijiya ajjhavasati sace ^1- pana agarasma anagariyam pabbajati araham hoti sammasambuddho loke vivatacchado kaham pana bho keniya etarahi so bhavam gotamo viharati araham sammasambuddhoti. [607] Evam vutte keniyo jatilo dakkhinam baham paggahetva selam brahmanam etadavoca yenesa bho sela nilavanarajiti . Atha kho selo brahmano tihi manavakasatehi saddhim yena bhagava tenupasankami . atha kho selo brahmano te manavake amantesi appasadda bhonto agacchantu pade padam nikkhipanta dura ^2- sada hi te bhavanto ^3- sihava ekacara yada caham bhota samanena gotamena saddhim manteyyam ma me bhonto antarantara katham opatetha kathapariyosanam ca me bhavanto agamentuti . atha kho selo brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho selo brahmano bhagavato kaye dvattimsa mahapurisalakkhanani sammannesi. {607.1} Addasa kho selo brahmano bhagavato kaye dvattimsa mahapurisalakkhanani yebhuyyena thapetva dve dvisu mahapurisalakkhanesu kankhati vicikicchati nadhimuccati na sampasidati kosohite ca vatthaguyhe pahutajivhataya ca. @Footnote: ¹ Yu. sace kho . ² Yu. durasada . ³ Yu. bhagavanto. [608] Atha kho bhagavato etadahosi passati kho me ayam selo brahmano dvattimsa mahapurisalakkhanani yebhuyyena thapetva dve dvisu mahapurisalakkhanesu kankhati vicikicchati nadhimuccati na sampasidati kosohite ca vatthaguyhe pahutajivhataya cati . atha kho bhagava tatharupam iddhabhisankharam abhisankharesi yatha addasa selo brahmano bhagavato kosohitam vatthaguyham . atha kho bhagava jivham ninnametva ubhopi kannasotani anumasi patimasi ubhopi nasikasotani anumasi patimasi kevalakappam ^1- nalatamandalam jivhaya chadesi. [609] Atha kho selassa brahmanassa etadahosi samannagato kho samano gotamo dvattimsamahapurisalakkhanehi paripunnehi no apparipunnehi no ca kho nam janami buddho va no va sutam ^2- pana metam brahmananam vuddhanam mahallakanam acariyapacariyanam bhasamananam ye te bhavanti arahanto sammasambuddha te sake vanne bhannamane attanam patukarontiti yannunaham samanam gotamam sammukha saruppahi gathahi abhitthaveyyanti. {609.1} Atha kho selo brahmano bhagavantam sammukha saruppahi gathahi abhitthavi paripunnakayo suruci sujato carudassano suvannavannosi bhagava susukkadatho saviriyava narassa hi sujatassa ye bhavanti vissunjana ^3- sabbe te tava kayasmim mahapurisalakkhana @Footnote: ¹ Yu. kevalampi . ² Yu. sutam kho pana . ³ Yu. viyanjana. Pasannanetto sumukho brahma uju patapava majjhe samanasanghassa adiccova virocasi kalyanadassano bhikkhu kancanasannibhattaco kim te samanabhavena evam uttamavannino raja arahasi bhavitum cakkavatti rathesabho caturanto vijitavi jambusandassa issaro khattiya bhojarajano anuyutta bhavantu ^1- te rajabhiraja manujindo rajjam karehi gotama rajahamasmi selati [bhagava] dhammaraja anuttaro dhammena cakkam vattemi cakkam appativattiyam sambuddho patijanasi [iti selo brahmano] dhammaraja anuttaro dhammena cakkam vattemi iti bhasasi gotama ko nu senapati bhoto savako satthu danvayo ko ^2- nomam anuvatteti dhammacakkam pavattitam maya pavattitam cakkam [selati bhagava] dhammacakkam anuttaram sariputto anuvatteti anujato tathagatam abhinneyyam abhinnatam bhavetabbanca bhavitam pahatabbam pahinam me tasma buddhosmi brahmana vinayassu mayi kankham adhimuccassu brahmana dullabham dassanam hoti sambuddhanam abhinhaso @Footnote: ¹ Yu. bhavanti . ² Yu. ko te imam. Yesam ve ^1- dullabho loke patubhavo abhinhaso soham brahmana sambuddho sallakatto anuttaro brahmabhuto atitulo marasenappamaddano sabbamitte vasikatva modami akutobhayo imam bhonto nisametha yatha bhasati cakkhuma sallakatto mahaviro sihova nadati vane brahmabhutam atitulam marasenappamaddanam ko disva nappasideyya api kanhabhijatiko yo mam icchati anvetu yo ca ^2- nicchati acchatu ^3- idhaham pabbajissami varapannassa santike evance ^4- ruccati bhoto sammasambuddhasasanam mayampi pabbajissama varapannassa santike brahmanati ^5- satta ime yacantipanjalikata ^6- brahmacariyam carissama bhagava tava santike svakkhatam brahmacariyam [selati bhagava] sanditthikamakalikam yattha amogha pabbajja appamattassa sikkhatoti. Alattha kho selo brahmano sapariso bhagavato santike pabbajjam alattha upasampadam. [610] Atha kho keniyo jatilo tassa rattiya accayena sake assame panitam khadaniyam bhojaniyam patiyadapetva bhagavato @Footnote: ¹ Yu. vo . ² Yu. va . ³ Yu. gacchatu . ⁴ Yu. etance. @⁵ Yu. brahmaka tisata ime . ⁶ Yu. yacanti panjalikata. Kalam arocapesi kalo bho gotama nitthitam bhattanti . atha kho bhagava pubbanhasamayam nivasetva pattacivaramadaya yena keniyassa jatilassa assamo tenupasankami upasankamitva pannatte asane nisidi saddhim bhikkhusanghena . atha kho keniyo jatilo buddhappamukham bhikkhusangham panitena khadaniyena bhojaniyena sahattha santappesi sampavaresi . atha kho keniyo jatilo bhagavantam bhuttavim onitapattapanim annataram nicam asanam gahetva ekamantam nisidi. [611] Ekamantam nisinnam kho keniyam jatilam bhagava imahi gathahi anumodi aggihuttammukha ^1- yanna sa vitti chandaso mukham raja mukham manussanam nadinam sagaro mukham nakkhattanam mukham cando adicco tapatam mukham punnamakankhamananam sangho ve yajatam mukhanti. Atha kho bhagava keniyam jatilam imahi gathahi anumoditva utthayasana pakkami . atha kho ayasma selo sapariso ^2- vupakattho appamatto atapi pahitatto viharanto nacirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam ithattayati abbhannasi . annataro ^3- kho panayasma @Footnote: ¹ Yu. aggihuttamukha . ² Yu. etthantare ekoti dissati. @³ Yu. annataro ca kho. Selo sapariso arahatam ahosi. [612] Atha kho ayasma selo sapariso yena bhagava tenupasankami upasankamitva ekamsam civaram katva yena bhagava tenanjalimpanametva bhagavantam gathahi ajjhabhasi yantam saranamagamha ito atthami cakkhuma sattarattena bhagava dantamha tava sasane tuvam buddho tuvam sattha tuvam marabhibhu muni tuvam anusaye cheko ^1- tinno taresimam pajam upadhi te samatikkanta asava te padalita sihova anupadano pahinabhayabheravo bhikkhavoti ^2- satta ime titthantipanjalikata pade vira pasarehi naga vandantu satthunoti. Selasuttam nitthitam dutiyam. -------- @Footnote: ¹ Yu. chetva . ² Yu. bhikkhavo tisata ime titthanti panjalikata.

The Pali Tipitaka in Roman Character Volume 13 page 548-557. https://84000.org/tipitaka/read/roman_read.php?B=13&A=11207&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=11207&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=13&item=604&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=42 Study Atthakatha :- https://84000.org/tipitaka/attha/attha.php?b=13&i=604 The Pali Atthakatha in Thai :- https://84000.org/tipitaka/atthapali/read_th.php?B=9&A=7233 The Pali Atthakatha in Roman :- https://84000.org/tipitaka/atthapali/read_rm.php?B=9&A=7233 Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13