|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
Vasetthasuttam [704] Evamme sutam ekam samayam bhagava icchanangale viharati icchanangalavanasande 1- . tena kho pana samayena sambahula abhinnata abhinnata brahmanamahasala icchanangale pativasanti seyyathidam canki brahmano tarukkho brahmano pokkharasati brahmano janussoni brahmano todeyyo brahmano anne ca abhinnata abhinnata brahmanamahasala . atha kho vasetthabharadvajanam manavanam janghaviharam anucankamantanam anuvicarantanam ayamantarakatha udapadi kathambho brahmano hotiti . bharadvajo manavo evamaha yato kho bho ubhatosujato hoti matito ca pitito ca samsuddhagahaniko yava sattama pitamahayuga akkhitto anupakkuttho jativadena ettavata kho bho brahmano hotiti . vasetthamanavo evamaha yato kho bho silava ca hoti vattasampanno ca ettavata kho bho brahmano hotiti . neva kho asakkhi bharadvajo manavo vasettham manavam sannapetum na panasakkhi vasettho manavo bharadvajam manavam sannapetum. [705] Atha kho vasettho manavo bharadvajam manavam amantesi ayam kho bho bharadvaja samano gotamo sakyaputto @Footnote: 1 Si. icchanangalavanasande.--------------------------------------------------------------------------------------------- page642.
Sakyakula pabbajito icchanangale viharati icchanangalavanasande tam kho pana bhavantam gotamam evamkalyano kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati ayama bho bharadvaja yena samano gotamo tenupasankamissama upasankamitva samanam gotamam etamattham pucchissama yatha no samano gotamo byakarissati tatha nam dharessamati . evam bhoti kho bharadvajo manavo vasetthassa manavassa paccassosi . atha kho vasetthabharadvajamanava yena bhagava tenupasankamimsu upasankamitva bhagavata saddhim sammodimsu sammodaniyam katham saraniyam vitisaretva ekamantam nisidimsu. [706] Ekamantam nisinno kho vasettho manavo bhagavantam gathahi ajjhabhasi anunnatapatinnata tevijja mayamasmubho aham pokkharasatissa tarukkhassayamanavo tevijjanam yadakkhatam tatra kevalinosmase padakasma no byakarana jappe acariyasadisa tesanno jativadasmim vivado atthi gotama jatiya brahmano hoti bharadvajo iti bhasati ahanca kammuna brumi evam janahi cakkhuma--------------------------------------------------------------------------------------------- page643.
Tena sakkoma napetum 1- annamannam mayam ubho bhagavantam putthum agamma 2- sambuddham iti vissutam candam yatha khayatitam pecca panjalika 3- jana vandamana namassanti evam lokasmi gotamam cakkhum loke samuppannam mayam pucchama gotamam jatiya brahmano hoti udahu bhavati kammuna ajanatam no ca 4- bruhi yatha janemu brahmanam. [707] Tesam voham byacikkhissam 5- [vasetthati bhagava] anupubbam yathakatham jativibhangam pananam annamanna hi jatiyo tinarukkhepi janatha na vapi 6- patijanane lingam jatimayam tesam annamanna hi jatiyo tato kite patange ca yava kunthakipillike lingam jatimayam tesam annamanna hi jatiyo catuppadepi janatha khuddake ca mahallake lingam jatimayam tesam annamanna hi jatiyo padudarepi janatha urage dighapitthike lingam jatimayam tesam annamanna hi jatiyo tato macchepi janatha udake varigocare lingam jatimayam tesam annamanna hi jatiyo tato pakkhipi janatha pattayane vihangame @Footnote: 1 Yu. sannatum. 2 Yu. agamha. 3 Yu. panjalika. 4 Yu. pabruhi. @5 Yu. vyakkhissam. 6 Yu. na capi patijanare.--------------------------------------------------------------------------------------------- page644.
Lingam jatimayam tesam annamanna hi jatiyo yatha etasu jatisu lingam jatimayam puthu evam natthi manussesu lingam jatimayam puthu na kesehi na sisena na kannehi na akkhibhi na mukhena na nasaya na otthehi bhamuhi va na givaya na amsehi na udarena na pitthiya na soniya na urasma 1- na sambadhe na methune na hatthehi na padehi na angulihi nakhehi va na janghahi na uruhi na vannena sarena va lingam jatimayanneva yatha annasu jatisu paccattanca sariresu manussesvetam na vijjati vokaram ca manussesu samannaya pavuccati yo hi koci manussesu gorakkham upajivati evam vasettha janahi kassako so na brahmano yo hi koci manussesu puthusippena jivati evam vasettha janahi sippiko so na brahmano yo hi koci manussesu voharam upajivati evam vasettha janahi vanijjo 2- so na brahmano yo hi koci manussesu parapessena jivati evam vasettha janahi pessiko so na brahmano @Footnote: 1 Yu. urasa. 2 Yu. vanijo.--------------------------------------------------------------------------------------------- page645.
Yo hi koci manussesu adinnam upajivati evam vasettha janahi coro eso na brahmano yo hi koci manussesu issattham upajivati evam vasettha janahi yodhajivo na brahmano yo hi koci manussesu porohiccena jivati evam vasettha janahi yajako so na brahmano yo hi koci manussesu gamam ratthanca bhunjati evam vasettha janahi raja eso na brahmano na caham brahmanam brumi yonijam mattisambhavam bhovadi nama so hoti save hoti sakincano akincanam anadanam tamaham brumi brahmanam sabbam sannojanam chetva yo ve na paritassati sangatitam 1- visamyuttam tamaham bruhi brahmanam chetva naddhim varattanca sandhanam 2- sahanukkamam ukkhittapaligham buddham tamaham brumi brahmanam akkosam vadhabandhanca aduttho yo titikkhati khantibalam balanikam tamaham brumi brahmanam akkodhanam dhutavantam 3- silavantam anussudam 4- dantam antimasariram tamaham brumi brahmanam varipokkharapatteva araggeriva sasapo @Footnote: 1 Yu. sangatigam. 2 Yu. sandanam. 3 Yu. vatavantam. 4 Yu. anussadam.--------------------------------------------------------------------------------------------- page646.
Yo na limpati kamesu tamaham brumi brahmanam yo dukkhassa pajanati idheva khayamattano pannabharam visamyuttam tamaham brumi brahmanam gambhirapannam medhavim maggamaggassa kovidam uttamattham anuppattam tamaham brumi brahmanam asamsattham gahatthehi anagarehi cubhayam anokasarim appiccham tamaham brumi brahmanam nidhaya dandam bhutesu tasesu thavaresu ca yo na hanti na ghateti tamaham brumi brahmanam aviruddham viruddhesu attadandesu nibbutam sadanesu anadanam tamaham brumi brahmanam yassa rago ca doso ca mano makkho ca patito sasaporiva aragga tamaham brumi brahmanam akakkasam vinnapanim giram saccam udiraye yaya nabhisaje kinci 1- tamaham brumi brahmanam yopi 2- dighamva rassam va anumthulam subhasubham loke adinnam nameti 3- tamaham brumi brahmanam asa yassa na vijjanti asmim loke paramhi ca nirasasam visamyuttam tamaham brumi brahmanam yassalaya na vijjanti annaya akathamkathi @Footnote: 1 Yu. kanci. 2 Yu. yo ca. 3 Yu. nadiyati.--------------------------------------------------------------------------------------------- page647.
Amatogadham anuppattam tamaham brumi brahmanam yodha punnanca papanca ubhosangam upaccaga asokam virajam suddham tamaham brumi brahmanam candamva vimalam suddham vippasannam anavilam nandibhavaparikkhinam tamaham brumi brahmanam yo imam palipatham duggam samsaram mohamaccaga tinnoparam gato jhayi anejo akathamkathi anupadaya nibbuto tamaham brumi brahmanam yodha kame pahantvana anagaro paribbaje kamabhavaparikkhinam 1- tamaham brumi brahmanam yodha tanham pahantvana anagaro paribbaje kamabhavaparikkhinam tamaham brumi brahmanam hitva manusakam yogam dibbayogam upaccaga sabbayogavisamyuttam tamaham brumi brahmanam hitva ratim aratinca sitibhutam nirupadhim sabbalokabhibhum viram tamaham brumi brahmanam cutim yo vedi sattanam upapattinca sabbaso asattam sugatam buddham tamaham brumi brahmanam yassa gatim na jananti deva gandhabbamanusa khinasavam arahantam tamaham brumi brahmanam @Footnote: 1 Yu. tanhabhavaparikkhinam.--------------------------------------------------------------------------------------------- page648.
Yassa pure ca paccha ca majjhe ca natthi kincanam akincanam anadanam tamaham brumi brahmanam usabham pavaram viram mahesim vijitavinam anejam nhatakam buddham tamaham brumi brahmanam pubbenivasam yo vedi saggapayanca passasi 1- atho jatikkhayam patto tamaham brumi brahmanam samanna hesa lokasmim namagottam pakappitam samucca 2- samudagatam tattha tattha pakappitam digharattamanusayitam ditthigatamajanatam ajananta no ca 3- bruhanti jatiya hoti brahmano na 4- jacca vasalo hoti na jacca hoti brahmano kammuna 5- vasalo hoti kammuna hoti brahmano kassako kammuna hoti sippiko hoti kammuna vanijjo kammuna hoti pessiko hoti kammuna coropi kammuna hoti yodhajivopi kammuna yajako kammuna hoti rajapi hoti kammuna evametam yathabhutam kammam passanti pandita paticcasamuppadadasa kammavipakakovida kammuna vattati loko kammuna vattati paja kammani bandhana satta rathassaniva yayato @Footnote: 1 Yu. passati. 2 Yu. sammucca. 3 Yu. pabruvanti. 4 na jacca brahmano @hoti na jacca hoti abrahmano kammana brahmano hoti kammana hoti abrahmano. @5 Yu. sabbatbha kammanati dissati.--------------------------------------------------------------------------------------------- page649.
Tapena brahmacariyena samyamena damena ca etena brahmano hoti etam brahmanamuttamam 1- tihi vijjahi sampanno santo khinapunabbhavo evam vasettha janahi brahma sakko vijanatanti. [708] Evam vutte vasetthabharadvajamanava bhagavantam etadavocum abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evameva bhota gotamena anekapariyayena dhammo pakasito ete mayam bhavantam gotamam saranam gacchama dhammanca bhikkhusanghanca upasake no bhavam gotamo dharetu ajjatagge panupete saranangateti 2-. Vasetthasuttam nitthitam atthamam. ---------- @Footnote: 1 Yu. brahmanamuttamam. 2 Yu. saranagateti.The Pali Tipitaka in Roman Character Volume 13 page 641-649. https://84000.org/tipitaka/read/roman_read.php?B=13&A=13106&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=13106&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=13&item=704&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=48 Study Atthakatha :- https://84000.org/tipitaka/attha/attha.php?b=13&i=704 The Pali Atthakatha in Thai :- https://84000.org/tipitaka/atthapali/read_th.php?B=9&A=7786 The Pali Atthakatha in Roman :- https://84000.org/tipitaka/atthapali/read_rm.php?B=9&A=7786 Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]