PaliRoman Vol.13

page667.

Sagaravasuttam [734] Evamme sutam ekam samayam bhagava kosalesu carikam carati mahata bhikkhusanghena saddhim . tena kho pana samayena dhananjani ^1- nama brahmani paccalakappe ^2- pativasati abhippasanna buddhe ca dhamme ca sanghe ca . atha kho dhananjani brahmani upakkhalitva tikkhattum udanam udanesi namo tassa bhagavato arahato sammasambuddhassa ... Namo tassa bhagavato arahato sammasambuddhassati. [735] Tena kho pana samayena sagaravo ^3- nama manavo paccalakappe pativasati tinnam vedanam paragu sanighanduketubhanam sakkharappabhedanam itihasapancamanam padako veyyakarano lokayata mahapurisalakkhanesu anavayo . assosi kho sagaravo manavo dhananjaniya brahmaniya evam vacam bhasamanaya sutvana dhananjanim brahmanim etadavoca avabhuta ca yam dhananjani brahmani parabhuta ca yam dhananjani brahmani vijjamananam tevijjanam brahmananam atha ca pana tassa mundakassa samanassa vannam bhasatiti . na hi pana tvam tata bhadramukha tassa bhagavato silapannanam janasi sace tvam tata bhadramukha tassa bhagavato silapannanam janeyyasi na tvam tata bhadramukha tam bhagavantam akkositabbam paribhasitabbam manneyyasiti . Tenahi bhoti yada samano ^4- paccalakappam anuppatto hoti @Footnote: ¹ Yu. dhananjani. ² Yu. candalakappe. ³ Yu. samgaravo. ⁴ Yu. samano gotamo.

--------------------------------------------------------------------------------------------- page668.

Atha ^1- me aroceyyasiti . evam bhadramukhati kho dhananjani brahmani sagaravassa manavassa paccassosi. [736] Atha kho bhagava kosalesu anupubbena carikam caramano yena paccalakappam tadavasari . tatra sudam bhagava paccalakappe viharati todeyyanam brahmananam ambavane . assosi kho dhananjani brahmani bhagava kira paccalakappam anuppatto paccalakappe viharati todeyyanam brahmananam ambavaneti . atha kho dhananjani brahmani yena sagaravo manavo tenupasankami upasankamitva sagaravam manavam etadavoca ayam tata bhadramukha so bhagava paccalakappam anuppatto paccalakappe viharati todeyyanam brahmananam ambavane yassadani tvam tata bhadramukha kalam mannasiti . evam bhotiti kho sagaravo manavo dhananjaniya brahmaniya patissutva yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . Ekamantam nisinno kho sagaravo manavo bhagavantam etadavoca santi kho bho gotama eke samanabrahmana ditthadhammabhinna- vosanaparamippatta adibrahmacariyam patijananti tatra bho gotama ye te samanabrahmana ditthadhammabhinnavosana- paramippatta adibrahmacariyam patijananti tesam bhavam gotamo katamoti. [737] Ditthadhammabhinnavosanaparamippattanam adibrahmacariyam @Footnote: ¹ Yu. atha kho me.

--------------------------------------------------------------------------------------------- page669.

Patijanantanampi kho aham bharadvaja vemattam ^1- vadami santi bharadvaja eke samanabrahmana anussavika tena ^2- anussavena ditthadhammabhinnavosanaparamippatta adibrahmacariyam patijananti seyyathapi brahmana tevijja . santi pana bharadvaja eke samanabrahmana kevalam saddhamattakena ditthadhammabhinnavosana- paramippatta adibrahmacariyam patijananti seyyathapi takki vimamsi . Santi bharadvaja eke samanabrahmana pubbe ananussutesu dhammesu samamyeva dhammam abhinnaya ditthadhammabhinnavosanaparamippatta adibrahmacariyam patijananti tatra bharadvaja ye te samanabrahmana pubbe ananussutesu dhammesu samamyeva dhammam abhinnaya ditthadhammabhinnavosanaparamippatta adibrahmacariyam patijananti tesahamasmi tadiminapetam bharadvaja pariyayena veditabbam . yatha ye te samanabrahmana pubbe ananussutesu dhammesu samamyeva dhammam abhinnaya ditthadhammabhinnavosanaparamippatta adibrahmacariyam patijananti tesahamasmi. [738] Idha me bharadvaja pubbeva sambodha anabhisambuddhassa bodhisattasseva sato etadahosi sambadho gharavaso rajapatho abbhokaso pabbajja nayidam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum yannunaham kesamassum oharetva kasayani vatthani acchadetva agarasma @Footnote: ¹ Yu. vemattatam. ² Yu. te.

--------------------------------------------------------------------------------------------- page670.

Anagariyam pabbajeyyanti . so kho aham bharadvaja aparena samayena daharova samano susukalakeso bhadrena yobbanena samannagato pathamena vayasa akamakanam matapitunam assumukhanam rodantanam kesamassum oharetva kasayani vatthani acchadetva agarasma anagariyam pabbajim . so evam pabbajito samano kimkusalagavesi anuttaram santivarapadam pariyesamano yena alaro kalamo tenupasankamim upasankamitva alaram kalamam etadavocam icchamaham avuso kalama imasmim dhammavinaye brahmacariyam caritunti. {738.1} Evam vutte bharadvaja alaro kalamo mam etadavoca viharatayasma tadiso ayam dhammo yattha vinnu puriso nacirasseva sakam acariyakam abhinna sacchikatva upasampajja vihareyyati . so kho aham bharadvaja nacirasseva khippameva tam dhammam pariyapunim . so kho aham bharadvaja tavatakeneva otthapahatamattena lapitalapanamattena nanavadanca vadami theravadanca janami passamiti ca patijanami ahanceva anne ca . tassa mayham bharadvaja etadahosi na kho alaro kalamo imam dhammam kevalam saddhamattakena sayam abhinna sacchikatva upasampajja viharamiti pavedeti addha alaro kalamo imam dhammam janam passam viharatiti. {738.2} Atha khvaham bharadvaja yena alaro kalamo tenupasankamim upasankamitva alaram kalamam etadavocam kittavata no avuso kalama imam

--------------------------------------------------------------------------------------------- page671.

Dhammam sayam abhinna sacchikatva upasampajja pavedesiti . evam vutte bharadvaja alaro kalamo akincannayatanam pavedesi . Tassa mayham bharadvaja etadahosi na kho alarasseva kalamassa atthi saddha mayhampatthi saddha na kho alarasseva kalamassa atthi viriyam mayhampatthi viriyam sati ... samadhi ... panna mayhampatthi panna yannunaham yam dhammam alaro kalamo sayam abhinna sacchikatva upasampajja viharamiti pavedeti tassa dhammassa sacchikiriyaya padaheyyanti . so kho aham bharadvaja nacirasseva khippameva tam dhammam sayam abhinna sacchikatva upasampajja vihasim. {738.3} Atha khvaham bharadvaja yena alaro kalamo tenupasankamim upasankamitva alaram kalamam etadavocam ettavata no avuso kalama imam dhammam sayam abhinna sacchikatva upasampajja pavedesiti . ettavata kho aham avuso imam dhammam sayam abhinna sacchikatva upasampajja pavedemiti ahampi kho avuso ettavata imam dhammam sayam abhinna sacchikatva upasampajja viharamiti labha no avuso suladdham no avuso ye mayam ayasmantam tadisam sabrahmacarim passama iti yaham dhammam sayam abhinna sacchikatva upasampajja pavedemi tam tvam dhammam sayam abhinna sacchikatva upasampajja vihasi yam tvam dhammam sayam abhinna sacchikatva upasampajja vihasi tamaham dhammam sayam abhinna sacchikatva upasampajja

--------------------------------------------------------------------------------------------- page672.

Pavedemi iti yaham dhammam janami tam tvam dhammam janasi yam tvam dhammam janasi tamaham dhammam janami iti yadiso aham tadiso tuvam yadiso tuvam tadiso aham ehidani avuso ubho vasanta imam ganam pariharamati . iti kho bharadvaja alaro kalamo acariyo me samano antevasim mam samanam attano samasamam thapesi ularaya ca mam pujaya pujesi . tassa mayham bharadvaja etadahosi nayam dhammo nibbidaya na viragaya na nirodhaya na upasamaya na abhinnaya ^[1]- na nibbanaya samvattati yavadeva akincannayatanupapattiyati . So kho aham bharadvaja tam dhammam analankaritva tasma dhamma nibbijja ^2- pakkamim. [739] So kho aham bharadvaja kimkusalagavesi anuttaram santivarapadam pariyesamano yena uddako ramaputto tenupasankamim upasankamitva uddakam ramaputtam etadavocam icchamaham avuso rama imasmim dhammavinaye brahmacariyam caritunti . evam vutte bharadvaja uddako ramaputto mam etadavoca viharatayasma tadiso ayam dhammo yattha vinnu puriso nacirasseva sakam acariyakam abhinna ^3- sacchikatva upasampajja vihareyyati . so kho aham bharadvaja nacirasseva khippameva tam dhammam pariyapunim . so kho aham bharadvaja tavatakeneva otthapahatamattena lapitalapanamattena nanavadanca vadami theravadanca janami passamiti ca patijanami ahanceva anne @Footnote: ¹ Yu. etthantare na sambodhayati dissati. ² Yu. nibbijjapakkamim. @³ Yu. sayam abhinna.

--------------------------------------------------------------------------------------------- page673.

Ca . tassa mayham bharadvaja etadahosi na kho ramo imam dhammam kevalam saddhamattakena sayam abhinna sacchikatva upasampajja viharamiti pavedeti ^1- addha ramo imam dhammam janam passam viharatiti ^2-. {739.1} Atha khvaham bharadvaja yena uddako ramaputto tenupasankamim upasankamitva uddakam ramaputtam etadavocam kittavata no avuso rama ^3- imam dhammam sayam abhinna sacchikatva upasampajja pavedesiti . evam vutte bharadvaja uddako ramaputto nevasannanasannayatanam pavedesi . tassa mayham bharadvaja etadahosi na kho ramasseva ahosi saddha mayhampatthi saddha na kho ramasseva ahosi viriyam .pe. sati ... samadhi ... Panna mayhampatthi panna yannunaham yam dhammam ramo sayam abhinna sacchikatva upasampajja viharamiti pavedesi tassa dhammassa sacchikiriyaya padaheyyanti . so kho aham bharadvaja nacirasseva khippameva tam dhammam sayam abhinna sacchikatva upasampajja vihasim. {739.2} Atha khvaham bharadvaja yena uddako ramaputto tenupasankamim upasankamitva uddakam ramaputtam etadavocam ettavata no avuso rama ^4- imam dhammam sayam abhinna sacchikatva upasampajja pavedesiti . ettavata ^5- kho aham avuso imam dhammam sayam abhinna sacchikatva upasampajja pavedemiti ^6- ahampi kho avuso ettavata imam dhammam sayam abhinna sacchikatva upasampajja viharamiti labha no avuso @Footnote: ¹ Yu. pavedesi. ² Yu. vihasiti. 3-4 Yu. ramo. ⁵ Yu. ettavata kho avuso @ramo ... pavedesiti. ⁶ Yu. pavedesiti.

--------------------------------------------------------------------------------------------- page674.

Suladdham no avuso ye mayam ayasmantam tadisam sabrahmacarim passama iti yam dhammam ramo sayam abhinna sacchikatva upasampajja pavedesi tam tvam dhammam sayam abhinna sacchikatva upasampajja vihasi ^1- yam tvam dhammam sayam abhinna sacchikatva upasampajja vihasi tam dhammam ramo sayam abhinna sacchikatva upasampajja pavedesi iti yam dhammam ramo abhinnasi ^2- tam tvam dhammam janasi yam tvam dhammam janasi tam dhammam ramo abhinnasi iti yadiso ramo ahosi tadiso tuvam yadiso tuvam tadiso ramo ahosi ehidani avuso tuvam imam ganam pariharati. {739.3} Iti kho bharadvaja uddako ramaputto sabrahmacari me samano acariyatthaneva ^3- mam thapesi ularaya ca mam pujaya pujesi. Tassa mayham bharadvaja etadahosi nayam dhammo nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yavadeva nevasannanasannayatanupapattiyati . so kho aham bharadvaja tam dhammam analankaritva tasma dhamma nibbijja pakkamim. [740] So kho aham bharadvaja kimkusalagavesi anuttaram santivarapadam pariyesamano magadhesu anupubbena carikam caramano yena uruvela senanigamo tadavasari ^4- . tatthaddasam ramaniyam bhumibhagam pasadikanca vanasandam nadinca sandantim situdakam ^5- supatittham ramaniyam @Footnote: ¹ Yu. viharasi. ² Yu. annasi. ³ Yu. acariyatthane ca. ⁴ Yu. tadavasarim. @⁵ Yu. setakam.

--------------------------------------------------------------------------------------------- page675.

Samanta ^1- gocaragamam . tassa mayham bharadvaja etadahosi ramaniyo vata bhumibhago pasadiko ca vanasando nadi ca sandanti situdaka supatittha ramaniya samanta ca gocaragamo alam vatidam kulaputtassa padhanatthikassa padhanayati . so kho aham bharadvaja tattheva nisidim alamidam padhanayati. [741] Apissu mam bharadvaja tisso upama patibhamsu anacchariya pubbe assutapubba . seyyathapi bharadvaja allam kattham sasneham udake nikkhittam . atha puriso agaccheyya uttararanim adaya aggim abhinibbattessami tejo patukarissamiti . tam kim mannasi bharadvaja api nu so puriso amum allam kattham sasneham udake nikkhittam uttararanim adaya abhimatthento aggim abhinibbatteyya tejo patukareyyati . no hidam bho gotama tam kissa hetu adunhi bho gotama allam kattham sasneham tanca pana udake nikkhittam yavadeva ca pana so puriso kilamathassa vighatassa bhagi assati. {741.1} Evameva kho bharadvaja ye hi keci samana va brahmana va kayena ceva kamehi avupakattha viharanti . Yo ca nesam kamesu kamacchando kamasneho kamamuccha kamapipasa kamaparilaho so ca ajjhattam na supahino hoti na supatippassaddho . opakkamika cepi te bhonto samanabrahmana dukkha tippa katuka vedana vediyanti abhabbava te nanaya dassanaya anuttaraya sambodhaya . no cepi @Footnote: ¹ Yu. samanta ca.

--------------------------------------------------------------------------------------------- page676.

Te bhonto samanabrahmana opakkamika dukkha tippa katuka vedana vediyanti abhabbava te nanaya dassanaya anuttaraya sambodhaya . ayam kho mam bharadvaja pathama upama patibhasi anacchariya pubbe assutapubba. [742] Aparapi kho mam bharadvaja dutiya upama patibhasi anacchariya pubbe assutapubba . seyyathapi bharadvaja allam kattham sasneham araka udaka thale nikkhittam . atha puriso agaccheyya uttararanim adaya aggim abhinibbattessami tejo patukarissamiti . tam kim mannasi bharadvaja api nu so puriso amum allam kattham sasneham araka udaka thale nikkhittam uttararanim adaya abhimatthento aggim abhinibbatteyya tejo patukareyyati . No hidam bho gotama tam kissa hetu adunhi bho gotama allam kattham sasneham kincapi araka udaka thale nikkhittam yavadeva ca pana so puriso kilamathassa vighatassa bhagi assati. {742.1} Evameva kho bharadvaja ye hi keci samana va brahmana va kayena ceva kamehi vupakattha ^1- viharanti. Yo ca nesam kamesu kamacchando kamasneho kamamuccha kamapipasa kamaparilaho so ca ajjhattam na supahino hoti na supatippassaddho . opakkamika cepi te bhonto samanabrahmana dukkha tippa katuka vedana vediyanti abhabbava te nanaya dassanaya anuttaraya sambodhaya . no cepi @Footnote: ¹ Yu. avupakattha.

--------------------------------------------------------------------------------------------- page677.

Te bhonto samanabrahmana opakkamika dukkha tippa katuka vedana vediyanti abhabbava te nanaya dassanaya anuttaraya sambodhaya . ayam kho mam bharadvaja dutiya upama patibhasi anacchariya pubbe assutapubba. [743] Aparapi kho mam bharadvaja tatiya upama patibhasi anacchariya pubbe assutapubba . seyyathapi bharadvaja sukkham kattham kolapam araka udaka thale nikkhittam . atha puriso agaccheyya uttararanim adaya aggim abhinibbattessami tejo patukarissamiti . tam kim mannasi bharadvaja api nu so puriso amum sukkham kattham kolapam araka udaka thale nikkhittam uttararanim adaya abhimatthento aggim abhinibbatteyya tejo patukareyyati . Evam bho gotama tam kissa hetu adunhi bho gotama sukkham kattham kolapam tanca pana araka udaka thale nikkhittanti . evameva kho bharadvaja ye hi keci samana va brahmana va kayena ceva kamehi vupakattha viharanti . yo ca nesam kamesu kamacchando kamasneho kamamuccha kamapipasa kamaparilaho so ca ajjhattam supahino hoti supatippassaddho . opakkamika cepi te bhonto samanabrahmana dukkha tippa katuka vedana vediyanti bhabbava te nanaya dassanaya anuttaraya sambodhaya . no cepi te bhonto samanabrahmana

--------------------------------------------------------------------------------------------- page678.

Opakkamika dukkha tippa katuka vedana vediyanti bhabbava te nanaya dassanaya anuttaraya sambodhaya . ayam kho mam bharadvaja tatiya upama patibhasi anacchariya pubbe assutapubba . Ima kho mam bharadvaja tisso upama patibhamsu anacchariya pubbe assutapubba. [744] Tassa mayham bharadvaja etadahosi yannunaham dantebhi dantamadhaya jivhaya talum ahacca cetasa cittam abhinigganheyyam abhinippileyyam abhisantapeyyanti . so kho aham bharadvaja dantebhi dantamadhaya jivhaya talum ahacca cetasa cittam abhinigganhami abhinippilemi abhisantapemi . tassa mayham bharadvaja dantebhi dantamadhaya jivhaya talum ahacca cetasa cittam abhinigganhato abhinippilayato abhisantapayato kacchehi seda muccanti . seyyathapi bharadvaja balava puriso dubbalataram purisam sise va gahetva khandhe va gahetva abhinigganheyya abhinippileyya abhisantapeyya evameva kho me bharadvaja dantebhi dantamadhaya jivhaya talum ahacca cetasa cittam abhinigganhato abhinippilayato abhisantapayato kacchehi seda muccanti . araddham kho pana me bharadvaja viriyam hoti asallinam upatthita sati appammuttha ^1- saraddho ca pana me kayo hoti appatippassaddho teneva dukkhappadhanena padhanabhitunnassa sato. @Footnote: ¹ Yu. sabbattha asammutthati dissati.

--------------------------------------------------------------------------------------------- page679.

[745] Tassa mayham bharadvaja etadahosi yannunaham appanakam jhanam jhayeyyanti . so kho aham bharadvaja mukhato ca nasato ca assasapassase uparundhim . tassa mayham bharadvaja mukhato ca nasato ca assasapassasesu uparuddhesu kannasotehi vatanam nikkhantanam adhimatto saddo hoti . seyyathapi nama kammaragaggariya dhamamanaya adhimatto saddo hoti evameva kho me bharadvaja mukhato ca nasato ca assasapassasesu uparuddhesu kannasotehi vatanam nikkhantanam adhimatto saddo hoti . araddham kho pana me bharadvaja viriyam hoti asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato. [746] Tassa mayham bharadvaja etadahosi yannunaham appanakamyeva jhanam jhayeyyanti . so kho aham bharadvaja mukhato ca nasato ca kannasotato ^1- ca assasapassase uparundhim . tassa mayham bharadvaja mukhato ca nasato ca kannasotato ca assasapassasesu uparuddhesu adhimatta vata muddhanam ohananti ^2- . seyyathapi bharadvaja balava puriso tinhena sikharena muddhanam abhimattheyya evameva kho me bharadvaja mukhato ca nasato ca kannasotato ca assasapassasesu uparuddhesu adhimatta vata muddhanam ohananti ^3- . araddham kho pana me bharadvaja viriyam hoti @Footnote: ¹ Yu. sabbattha kannatoti dissati. 2-3 Yu. uhananti.

--------------------------------------------------------------------------------------------- page680.

Asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato. [747] Tassa mayham bharadvaja etadahosi yannunaham appanakamyeva jhanam jhayeyyanti . so kho aham bharadvaja mukhato ca nasato ca kannasotato ca assasapassase uparundhim . Tassa mayham bharadvaja mukhato ca nasato ca kannasotato ca assasapassasesu uparuddhesu adhimatta sise sisavedana hoti . Seyyathapi bharadvaja balava puriso dalhena varattakkhandhena sise sisavedhanam ^1- dadeyya evameva kho me bharadvaja mukhato ca nasato ca kannasotato ca assasapassasesu uparuddhesu adhimatta sise sisavedana hoti . araddham kho pana me bharadvaja viriyam hoti asallinam upatthita sati appammuttha saraddho ca pana me kayo honti appatippassaddho teneva dukkhappadhanena padhanabhitunnassa sato. [748] Tassa mayham bharadvaja etadahosi yannunaham appanakamyeva jhanam jhayeyyanti . so kho aham bharadvaja mukhato ca nasato ca kannasotato ca assasapassase uparundhim . Tassa mayham bharadvaja mukhato ca nasato ca kannasotato ca assasapassasesu uparuddhesu adhimatta vata kucchim parikantanti . @Footnote: ¹ Yu. sisavedham.

--------------------------------------------------------------------------------------------- page681.

Seyyathapi bharadvaja dakkho goghatako va goghatakantevasi va tinhena govikantanena kucchim parikanteyya evameva kho ^1- bharadvaja mukhato ca nasato ca kannasotato ca assasapassasesu uparuddhesu ^2- adhimatta vata kucchim parikantanti . araddham kho pana me bharadvaja viriyam hoti asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato. [749] Tassa mayham bharadvaja etadahosi yannunaham appanakamyeva jhanam jhayeyyanti . so kho aham bharadvaja mukhato ca nasato ca kannasotato ca assasa passase uparundhim . tassa mayham bharadvaja mukhato ca nasato ca kannasotato ca assasapassasesu uparuddhesu adhimatto kayasmim daho hoti . Seyyathapi bharadvaja balavanto ^[3]- purisa dubbalataram purisam nanabahasu gahetva angarakasuya santapeyyum ^[4]- evameva kho me bharadvaja mukhato ca nasato ca kannasotato ca assasapassasesu uparuddhesu adhimatto kayasmim daho hoti . araddham kho pana me bharadvaja viriyam hoti asallinam upatthita sati appammuttha saraddho ca pana me kayo hoti appatippassaddho teneva dukkhappadhanena padhanabhitunnassa sato . Apissu mam bharadvaja devata disva evamahamsu kalakato samano gotamoti. @Footnote: ¹ Yu. evameva kho me. ² Yu. mukhato ca .pe. uparuddhesuti ime patha na dissanti. @³ Yu. etthantare dveti dissati. ⁴ Yu. etthantare samparitapeyyunti @dissati.

--------------------------------------------------------------------------------------------- page682.

Ekacca devata evamahamsu na kalakato samano gotamo apica kalam karotiti . ekacca devata evamahamsu na kalakato samano gotamo napi kalam karoti araham samano gotamo viharo tveva so arahato evarupo hotiti. [750] Tassa mayham bharadvaja etadahosi yannunaham sabbaso aharupacchedaya patipajjeyyanti . atha kho mam bharadvaja ta ^1- devata upasankamitva etadavocum ma kho tvam marisa sabbaso aharupacchedaya patipajji sace kho tvam marisa sabbaso aharupacchedaya patipajjissasi tassa te mayam dibbam ojam lomakupehi ajjhoharissama taya tuvam yapessasiti . tassa mayham bharadvaja etadahosi aham ceva kho pana sabbaso jaddhukam ^2- patijaneyyam ima ca kho me devata dibbam ojam lomakupehi ajjhohareyyum taya caham yapeyyam tam mama assa musati . so kho aham bharadvaja ta devata paccacikkhami alanti vadami. [751] Tassa mayham bharadvaja etadahosi yannunaham thokam thokam aharam ahareyyam pasatam pasatam yadi va muggayusam yadi va kulatthayusam yadi va kalayayusam yadi va harenukayusanti . so kho aham bharadvaja thokam thokam aharam aharesim pasatam pasatam yadi va @Footnote: ¹ Yu. tati na dissati. ² Yu. ajaddhukanti dissati.

--------------------------------------------------------------------------------------------- page683.

Muggayusam yadi va kulatthayusam yadi va kalayayusam yadi va harenukayusam. Tassa mayham bharadvaja thokam thokam aharam aharayato pasatam pasatam yadi va muggayusam yadi va kulatthayusam yadi va kalayayusam yadi va harenukayusam adhimattakasimanam patto kayo hoti. {751.1} Seyyathapi nama asitikapabbani va kalapabbani va evamevassu me angapaccangani bhavanti tayevappaharataya. Seyyathapi nama otthapadam evamevassu me anisadam hoti tayevappaharataya. Seyyathapi nama vattanavali evamevassu me pitthikantako unnatavanato hoti tayevappaharataya . seyyathapi nama jajjarasalaya ^1- gopanasiyo oluggavilugga bhavanti evamevassu me phasuliyo oluggavilugga bhavanti tayevappaharataya . seyyathapi nama gambhire odapane udakataraka gambhiragata okkhayika dissanti evamevassu me akkhikupesu akkhitaraka gambhiragata okkhayika dissanti tayevappaharataya . seyyathapi nama tittikalabu amakacchinno vatatapena samphusito ^2- hoti sammilato evamevassu me sisacchavi samphusita hoti sammilata tayevappaharataya . So kho aham bharadvaja udaracchavim parimasissamiti pitthikantakamyeva parigganhami pitthikantakam parimasissamiti udaracchavimyeva parigganhami yavassu me bharadvaja udaracchavi pitthikantakam allina hoti tayevappaharataya . So kho aham @Footnote: ¹ Yu. jarasalaya. ² Yu. samputito.

--------------------------------------------------------------------------------------------- page684.

Bharadvaja vaccam va muttam va karissamiti tattheva avakujjo papatami tayevappaharataya. {751.2} So kho aham bharadvaja imameva kayam assasento panina gattani anumajjami tassa mayham bharadvaja panina gattani anumajjato putimulani lomani kayasma papatanti tayevappaharataya . apissu mam bharadvaja manussa disva evamahamsu kalo samano gotamoti . ekacce manussa evamahamsu na kalo samano gotamo samo samano gotamoti . Ekacce manussa evamahamsu na kalo samano gotamo napi samo manguracchavi samano gotamoti . yavassu me bharadvaja ^[1]- parisuddho chavivanno pariyodato upahato hoti tayevappaharataya. [752] Tassa mayham bharadvaja etadahosi ye kho keci atitamaddhanam samana va brahmana va opakkamika dukkha tippa katuka vedana vediyimsu etavaparamam nayito bhiyyo yepi ^2- keci anagatamaddhanam samana va brahmana va opakkamika dukkha tippa katuka vedana vediyissanti etavaparamam nayito bhiyyo yepi ^3- keci etarahi samana va brahmana va opakkamika dukkha tippa katuka vedana vediyanti etavaparamam nayito bhiyyo. Na kho panaham imaya katukaya dukkarakarikaya adhigacchami uttarim manussadhamma alamariyananadassanavisesam siya nu kho anno maggo @Footnote: ¹ Yu. etthantare tavasaddo dissati. 2-3 Yu. yepi hi keci.

--------------------------------------------------------------------------------------------- page685.

Bodhiyati ^1- . tassa mayham bharadvaja etadahosi abhijanami kho panaham pitu sakkassa kammante sitaya jambuchayaya nisinno vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharita siya nu kho eso maggo bodhiyati ^2- . tassa mayham bharadvaja satanusarivinnanam ahosi eseva ^3- maggo bodhiyati ^4- . tassa mayham bharadvaja etadahosi kinnu kho aham tassa sukhassa bhayami yantam sukham annatreva kamehi annatra akusalehi dhammehiti . tassa mayham bharadvaja etadahosi na kho aham tassa sukhassa bhayami yantam sukham annatreva kamehi annatra akusalehi dhammehiti. [753] Tassa mayham bharadvaja etadahosi na kho tam sukaram sukham adhigantum evam adhimattakasimanam pattakayena yannunaham olarikam aharam ahareyyam odanam kummasanti . so kho aham bharadvaja olarikam aharam aharesim odanam kummasam . tena kho pana mam bharadvaja samayena panca bhikkhu paccupatthita honti yam no samano gotamo dhammam adhigamissati tanno arocessatiti . Yato kho aham bharadvaja olarikam aharam aharesim odanam kummasam atha me te panca bhikkhu nibbijja pakkamimsu bahulliko samano gotamo padhanavibbhanto avatto bahullayati. [754] So kho aham bharadvaja olarikam aharam aharitva ^5- @Footnote:1-2-4 Yu. bodhayati. ³ Yu. esova. ⁵ Yu. aharetva.

--------------------------------------------------------------------------------------------- page686.

Balam gahetva vivicceva kamehi .pe. pathamam jhanam upasampajja vihasim vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja vihasim pitiya ca viraga upekkhako ca vihasi sato ca sampajano sukhanca kayena patisamvedesim yantam ariya acikkhanti upekkhako satima sukhavihariti tatiyam jhanam upasampajja vihasim sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja vihasim. [755] So evam samahite citte parisuddhe pariyodate anangane vigatupakkilese mudubhute kammaniye thite anenjappatte pubbenivasanussatinanaya cittam abhininnamesim . so anekavihitam pubbenivasam anussarami seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarami . ayam kho me bharadvaja rattiya pathame yame pathama vijja adhigata avijja vihata vijja uppanna tamo vihato aloko uppanno yathatam appamattassa atapino pahitattassa viharato. [756] So evam samahite citte parisuddhe pariyodate anangane vigatupakkilese mudubhute kammaniye thite anenjappatte

--------------------------------------------------------------------------------------------- page687.

Sattanam cutupapatananaya cittam abhininnamesim . so dibbena cakkhuna visuddhena atikkantamanusakena satte passami cavamane upapajjamane hine panite suvanne dubbanne sugate duggate .pe. yathakammupage satte pajanami . ayam kho me bharadvaja rattiya majjhime yame dutiya vijja adhigata avijja vihata vijja uppanna tamo vihato aloko uppanno yathatam appamattassa atapino pahitattassa viharato. [757] So evam samahite citte parisuddhe pariyodate anangane vigatupakkilese mudubhute kammaniye thite anenjappatte asavanam khayananaya cittam abhininnamesim . so idam dukkhanti yathabhutam abbhannasim ayam dukkhasamudayoti yathabhutam abbhannasim ayam dukkhanirodhoti yathabhutam abbhannasim ayam dukkhanirodhagamini patipadati yathabhutam abbhannasim ime asavati yathabhutam abbhannasim ayam asavasamudayoti yathabhutam abbhannasim ayam asavanirodhoti yathabhutam abbhannasim ayam asavanirodhagamini patipadati yathabhutam abbhannasim . tassa mayham ^1- evam janato evam passato kamasavapi cittam vimuccittha bhavasavapi cittam vimuccittha avijjasavapi cittam vimuccittha vimuttasmim vimuttamiti nanam hoti ^2- khina jati vusitam brahmacariyam katam karaniyam naparam itthattayati abbhannasim . ayam kho me bharadvaja rattiya pacchime yame @Footnote: ¹ Yu. me. ² Yu. ahosi.

--------------------------------------------------------------------------------------------- page688.

Tatiya vijja adhigata avijja vihata vijja uppanna tamo vihato aloko uppanno yathatam appamattassa atapino pahitattassa viharatoti. [758] Evam vutte sagaravo manavo bhagavantam etadavoca atthitavata bhoto gotamassa padhanam ahosi sappurisavata bhoto gotamassa padhanam ahosi yathatam arahato sammasambuddhassa kim nu kho bho gotama atthi devati . Thanaso ^1- kho panetam bharadvaja viditam yadidam atthi devati . kinnu kho bho gotama atthi devati puttho samano thanaso ^2- panetam bharadvaja viditam yadidam atthi devati vadesi nanu bho gotama evam sante tuccha musa hotiti . atthi devati bharadvaja puttho samano atthi devati yo vadeyya thanaso vidita me viditati yo vadeyya. Atha khvettha vinnupurisena ekamsena nittham gantum ^3- va yadidam atthi devati . Kissa pana me bhavam gotamo adikeneva na byakasiti. Uccena ^4- sammatam kho etam bharadvaja lokasmim yadidam atthi devati. [759] Evam vutte sagaravo manavo bhagavantam etadavoca abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evameva bhota gotamena anekapariyayena @Footnote: ^1-2 Yu. thanaso me tam. ³ Yu. gantabbam. ⁴ Yu. ucce.

--------------------------------------------------------------------------------------------- page689.

Dhammo pakasito esaham bhavantam ^1- gotamam saranam gacchami dhammanca bhikkhusanghanca upasakam mam bhavam gotamo dharetu ajjatagge panupetam saranangatanti. Sagaravasuttam nitthitam dasamam. Brahmanavaggo pancamo. ------------ Tassa vaggassa uddanam brahmayu selassalayano ghotamukho ca brahmano esucanki dhananjani vasettho subhagaravo. Majjhimapannasakam samattam. ------- @Footnote: Yu. bhagavantam.