ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.

page123.

Bhikkhuvaggo ----- cularahulovadasuttam 1- [125] Evamme sutam ekam samayam bhagava rajagahe viharati veluvane kalandakanivape . tena kho pana samayena ayasma rahulo ambalatthikayam viharati . atha kho bhagava sayanhasamayam patisallana vutthito yena ambalatthika yenayasma rahulo tenupasankami . addasa kho ayasma rahulo bhagavantam duratova agacchantam disvana asanam pannapesi udakanca padanam . Nisidi bhagava pannatte asane nisajja pade pakkhalesi . Ayasmapi kho rahulo bhagavantam abhivadetva ekamantam nisidi. [126] Atha kho bhagava parittam udakavasesam udakadhane thapetva ayasmantam rahulam amantesi passasi no tvam rahula imam parittam udakavasesam udakadhane thapitanti . evam bhante. Evam parittam kho rahula tesam samannam yesam natthi sampajanamusavade lajjati . atha kho bhagava tam 2- parittam udakavasesam chaddetva ayasmantam rahulam amantesi passasi no tvam rahula imam 3- parittam udakavasesam chadditanti . evam bhante . evam chadditam kho rahula tesam samannam yesam natthi sampajanamusavade lajjati . atha kho @Footnote: 1 Ma. ambalatthikarahulovadasuttam. 2 Ma. ayam patho natthi. 3 Ma. ayam patho @natthi. Yu. tanti dissati.

--------------------------------------------------------------------------------------------- page124.

Bhagava tam udakadhanam nikkujjitva ayasmantam rahulam amantesi passasi no tvam rahula imam udakadhanam nikkujjitanti . Evam bhante. Evam nikkujjitam kho rahula tesam samannam yesam natthi sampajana- musavade lajjati . atha kho bhagava tam udakadhanam ukkujjitva ayasmantam rahulam amantesi passasi no tvam rahula imam udakadhanam rittamyeva 1- tucchanti . evam bhante . evam rittam tuccham kho rahula tesam samannam yesam natthi sampajanamusavade lajjati. [127] Seyyathapi rahula ranno nago isadanto urulhavabhijato 2- sangamavacaro so 3- sangamagato purimehipi padehi kammam karoti pacchimehipi padehi kammam karoti purimenapi kayena kammam karoti pacchimenapi kayena kammam karoti sisenapi kammam karoti kannehipi kammam karoti dantehipi kammam karoti nangutthenapi kammam karoti rakkhateva sondam . tattha hattharohassa evam hoti ayam kho ranno nago isadanto urulhavabhijato 2- sangamavacaro sangamagato purimehipi padehi kammam karoti pacchimehipi padehi kammam karoti purimenapi kayena kammam karoti pacchimenapi kayena kammam karoti sisenapi kammam karoti kannehipi kammam karoti dantehipi kammam karoti nangutthenapi kammam karoti rakkhateva @Footnote: 1 Ma. Yu. rittam . 2 Si. Yu. ubbulhavabhijato . 3 Ma. ayam patho natthi.

--------------------------------------------------------------------------------------------- page125.

Sondam apariccattam kho ranno nagassa jivitanti. {127.1} Yato kho rahula ranno nago isadanto urulhavabhijato sangamavacaro sangamagato purimehipi padehi kammam karoti pacchimehipi padehi kammam karoti .pe. nangutthenapi kammam karoti sondayapi kammam karoti . tattha hattharohassa evam hoti ayanca 1- kho ranno nago isadanto urulhavabhijato sangamavacaro sangamagato purimehipi padehi kammam karoti pacchimehipi padehi kammam karoti purimenapi kayena kammam karoti pacchimenapi kayena kammam karoti sisenapi kammam karoti kannehipi kammam karoti dantehipi kammam karoti nangutthenapi kammam karoti sondayapi kammam karoti pariccattam kho ranno nagassa jivitam natthidani kinci ranno nagassa akaraniyanti . evameva kho rahula yassakassaci sampajana- musavade natthi lajja naham tassa kinci papam kammam 2- akaraniyanti vadami . tasmatiha te rahula hassapi na musa bhanissamiti evanhi te rahula sikkhitabbam. [128] Tam kim mannasi rahula kimatthiyo adasoti. Paccavekkhanattho bhanteti . Evameva kho rahula paccavekkhitva paccavekkhitva kayena kammam katabbam paccavekkhitva paccavekkhitva vacaya kammam katabbam paccavekkhitva paccavekkhitva manasa kammam katabbam. @Footnote: 1 Ma. Yu. ayam kho . 2 Ma. Yu. ayam patho natthi.

--------------------------------------------------------------------------------------------- page126.

[129] Yadeva tvam rahula kayena kammam kattukamo ahosi 1- tadeva te kayakammam paccavekkhitabbam yannu kho aham idam kayena kammam kattukamo idam me kayakammam attabyabadhayapi samvatteyya parabyabadhayapi samvatteyya ubhayabyabadhayapi samvatteyya akusalam idam kayakammam dukkhudrayam 2- dukkhavipakanti . sace tvam rahula paccavekkhamano evam janeyyasi yam kho aham idam kayena kammam kattukamo idam me kayakammam attabyabadhaya 3- samvatteyya parabyabadhaya 4- samvatteyya ubhayabyabadhaya 5- samvatteyya akusalam idam kayakammam dukkhudrayam dukkhavipakanti evarupam te rahula kayena kammam sasakkam 6- na karaniyam. Sace pana tvam rahula paccavekkhamano evam janeyyasi yam kho aham idam kayena kammam kattukamo idam me kayakammam nevattabyabadhayapi 7- samvatteyya na parabyabadhayapi 8- samvatteyya na ubhayabyabadhayapi 9- samvatteyya kusalam idam kayakammam sukhudrayam sukhavipakanti evarupam te rahula kayena kammam karaniyam. {129.1} Karontenapi te rahula kayena kammam tadeva te kayakammam paccavekkhitabbam yannu kho aham idam kayena kammam karomi idam me kayakammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam kayakammam dukkhudrayam dukkhavipakanti . sace 10- tvam rahula paccavekkhamano evam janeyyasi yam kho aham idam kayena kammam karomi idam me kayakammam @Footnote: 1 Yu. hosi . 2 Ma. dukkhudayam . 3-4-5 Po. Ma. Yu. pisaddo dissati . 6 Ma. @samsakkam na ca. 7-8-9 Yu. pisadudo na disusati . 10 Ma. sace pana.

--------------------------------------------------------------------------------------------- page127.

Attabyabadhayapi samvattati parabyabadhayapi samvattati ubhayabyabadhayapi samvattati akusalam idam kayakammam dukkhudrayam dukkhavipakanti patisamhareyyasi tvam rahula evarupam kayakammam . sace pana tvam rahula paccavekkhamano evam janeyyasi yam kho aham idam kayena kammam karomi idam me kayakammam nevattabyabadhayapi samvattati na parabyabadhayapi samvattati na ubhayabyabadhayapi samvattati kusalam idam kayakammam sukhudrayam sukhavipakanti anupadajjeyyasi tvam rahula evarupam kayakammam. {129.2} Katvapi te rahula kayena kammam tadeva te kayakammam paccavekkhitabbam yannu kho aham idam kayena kammam akasim idam me kayakammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam kayena 1- kammam dukkhudrayam dukkhavipakanti . sace 2- tvam rahula paccavekkhamano evam janeyyasi yam kho aham idam kayakammam 3- akasim idam me kayakammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam kayakammam dukkhudrayam dukkhavipakanti evarupam te rahula kayakammam satthari va vinnusu va sabrahmacarisu desetabbam vivaritabbam uttanikatabbam desetva vivaritva uttanikatva ayatim samvaram apajjitabbam . Sace pana tvam rahula paccavekkhamano evam janeyyasi yam kho aham idam kayena kammam akasim idam me kayakammam nevattabyabadhayapi @Footnote: 1 Ma. Yu. kayakammam . 2 Ma. sace kho . 3 Ma. Yu. kayena kammam.

--------------------------------------------------------------------------------------------- page128.

Badhayapi samvattati na parabyabadhayapi samvattati na ubhayabyabadhayapi samvattati kusalam idam kayakammam sukhudrayam sukhavipakanti teneva tvam rahula pitipamujjena vihareyyasi ahorattanusikkhi 1- kusalesu dhammesu. [130] Yadeva tvam rahula vacaya kammam kattukamo ahosi tadeva te vacikammam paccavekkhitabbam yannu kho aham idam vacaya kammam kattukamo idam me vacikammam attabyabadhayapi samvatteyya parabyabadhayapi samvatteyya ubhayabyabadhayapi samvatteyya akusalam idam vacikammam dukkhudrayam dukkhavipakanti . sace tvam rahula paccavekkhamano evam janeyyasi yam kho aham idam vacaya kammam kattukamo idam me vacikammam attabyabadhayapi samvatteyya parabyabadhayapi samvatteyya ubhayabyabadhayapi samvatteyya akusalam idam vacikammam dukkhudrayam dukkhavipakanti evarupam te rahula vacaya kammam sasakkam na karaniyam . sace pana tvam rahula paccavekkhamano evam janeyyasi yam kho aham idam vacaya kammam kattukamo idam me vacikammam nevattabyabadhayapi samvatteyya na parabyabadhayapi samvatteyya na ubhayabyabadhayapi samvatteyya kusalam idam vacikammam sukhudrayam sukhavipakanti evarupam te rahula vacaya kammam karaniyam. {130.1} Karontenapi te rahula vacaya kammam tadeva te vacikammam paccavekkhitabbam yannu kho aham idam vacaya kammam karomi idam me vacikammam attabyabadhayapi samvattati parabyabadhayapi @Footnote: 1 Po. ahorattanusikkhita.

--------------------------------------------------------------------------------------------- page129.

Samvattati ubhayabyabadhayapi samvattati akusalam idam vacikammam dukkhudrayam dukkhavipakanti . sace 1- tvam rahula paccavekkhamano evam janeyyasi yam kho aham idam vacaya kammam karomi idam me vacikammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam vacikammam dukkhudrayam dukkhavipakanti patisamhareyyasi tvam rahula evarupam vacikammam . Sace pana tvam rahula paccavekkhamano evam janeyyasi yam kho aham idam vacaya kammam karomi idam me vacikammam nevattabyabadhayapi samvattati na parabyabadhayapi samvattati na ubhayabyabadhayapi samvattati kusalam idam vacikammam sukhudrayam sukhavipakanti anupadajjeyyasi tvam rahula evarupam vacikammam. {130.2} Katvapi te rahula vacaya kammam tadeva te vacikammam paccavekkhitabbam yannu kho aham idam vacaya kammam akasim idam me vacikammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam vacikammam dukkhudrayam dukkhavipakanti . sace 2- tvam rahula paccavekkhamano evam janeyyasi yam kho aham idam vacaya kammam akasim idam me vacikammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam vacikammam dukkhudrayam dukkhavipakanti evarupam te rahula vacikammam satthari va vinnusu va sabrahmacarisu va desetabbam vivaritabbam @Footnote: 1 Ma. sace pana . 2 Ma. sace kho.

--------------------------------------------------------------------------------------------- page130.

Uttanikatabbam desetva vivaritva uttanikatva ayatim samvaram apajjitabbam . sace pana tvam rahula paccavekkhamano evam janeyyasi yam kho aham idam vacaya kammam akasim idam me vacikammam nevattabyabadhayapi samvattati na parabyabadhayapi samvattati na ubhayabyabadhayapi samvattati kusalam idam vacikammam sukhudrayam sukhavipakanti teneva tvam rahula pitipamujjena vihareyyasi ahorattanusikkhi 1- kusalesu dhammesu. [131] Yadeva tvam rahula manasa kammam kattukamo ahosi tadeva te manokammam paccavekkhitabbam yannu kho aham idam manasa kammam kattukamo idam me manokammam attabyabadhayapi samvatteyya parabyabadhayapi samvatteyya ubhayabyabadhayapi samvatteyya akusalam idam manokammam dukkhudrayam dukkhavipakanti . sace tvam rahula paccavekkhamano evam janeyyasi yam kho aham idam manasa kammam kattukamo idam me manokammam attabyabadhayapi samvatteyya parabyabadhayapi samvatteyya ubhayabyabadhayapi samvatteyya akusalam idam manokammam dukkhudrayam dukkhavipakanti evarupam te rahula manasa kammam sasakkam na karaniyam . sace pana tvam rahula paccavekkhamano evam janeyyasi yam kho aham idam manasa kammam kattukamo idam me manokammam nevattabyabadhayapi samvatteyya na parabyabadhayapi samvatteyya na ubhayabyabadhayapi samvatteyya kusalam idam @Footnote: 1 Po. ... sikkhita. ito param patha evameva natabba.

--------------------------------------------------------------------------------------------- page131.

Manokammam sukhudrayam sukhavipakanti evarupam te rahula manasa kammam karaniyam. {131.1} Karontenapi te rahula manasa kammam tadeva te manokammam paccavekkhitabbam yannu kho aham idam manasa kammam karomi idam me manokammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam manokammam dukkhudrayam dukkhavipakanti . sace 1- tvam rahula paccavekkhamano evam janeyyasi yam kho aham idam manasa kammam karomi idam me manokammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam manokammam dukkhudrayam dukkhavipakanti patisamhareyyasi tvam rahula evarupam manokammam . Sace pana tvam rahula paccavekkhamano evam janeyyasi yam kho aham idam manasa kammam karomi idam me manokammam nevattabyabadhayapi samvattati na parabyabadhayapi samvattati na ubhayabyabadhayapi samvattati kusalam idam manokammam sukhudrayam sukhavipakanti anupadajjeyyasi tvam rahula evarupam manokammam. {131.2} Katvapi te rahula manasa kammam tadeva te manokammam paccavekkhitabbam yannu kho aham idam manasa kammam akasim idam me manokammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam manokammam dukkhudrayam dukkhavipakanti . Sace tvam rahula paccavekkhamano evam janeyyasi @Footnote: 1 Ma. sace pana.

--------------------------------------------------------------------------------------------- page132.

Yam kho aham idam manasa kammam akasim idam me manokammam attabyabadhayapi samvattati parabyabadhayapi samvattati ubhayabyabadhayapi samvattati akusalam idam manokammam dukkhudrayam dukkhavipakanti evarupe 1- pana 2- te rahula manokamme 3- attiyitabbam harayitabbam jigucchitabbam attiyitva 4- harayitva jigucchitva ayatim samvaram apajjitabbam . sace pana tvam rahula paccavekkhamano evam janeyyasi yam kho aham idam manasa kammam akasim idam me manokammam nevattabyabadhayapi samvattati na parabyabadhayapi samvattati na ubhayabyabadhayapi samvattati kusalam idam manokammam sukhudrayam sukhavipakanti teneva tvam rahula pitipamujjena vihareyyasi ahorattanusikkhi kusalesu dhammesu. [132] Ye hi keci rahula atitamaddhanam samana va brahmana va kayakammam parisodhesum vacikammam parisodhesum manokammam parisodhesum sabbe te evameva paccavekkhitva paccavekkhitva kayakammam parisodhesum paccavekkhitva paccavekkhitva vacikammam parisodhesum paccavekkhitva paccavekkhitva manokammam parisodhesum . yepi 5- hi keci rahula anagatamaddhanam samana va brahmana va kayakammam parisodhessanti vacikammam parisodhessanti manokammam parisodhessanti sabbe te evameva 6- paccavekkhitva paccavekkhitva kayakammam parisodhessanti paccavekkhitva paccavekkhitva vacikammam @Footnote: 1 Ma. evarupam . 2 Yu. panasaddo natthi . 3 Ma. manokammam addiyitabbam. @4 Ma. addiyitva . 5 Ma. ye hi pi . 6 Ma. Yu. evamevam.

--------------------------------------------------------------------------------------------- page133.

Parisodhessanti paccavekkhitva paccavekkhitva manokammam parisodhessanti . yepi hi keci rahula etarahi samana va brahmana va kayakammam parisodhenti vacikammam parisodhenti manokammam parisodhenti sabbe te evameva paccavekkhitva paccavekkhitva kayakammam parisodhenti paccavekkhitva paccavekkhitva vacikammam parisodhenti paccavekkhitva paccavekkhitva manokammam parisodhenti . tasmatiha te 1- rahula paccavekkhitva paccavekkhitva kayakammam parisodhessami paccavekkhitva paccavekkhitva vacikammam parisodhessami 2- paccavekkhitva paccavekkhitva manokammam parisodhessamiti evanhi te 3- rahula sikkhitabbanti. Idamavoca bhagava attamano ayasma rahulo bhagavato bhasitam abhinanditi. Cularahulovadasuttam 4- nitthitam pathamam. ------------ @Footnote: 1 Ma. Yu. ayam patho natthi . 2 Yu. parisodhessama . 3 Yu. vo. @4 Ma. ambalatthikarahu....


             The Pali Tipitaka in Roman Character Volume 13 page 123-133. https://84000.org/tipitaka/read/roman_read.php?B=13&A=2518&modeTY=2&pagebreak=1              Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=2518&modeTY=2&pagebreak=1              Compare with The Royal Version of Thai Tipitaka :- https://84000.org/tipitaka/read/byitem.php?book=13&item=125&items=8              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=11              Study Atthakatha :- https://84000.org/tipitaka/attha/attha.php?b=13&i=125              The Pali Atthakatha in Thai :- https://84000.org/tipitaka/atthapali/read_th.php?B=9&A=2337              The Pali Atthakatha in Roman :- https://84000.org/tipitaka/atthapali/read_rm.php?B=9&A=2337              Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13

First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]