ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.

                       Kitagirisuttam
     [222]  Evamme  sutam  ekam samayam bhagava kasisu carikam carati mahata
bhikkhusanghena   saddhim   .  tatra  kho  bhagava  bhikkhu  amantesi  aham  kho
bhikkhave   annatreva   [1]-   rattibhojana  2-  bhunjami  annatra  kho
panaham      bhikkhave     rattibhojana     bhunjamano     appabadhatanca
sanjanami     appatankatanca    lahutthananca    balanca    phasuviharanca
etha   3-   tumhepi  bhikkhave  annatreva  rattibhojana  bhunjatha  annatra
kho   pana   bhikkhave   tumhepi   rattibhojana  bhunjamana  appabadhatanca
sanjanissatha   appatankatanca   lahutthananca   balanca  phasuviharancati .
Evam bhanteti kho te bhikkhu bhagavato paccassosum.
     [223]   Atha   kho  bhagava  kasisu  anupubbena  carikam  caramano
yena   kitagiri   nama   kasinam  nigamo  tadavasari  .  tatra  sudam  bhagava
kitagirismim   viharati   kasinam   nigame   .   tena   kho   pana  samayena
assajipunabbasuka    nama   bhikkhu   kitagirismim   avasika   honti  .
Atha   kho   sambahula  bhikkhu  yena  assajipunabbasuka  bhikkhu  tenupasankamimsu
upasankamitva      assajipunabbasuke     bhikkhu     etadavocum     bhagava
kho    avuso    annatreva    rattibhojana   bhunjati   bhikkhusangho   ca
annatra    kho    panavuso   rattibhojana   bhunjamana   appabadhatanca
@Footnote: 1 Ma. etthantre casaddo dissati. 2 Po. Ma. rattibhojananti sabbattha dissati.
@3 Po. evam.
Sanjananti     appatankatanca    lahutthananca    balanca    phasuviharanca
etha   1-   tumhepi  avuso  annatreva  rattibhojana  bhunjatha  annatra
kho    panavuso    tumhepi   rattibhojana   bhunjamana   appabadhatanca
sanjanissatha   appatankatanca   lahutthananca   balanca  phasuviharancati .
Evam   vutte   assajipunabbasuka  bhikkhu  te  bhikkhu  etadavocum  mayam  kho
avuso   sayanceva   bhunjama  pato  ca  diva  ca  vikale  te  mayam
sayanceva   bhunjamana   pato   ca  diva  ca  vikale  appabadhatanca
sanjanama     appatankatanca    lahutthananca    balanca    phasuviharanca
te   mayam   kim  sanditthikam  hitva  kalikam  anudhavissama  sayanceva  mayam
bhunjissama pato ca diva ca vikaleti.
     [224]  Yato  2-  kho  te  bhikkhu  nasakkhimsu assajipunabbasuke *-
bhikkhu   sannapetum   atha   te   3-  bhikkhu  yena  bhagava  tenupasankamimsu
upasankamitva   bhagavantam   abhivadetva   ekamantam  nisidimsu  .  ekamantam
nisinna   kho   te  bhikkhu  bhagavantam  etadavocum  idha  mayam  bhante  yena
assajipunabbasuka     bhikkhu     tenupasankamimha     4-    upasankamitva
assajipunabbasuke   bhikkhu   etadavocumha   5-   bhagava   kho   avuso
annatreva    rattibhojana    bhunjati    bhikkhusangho   ca   annatra   kho
panavuso     rattibhojana    bhunjamana    appabadhatanca    sanjananti
appatankatanca    lahutthananca   balanca   phasuviharanca   etha   tumhepi
@Footnote: 1 Po. evam .  2 Ma. yato ca kho .  3 Ma. Yu. te bhikkhuti natthi .  4 Ma. Yu. ...
@upasankamimha .   5 Ma. Yu. avocumha.
@* mikar—kr khagoe assajipunabbaske peDna assajipunabbasuke
Avuso   annatreva   rattibhojana   bhunjatha   annatra   kho   panavuso
tumhepi     rattibhojana    bhunjamana    appabadhatanca    sanjanissatha
appatankatanca     lahutthananca     balanca     phasuviharancati    evam
vutte   bhante   1-   assajipunabbasuka   bhikkhu  amhe  etadavocum  mayam
kho  avuso  sayanceva  bhunjama  pato  ca  diva  ca  vikale te mayam
sayanceva   bhunjamana   pato   ca  diva  ca  vikale  appabadhatanca
sanjanama     appatankatanca    lahutthananca    balanca    phasuviharanca
te   mayam   kim   sanditthikam   hitva   kalikam   anudhavissama  sayanceva
mayam  bhunjissama  pato  ca  diva  ca  vikaleti  yato  kho  mayam  bhante
nasakkhimha    2-    assajipunabbasuke   bhikkhu   sannapetum   atha   mayam
etamattham bhagavato arocemati.
     {224.1}  Atha  kho  bhagava  annataram  bhikkhum  amantesi  ehi tvam
bhikkhu   mama   vacanena  assajipunabbasuke  bhikkhu  amantehi  satthayasmante
amantetiti  .  evam  bhanteti  kho  so  bhikkhu  bhagavato patissutva yena
assajipunabbasuka    bhikkhu   tenupasankami   upasankamitva   asasajipunabbasuke
bhikkhu  etadavoca  satthayasmante  amantetiti  3-  .  evamavusoti kho
assajipunabbasuka    bhikkhu   tassa   bhikkhuno   patissutva   yena   bhagava
tenupasankamimsu     upasankamitva    bhagavantam    abhivadetva    ekamantam
nisidimsu   .   ekamantam   nisinne   kho   assajipunabbasuke  bhikkhu  bhagava
etadavoca   saccam   kira  bhikkhave  sambahula  bhikkhu  tumhe  upasankamitva
@Footnote: 1 Ma. ayam patho natthi .   2 Ma. Yu. nasakkhimha .  3. Ma. amantesiti.
Etadavocum   bhagava   kho   avuso   annatreva   rattibhojana   bhunjati
bhikkhusangho    ca   annatra   kho   panavuso   rattibhojana   bhunjamana
appabadhatanca       sanjananti       appatankatanca      lahutthananca
balanca    phasuviharanca    etha   1-   tumhepi   avuso   annatreva
rattibhojana   bhunjatha   annatra   kho   panavuso   tumhepi  rattibhojana
bhunjamana       appabadhatanca       sanjanissatha      appatankatanca
lahutthananca   balanca   phasuviharancati  evam  vutte  kira  2-  bhikkhave
tumhe   te   bhikkhu   evam   avacuttha   mayam  kho  panavuso  sayanceva
bhunjama  pato  ca  diva  ca  vikale  te  mayam  sayanceva  bhunjamana
pato    ca    diva    ca    vikale    appabadhatanca    sanjanama
appatankatanca      lahutthananca      balanca     phasuviharanca     te
mayam   kim   sanditthikam   hitva   kalikam   anudhavissama   sayanceva  mayam
bhunjissama pato ca diva ca vikaleti. Evam bhante.
     [225]  Kinnu  me  tumhe  bhikkhave  evam  dhammam desitam ajanatha
yankincayam    purisapuggalo    patisamvedeti    sukham    va    dukkham   va
adukkhamasukham   va   tassa   akusala   dhamma   parihayanti  kusala  dhamma
abhivaddhantiti   .   no   hetam   bhante   .  nanu  me  tumhe  bhikkhave
evam   dhammam   desitam   ajanatha   idhekaccassa   evarupam  sukham  vedanam
vediyato   akusala   dhamma   abhivaddhanti   kusala   dhamma   parihayanti
idha   panekaccassa   evarupam   sukham   vedanam   vediyato  akusala  dhamma
@Footnote: 1 Po. evam .   2 Ma. kim nu bhikkhave.
Parihayanti    kusala    dhamma    abhivaddhanti    idhekaccassa    evarupam
dukkham   vedanam   vediyato   akusala   dhamma  abhivaddhanti  kusala  dhamma
parihayanti    idha    panekaccassa   evarupam   dukkham   vedanam   vediyato
akusala     dhamma     parihayanti     kusala     dhamma    abhivaddhanti
idhekaccassa   evarupam   adukkhamasukham   vedanam   vediyato  akusala  dhamma
abhivaddhanti   kusala   dhamma   parihayanti   idha   panekaccassa   evarupam
adukkhamasukham   vedanam   vediyato   akusala   dhamma   parihayanti   kusala
dhamma abhivaddhantiti. Evam bhante.
     [226]   Sadhu   bhikkhave  maya  cetam  bhikkhave  annatam  abhavissa
adittham   aviditam   asacchikatam   aphusitam  1-  pannaya  idhekaccassa  evarupam
sukham   vedanam   vediyato   akusala   dhamma   abhivaddhanti  kusala  dhamma
parihayantiti   evamaham   2-  ajananto  evarupam  sukham  vedanam  pajahathati
vadeyyam   api   nu   me   etam  bhikkhave  evarupam  abhavissati  .  no
hetam   bhante   .   yasma  ca  kho  etam  bhikkhave  maya  natam  dittham
viditam    sacchikatam    phusitam    pannaya    idhekaccassa    evarupam    sukham
vedanam    vediyato    akusala    dhamma   abhivaddhanti   kusala   dhamma
parihayantiti   tasmaham   evarupam   sukham   vedanam   pajahathati   vadami .
Maya   cetam   bhikkhave   annatam   abhavissa   adittham   aviditam  asacchikatam
aphusitam    pannaya    idhekaccassa    evarupam   sukham   vedanam   vediyato
@Footnote: 1 Si. Yu. phassitam .   2 Po. Ma. evaham .   3 Yu. patirupam.
Akusala   dhamma   parihayanti   kusala   dhamma   abhivaddhantiti   evamaham
ajananto    evarupam   sukham   vedanam   upasampajja   viharathati   vadeyyam
api  nu  1-  me  etam  bhikkhave  patirupam abhavissati. No hetam bhante.
Yasma  ca  kho  etam  bhikkhave  maya  natam  dittham  viditam  sacchikatam  phusitam
pannaya   idhekaccassa   evarupam  sukham  vedanam  vediyato  akusala  dhamma
parihayanti    kusala    dhamma   abhivaddhantiti   tasmaham   evarupam   sukham
vedanam upasampajja viharathati vadami.
     [227]   Maya   cetam  bhikkhave  annatam  abhavissa  adittham  aviditam
asacchikatam    aphusitam    pannaya   idhekaccassa   evarupam   dukkham   vedanam
vediyato   akusala   dhamma   abhivaddhanti   kusala   dhamma  parihayantiti
evamaham   ajananto   evarupam   dukkham   vedanam  pajahathati  vadeyyam  api
nu me etam bhikkhave patirupam abhavissati. No hetam bhante.
     {227.1}  Yasma  ca  kho  etam  bhikkhave  maya  natam dittham viditam
sacchikatam  phusitam  pannaya  idhekaccassa  evarupam  dukkham  2- vedanam vediyato
akusala   dhamma   abhivaddhanti   kusala   dhamma   parihayantiti   tasmaham
evarupam  dukkham  vedanam  pajahathati  vadami  .  maya  cetam bhikkhave annatam
abhavissa    adittham   aviditam   asacchikatam   aphusitam   pannaya   idhekaccassa
evarupam   dukkham   vedanam   vediyato  akusala  dhamma  parihayanti  kusala
dhamma    abhivaddhantiti   evamaham   ajananto   evarupam   dukkham   vedanam
upasampajja   viharathati   vadeyyam   api   nu  me  etam  bhikkhave  patirupam
@Footnote: 1 Ma. nu kho .    2 Yu. adukkhamasukham.
Abhavissati  .  no  hetam  bhante  .  yasma  ca  kho etam bhikkhave maya
natam   dittham   viditam   sacchikatam   phusitam   pannaya   idhekaccassa  evarupam
dukkham   vedanam   vediyato   akusala   dhamma  parihayanti  kusala  dhamma
abhivaddhantiti     tasmaham     evarupam     dukkham    vedanam    upasampajja
viharathati vadami.
     [228]   Maya   cetam  bhikkhave  annatam  abhavissa  adittham  aviditam
asacchikatam    aphusitam    pannaya    idhekaccassa    evarupam    adukkhamasukham
vedanam    vediyato    akusala    dhamma   abhivaddhanti   kusala   dhamma
parihayantiti    evamaham    ajananto    evarupam    adukkhamasukham   vedanam
pajahathati   vadeyyam  api  nu  me  etam  bhikkhave  patirupam  abhavissati .
No  hetam  bhante  .  yasma  ca  kho  etam  bhikkhave  maya  natam dittham
viditam    sacchikatam   phusitam   pannaya   idhekaccassa   evarupam   adukkhamasukham
vedanam    vediyato    akusala    dhamma   abhivaddhanti   kusala   dhamma
parihayantiti    tasmaham    evarupam    adukkhamasukham    vedanam    pajahathati
vadami   .   maya   cetam   bhikkhave   annatam  abhavissa  adittham  aviditam
asacchikatam   aphusitam   pannaya   idhekaccassa   evarupam  adukkhamasukham  vedanam
vediyato   akusala   dhamma   parihayanti   kusala   dhamma  abhivaddhantiti
evamaham    ajananto    evarupam    adukkhamasukham    vedanam    upasampajja
viharathati   vadeyyam  api  nu  me  etam  bhikkhave  patirupam  abhavissati .
No   hetam   bhante   .   yasma  ca  kho  etam  bhikkhave  maya  natam
Dittham   viditam   sacchikatam  phusitam  pannaya  idhekaccassa  evarupam  adukkhamasukham
vedanam    vediyato    akusala    dhamma   parihayanti   kusala   dhamma
abhivaddhantiti    tasmaham    evarupam    adukkhamasukham    vedanam   upasampajja
viharathati vadami.
     [229]  Naham  bhikkhave  sabbesamyeva  bhikkhunam  appamadena karaniyanti
vadami   na   1-  panaham  bhikkhave  sabbesamyeva  bhikkhunam  na  appamadena
karaniyanti  vadami  .  ye  te bhikkhave bhikkhu arahanto khinasava vusitavanto
katakaraniya     ohitabhara     anuppattasadattha     parikkhinabhavasannojana
sammadanna   vimutta   tatharupanaham   bhikkhave   bhikkhunam  na  appamadena
karaniyanti   vadami  tam  kissa  hetu  katantesam  appamadena  abhabba  te
pamajjitum.
     {229.1}  Ye  ca  kho  te  bhikkhave  bhikkhu sekha appattamanasa
anuttaram    yogakkhemam   patthayamana   viharanti   tatharupanaham   bhikkhave
bhikkhunam   appamadena   karaniyanti   vadami   tam  kissa  hetu  appevanama
ime     ayasmanto     anulomikani     senasanani    patisevamana
kalyanamitte    bhajamana    indriyani    samannanayamana   yassatthaya
kulaputta    sammadeva    agarasma    anagariyam   pabbajanti   tadanuttaram
brahmacariyapariyosanam    dittheva    dhamme    sayam   abhinna   sacchikatva
upasampajja   vihareyyunti   .   imam   kho  aham  bhikkhave  imesam  bhikkhunam
appamadaphalam sampassamano appamadena karaniyanti vadami.
@Footnote: 1 Ma. na panaham ... vadamiti ime patha na dissanti.
     [230]   Sattime  bhikkhave  puggala  santo  samvijjamana  lokasmim
katame   satta   ubhatobhagavimutto   pannavimutto  kayasakkhi  ditthippatto
saddhavimutto dhammanusari saddhanusari.
     [231]  Katamo  ca  1-  bhikkhave  puggalo  ubhatobhagavimutto  idha
bhikkhave   ekacco   puggalo   ye   te   santa  vimokkha  atikkamma
rupe   aruppa   te   kayena   phusitva  2-  viharati  pannaya  cassa
disva   asava   parikkhina   honti   ayam   vuccati   bhikkhave  puggalo
ubhatobhagavimutto  .  imassa  kho  aham  bhikkhave  bhikkhuno  na appamadena
karaniyanti    vadami    tam    kissa    hetu    katantassa    appamadena
abhabbo so pamajjitum.
     [232]  Katamo  ca  bhikkhave  puggalo  pannavimutto  idha  bhikkhave
ekacco  puggalo  ye  te  santa  vimokkha  atikkamma  rupe aruppa
te   na  3-  kayena  phusitva  viharati  pannaya  cassa  disva  asava
parikkhina   honti   ayam   vuccati   bhikkhave   puggalo  pannavimutto .
Imassapi   kho   aham   bhikkhave  bhikkhuno  na  4-  appamadena  karaniyanti
vadami tam kissa hetu katantassa appamadena abhabbo so pamajjitum.
     [233]   Katamo   ca   bhikkhave  puggalo  kayasakkhi  idha  bhikkhave
ekacco   puggalo   ye   te   santa   vimokkha   atikkamma   rupe
@Footnote: 1 Po. casaddo natthi .    2 Yu. Si. sattavaresu phassitvati patho dissati.
@3 Po. nakaro natthi .   4 Ma. nakaro natthi.
Aruppa   te   kayena   phusitva   viharati   pannaya   cassa   disva
ekacce   asava   parikkhina   honti   ayam  vuccati  bhikkhave  puggalo
kayasakkhi    .   imassa   kho   aham   bhikkhave   bhikkhuno   appamadena
karaniyanti    vadami    tam    kissa    hetu   appevanama   ayamayasma
anulomikani    senasanani    patisevamano    kalyanamitte   bhajamano
indriyani     samannanayamano     yassatthaya    kulaputta    sammadeva
agarasma    anagariyam    pabbajanti    tadanuttaram    brahmacariyapariyosanam
dittheva   dhamme   sayam  abhinna  sacchikatva  upasampajja  vihareyyati .
Imam   kho   aham   bhikkhave   imassa  bhikkhuno  appamadaphalam  sampassamano
appamadena karaniyanti vadami.
     [234]  Katamo  ca  bhikkhave  puggalo  ditthippatto 1- idha bhikkhave
ekacco  puggalo  ye  te  santa  vimokkha  atikkamma  rupe aruppa
te  na  2-  kayena  phusitva  viharati  pannaya  cassa  disva  ekacce
asava     parikkhina    honti    tathagatappavedita    cassa    dhamma
pannaya   vodittha   honti   vocarita   ayam  vuccati  bhikkhave  puggalo
ditthippatto   .   imassapi   kho   aham   bhikkhave  bhikkhuno  appamadena
karaniyanti    vadami    tam    kissa    hetu   appevanama   ayamayasma
anulomikani       senasanani       patisevamano       kalyanamitte
bhajamano     indriyani     samannanayamano    yassatthaya    kulaputta
sammadeva      agarasma      anagariyam      pabbajanti      tadanuttaram
@Footnote: 1 annattha ditthappattotipi dissati  .    2 Po. nakaro natthi.
Brahmacariyapariyosanam    dittheva    dhamme    sayam   abhinna   sacchikatva
upasampajja   vihareyyati   .   imam  kho  aham  bhikkhave  imassa  bhikkhuno
appamadaphalam sampassamano appamadena karaniyanti vadami.
     [235]  Katamo  ca  bhikkhave  puggalo  saddhavimutto  idha  bhikkhave
ekacco  puggalo   ye  te  santa  vimokkha  atikkamma rupe aruppa
te  na  1-  kayena  phusitva  viharati  pannaya  cassa  disva  ekacce
asava   parikkhina   honti   tathagate   cassa   saddha  nivittha  hoti
mulajata   patitthita   ayam   vuccati  bhikkhave  puggalo  saddhavimutto .
Imassapi   kho   aham   bhikkhave   bhikkhuno  appamadena  karaniyanti  vadami
tam   kissa   hetu   appevanama   ayamayasma  anulomikani  senasanani
patisevamano    kalyanamitte   bhajamano   indriyani   samannanayamano
yassatthaya    kulaputta    sammadeva   agarasma   anagariyam   pabbajanti
tadanuttaram    brahmacariyapariyosanam    dittheva    dhamme    sayam   abhinna
sacchikatva   upasampajja  vihareyyati  .  imam  kho  aham  bhikkhave  imassa
bhikkhuno     appamadaphalam     sampassamano     appamadena    karaniyanti
vadami.
     [236]   Katamo  ca  bhikkhave  puggalo  dhammanusari  idha  bhikkhave
ekacco   puggalo   ye   te   santa   vimokkha   atikkamma   rupe
aruppa   te   na   2-   kayena   phusitva   viharati  pannaya  cassa
disva  ekacce  3-  asava  parikkhina  4-  honti  tathagatappavedita
@Footnote: 1-2 Po. Ma. nakaro natthi .   3 Yu. ekacceti patho natthi .   4 Yu. aparikkhina.
Cassa   dhamma   pannaya   mattaso   nijjhanam   khamanti   apicassa   ime
dhamma     honti    seyyathidam    saddhindriyam    viriyindriyam    satindriyam
samadhindriyam   pannindriyam  ayam  vuccati  bhikkhave  puggalo  dhammanusari .
Imassapi   kho   aham   bhikkhave   bhikkhuno  appamadena  karaniyanti  vadami
tam   kissa   hetu   appevanama   ayamayasma  anulomikani  senasanani
patisevamano    kalyanamitte   bhajamano   indriyani   samannanayamano
yassatthaya    kulaputta    sammadeva   agarasma   anagariyam   pabbajanti
tadanuttaram    brahmacariyapariyosanam    dittheva    dhamme    sayam   abhinna
sacchikatva   upasampajja  vihareyyati  .  imam  kho  aham  bhikkhave  imassa
bhikkhuno appamadaphalam sampassamano appamadena karaniyanti vadami.
     [237]   Katamo  ca  bhikkhave  puggalo  saddhanusari  idha  bhikkhave
ekacco  puggalo  ye  te  santa  vimokkha  atikkamma  rupe aruppa
te   na   1-   kayena   phusitva   viharati   pannaya   cassa   disva
ekacce   asava   parikkhina   honti   tathagate   cassa   saddhamattam
hoti    pemamattam    apicassa    ime    dhamma    honti    seyyathidam
saddhindriyam    viriyindriyam    satindriyam    samadhindriyam   pannindriyam
ayam   vuccati   bhikkhave   puggalo   saddhanusari   .  imassapi  kho  aham
bhikkhave    bhikkhuno    appamadena    karaniyanti    vadami    tam   kissa
hetu     appevanama     ayamayasma     anulomikani     senasanani
@Footnote: 1 Po. nakaro natthi.
Patisevamano    kalyanamitte   bhajamano   indriyani   samannanayamano
yassatthaya    kulaputta    sammadeva   agarasma   anagariyam   pabbajanti
tadanuttaram  brahmacariyapariyosanam  dittheva  dhamme  sayam  abhinna  sacchikatva
upasampajja   vihareyyati   .   imam  kho  aham  bhikkhave  imassa  bhikkhuno
appamadaphalam sampassamano appamadena karaniyanti vadami.
     [238]   Naham   bhikkhave  adikeneva  annaradhanam  vadami  apica
bhikkhave    anupubbasikkha   anupubbakiriya   anupubbapatipada   annaradhana
hoti   .   kathanca  bhikkhave  anupubbasikkha  anupubbakiriya  anupubbapatipada
annaradhana    hoti    .   idha   bhikkhave   saddhajato   upasankamati
upasankamanto   payirupasati   payirupasanto   sotam   odahati  ohitasoto
dhammam   sunati   sutva  dhammam  1-  dhareti  dhatanam  2-  dhammanam  attham
upaparikkhati     attham     upaparikkhato     dhamma     nijjhanam    khamanti
dhammanijjhanakkhantiya   3-   sati   chando   jayati   chandajato  ussahati
ussahitva   4-   tuleti  tulayitva  padahati  pahitatto  samano  kayena
ceva paramam saccam sacchikaroti pannaya ca nam ativijjha passati.
     {238.1}  Sapi  nama  bhikkhave  saddha nahosi tampi nama bhikkhave
upasankamanam    nahosi   sapi   nama   bhikkhave   payirupasana   nahosi
tampi   nama   bhikkhave   sotavadhanam   nahosi   tampi   nama  bhikkhave
dhammassavanam    nahosi   sapi   nama   bhikkhave   dhammadharana   nahosi
sapi  nama  bhikkhave  atthupaparikkhata  5-   nahosi  sapi  nama bhikkhave
@Footnote: 1 Ma. dhammesu .  2 Ma. dhatanam .  3 Ma. dhammanij... .  4 Ma. ussahetva.
@5 Yu. atthupaparikkha.
Dhammanijjhanakkhanti   nahosi   sopi   nama   bhikkhave   chando   nahosi
sopi   nama   bhikkhave  ussaho  nahosi  sapi  nama  bhikkhave  tulana
nahosi   tampi   nama   bhikkhave   padhanam  nahosi  vippatipannattha  1-
bhikkhave  micchapatipannattha  2-  bhikkhave  kivadurevime  bhikkhave moghapurisa
apakkanta imasma dhammavinaya.
     [239]   Atthi   bhikkhave   catuppadam   veyyakaranam   yassudditthassa
vinnu   puriso  nacirasseva  pannaya  attham  ajaneyya  uddisissama  3-
vo   bhikkhave   ajanissatha  metanti  .  ke  ca  mayam  bhante  ke  ca
dhammassa  annataroti  .  yopi  so  bhikkhave  sattha  amisagaruko  4-
amisadayado    amisehi    samsattho    viharati    tassapayam   evarupi
panopanaviya   5-   na  upeti  evanca  no  assa  atha  nam  kareyyama
na   ca   no   evamassa  na  nam  kareyyamati  .  kimpana  bhikkhave  yam
tathagato   sabbaso   amisehi   visamsattho   viharati   saddhassa   bhikkhave
savakassa  satthu  sasane  pariyogayha  6-  vattato  ayamanudhammo 7- hoti
sattha bhagava savakohamasmi 8- janati bhagava naham janamiti.
     {239.1}  Saddhassa  bhikkhave  savakassa  satthu  sasane  pariyogayha
vattato   rulhaniyam   9-   satthu   sasanam   hoti  ojavantam  .  saddhassa
bhikkhave     savakassa     satthu     sasane     pariyogayha    vattato
ayamanudhammo   10-   hoti   kamam   taco   ca   naharu   ca  atthi  ca
avasussatu    11-   me   12-   sarire   avasussatu   13-   mamsalohitam
@Footnote: 1 Po. vippatipannattham .    2 Po. micchapatipannattham .    3 Ma. udditthassapi
@bhikkhave. Yu. uddisissami .  4 Ma. Yu. amisagaru .   5 Si. Yu. panopanavidha.
@6 Po. Yu. pariyogaya .  7-10 Po. ayam pana dhammo .   8 Ma. savakohamasmiti.
@9 Yu. rulhniyam. 11 Ma. Yu. avasissatu. 12 Yu. meti patho natthi.
@13 Yu. upasussatu.
Yantam    purisathamena   purisaviriyena   purisaparakkamena   pattabbam   na   tam
apapunitva    viriyassa    santhanam   bhavissatiti   .   saddhassa   bhikkhave
savakassa   satthu   sasane  pariyogayha  vattato  dvinnam  phalanam  annataram
phalam patikankham dittheva dhamme anna sati va upadisese anagamitati.
     Idamavoca    bhagava    attamana   te   bhikkhu   bhagavato   bhasitam
abhinandunti.
                  Kitagirisuttam nitthitam dasamam.
                 Bhikkhuvaggo nitthito dutiyo.
                       ---------
                    Tassa vaggassa uddanam
       kunjararahulasassataloko 1- malunkyaputto ca bhaddalinamo
       dijakhuddasahampatiyacana nalakipadaragirinamo asamo pavaro
                     dutiyo varavaggo.
                       --------
@Footnote: 1 Ma. kunjaro rahulo yassa satthussa loka
@     malukyaputtatathabhaddalinamani
@     pancannam sahampatiyacanathanali
@     kitagiri nama asamo pavaro.
@     dutiyo varavaggo
@     bhikkhuvaggo nitthito.



             The Pali Tipitaka in Roman Character Volume 13 page 221-235. https://84000.org/tipitaka/read/roman_read.php?B=13&A=4517&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=4517&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=13&item=222&items=18              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=20              Study Atthakatha :- https://84000.org/tipitaka/attha/attha.php?b=13&i=222              The Pali Atthakatha in Thai :- https://84000.org/tipitaka/atthapali/read_th.php?B=9&A=3465              The Pali Atthakatha in Roman :- https://84000.org/tipitaka/atthapali/read_rm.php?B=9&A=3465              Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]