PaliRoman Vol.13

page288.

Sandakasuttam [293] Evamme sutam ekam samayam bhagava kosambiyam viharati ghositarame . tena kho pana samayena sandako paribbajako pilakkhaguhayam ^1- pativasati mahatiya paribbajakaparisaya saddhim pancamattehi paribbajakasatehi . atha kho ayasma anando sayanhasamayam patisallana vutthito bhikkhu amantesi ayamavuso yena devakatasobbho tenupasankamissama guhadassanayati . Evamavusoti kho te bhikkhu ayasmato anandassa paccassosum . Atha kho ayasma anando sambahulehi bhikkhuhi saddhim yena devakatasobbho tenupasankami. {293.1} Tena kho pana samayena sandako paribbajako mahatiya paribbajakaparisaya saddhim nisinno hoti unnadiniya uccasaddamahasaddaya ^2- anekavihitam tiracchanakatham kathentiya seyyathidam rajakatham corakatham mahamattakatham senakatham bhayakatham yuddhakatham annakatham panakatham ^[3]- sayanakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham ^[4]- surakatham visikhakatham kumbhatthanakatham kumbhadasikatham pubbapetakatham nanattakatham lokakkhayikam samuddakkhayikam itibhavabhavakatham iti va . addasa kho sandako paribbajako ayasmantam anandam duratova agacchantam disvana sakam parisam @Footnote: ¹ Ma. milakkhuguhayam . ² Yu. uccasaddaya mahasaddaya . ³ Yu. vatthakatham. @⁴ Ma. purisakatham.

--------------------------------------------------------------------------------------------- page289.

Santhapesi appasadda bhonto hontu ma bhonto saddamakattha ayam samanassa gotamassa savako agacchati samano anando yavata kho pana samanassa gotamassa savaka kosambiyam pativasanti ayantesam annataro samano anando appasaddakama kho pana te ayasmanto appasaddavinita appasaddassa vannavadino appevanama appasaddam parisam viditva upasankamitabbam manneyyati . Atha kho te paribbajaka tunhi ahesum. {293.2} Atha kho ayasma anando yena sandako paribbajako tenupasankami . atha kho pana ^1- sandako paribbajako ayasmantam anandam etadavoca etu kho bhavam anando svagatam bhoto anandassa cirassam kho bhavam anando imam pariyayamakasi yadidam idhagamanaya nisidatu bhavam anando idamasanam pannattanti . nisidi kho ayasma anando pannatte asane . sandakopi kho paribbajako annataram nicam asanam gahetva ekamantam nisidi. [294] Ekamantam nisinnam kho sandakam paribbajakam ayasma anando etadavoca kaya nuttha sandaka etarahi kathaya sannisinna ka ca pana vo antarakatha vippakatati . titthatesa bho ananda katha yaya mayam etarahi kathaya sannisinna nesa bhoto anandassa katha dullabha bhavissati pacchapi savanaya sadhu vata bhavantamyeva anandam patibhatu sake acariyake dhammi kathati . tenahi sandaka @Footnote: ¹ Yu. panasaddo natthi.

--------------------------------------------------------------------------------------------- page290.

Sunahi sadhukam manasikarohi bhasissamiti . evam bhoti kho sandako paribbajako ayasmato anandassa paccassosi . ayasma anando etadavoca cattarome sandaka tena bhagavata janata passata arahata sammasambuddhena abrahmacariyavasa akkhata cattari ca anassasikani brahmacariyani akkhatani yattha vinnu puriso sasakkam ^1- brahmacariyam na vaseyya vasanto ca ^2- naradheyya nayam dhammam kusalanti . katame pana te ^[3]- ananda tena bhagavata janata passata arahata sammasambuddhena cattaro abrahmacariyavasa akkhata yattha vinnu puriso sasakkam brahmacariyam na vaseyya vasanto ca naradheyya nayam dhammam kusalanti. [295] Idha sandaka ekacco sattha evamvadi hoti evamditthi natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paro ^4- loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedenti catummahabhutiko ayam puriso yada kalam karoti pathavi pathavikayam anupeti anupagacchati apo apokayam anupeti anupagacchati tejo tejokayam anupeti anupagacchati vayo vayokayam anupeti anupagacchati @Footnote: ¹ Ma. samsakkam . ² Si. Yu. vasanto vati patho dissati . ³ Ma. bho. @⁴ Ma. paraloko.

--------------------------------------------------------------------------------------------- page291.

Akasam indriyani sankamanti asandipancama purisa matam adaya gacchanti yava alahana ^1- padani pannayanti kapotakani atthini bhavanti bhasmanta hutiyo dattupannattam yadidam danam tesam tuccham ^2- musa vilapo yekeci atthikavadam vadanti bale ca pandite ca kayassa bheda ucchijjanti vinassanti na honti parammaranati. [296] Tatra sandaka vinnu puriso iti patisancikkhati ayam kho bhavam sattha evamvadi evamditthi natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedenti catummahabhutiko ayam puriso yada kalam karoti pathavi pathavikayam anupeti anupagacchati apo apokayam anupeti anupagacchati tejo tejokayam anupeti anupagacchati vayo vayokayam anupeti anupagacchati akasam indriyani sankamanti asandipancama purisa matam adaya gacchanti yava alahana padani pannayanti kapotakani atthini bhavanti bhasmanta hutiyo dattupannattam yadidam danam tesam tuccham musa vilapo yekeci atthikavadam vadanti bale ca pandite ca kayassa bheda @Footnote: ¹ Ma. Yu. alahana. aparampi idisameva . ² Ma. tuccha. aparampi idisameva.

--------------------------------------------------------------------------------------------- page292.

Ucchijjanti vinassanti na honti parammaranati. {296.1} Sace imassa bhoto satthuno saccam vacanam akatena me ettha katam avusitena me ettha vusitam ubhopi mayam ettha samasama samannam patta yo caham na vadami ubhopi kayassa bheda ucchijjissama vinassissama na bhavissama parammaranati . atirekam kho panimassa bhoto satthuno naggiyam mundiyam ukkutikappadhanam kesamassulocanam yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam soham kim jananto kim passanto imasmim satthari brahmacariyam carissami so abrahmacariyavaso ayanti iti viditva tasma brahmacariya nibbijja pakkamati . ayam kho sandaka tena bhagavata janata passata arahata sammasambuddhena pathamo abrahmacariyavaso akkhato yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam. [297] Puna caparam sandaka idhekacco sattha evamvadi hoti evamditthi karato karayato chindato chedapayato pacato pacapayato socato ^1- socapayato kilamato ^2- kilamapayato phandato phandapayato panamatipatapayato ^3- adinnam adiyato sandhim chindato nillopam harato ekagarikam ^4- karoto paripanthe titthato paradaram gacchato musa @Footnote: ¹ Yu. rocayatoti atthi socapayatoti ca natthi. ² Yu. kilayatoti atthi kilamapayatoti @natthi . ³ Ma. panamatipapayato . ⁴ Ma. ekagariyam.

--------------------------------------------------------------------------------------------- page293.

Bhanato karato na kariyati papam khurapariyantena cepi cakkena yo imissa pathaviya pane ekam mamsakhalam ekam mamsapunjam kareyya natthi tatonidanam papam natthi papassa agamo dakkhinancepi gangaya tiram gaccheyya hananto ghatento chindanto chedapento pacanto pacento ^1- natthi tatonidanam papam natthi papassa agamo uttarancepi gangaya tiram gaccheyya dadanto dapento yajanto yajapento natthi tatonidanam punnam natthi punnassa agamo danena damena sannamena saccavajjena natthi punnam natthi punnassa agamoti. [298] Tatra sandaka vinnu puriso iti patisancikkhati ayam kho bhavam sattha evamvadi evamditthi karato karayato chindato chedapayato pacato pacapayato socato socapayato kilamato kilamapayato phandato phandapayato panamatipatapayato adinnam adiyato sandhim chindato nillopam harato ekagarikam karoto paripanthe titthato paradaram gacchato musa bhanato karato na kariyati papam khurapariyantena cepi cakkena yo imissa pathaviya pane ekam mamsakhalam ekam mamsapunjam kareyya natthi tatonidanam papam natthi papassa agamo dakkhinancepi gangaya tiram gaccheyya hananto ghatento chindanto chedapento pacanto pacento natthi tatonidanam papam natthi papassa agamo uttarancepi gangaya @Footnote: ¹ Ma. pacapento.

--------------------------------------------------------------------------------------------- page294.

Tiram gaccheyya dadanto dapento yajanto yajapento natthi tatonidanam punnam natthi punnassa agamo danena damena sannamena saccavajjena natthi punnam natthi punnassa agamoti. {298.1} Sace imassa bhoto satthuno saccam vacanam akatena me ettha katam avusitena me ettha vusitam ubhopi mayam ettha samasama samannam patta yo caham na vadami ubhinnam kurutam ^1- na kariyati papanti . atirekam kho panimassa bhoto satthuno naggiyam mundiyam ukkutikappadhanam kesamassulocanam yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam soham kim jananto kim passanto imasmim satthari brahmacariyam carissami so abrahmacariyavaso ayanti iti viditva tasma brahmacariya nibbijja pakkamati . ayam kho sandaka tena bhagavata janata passata arahata sammasambuddhena dutiyo abrahmacariyavaso akkhato yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam. [299] Puna caparam sandaka idhekacco sattha evamvadi hoti evamditthi natthi hetu natthi paccayo sattanam sankilesaya ahetu appaccaya satta sankilissanti natthi hetu natthi paccayo sattanam visuddhiya ahetu appaccaya satta visujjhanti natthi balam @Footnote: ¹ Ma. katam.

--------------------------------------------------------------------------------------------- page295.

Natthi viriyam natthi purisathamo natthi purisaparakkamo sabbe satta sabbe pana sabbe bhuta sabbe jiva avasa abala aviriya niyatisangatibhavaparinata chasvevabhijatisu sukhadukkham patisamvedentiti. [300] Tatra sandaka vinnu puriso iti patisancikkhati ayam kho bhavam sattha evamvadi evamditthi natthi hetu natthi paccayo sattanam sankilesaya ahetu appaccaya satta sankilissanti natthi hetu natthi paccayo sattanam visuddhiya ahetu appaccaya satta visujjhanti natthi balam natthi viriyam natthi purisathamo natthi purisaparakkamo sabbe satta sabbe pana sabbe bhuta sabbe jiva avasa abala aviriya niyatisangatibhavaparinata chasvevabhijatisu sukhadukkham patisamvedentiti . sace imassa bhoto satthuno saccam vacanam akatena me ettha katam avusitena me ettha vusitam ubhopi mayam ettha samasama samannam patta yo caham na vadami ubho ahetu appaccaya visujjhissamati . atirekam kho panimassa bhoto satthuno naggiyam mundiyam ukkutikappadhanam kesamassulocanam yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam soham kim jananto kim passanto imasmim satthari brahmacariyam carissami so abrahmacariyavaso ayanti iti viditva

--------------------------------------------------------------------------------------------- page296.

Tasma brahmacariya nibbijja pakkamati . ayam kho sandaka tena bhagavata janata passata arahata sammasambuddhena tatiyo abrahmacariyavaso akkhato yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam. [301] Puna caparam sandaka idhekacco sattha evamvadi hoti evamditthi sattime kaya akata akatavidha animmita animmata vanjha kutattha esikatthayitthita ^1- te na injanti na viparinamenti nannamannam byabadhenti nalam annamannassa sukhaya va dukkhaya va sukhadukkhaya va katame satta pathavikayo apokayo tejokayo vayokayo sukhe dukkhe jive sattame ^2- ime satta kaya akata akatavidha animmita animmata vanjha kutattha esikatthayitthita te na injanti na viparinamenti nannamannam byabadhenti nalam annamannassa sukhaya va dukkhaya va sukhadukkhaya va tattha natthi hanta va ghateta va sota va saveta va vinnata va vinnapeta va yopi tinhena satthena sisam chindati na koci kanci jivita voropeti sattannam tveva kayanamantarena sattham vivaramanuppatati. {301.1} Cuddasa kho panimani yonippamukhasatasahassani satthinca ^3- satani cha ca satani panca ca kammuno satani panca ca kammani @Footnote: ¹ isikatthayitthitatipi patho . ² Ma. evam. Si. Yu. sattime. @³ Yu. satthi ca.

--------------------------------------------------------------------------------------------- page297.

Tini ca kammani kamme ca addhakamme ca dvatthippatipada dvatthantarakappa ^[1]- chalabhijatiyo attha purisabhumiyo ekunapannasa ajivasate ekunapannasa paribbajakasate ekunapannasa nagavasasate vise indriyasate timse nirayasate chattimsa rajodhatuyo satta sannigabbha satta asannigabbha satta niganthagabbha satta deva ^2- satta manusa satta pisaca satta sara satta pavuta ^3- satta pasana ^4- satta papata satta papatasatani satta supina satta supinasatani culasiti mahakappino satasahassani yani. {301.2} Bale ca pandite ca sandhavitva samsaritva dukkhassantam karissanti . tattha natthi iminaham silena va vattena va tapena va brahmacariyena va apparipakkam va kammam paripacessami paripakkam va kammam phussa phussa byantikarissamiti hevam natthi donamite sukhadukkhe pariyantakate samsare natthi hayanavaddhane natthi ukkamsavakamse . Seyyathapi nama suttagule khitte nibbedhiyamanameva paleti evameva bale ca pandite ca sandhavitva samsaritva dukkhassantam karissantiti. [302] Tatra sandaka vinnu puriso iti patisancikkhati ayam kho bhavam sattha evamvadi evamditthi sattime kaya akata akatavidha animmita animmata vanjha kutattha esikatthayitthita te na injanti na viparinamenti nannamannam byabadhenti nalam annamannassa sukhaya va dukkhaya va sukhadukkhaya va katame @Footnote: ¹ Ma. ca . ² Ma. dibba . ³ Ma. saphuta . ⁴ Yu. satta pasanati patho natthi.

--------------------------------------------------------------------------------------------- page298.

Satta pathavikayo apokayo tejokayo vayokayo sukhe dukkhe jive sattame ime satta kaya akata akatavidha animmita animmata vanjha kutattha esikatthayitthita te na injanti na viparinamenti nannamannam byabadhenti nalam annamannassa sukhaya va dukkhaya va sukhadukkhaya va tattha natthi hanta va ghateta va sota va saveta va vinnata va vinnapeta va yopi tinhena satthena sisam chindati na koci kanci jivita voropeti sattannam tveva kayanamantarena sattham vivaramanuppatati. {302.1} Cuddasa kho panimani yonippamukhasatasahassani satthinca satani cha ca satani panca ca kammuno satani panca ca kammani tini ca kammani kamme ca addhakamme ca dvatthippatipada dvatthantarakappa chalabhijatiyo attha purisabhumiyo ekunapannasa ajivasate ^1- ekunapannasa paribbajakasate ekunapannasa nagavasasate vise indriyasate timse nirayasate chattimsa rajodhatuyo satta sannigabbha satta asannigabbha satta niganthagabbha satta deva satta manusa satta pisaca satta sara satta pavuta satta pasana satta papata satta papatasatani satta supina satta supinasatani culasiti mahakappino satasahassani yani. {302.2} Bale ca pandite ca sandhavitva samsaritva dukkhassantam karissanti . tattha natthi iminaham silena va vattena va tapena va brahmacariyena va @Footnote: ¹ Ma. ajivakasate.

--------------------------------------------------------------------------------------------- page299.

Apparipakkam va kammam paripacessami paripakkam va kammam phussa phussa byantikarissamiti hevam natthi donamite sukhadukkhe pariyantakate samsare natthi hayanavaddhane natthi ukkamsavakamse . seyyathapi nama suttagule khitte nibbedhiyamanameva paleti evameva bale ca pandite ca sandhavitva samsaritva dukkhassantam karissantiti . Sace pana ^1- imassa bhoto satthuno saccam vacanam akatena me ettha katam avusitena me ettha vusitam ubhopi mayam ettha samasama samannam patta yo cayam na vadami ubho sandhavitva samsaritva dukkhassantam karissamati . atirekam ^2- kho panimassa bhoto satthuno naggiyam mundiyam ukkutikappadhanam kesamassulocanam yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam soham kim jananto kim passanto imasmim satthari brahmacariyam carissami so abrahmacariyavaso ayanti iti viditva tasma brahmacariya nibbijja pakkamati . ayam kho sandaka tena bhagavata janata passata arahata sammasambuddhena catuttho abrahmacariyavaso akkhato yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam. {302.3} Ime kho sandaka tena bhagavata janata passata arahata sammasambuddhena cattaro abrahmacariyavasa @Footnote: ¹ Yu. panasaddo natthi . ² Ma. atirekataram.

--------------------------------------------------------------------------------------------- page300.

Akkhata yattha vinnu puriso sasakkam brahmacariyam na vaseyya vasanto ca naradheyya nayam dhammam kusalanti. [303] Acchariyam bho ananda abbhutam bho ananda yavancidam tena bhagavata janata passata arahata sammasambuddhena cattaro abrahmacariyavasava samana ^1- abrahmacariyavasati akkhata yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam ^2- . katamani pana tani bho ananda tena bhagavata janata passata arahata sammasambuddhena cattari anassasikani brahmacariyani akkhatani yattha vinnu puriso sasakkam brahmacariyam na vaseyya vasanto ca naradheyya nayam dhammam kusalanti. [304] Idha sandaka ekacco sattha sabbannu sabbadassavi aparisesam nanadassanam patijanati carato ca me titthato ca suttassa ca jagarassa ca satatam samitam nanadassanam paccupatthitanti . So sunnampi agaram pavisati pindampi na labhati kukkuropi damsati candenapi hatthina samagacchati candenapi assena samagacchati candenapi gonena samagacchati itthiyapi purisassapi namampi gottampi pucchati gamassapi nigamassapi namampi maggampi pucchati . so kimidanti puttho samano sunnam me agaram pavisitabbam ahosi tena pavisim pindam ^3- me aladdhabbam ahosi @Footnote: ¹ Ma. samana abrahmacariyavasatiti natthi . ² Ma. kusalanti. @³ Ma. pindampi aladdhabbam.

--------------------------------------------------------------------------------------------- page301.

Tenaladdham ^1- kukkurena damsitabbam ahosi tenamhi ^2- dattho candena hatthina samagantabbam ahosi tena samagamim candena assena samagantabbam ahosi tena samagamim candena gonena samagantabbam ahosi tena samagamim itthiyapi purisassapi namampi gottampi pucchitabbam ahosi tena pucchim gamassapi nigamassapi namampi maggampi pucchitabbam ahosi tena pucchinti. {304.1} Tatra ^3- sandaka vinnu puriso iti patisancikkhati ayam kho bhavam sattha sabbannu sabbadassavi aparisesam nanadassanam patijanati carato ca me titthato ca suttassa ca jagarassa ca satatam samitam nanadassanam paccupatthitanti . so sunnampi agaram pavisati pindampi na labhati kukkuropi damsati candenapi hatthina samagacchati candenapi assena samagacchati candenapi gonena samagacchati itthiyapi purisassapi namampi gottampi pucchati gamassapi nigamassapi namampi maggampi pucchati . so kimidanti puttho samano sunnam agaram pavisitabbam ahosi tena pavisim pindam me aladdhabbam ahosi tenaladdham kukkurena damsitabbam ahosi tenamhi dattho candena hatthina samagantabbam ahosi tena samagamim candena assena samagantabbam ahosi tena samagamim candena gonena samagantabbam ahosi tena samagamim itthiyapi purisassapi namampi gottampi pucchitabbam ahosi tena pucchim gamassapi nigamassapi @Footnote: ¹ Ma. tena nalattha. Yu. tena naladdham . ² Ma. tena. @³ Ma. tatra sandaka ... pucchintiti natthi.

--------------------------------------------------------------------------------------------- page302.

Namampi maggampi pucchitabbam ahosi tena pucchinti . so anassasikam idam brahmacariyanti iti viditva tasma brahmacariya nibbijja pakkamati . idam kho sandaka tena bhagavata janata passata arahata sammasambuddhena pathamam anassasikam brahmacariyam akkhatam yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam. [305] Puna caparam sandaka idhekacco sattha anussaviko hoti anussavasacco . so anussavena itihitihaparamparaya pitakasampadaya dhammam deseti . anussavikassa kho pana sandaka satthuno anussavasaccassa susutampi hoti dussutampi hoti tathapi hoti annathapi hoti . tatra sandaka vinnu puriso iti patisancikkhati ayam kho bhavam sattha anussaviko anussavasacco . so anussavena itihitihaparamparaya pitakasampadaya dhammam deseti . anussavikassa kho pana sandaka satthuno anussavasaccassa susutampi hoti dussutampi hoti tathapi hoti annathapi hoti . so anassasikam idam brahmacariyanti iti viditva tasma brahmacariya nibbijja pakkamati . Idam kho sandaka tena bhagavata janata passata arahata sammasambuddhena dutiyam anassasikam brahmacariyam akkhatam yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam.

--------------------------------------------------------------------------------------------- page303.

[306] Puna caparam sandaka idhekacco sattha takki hoti vimamsi . so takkapariyahatam vimamsanucaritam sayampatibhanam dhammam deseti . Takkissa kho pana sandaka satthuno vimamsissa sutakkitampi hoti duttakkitampi hoti tathapi hoti annathapi hoti . tatra sandaka vinnu puriso iti patisancikkhati ayam kho bhavam sattha takki vimamsi ^1-. So takkapariyahatam vimamsanucaritam sayampatibhanam dhammam deseti . Takkissa kho pana satthuno vimamsissa sutakkitampi hoti duttakkitampi hoti tathapi hoti annathapi hoti . so anassasikam idam brahmacariyanti iti viditva tasma brahmacariya nibbijja pakkamati . Idam kho sandaka tena bhagavata janata passata arahata sammasambuddhena tatiyam anassasikam brahmacariyam akkhatam yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam. [307] Puna caparam sandaka idhekacco sattha mando ^[2]- momuho. So mandatta momuhatta tatha ^3- tatha panham puttho samano vacavikkhepam apajjati amaravikkhepam evantipi me no tathatipi me no annathatipi me no notipi me no no notipi me noti. Tatra sandaka vinnu puriso iti patisancikkhati ayam kho bhavam sattha mando momuho . so mandatta momuhatta tatha tatha panham puttho samano vacavikkhepam apajjati amaravikkhepam @Footnote: ¹ Ma. vimamsa . ² Ma. Yu. hoti . ³ Ma. tattha tattha.

--------------------------------------------------------------------------------------------- page304.

Evantipi me no tathatipi me no annathatipi me no notipi me no no notipi me noti . so anassasikam idam brahmacariyanti iti viditva tasma brahmacariya nibbijja pakkamati . idam kho sandaka tena bhagavata janata passata arahata sammasambuddhena catuttham anassasikam brahmacariyam akkhatam yattha vinnu puriso sasakkam brahmacariyam na vaseyya vasanto ca naradheyya nayam dhammam kusalanti. {307.1} Imani kho sandaka tena bhagavata janata passata arahata sammasambuddhena cattari anassasikani brahmacariyani akkhatani yattha vinnu puriso sasakkam brahmacariyam na vaseyya vasanto ca naradheyya nayam dhammam kusalanti. [308] Acchariyam bho ananda abbhutam bho ananda yavancidam tena bhagavata janata passata arahata sammasambuddhena cattari anassasikaneva ^1- brahmacariyani anassasikani ^2- brahmacariyaniti akkhatani yattha vinnu puriso sasakkam brahmacariyam na vaseyya vasanto ca naradheyya nayam dhammam kusalam . so pana bho ananda sattha kimvadi kimakkhayi yattha vinnu puriso sasakkam brahmacariyam vaseyya vasanto ca aradheyya nayam dhammam kusalanti. [309] Idha sandaka tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava .pe. so @Footnote: ¹ Ma. anassasikani . ² Ma. anassasikani brahmacariyanititi ime patha na @dissanti.

--------------------------------------------------------------------------------------------- page305.

Ime panca nivarane pahaya cetaso upakkilese pannaya dubbalikarane vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati . yasmim kho pana ^1- sandaka satthari savako evarupam olaravisesam adhigacchati tattha vinnu puriso sasakkam brahmacariyam vaseyya vasanto ca aradheyya nayam dhammam kusalam. {309.1} Puna caparam sandaka bhikkhu vitakkavicaranam vupasama .pe. Dutiyam jhanam upasampajja viharati . yasmim kho pana sandaka satthari savako evarupam olaravisesam adhigacchati tattha vinnu puriso sasakkam brahmacariyam vaseyya vasanto ca aradheyya nayam dhammam kusalam. {309.2} Puna caparam sandaka bhikkhu pitiya ca viraga .pe. Tatiyam jhanam upasampajja viharati . yasmim kho pana sandaka satthari savako evarupam olaravisesam adhigacchati tattha vinnu puriso sasakkam brahmacariyam vaseyya vasanto ca aradheyya nayam dhammam kusalam. {309.3} Puna caparam sandaka bhikkhu sukhassa ca pahana dukkhassa ca pahana .pe. catuttham jhanam upasampajja viharati . yasmim kho pana sandaka satthari ariyasavako evarupam olaravisesam adhigacchati tattha vinnu puriso sasakkam brahmacariyam vaseyya vasanto ca aradheyya nayam dhammam kusalam. [310] So evam samahite citte parisuddhe pariyodate @Footnote: ¹ Si. Yu. sattasu thanesu ayam patho natthi.

--------------------------------------------------------------------------------------------- page306.

Anangane vigatupakkilese mudubhute kammaniye thite anenjappatte ^1- pubbenivasanussatinanaya cittam abhininnameti . so anekavihitam pubbenivasam anussarati seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarati . Yasmim kho pana sandaka satthari savako evarupam olaravisesam adhigacchati tattha vinnu puriso sasakkam brahmacariyam vaseyya vasanto ca aradheyya nayam dhammam kusalam. {310.1} So evam samahite citte parisuddhe pariyodate anangane vigatupakkilese mudubhute kammaniye thite anenjappatte ^2- sattanam cutupapatananaya cittam abhininnameti . so dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate .pe. Yathakammupage satte pajanati. Yasmim kho pana sandaka satthari savako evarupam olaravisesam adhigacchati tattha vinnu puriso sasakkam brahmacariyam vaseyya vasanto ca aradheyya nayam dhammam kusalam. {310.2} So evam samahite citte parisuddhe pariyodate anangane vigatupakkilese mudubhute kammaniye thite anenjappatte ^3- asavanam khayananaya cittam abhinnameti . so idam dukkhanti yathabhutam pajanati ayam dukkhasamudayoti yathabhutam pajanati ayam dukkhanirodhoti yathabhutam pajanati ayam dukkhanirodhagamini patipadati yathabhutam pajanati .pe. ayam asavanirodhagamini @Footnote:1-2-3 Yu. anejjappatte.

--------------------------------------------------------------------------------------------- page307.

Patipadati yathabhutam pajanati . tassa evam janato evam passato kamasavapi cittam vimuccati bhavasavapi cittam vimuccati avijjasavapi cittam vimuccati vimuttasmim vimuttamiti nanam hoti khina jati vusitam brahmacariyam katam karaniyam naparam itthattayati pajanati . yasmim kho pana sandaka satthari savako evarupam olaravisesam adhigacchati tattha vinnu puriso sasakkam brahmacariyam vaseyya vasanto ca aradheyya nayam dhammam kusalanti. [311] Yo pana so bho ananda bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto paribhunjeyya so kameti . yo so sandaka bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto abhabbo so panca thanani ajjhacaritum abhabbo khinasavo bhikkhu sancicca pane jivita voropetum abhabbo khinasavo bhikkhu adinnam theyyasankhatam adatum abhabbo khinasavo bhikkhu methunam dhammam patisevitum abhabbo khinasavo bhikkhu sampajanamusa bhasitum abhabbo khinasavo bhikkhu sannidhikarakam kame paribhunjitum seyyathapi pubbe agariyabhuto . yo so sandaka bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto abhabbo

--------------------------------------------------------------------------------------------- page308.

So imani panca thanani ajjhacaritunti. [312] Yo pana so bho ananda bhikkhu araham khinasavo vusitava katakaraniyo ohitabharo anuppattasadattho parikakhinabhavasannojano sammadanna vimutto tassa carato ceva titthato ca suttassa ca jagarassa ca satatam samitam nanadassanam paccupatthitam khina me asavati . tenahi sandaka upamante karissami upamayapidhekacce vinnu purisa bhasitassa attham ajananti . seyyathapi sandaka purisassa hatthapada chinna tassa carato ceva titthato ca suttassa ca jagarassa ca satatam samitam chinnava hatthapada apica kho pana ^1- paccavekkhamano janati chinna me hatthapadati evameva kho sandaka yo so bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto tassa carato ceva titthato ca suttassa ca jagarassa ca satatam samitam khinava asava apica kho pana ^2- paccavekkhamano janati khina me asavati. [313] Kiva bahuka pana bho ananda imasmim dhammavinaye niyyataroti . na kho sandaka ekamyeva satam na dve satani na tini satani na cattari satani na panca satani atha kho bhiyyova ye imasmim dhammavinaye niyyataroti . acchariyam bho ananda abbhutam bho ananda na ca nama sadhammokkamsana bhavissati @Footnote: ^1-2 Yu. nam.

--------------------------------------------------------------------------------------------- page309.

Na paradhammavambhana ayatane va ^1- dhammadesana tava bahuka ca niyyataro pannayissanti ime panajivaka puttamataya putta attananceva ukkamsenti pare ca vambhenti tayo ceva niyyataro pannapenti seyyathidam nandam vaccham kisam sankiccam makkhalim gosalanti . Atha kho sandako paribbajako sakam parisam amantesi carantu bhonto samane gotame brahmacariyavaso nadani sukaram amhehi labhasakkara- siloke pariccajitunti. Iti hidam sandako paribbajako sakam parisam uyyojesi bhagavati brahmacariyeti. Sandakasuttam nitthitam chattham. ----------- @Footnote: ¹ Yu. ca..