PaliRoman Vol.14

Chachakkasuttam [810] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca dhammam vo bhikkhave desissami adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakasissami yadidam cha chakkani tam sunatha sadhukam manasikarotha bhasissamiti . evambhanteti kho te bhikkhu bhagavato paccassosum. [811] Bhagava etadavoca cha ajjhattikani ayatanani veditabbani cha bahirani ayatanani veditabbani cha vinnanakaya veditabba cha phassakaya veditabba cha vedanakaya veditabba cha tanhakaya veditabba. [812] Cha ajjhattikani ayatanani veditabbaniti iti kho panetam vuttam . kincetam paticca vuttam . cakkhvayatanam sotayatanam ghanayatanam jivhayatanam kayayatanam manayatanam . cha ajjhattikani ayatanani veditabbaniti iti yantam vuttam idametam paticca vuttam . Idam pathamam chakkam. [813] Cha bahirani ayatanani veditabbaniti iti kho panetam Vuttam . kincetam paticcam vuttam . rupayatanam saddayatanam gandhayatanam rasayatanam photthabbayatanam dhammayatanam . cha bahirani ayatanani veditabbaniti iti yantam vuttam idametam paticca vuttam . idam dutiyam chakkam. [814] Cha vinnanakaya veditabbati iti kho panetam vuttam. Kincetam paticca vuttam . cakkhunca paticca rupe ca uppajjati cakkhuvinnanam sotanca paticca sadde ca uppajjati sotavinnanam ghananca paticca gandhe ca uppajjati ghanavinnanam jivhanca paticca rase ca uppajjati jivhavinnanam kayanca paticca photthabbe ca uppajjati kayavinnanam mananca paticca dhamme ca uppajjati manovinnanam . cha vinnanakaya veditabbati iti yantam vuttam idametam paticca vuttam. Idam tatiyam chakkam. [815] Cha phassakaya veditabbati iti kho panetam vuttam . Kincetam paticca suttam . cakkhunca paticca rupe ca uppajjati cakkhuvinnanam tinnam sangati phasso . sotanca paticca sadde ca uppajjati sotavinnanam tinnam sangati phasso . ghananca paticca gandhe ca uppajjati ghanavinnanam tinnam sangati phasso . jivhanca paticca rase ca uppajjati jivhavinnanam tinnam sangati phasso . kayanca paticca photthabbe ca uppajjati kayavinnanam tinnam sangati phasso . mananca paticca dhamme Ca uppajjati manovinnanam tinnam sangati phasso . cha phassakaya veditabbati iti yantam vuttam idametam paticca vuttam . Idam catuttham chakkam. [816] Cha vedanakaya veditabbati iti kho panetam vuttam. Kincetam paticca vuttam . cakkhunca paticca rupe ca uppajjati cakkhuvinnanam tinnam sangati phasso phassapaccaya vedana . Sotanca paticca sadde ca uppajjati sotavinnanam ... ghananca paticca gandhe ca uppajjati ghanavinnanam ... jivhanca paticca rase ca uppajjati jivhavinnanam ... kayanca paticca photthabbe ca uppajjati kayavinnanam ... mananca paticca dhamme ca uppajjati manovinnanam tinnam sangati phasso phassapaccaya vedana . Cha vedanakaya veditabbati iti yantam vuttam idametam paticca vuttam. Idam pancamam chakkam. [817] Cha tanhakaya veditabbati iti kho panetam vuttam . Kincetam paticca vuttam . cakkhunca paticca rupe ca uppajjati cakkhuvinnanam tinnam sangati phasso phassapaccaya vedana vedanapaccaya tanha . sotanca paticca sadde ca uppajjati sotavinnanam ... Ghananca paticca gandhe ca uppajjati ghanavinnanam ... Jivhanca paticca rase ca uppajjati jivhavinnanam ... kayanca paticca photthabbe ca uppajjati kayavinnanam ... mananca paticca Dhamme ca uppajjati manovinnanam tinnam sangati phasso phassapaccaya vedana vedanapaccaya tanha . cha tanhakaya veditabbati iti yantam vuttam idametam paticca vuttam . idam chattham chakkam. [818] Cakkhu attati yo evam ^1- vadeyya tam na upapajjati. Cakkhussa uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati cakkhu attati yo vadeyya. Iti cakkhu anatta. {818.1} Rupa attati yo vadeyya tam na upapajjati. Rupanam uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati rupa attati yo vadeyya. Iti cakkhu anatta rupa anatta. {818.2} Cakkhuvinnanam attati yo vadeyya tam na upapajjati. Cakkhuvinnanassa uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati cakkhuvinnanam attati yo vadeyya . iti cakkhu anatta rupa anatta cakkhuvinnanam anatta. {818.3} Cakkhusamphasso attati yo vadeyya tam na upapajjati . cakkhusamphassassa uppadopi vayopi @Footnote: ¹ Ma. Yu. evamsaddo natthi. Pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati cakkhusamphasso attati yo vadeyya . iti cakkhu anatta rupa anatta cakkhuvinnanam anatta cakkhusamphasso anatta. {818.4} Vedana attati yo vadeyya tam na upapajjati . Vedanaya uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati vedana attati yo vadeyya . iti cakkhu anatta rupa anatta cakkhuvinnanam anatta cakkhusamphasso anatta vedana anatta. {818.5} Tanha attati yo vadeyya tam na uppajjati. Tanhaya uppadopi vayopi pannayati . yassa kho pana uppadopi vayopi pannayati atta me upapajjati ca veti cati iccassa evamagatam hoti tasma tam na upapajjati tanha attati yo vadeyya . iti cakkhu anatta rupa anatta cakkhuvinnanam anatta cakkhusamphasso anatta vedana anatta tanha anatta. [819] Sotam attati yo vadeyya ... ghanam attati yo vadeyya ... jivha attati yo vadeyya ... kayo attati yo vadeyya ... mano attati yo vadeyya tam na upapajjati . Manassa uppadopi vayopi pannayati . yassa kho pana uppadopi Vayopi pannayati atta me uppajjati ca veti cati iccassa evamagatam hoti tasma tam na upapajjati mano attati yo vadeyya. Iti mano anatta. {819.1} Dhamma attati yo vadeyya tam na upapajjati. Dhammanam uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati dhamma attati yo vadeyya. Iti mano anatta dhamma anatta. {819.2} Manovinnanam attati yo vadeyya tam na upapajjati. Manovinnanassa uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati manovinnanam attati yo vadeyya . iti mano anatta dhamma anatta manovinnanam anatta. {819.3} Manosamphasso attati yo vadeyya tam na upapajjati. Manosamphassassa uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati manosamphasso attati yo vadeyya . iti mano anatta dhamma anatta manovinnanam anatta manosamphasso anatta. {819.4} Vedana attati yo vadeyya tam na upapajjati . Vedanaya uppadopi vayopi pannayati . yassa Kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati vedana attati yo vadeyya . iti mano anatta dhamma anatta manovinnanam anatta manosamphasso anatta vedana anatta. {819.5} Tanha attati yo vadeyya tam na upapajjati . Tanhaya uppadopi vayopi pannayati . yassa kho pana uppadopi vayopi pannayati atta me uppajjati ca veti cati iccassa evamagatam hoti tasma tam na upapajjati tanha attati yo vadeyya . iti mano anatta dhamma anatta manovinnanam anatta manosamphasso anatta vedana anatta tanha anatta. [820] Ayam kho pana bhikkhave sakkayasamudayagamini patipada . Cakkhum etam mama esohamasmi eso me attati samanupassati . Rupe etam mama esohamasmi eso me attati samanupassati . Cakkhuvinnanam etam mama esohamasmi eso me attati samanupassati . cakkhusamphassam etam mama esohamasmi eso me attati samanupassati . vedanam etam mama esohamasmi eso me attati samanupassati . tanham etam mama esohamasmi eso me attati samanupassati . sotam etam mama ... ghanam etam mama ... jivham etam mama ... kayam etam mama ... Manam etam mama esohamasmi eso me attati samanupassati . dhamme etam Mama esohamasmi eso me attati samanupassati . manovinnanam etam mama esohamasmi eso me attati samanupassati . tanham etam mama esohamasmi eso me attati samanupassati. [821] Ayam kho pana bhikkhave sakkayanirodhagamini patipada . Cakkhum netam mama nesohamasmi na meso attati samanupassati . Rupe netam mama nesohamasmi na meso attati samanupassati . Cakkhuvinnanam netam mama nesohamasmi na meso attati samanupassati . cakkhusamphassam netam mama nesohamasmi na meso attati samanupassati . vedanam netam mama nesohamasmi na meso attati samanupassati . tanham netam mama nesohamasmi na meso attati samanupassati . sotam netam mama ... ghanam netam mama ... Jivham netam mama ... kayam netam mama ... Manam netam mama nesohamasmi na meso attati samanupassati . dhamme netam mama nesohamasmi na meso attati samanupassati . manovinnanam netam mama nesohamasmi na meso attati samanupassati . manosamphassam netam mama nesohamasmi na meso attati samanupassati . vedanam netam mama nesohamasmi na meso attati samanupassati . tanham netam mama nesohamasmi na meso attati samanupassati. [822] Cakkhunca bhikkhave paticca rupe ca uppajjati cakkhuvinnanam tinnam sangati phasso phassapaccaya uppajjati vedayitam Sukham va dukkham va adukkhamasukham va . so sukhaya vedanaya phuttho samano abhinandati abhivadati ajjhosaya titthati tassa raganusayo anuseti . dukkhaya vedanaya phuttho samano socati kilamati paridevati urattalim kandati sammoham apajjati tassa patighanusayo anuseti . adukkhamasukhaya vedanaya phuttho samano tassa vedanaya samudayanca atthangamanca assadanca adinavanca nissarananca yathabhutam nappajanati tassa avijjanusayo anuseti. {822.1} So vata bhikkhave sukhaya vedanaya raganusayam appahaya dukkhaya vedanaya patighanusayam appativinodetva adukkhamasukhaya vedanaya avijjanusayam asamuhanitva avijjam appahaya vijjam anuppadetva dittheva dhamme dukkhassantakaro bhavissatiti netam thanam vijjati . Sotanca bhikkhave paticca sadde ca uppajjati sotavinnanam ... Ghananca bhikkhave paticca gandhe ca uppajjati ghanavinnanam ... Jivhanca bhikkhave paticca rase ca uppajjati jivhavinnanam ... Kayanca bhikkhave paticca photthabbe ca uppajjati kayavinnanam ... Mananca bhikkhave paticca dhamme ca uppajjati manovinnanam tinnam sangati phasso phassapaccaya uppajjati vedayitam sukham va dukkham va adukkhamasukham va . so sukhaya vedanaya phuttho samano abhinandati abhivadati ajjhosaya titthati tassa raganusayo anuseti . dukkhaya vedanaya phuttho samano socati kilamati paridevati Urattalim kandati sammoham apajjati tassa patighanusayo anuseti . Adukkhamasukhaya vedanaya phuttho samano tassa vedanaya samudayanca atthangamanca assadanca adinavanca nissarananca yathabhutam nappajanati tassa avijjanusayo anuseti . so vata bhikkhave sukhaya vedanaya raganusayam appahaya dukkhaya vedanaya patighanusayam appativinodetva adukkhamasukhaya vedanaya avijjanusayam asamuhanitva avijjam appahaya vijjam anuppadetva dittheva dhamme dukkhassantakaro bhavissatiti netam thanam vijjati. [823] Cakkhunca kho bhikkhave paticca rupe ca uppajjati cakkhuvinnanam tinnam sangati phasso phassapaccaya uppajjati vedayitam sukham va dukkham va adukkhamasukham va . so sukhaya vedanaya phuttho samano nabhinandati nabhivadati najjhosaya titthati tassa raganusayo nanuseti . dukkhaya vedanaya phuttho samano na socati na kilamati na paridevati na urattalim kandati na sammoham apajjati tassa patighanusayo nanuseti . adukkhamasukhaya vedanaya phuttho samano tassa vedanaya samudayanca atthangamanca assadanca adinavanca nissarananca yathabhutam pajanati tassa avijjanusayo nanuseti. {823.1} So vata bhikkhave sukhaya vedanaya raganusayam pahaya dukkhaya vedanaya patighanusayam pativinodetva adukkhamasukhaya vedanaya avijjanusayam samuhanitva avijjam pahaya vijjam uppadetva dittheva Dhamme dukkhassantakaro bhavissatiti thanametam vijjati . sotanca bhikkhave paticca sadde ca uppajjati sotavinnanam ... ghananca bhikkhave paticca gandhe ca uppajjati ghanavinnanam ... jivhanca bhikkhave paticca rase ca uppajjati jivhavinnanam ... kayanca bhikkhave paticca photthabbe ca uppajjati kayavinnanam ... mananca bhikkhave paticca dhamme ca uppajjati manovinnanam tinnam sangati phasso phassapaccaya uppajjati vedayitam sukham va dukkham va adukkhamasukham va . so sukhaya vedanaya phuttho samano nabhinandati nabhivadati najjhosaya titthati tassa raganusayo nanuseti . dukkhaya vedanaya phuttho samano na socati na kilamati na paridevati na urattalim kandati na sammoham apajjati tassa patighanusayo nanuseti . adukkhamasukhaya vedanaya phuttho samano tassa vedanaya samudayanca atthangamanca assadanca adinavanca nissarananca yathabhutam pajanati tassa avijjanusayo nanuseti. {823.2} So vata bhikkhave sukhaya vedanaya raganusayam pahaya dukkhaya vedanaya patighanusayam pativinodetva adukkhamasukhaya vedanaya avijjanusayam samuhanitva avijjam pahaya vijjam uppadetva dittheva dhamme dukkhassantakaro bhavissatiti thanametam vijjatiti. [824] Evam passam bhikkhave sutava ariyasavako cakkhusmimpi nibbindati rupesupi nibbindati cakkhuvinnanepi nibbindati Cakkhusamphassepi nibbindati vedanayapi nibbindati tanhayapi nibbindati sotasmimpi nibbindati saddesupi nibbindati ... ghanasmimpi nibbindati gandhesupi nibbindati ... jivhayapi nibbindati rasesupi nibbindati ... Kayasmimpi nibbindati photthabbesupi nibbindati ... manasmimpi nibbindati dhammesupi nibbindati manovinnanepi nibbindati manosamphassepi nibbindati vedanayapi nibbindati tanhayapi nibbindati . nibbindam virajjati viraga vimuccati vimuttasmim vimuttamiti nanam hoti khina jati vusitam brahmacariyam katam karaniyam naparam itthattayati pajanatiti. Idamavoca bhagava attamana te bhikkhu bhagavato bhasitam abhinandunti . imasminca ^1- pana veyyakaranasmim bhannamane satthimattanam bhikkhunam anupadaya asavehi cittani vimuccimsuti. Chachakkasuttam nitthitam chattham. ------- @Footnote: ¹ Ma. Yu. imasmim kho pana.

The Pali Tipitaka in Roman Character Volume 14 page 509-520. https://84000.org/tipitaka/read/roman_read.php?B=14&A=10161&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=10161&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=810&items=15 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=48 Study Atthakatha :- https://84000.org/tipitaka/attha/attha.php?b=14&i=810 The Pali Atthakatha in Thai :- https://84000.org/tipitaka/atthapali/read_th.php?B=10&A=6371 The Pali Atthakatha in Roman :- https://84000.org/tipitaka/atthapali/read_rm.php?B=10&A=6371 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14