PaliRoman Vol.14

Dakkhinavibhangasuttam [706] Evamme sutam ekam samayam bhagava sakkesu viharati kapilavatthusmim nigrodharame . atha kho mahapajapati ^1- gotami navam dussayugam adaya yena bhagava tenupasankami upasankamitva bhagavantam abhivadetva ekamantam nisidi . ekamantam nisinna kho mahapajapati gotami bhagavantam etadavoca idam me bhante navam dussayugam bhagavantam uddissa samam kantam samam vayitam tam me bhante bhagava patigganhatu anukampam upadayati. [707] Evam vutte bhagava mahapajapatim gotamim etadavoca sanghe gotami dehi sanghe te dinne ahanceva pujito bhavissami sangho cati . dutiyampi kho mahapajapati gotami bhagavantam etadavoca idam me bhante navam dussayugam bhagavantam uddissa samam kantam samam vayitam tam me bhante bhagava patigganhatu anukampam upadayati . Dutiyampi kho bhagava mahapajapatim gotamim etadavoca sanghe gotami dehi sanghe te dinne ahanceva pujito bhavissami sangho cati . tatiyampi kho mahapajapati gotami bhagavantam etadavoca idam me bhante navam dussayugam bhagavantam uddissa samam kantam samam vayitam tam me bhante bhagava patigganhatu anukampam upadayati . Tatiyampi kho bhagava mahapajapatim gotamim etadavoca sanghe gotami @Footnote: ¹ Ma. mahapajapati. sabbattha evam natabbam. Dehi sanghe te dinne ahanceva pujito bhavissami sangho cati. [708] Evam vutte ayasma anando bhagavantam etadavoca patigganhatu bhante bhagava mahapajapatiya gotamiya navam dussayugam bahukara ^1- bhante mahapajapati gotami bhagavato matuccha apadika posika khirassa dayika bhagavantam janettiya kalakataya thannam payesi bhagavapi bhante bahukaro mahapajapatiya gotamiya bhagavantam bhante agamma mahapajapati gotami buddham saranam gata dhammam saranam gata sangham saranam gata bhagavantam bhante agamma mahapajapati gotami panatipata pativirata adinnadana pativirata kamesumicchacara pativirata musavada pativirata suramerayamajjapamadatthana pativirata bhagavantam bhante agamma mahapajapati gotami buddhe aveccappasadena samannagata dhamme aveccappasadena samannagata sanghe aveccappasadena samannagata ariyakantehi silehi samannagata bhagavantam bhante agamma mahapajapati gotami dukkhe nikkankha dukkhasamudaye nikkankha dukkhanirodhe nikkankha dukkhanirodhagaminiya patipadaya nikkankha bhagavapi bhante bahukaro mahapajatiya gotamiyati. [709] Evametam ananda evametam ananda yam hananda puggalo puggalam agamma buddham saranam gato hoti dhammam saranam gato hoti sangham saranam gato hoti imassananda puggalassa imina puggalena na supatikaram vadami yadidam abhivadanam paccutthanam @Footnote: ¹ Po. Ma. Yu. bahupakara. Anjalikammam samicikammam civarapindapatasenasanagilanapaccaya- bhesajjaparikkharanuppadanena. {709.1} Yam hananda puggalo puggalam agamma panatipata pativirato hoti adinnadana pativirato hoti kamesu micchacara pativirato hoti musavada pativirato hoti suramerayamajjapamadatthana pativirato hoti imassananda puggalassa imina puggalena na supatikaram vadami yadidam abhivadanam paccutthanam anjalikammam samicikammam civarapindapatasenasanagilanapaccayabhesajjaparikkharanuppadanena. {709.2} Yam hananda puggalo puggalam agamma buddhe aveccappasadena samannagato hoti dhamme aveccappasadena samannagato hoti sanghe aveccappasadena samannagato hoti ariyakantehi silehi samannagato hoti imassananda puggalassa imina puggalena na supatikaram vadami yadidam abhivadanam paccutthanam anjalikammam samicikammam civarapindapatasenasanagilanapaccaya- bhesajjaparikkharanuppadanena. {709.3} Yam hananda puggalo puggalam agamma dukkhe nikkankho hoti dukkhasamudaye nikkankho hoti dukkhanirodhe nikkankho hoti dukkhanirodhagaminiya patipadaya nikkankho hoti imassananda puggalassa imina puggalena na supatikaram vadami yadidam abhivadanam paccutthanam anjalikammam samicikammam civarapindapatasenasana- gilanapaccayabhesajjaparikkharanuppadanena. [710] Cuddasa kho panimananda patipuggalika dakkhina [1]-. @Footnote: ¹ Ma. etthantare katama cuddasati dissanti. Tathagate arahante sammasambuddhe danam deti ayam pathama patipuggalika dakkhina . paccekasambuddhe ^1- danam deti ayam dutiya patipuggalika dakkhina . tathagatasavake arahante danam deti ayam tatiya patipuggalika dakkhina . arahattaphalasacchikiriyaya patipanne danam deti ayam catuttha patipuggalika dakkhina . Anagamissa danam deti ayam pancami patipuggalika dakkhina . Anagamiphalasacchikiriyaya patipanne danam deti ayam chattha patipuggalika dakkhina . sakadagamissa danam deti ayam sattami patipuggalika dakkhina . sakadagamiphalasacchikiriyaya patipanne danam deti ayam atthami patipuggalika dakkhina . sotapanne danam deti ayam navami patipuggalika dakkhina. Sotapattiphalasacchikiriyaya patipanne danam deti ayam dasami patipuggalika dakkhina . bahirake kamesu vitarage danam deti ayam ekadasami patipuggalika dakkhina . puthujjanasilavante danam deti ayam dvadasami patipuggalika dakkhina . puthujjanadussile danam deti ayam terasami patipuggalika dakkhina . tiracchanagate danam deti ayam cuddasami patipuggalika dakkhinati. [711] Tatrananda tiracchanagate danam datva sataguna dakkhina patikankhitabba . puthujjanadussile danam datva sahassaguna dakkhina patikankhitabba . puthujjanasilavante danam datva satasahassaguna @Footnote: ¹ Yu. paccekabuddhe. Dakkhina patikankhitabba . bahirake kamesu vitarage danam datva kotisatasahassaguna dakkhina patikankhitabba . sotapattiphalasacchikiriyaya patipanne danam datva asankheyya appameyya dakkhina patikankhitabba . ko pana vado sotapanne ko pana vado sakadagamiphalasacchikiriyaya patipanne ko pana vado sakadagamissa ko pana vado anagamiphalasacchikiriyaya patipanne ko pana vado anagamissa ko pana vado arahattaphalasacchikiriyaya patipanne ko pana vado tathagatasavake arahante ko pana vado paccekasambuddhe ko pana vado tathagate arahante sammasambuddhe. [712] Satta kho panimananda sanghagata dakkhina . ^[1]- buddhappamukhe ubhatosanghe danam deti ayam pathama sanghagata dakkhina. Tathagate parinibbute ubhatosanghe danam deti ayam dutiya sanghagata dakkhina . bhikkhusanghe danam deti ayam tatiya sanghagata dakkhina . Bhikkhunisanghe danam deti ayam catuttha sanghagata dakkhina . Ettake me bhikkhu ca bhikkhuniyo ca sanghato uddissathati danam deti ayam pancami sanghagata dakkhina . ettake me bhikkhu sanghato uddissathati danam deti ayam chattha sanghagata dakkhina . Ettika ^2- me bhikkhuniyo sanghato uddissathati danam deti ayam sattami sanghagata dakkhina. [713] Bhavissanti kho panananda anagatamaddhanam gotrabhuno @Footnote: ¹ Ma. etthantare katama satta . ² Po. Ma. Yu. ettaka. Kasavakantha dussila papadhamma tesu dussilesu sangham uddissa danam dassanti tadapaham ananda sanghagatam dakkhinam asankheyyam appameyyam vadami na tvevaham ananda kenaci pariyayena sanghagataya dakkhinaya patipuggalikadanam mahapphalataram vadami. [714] Catasso kho panimananda dakkhinavisuddhiyo . Katama catasso . atthananda dakkhina dayakato visujjhati no patiggahakato atthananda dakkhina patiggahakato visujjhati no dayakato atthananda dakkhina neva dayakato visujjhati no patiggahakato atthananda dakkhina dayakato ceva visujjhati patiggahakato ca. [715] Kathancananda dakkhina dayakato visujjhati no patiggahakato . idhananda dayako hoti silava kalyanadhammo patiggahaka honti dussila papadhamma evam kho ananda dakkhina dayakato visujjhati no patiggahakato. [716] Kathancananda dakkhina patiggahakato visujjhati no dayakato . idhananda dayako hoti dussilo papadhammo patiggahaka honti silavanto kalyanadhamma evam kho ananda dakkhina patiggahakato visujjhati no dayakato. [717] Kathancananda dakkhina neva dayakato visujjhati no patiggahakato . idhananda dayako ca hoti dussilo papadhammo Patiggahaka ca honti dussila papadhamma evam kho ananda dakkhina neva dayakato visujjhati no patiggahakato. [718] Kathancananda dakkhina dayakato ceva visujjhati patiggahakato ca . idhananda dayako ca hoti silava kalyanadhammo patiggahaka ca honti silavanto kalyanadhamma evam kho ananda dakkhina dayakato ceva visujjhati patiggahakato ca . ima kho ananda catasso dakkhinavisuddhiyoti. [719] Idamavoca bhagava idam vatvana sugato athaparam etadavoca sattha yo silava dussilesu dadati danam dhammena laddham ^1- supasannacitto abhisaddaham kammaphalam ularam sa dakkhina dayakato visujjhati yo dussilo silavantesu dadati danam adhammena laddham appasannacitto anabhisaddaham kammaphalam ularam sa dakkhina patiggahakato visujjhati yo dussilo dussilesu dadati danam adhammena laddham appasannacitto @Footnote: ¹ Si. Yu. laddha. Anabhisaddaham kammaphalam ularam na tam danam vipulaphalanti brumi ^1- yo silava silavantesu dadati danam dhammena laddham supasannacitto abhisaddaham kammaphalam ularam tam ve danam vipulaphalanti brumi yo vitarago vitaragesu dadati danam dhammena laddham supasannacitto abhisaddaham kammaphalam ularam tam ve danam amisadananamagganti ^2-. Dakkhinavibhangasuttam nitthitam dvadasamam. Vibhangavaggo catuttho. ------- Tassuddanam bhaddisala samiddhi candano aggivessamanavo varanani sarathi uddissina aranena pukkusa saccavaro vadanam. ------- @Footnote: ¹ Yu. sa dakkhina nevubhato visujjhati . ² Yu. amisadanam vipulanti brumi.

The Pali Tipitaka in Roman Character Volume 14 page 456-463. https://84000.org/tipitaka/read/roman_read.php?B=14&A=9113&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=9113&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=706&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=42 Study Atthakatha :- https://84000.org/tipitaka/attha/attha.php?b=14&i=706 The Pali Atthakatha in Thai :- https://84000.org/tipitaka/atthapali/read_th.php?B=10&A=5710 The Pali Atthakatha in Roman :- https://84000.org/tipitaka/atthapali/read_rm.php?B=10&A=5710 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14