PaliRoman Vol.15

Dasamam dutiyaputtakasuttam [390] Atha kho raja pasenadikosalo divadivassa yena bhagava tenupasankami upasankamitva bhagavantam abhivadetva ekamantam nisidi . Ekamantam nisinnam kho rajanam pasenadikosalam bhagava etadavoca handa kuto nu tvam maharaja agacchasi divadivassati . idha bhante savatthiyam setthi gahapati kalakato tamaham aputtakam sapateyyam rajantepuram atiharitva agacchami satam bhante satasahassani hirannasseva ko pana vado rupiyassa tassa kho pana bhante setthissa gahapatissa evarupo bhattabhogo ahosi kanajakam bhunjati bilangadutiyam evarupo vatthabhogo ahosi sanam dhareti tipakkhavasanam evarupo yanabhogo ahosi jajjararathakena yati pannacchattakena dhariyamanenati. [391] Evametam maharaja evametam maharaja bhutapubbam so maharaja setthi gahapati tagarasikhim nama paccekasambuddham pindapatena patipadesi detha samanassa pindanti vatva utthayasana pakkami datva ca pana paccha vippatisari ahosi varametam pindapatam dasa va kammakara va bhunjeyyunti bhatu ca pana ekam puttakam sapateyyassa karana jivita voropesi. {391.1} Yam kho so maharaja setthi gahapati tagarasikhim paccekasambuddham pindapatena patipadesi tassa kammassa vipakena sattakkhattum sugatim saggam lokam upapajji Tasseva kammassa vipakavasesena imissayeva savatthiya sattakkhattum setthittam karesi. {391.2} Yam kho so maharaja setthi gahapati datva paccha vippatisari ahosi varametam pindapatam dasa va kammakara va bhunjeyyunti tassa kammassa vipakena nassularaya bhattabhogaya cittam namati nassularaya vatthabhogaya cittam namati nassularaya yanabhogaya cittam namati nassularanam pancannam kamagunanam bhogaya cittam namati. {391.3} Yam kho so maharaja setthi gahapati bhatu ca pana ekam puttakam sapateyyassa karana jivita voropesi tassa kammassa vipakena bahuni vassani bahuni vassasatani bahuni vassasahassani bahuni vassasatasahassani niraye paccittha tasseva vassasatani bahuni ^1- kammassa vipakavasesena idam ^2- sattamam aputtakam sapateyyam rajakosam pavesenti . tassa kho pana maharaja setthissa gahapatissa purananca punnam parikkhinam navanca punnam anupacitam . ajja pana maharaja setthi gahapati maharoruve niraye paccatiti . evam bhante setthi gahapati maharoruvam nirayam upapannoti . evam maharaja setthi gahapati maharoruvam nirayam ^3- upapannoti. [392] Idamavoca .pe. Dhannam dhanam rajatam jatarupam pariggaham vapi yadatthi kinci dasa kammakara pessa ye cassa anujivino @Footnote: ¹ Po. Ma. Yu. vassasatani bahuni na dissanti . ² si idha . ³ Yu. maharoruve @niraye. Sabbannadaya gantabbam sabbam nikkhipagaminam yanca karoti kayena vacaya uda cetasa tam hi tassa sakam hoti tanca adaya gacchati tancassa anugam hoti chayava anupayini tasma kareyya kalyanam nicayam samparayikam punnani paralokasmim patittha honti paninanti. Dutiyo vaggo. Tassuddanam jatila pancarajano donapakakurena ca sangamena dve vuttani dhitara ^1- dve appamadena ca aputtakena dve vutta vaggo tena pavuccatiti. ------- @Footnote: ¹ Ma. mallika.

The Pali Tipitaka in Roman Character Volume 15 page 133-135. https://84000.org/tipitaka/read/roman_read.php?B=15&A=2564&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=2564&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=390&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=131 Study Atthakatha :- https://84000.org/tipitaka/attha/attha.php?b=15&i=390 The Pali Atthakatha in Thai :- https://84000.org/tipitaka/atthapali/read_th.php?B=11&A=3985 The Pali Atthakatha in Roman :- https://84000.org/tipitaka/atthapali/read_rm.php?B=11&A=3985 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15