|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.
Chaṭṭhaṃ cālāsuttaṃ [537] Sāvatthīnidānaṃ . atha kho cālā bhikkhunī pubbaṇhasamayaṃ nivāsetvā .pe. Aññatarasmiṃ rukkhamūle divāvihāraṃ nisīdi. [538] Atha kho māro pāpimā yena cālā bhikkhunī .pe. Upasaṅkamitvā cālaṃ bhikkhuniṃ etadavoca kiṃ nu kho tvaṃ bhikkhuni na rocesīti. Jātiṃ khvāhaṃ āvuso na rocemīti. [539] Kiṃ nu jātiṃ na rocesi jāto kāmāni bhuñjati ko nu tvaṃ idamādapayi jāti mā roca bhikkhunīti. [540] Jātassa maraṇaṃ hoti jāto dukkhāni passati 2- bandhaṃ vadhaṃ pariklesaṃ tasmā jātiṃ na rocaye buddho dhammamadesesi jātiyā samatikkamaṃ sabbadukkhappahānāya so maṃ sacce nivesayi ye ca rūpūpagā sattā ye ca arūpabhāgino nirodhaṃ appajānantā āgantāro punabbhavanti. Atha kho māro pāpimā jānāti maṃ cālā bhikkhunīti dukkhī dummano tatthevantaradhāyīti. @Footnote: 1 Po. Ma. Yu. sabbabandhanamuttāmhi. 2 Ma. phussati.The Pali Tipitaka in Roman Character Volume 15 page 194. https://84000.org/tipitaka/read/roman_read.php?B=15&A=3765 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=3765 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=537&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=167 Study Atthakatha :- https://84000.org/tipitaka/attha/attha.php?b=15&i=537 The Pali Atthakatha in Thai :- https://84000.org/tipitaka/atthapali/read_th.php?B=11&A=4762 The Pali Atthakatha in Roman :- https://84000.org/tipitaka/atthapali/read_rm.php?B=11&A=4762 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]