บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Dutiyam akkosakasuttam [631] Ekam samayam bhagava rajagahe viharati veluvane kalandakanivape. Assosi kho akkosakabharadvajo brahmano bharadvajagotto kira brahmano samanassa gotamassa santike agarasma anagariyam pabbajitoti kupito anattamano yena bhagava tenupasankami upasankamitva bhagavantam asabbhahi pharusahi vacahi akkosati paribhasati. [632] Evam vutte bhagava akkosakabharadvajam brahmanam etadavoca tam kim mannasi brahmana api nu te agacchanti mittamacca nati salohita atithiyoti . appekada me bho gotama agacchanti mittamacca nati salohita atithiyoti . tam kim mannasi brahmana api nu tesam anuppadesi khadaniyam va bhojaniyam va sayaniyam vati . appekada nesaham bho gotama anuppademi khadaniyam va bhojaniyam va sayaniyam vati . sace [1]- pana te brahmana @Footnote: 1 Ma. Yu. etthantare khosaddo dissati. Nappatigganhanti kassa tam hotiti . sace te bho gotama nappatigganhanti amhakameva tam hotiti . evameva kho brahmana yam tvam amhe anakkosante akkosasi arosente rosesi abhandante bhandasi tam te mayam nappatigganhama tavevetam brahmana hoti tavevetam brahmana hotiti. {632.1} Yo kho brahmana akkosantam paccakkosati rosentam patiroseti bhandantam patibhandati ayam vuccati brahmana sambhunjati [1]- vitiharati te mayam taya neva sambhunjama na vitiharama tavevetam brahmana hoti tavevetam brahmana hotiti . bhavantam kho gotamam sarajika parisa evam janati araham samano gotamoti atha ca pana bhavam gotamo kujjhatiti. [633] Akkodhassa kuto kodho dantassa samajivino sammadanna vimuttassa upasantassa tadino tasseva tena papiyo yo kuddham patikujjhati kuddham appatikujjhanto sangamam jeti dujjayam ubhinnamattham carati attano ca parassa ca param sankupitam natva yo sato upasammati ubhinnam tikicchantanam attano ca parassa ca jana mannanti baloti ye dhammassa akovidati. [634] Evam vutte akkosakabharadvajo brahmano bhagavantam etadavoca abhikkantam bho gotama abhikkantam bho gotama .pe. @Footnote:[1] Po. etthantare ekato bhunjati katassa patikaram karotiti dissanti. Esaham bhavantam gotamam saranam gacchami dhammanca bhikkhusanghanca labheyyaham bhoto gotamassa santike pabbajjam labheyyam upasampadanti. {634.1} Alattha kho akkosakabharadvajo brahmano bhagavato santike pabbajjam alattha upasampadam . acirupasampanno kho panayasma akkosakabharadvajo eko vupakattho appamatto atapi pahitatto viharanto na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . Annataro ca panayasma bharadvajo arahatam ahositi.The Pali Tipitaka in Roman Character Volume 15 page 237-239. https://84000.org/tipitaka/read/roman_read.php?B=15&A=4621&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=4621&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=631&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=188 Study Atthakatha :- https://84000.org/tipitaka/attha/attha.php?b=15&i=631 The Pali Atthakatha in Thai :- https://84000.org/tipitaka/atthapali/read_th.php?B=11&A=5632 The Pali Atthakatha in Roman :- https://84000.org/tipitaka/atthapali/read_rm.php?B=11&A=5632 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]