บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[691] Evamme sutam ekam samayam bhagava savatthiyam viharati jetavane anathapindikassa arame . tena kho pana samayena ayasma ca sariputto ayasma ca mahamoggallano rajagahe viharanti veluvane kalandakanivape ekavihare . atha kho ayasma sariputto sayanhasamayam patisallana vutthito yenayasma mahamoggallano tenupasankami upasankamitva ayasmata mahamoggallanena saddhim sammodi sammodaniyam katham saraniyam vitisaretva ekamantam nisidi. [692] Ekamantam nisinno kho ayasma sariputto ayasmantam mahamoggallanam etadavoca vippasannani kho te avuso moggallana indriyani parisuddho mukhavanno pariyodato santena nunayasma mahamoggallano ajja viharena vihasiti . olarikena khvaham avuso ajja viharena vihasim apica me ahosi dhammi kathati . Kena saddhim panayasmato mahamoggallanassa ahosi dhammi kathati . Bhagavata kho me avuso saddhim ahosi dhammi kathati . dure kho avuso bhagava etarahi savatthiyam viharati jetavane anathapindikassa arame kinnu kho ayasma mahamoggallano bhagavantam iddhiya upasankami udahu bhagava ayasmantam mahamoggallanam iddhiya upasankamiti . na khvaham avuso bhagavantam iddhiya upasankamim napi mam bhagava iddhiya upasankami apica me yavata bhagava ettavata dibbacakkhum 1- visujjhi dibba ca sotadhatu bhagavatopi yavataham ettavata dibbacakkhum 1- visujjhi dibba ca sotadhatuti . Yathakatham panayasmato mahamoggallanassa bhagavata saddhim ahosi dhammi kathati. [693] Idhaham avuso bhagavantam etadavocam araddhaviriyo araddhaviriyoti bhante vuccati kittavata nu kho bhante araddhaviriyo hotiti . evam vutte mam avuso bhagavapi 2- etadavoca idha moggallana bhikkhu araddhaviriyo viharati kamam taco ca naharu ca atthi ca avasissatu sarire avasussatu 3- mamsalohitam yantam purisathamena purisaviriyena purisaparakkamena pattabbam na tam apapunitva viriyassa santhanam bhavissatiti evam kho moggallana araddhaviriyo hotiti . evam 4- kho me avuso bhagavata saddhim ahosi dhammi kathati. [694] Seyyathapi avuso himavato pabbatarajassa paritta @Footnote: 1 Ma. Yu. dibbacakkhu . 2 Ma. Yu. pisaddo natthi . 3 Ma. Yu. upasussatu. @4 Yu. evameva. Pasanasakkhara yavadeva upanikkhepanamattaya evameva kho mayam ayasmato mahamoggallanassa yavadeva upanikkhepanamattaya ayasma hi mahamoggallano mahiddhiko mahanubhavo akankhamano kappam tittheyyati. [695] Seyyathapi avuso mahatiya lonaghataya paritta lonasakkhara 1- yavadeva upanikkhepanamattaya evameva kho mayam ayasmato sariputtassa yavadeva upanikkhepanamattaya ayasma hi sariputto bhagavata anekapariyayena thomito vannito pasattho sariputto ca 2- pannaya silena upasamena ca yopi paragato 3- bhikkhu eva so paramo siyati 4-. Itiha 5- te ubho mahanaga annamannassa subhasitam sulapitam samanumodimsuti. Tatiyam.The Pali Tipitaka in Roman Character Volume 16 page 320-322. https://84000.org/tipitaka/read/roman_read.php?B=16&A=6432&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=6432&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=691&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=231 Study Atthakatha :- https://84000.org/tipitaka/attha/attha.php?b=16&i=691 The Pali Atthakatha in Thai :- https://84000.org/tipitaka/atthapali/read_th.php?B=12&A=5682 The Pali Atthakatha in Roman :- https://84000.org/tipitaka/atthapali/read_rm.php?B=12&A=5682 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]