PaliRoman Vol.17

[11] Evamme sutam ekam samayam ayasma mahakaccano ^1- avantisu viharati kuraraghare ^2- papate ^3- pabbate. Atha kho haliddikani ^4- gahapati yenayasma mahakaccano tenupasankami upasankamitva ayasmantam mahakaccanam abhivadetva ekamantam nisidi . ekamantam nisinno kho haliddikani gahapati ayasmantam mahakaccanam etadavoca vuttamidam bhante bhagava atthakavaggiye magandiyapanhe okam pahaya aniketasari game akubbam muni santhavani kamehi ritto apurakkharano katham na viggayha janena kayirati. Imassa nu kho bhante bhagava sankhittena bhasitassa katham vittharena attho datthabboti. [12] Rupadhatu kho gahapati vinnanassa oko rupadhaturagavinibandhanca pana vinnanam okasariti vuccati . vedanadhatu kho gahapati vinnanassa oko vedanadhaturagavinibandhanca pana vinnanam okasariti vuccati . sannadhatu kho gahapati vinnanassa oko sannadhaturagavinibandhanca pana vinnanam okasariti vuccati . sankharadhatu kho gahapati vinnanassa oko sankharadhaturagavinibandhanca pana vinnanam okasariti vuccati . @Footnote: ¹ Po. mahakaccayano . ² Po. kuppaghare . ³ Po. Ma. pavatte . ⁴ Si. Ma. @haliddikani. Evam kho gahapati okasari hoti. [13] Kathanca gahapati anokasari hoti . rupadhatuya kho gahapati yo chando yo rago ya nandi ya tanha ye upayupadana cetaso adhitthanabhinivesanusaya te tathagatassa pahina ucchinnamula talavatthukata ^1- anabhavankata ^2- ayatim anuppadadhamma tasma tathagato anokasariti vuccati . vedanadhatuya kho gahapati . Sannadhatuya kho gahapati . sankharadhatuya kho gahapati . Vinnanadhatuya kho gahapati yo chando yo rago ya nandi ya tanha ye upayupadana cetaso adhitthanabhinivesanusaya te tathagatassa pahina ucchinnamula talavatthukata anabhavankata ayatim anuppadadhamma tasma tathagato anokasariti vuccati . Evam kho gahapati anokasari hoti. [14] Kathanca gahapati niketasari hoti . rupanimittaniketa- visaravinibandha kho gahapati niketasariti vuccati . saddanimitta .pe. gandhanimitta ... rasanimitta ... photthabbanimitta ... Dhammanimittaniketavisaravinibandha kho gahapati niketasariti vuccati. Evam kho gahapati niketasari hoti. [15] Kathanca gahapati aniketasari hoti . rupanimittaniketa- visaravinibandha kho gahapati tathagatassa pahina ucchinnamula talavatthukata anabhavankata ayatim anuppadadhamma tasma tathagato aniketasariti @Footnote: ¹ Po. vatthugata . ² Yu. anabhavakata. Vuccati . saddanimitta .pe. gandhanimitta ... rasanimitta ... Photthabbanimitta ... dhammanimittaniketavisaravinibandha kho gahapati tathagatassa pahina ucchinnamula talavatthukata anabhavankata ayatim anuppadadhamma tasma tathagato aniketasariti vuccati. Evam kho gahapati aniketasari hoti. [16] Kathanca gahapati game santhavajato hoti . idha gahapati ekacco gihihi samsattho viharati sahanandi sahasoki sukhitesu sukhito dukkhitesu dukkhito uppannesu kiccakaraniyesu attana tesu yogam apajjati. Evam kho gahapati game santhavajato hoti. [17] Kathanca gahapati game na santhavajato hoti . Idha gahapati bhikkhu gihihi asamsattho viharati na sahanandi na sahasoki na sukhitesu sukhito na dukkhitesu dukkhito uppannesu kiccakaraniyesu na attana tesu yogam apajjati. Evam kho gahapati game na santhavajato hoti. [18] Kathanca gahapati kamehi na ritto hoti . idha gahapati ekacco kamesu avitarago ^1- hoti avitachando avitapemo avitapipaso avitaparilaho avitatanho . evam kho gahapati kamehi na ritto hoti. [19] Kathanca gahapati kamehi ritto hoti. Idha gahapati ekacco kamesu vitarago hoti vitachando vitapemo vitapipaso vitaparilaho @Footnote: ¹ katthaci avigataragotyadipi patho dissati. Vitatanho. Evam kho gahapati kamehi ritto hoti. [20] Kathanca gahapati purakkharano ^1- hoti . idha gahapati ekaccassa evam hoti evamrupo siyam anagatamaddhanam evamvedano siyam anagatamaddhanam evamsanno siyam anagatamaddhanam evamsankharo siyam anagatamaddhanam evamvinnano siyam anagatamaddhananti . Evam kho gahapati purakkharano hoti. [21] Kathanca gahapati apurakkharano hoti . idha gahapati ekaccassa na evam hoti evamrupo siyam anagatamaddhanam evamvedano siyam anagatamaddhanam evamsanno siyam anagatamaddhanam evamsankharo siyam anagatamaddhanam evamvinnano siyam anagatamaddhananti . Evam kho gahapati apurakkharano hoti. [22] Kathanca gahapati katham viggayha janena katta hoti . idha gahapati ekacco evarupim katham katta hoti na tvam imam dhammavinayam ajanasi aham imam dhammavinayam ajanami kim tvam imam dhammavinayam ajanissasi micchapatipanno tvamasi ahamasmi sammapatipanno pure vacaniyam paccha avaca paccha vacaniyam pure avaca sahitamme asahitante adhicinnante viparavattam aropito te vado cara ^2- vadappamokkhaya niggahitosi nibbedhehi ^3- va sace pahositi . Evam kho gahapati katham viggayha janena katta hoti. @Footnote: ¹ Po. purekkharano . ² Po. paravadappamokkhaya . ³ nibbethehiti va patho. [23] Kathanca gahapati katham na viggayha janena katta hoti . Idha gahapati bhikkhu na evarupim katham katta hoti na tvam imam dhammavinayam ajanasi aham imam dhammavinayam ajanami kim tvam imam dhammavinayam ajanissasi micchapatipanno tvamasi ahamasmi sammapatipanno pure vacaniyam paccha avaca paccha vacaniyam pure avaca sahitamme asahitante adhicinnante viparavattam aropito te vado cara vadappamokkhaya niggahitosi nibbedhehi va sace pahositi. Evam kho gahapati katham na viggayha janena katta hoti. [24] Iti kho gahapati yantam vuttam bhagavata atthakavaggiye magandiyapanhe okam pahaya aniketasari game akubbam muni santhavani kamehi ritto apurakkharano katham na viggayha janena kayirati. Imassa kho gahapati bhagavata sankhittena bhasitassa evam vittharena attho datthabboti.

The Pali Tipitaka in Roman Character Volume 17 page 12-16. https://84000.org/tipitaka/read/roman_read.php?B=17&A=233&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=233&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=11&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=3 Study Atthakatha :- https://84000.org/tipitaka/attha/attha.php?b=17&i=11 The Pali Atthakatha in Thai :- https://84000.org/tipitaka/atthapali/read_th.php?B=12&A=6265 The Pali Atthakatha in Roman :- https://84000.org/tipitaka/atthapali/read_rm.php?B=12&A=6265 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17