บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[90] Atha kho annataro bhikkhu .pe. bhagavantam etadavoca amukasmim bhante vihare annataro bhikkhu navo appannato abadhiko dukkhito balhagilano sadhu bhante bhagava yena so bhikkhu tenupasankamatu anukampam upadayati . atha kho bhagava navataranca sutva gilanataranca appannato bhikkhuti iti viditva yena so bhikkhu tenupasankami . addasa kho bhikkhu bhagavantam durato va agacchantam disvana mancake samatesi . atha kho bhagava tam bhikkhum etadavoca alam bhikkhu ma tvam mancake samatesi santimani asanani pannattani tatthaham nisidissamiti . nisidi bhagava pannatte asane . nisajja kho bhagava tam bhikkhum etadavoca kacci te bhikkhu khamaniyam kacci yapaniyam kacci dukkha vedana patikkamanti no abhikkamanti patikkamo sanam pannayati no abhikkamoti. {90.1} Na me bhante khamaniyam na yapaniyam .pe. na kho me bhante atta silato upavadatiti . no ce kira tvam bhikkhu atta silato upadavati atha kismim ca te kukkuccam ko ca vippatisaroti . Na khvaham bhante silavisuddhattham bhagavata dhammam desitam ajanamiti . No ce kira tvam bhikkhu silavisuddhattham maya dhammam desitam ajanasi Atha kimattham carahi tvam bhikkhu maya dhammam desitam ajanasiti anupadaparinibbanattham kho aham bhante bhagavata dhammam desitam ajanamiti . sadhu sadhu bhikkhu sadhu kho [1]- tvam bhikkhu anupadaparinibbanattham maya dhammam desitam ajanasi anupadaparinibbanattho hi bhikkhu maya dhammo desito. [91] Tam kim mannasi bhikkhu cakkhum niccam va aniccam vati. Aniccam bhante .pe. sotam ghanam jivha kayo mano manovinnanam manosamphasso yampidam manosamphassapaccaya uppajjati vedayitam sukham va dukkham va adukkhamasukham va tampi niccam va aniccam vati . Aniccam bhante . yam pananiccam dukkham va tam sukham vati. Dukkham bhante. Yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante . Evam passam bhikkhave sutava ariyasavako cakkhusmimpi nibbindati .pe. Yampidam manosamphassapaccaya uppajjati vedayidam sukham va dukkham va adukkhamasukham va tasmimpi nibbindati nibbindam virajjati viraga vimuccati . vimuttasmim vimuttamiti nanam hoti . khina jati vusitam brahmacariyam katam karaniyam naparam itthattayati pajanatiti . Idamavoca bhagava attamano so bhikkhu bhagavato bhasitam abhinandi . imasmim ca pana veyyakaranasmim bhannamane tassa bhikkhussa anupadaya asavehi cittam vimuccatiti 2-. Dutiyam. @Footnote: 1 Yu. pana . 2 Ma. vimucciti.The Pali Tipitaka in Roman Character Volume 18 page 58-59. https://84000.org/tipitaka/read/roman_read.php?B=18&A=1131&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=1131&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=90&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=55 Study Atthakatha :- https://84000.org/tipitaka/attha/attha.php?b=18&i=90 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]