PaliRoman Vol.18

[156] Lokassa bhikkhave samudayanca atthangamanca desissami tam sunatha . katamo ca bhikkhave lokassa samudayo . cakkhunca paticca rupe ca uppajjati cakkhuvinnanam tinnam sangati phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti . ayam lokassa samudayo .pe. jivhanca paticca rase ca uppajjati .pe. mananca paticca dhamme ca uppajjati manovinnanam tinnam sangati phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti. Ayam kho bhikkhave lokassa samudayo. [157] Katamo ca bhikkhave lokassa atthangamo . cakkhunca paticca rupe ca uppajjati cakkhuvinnanam tinnam sangati phasso phassapaccaya vedana vedanapaccaya tanha tassayeva tanhaya asesaviraganirodha upadananirodho upadananirodha bhavanirodho Bhavanirodha jatinirodho jatinirodha jaramaranam sokaparideva- dukkhadomanassupayasa nirujjhanti . evametassa kevalassa dukkhakkhandhassa nirodho hoti . ayam lokassa atthangamo .pe. Jivhanca paticca rase ca uppajjati .pe. mananca paticca dhamme ca uppajjati manovinnanam tinnam sangati phasso phassapaccaya vedana vedanapaccaya tanha tassayeva tanhaya asesaviraganirodha upadananirodho .pe. evametassa kevalassa dukkhakkhandhassa nirodho hoti . ayam kho bhikkhave lokassa atthangamoti. Catuttham.

The Pali Tipitaka in Roman Character Volume 18 page 108-109. https://84000.org/tipitaka/read/roman_read.php?B=18&A=2177&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=2177&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=156&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=87 Study Atthakatha :- https://84000.org/tipitaka/attha/attha.php?b=18&i=156 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18