PaliRoman Vol.18

[577] Tena kho pana samayena nigantho nataputto macchikasandam anuppatto hoti mahatiya niganthaparisaya saddhim . assosi kho citto gahapati nigantho kira nataputto macchikasandam anuppatto mahatiya niganthaparisaya saddhinti . atha kho citto gahapati sambahulehi upasakehi saddhim yena nigantho nataputto tenupasankami upasankamitva niganthena nataputtena saddhim sammodi sammodaniyam katham saraniyam vitisaretva ekamantam nisidi . ekamantam nisinnam kho cittam gahapatim nigantho nataputto etadavoca saddahasi tvam gahapati samanassa gotamassa atthi avitakko avicaro samadhi atthi vitakkavicaranam nirodhoti . na khvaham ettha bhante bhagavato saddhaya gacchami atthi avitakko avicaro samadhi atthi vitakkavicaranam nirodhoti. [578] Evam vutte nigantho nataputtam sakam parisam apaloketva ^1- etadavoca idam bhavanto passantu yava ujuko cayam citto gahapati yava asatho cayam citto gahapati yava amayavi cayam citto gahapati vatam vaso ^2- jalena badhetabbam manneyya yo @Footnote: ¹ Ma. Yu. ulloketva . ² Ma. Yu. va so. Vitakkavicare nirodhetabbam manneyya sakamutthina vaso ^1- gangaya sotam avaretabbam manneyya yo vitakkavicare nirodhetabbam manneyyati . tam kim mannasi bhante katamam nu kho panitataram nanam va saddha vati . saddhaya kho gahapati nanam yeva panitataranti . aham kho bhante yavadeva akankhami vivicceva kamehi vivicca akusalehi dhammehi savitakkam savicaram vivekajam pitisukham pathamajjhanam upasampajja viharami . aham kho bhante yavadeva akankhami vitakkavicaranam vupasama .pe. dutiyajjhanam upasampajja viharami . aham kho bhante yavadeva akankhami pitiya ca viraga .pe. tatiyajjhanam upasampajja viharami . aham kho bhante yavadeva akankhami sukhassa ca pahana .pe. catutthajjhanam upasampajja viharami . na so khvaham bhante evam jananto evam passanto kayassa ^2- samanassa va brahmanassa va saddhaya gamissami atthi avitakko avicaro samadhi atthi vitakkavicaranam nirodhoti. [579] Evam vutte nigantho nataputto sakam parisam apaloketva etadavoca idam bhavanto passantu yava anujjuko cayam citto gahapati yava satho ^3- cayam citto gahapati yava mayavi cayam citto gahapatiti . idaneva ca pana ^4- mayam bhante bhasitam evam @Footnote: ¹ Ma. Yu. va so . ² Ma. kassa annassa. Yu. kassannassa . ³ Yu. satco. @⁴ Ma. idaneva kho te. Yu. idaneva kho te pana. Ajanama idam bhavanto passantu yava ujuko cayam citto gahapati yava asatho cayam citto gahapati yava amayavi cayam citto gahapatiti. {579.1} Idaneva ca pana mayam bhante bhasitam evam ajanama idam bhavanto passantu yava anujjuko cayam citto gahapati yava satho cayam citto gahapati yava mayavi cayam citto gahapatiti . sace te bhante purimam saccam pacchimam te miccha . sace pana te bhante pacchimam saccam purimam te miccha ^1-. Ime kho pana bhante dasa sahadhammika panha agacchanti . Yada nesam attham ajaneyyasi . atha mam patihareyyasi saddhim niganthaparisaya . eko panho eko uddeso ekam veyyakaranam dve panha dve uddesa dve veyyakaranani tayo panha tayo uddesa tini veyyakaranani cattaro panha cattaro uddesa cattari veyyakaranani panca panha panca uddesa panca veyyakaranani cha panha cha uddesa cha veyyakaranani satta panha satta uddesa satta veyyakaranani attha panha attha uddesa attha veyyakaranani nava panha nava uddesa nava veyyakaranani dasa panha dasa uddesa dasa veyyakarananiti . Atha kho citto gahapati nigantham nataputtam ime dasa sahadhammike panhe apucchitva utthayasana pakkamiti. Atthamam. @Footnote: ¹ Ma. bhante purimam miccha pacchimam te saccam.

The Pali Tipitaka in Roman Character Volume 18 page 367-369. https://84000.org/tipitaka/read/roman_read.php?B=18&A=7459&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=7459&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=577&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=264 Study Atthakatha :- https://84000.org/tipitaka/attha/attha.php?b=18&i=577 The Pali Atthakatha in Thai :- https://84000.org/tipitaka/atthapali/read_th.php?B=13&A=3538 The Pali Atthakatha in Roman :- https://84000.org/tipitaka/atthapali/read_rm.php?B=13&A=3538 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18