ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.

     [629]   Atha   kho   rasiyo  gamani  yena  bhagava  tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno   kho   rasiyo   gamani  bhagavantam  etadavoca  sutammetam  bhante
@Footnote: 1 Yu. te gamani agamma.
Samano   gotamo   sabbam   tapam   garahati  sabbam  tapassim  lukhajivim  ekamsena
upavadati   upakkosatiti  .  ye  te  bhante  evamahamsu  samano  gotamo
sabbam    tapam    garahati    sabbam   tapassim   lukhajivim   ekamsena   upavadati
upakkosatiti   .   kacci   te   bhante   bhagavato   vuttavadino  na  ca
bhagavantam    abhutena    abbhacikkhanti   dhammassa   canudhammam   byakaronti
na  ca  koci  sahadhammiko  vadanupato  garayham  thanam  agacchatiti. Ye
te   gamani   evamahamsu   samano   gotamo   sabbam  tapam  garahati  sabbam
tapassim   lukhajivim   ekamsena   upavadati   upakkosatiti   .   na  me  te
vuttavadino abbhacikkhanti ca pana mante asata abhutena 1-.
     [630]   Dveme  gamani  anta  pabbajitena  na  sevitabba  yo
cayam    kamesu    kamasukhallikanuyogo    hino   gammo   pothujjaniko
anariyo    anatthasanhito    yo    cayam    attakilamathanuyogo   dukkho
anariyo   anatthasanhito  .  ete  te  gamani  ubho  ante  anupagamma
majjhima    patipada    tathagatena    abhisambuddha   cakkhukarani   nanakarani
upasamaya    abhinnaya   sambodhaya   nibbanaya   samvattati   .   katama
ca   sa   gamani   majjhima  patipada  tathagatena  abhisambuddha  cakkhukarani
nanakarani      upasamaya      abhinnaya      sambodhaya     nibbanaya
samvattati   .   ayameva   ariyo   atthangiko   maggo  .  seyyathidam .
Sammaditthi   .pe.   sammasamadhi   .   ayam  kho  sa  gamani  majjhima
@Footnote: 1 Ma. asata tuccha abhutena.
Patipada      tathagatena      abhisambuddha      cakkhukarani     nanakarani
upasamaya abhinnaya sambodhaya nibbanaya samvattati.
     [631]   Tayome   1-  gamani  kamabhogino  santo  samvijjamana
lokasmim   .   katame   tayo   .   idha   gamani   ekacco  kamabhogi
adhammena   bhoge   pariyesati   sahasena  adhammena  bhoge  pariyesitva
sahasena  na  attanam  sukheti  na  2-  pineti  na  samvibhajati  na  punnani
karoti   .   idha   pana   gamani  ekacco  kamabhogi  adhammena  bhoge
pariyesati   sahasena   adhammena  bhoge  pariyesitva  sahasena  attanam
sukheti   pineti  na  samvibhajati  na  punnani  karoti  .   idha  pana  gamani
ekacco   kamabhogi   adhammena   bhoge  pariyesati  sahasena  adhammena
bhoge    pariyesitva   sahasena   attanam   sukheti   pineti   samvibhajati
punnani karoti.
     [632]  Idha  pana  gamani  ekacco  kamabhogi dhammadhammena bhoge
pariyesati   sahasenapi   asahasenapi   dhammadhammena  bhoge  pariyesitva
sahasenapi  asahasenapi  na  attanam  sukheti  na  2-  pineti  na samvibhajati
na  punnani  karoti  .  idha  pana  gamani ekacco kamabhogi dhammadhammena
bhoge    pariyesati    sahasenapi   asahasenapi   dhammadhammena   bhoge
pariyesitva   sahasenapi   asahasenapi   attanam   sukheti   pineti   na
samvibhajati   na   punnani   karoti   .   idha  gamani  ekacco  kamabhogi
dhammadhammena   bhoge   pariyesati  sahasenapi  asahasenapi  dhammadhammena
@Footnote: 1 Ma. tayo khome .  2 Yu. nasaddo natthi.
Bhoge    pariyesitva    sahasenapi    asahasenapi    attanam   sukheti
pineti samvibhajati punnani karoti.
     [633]   Idha   pana  gamani  ekacco  kamabhogi  dhammena  bhoge
pariyesati   asahasena   dhammena   bhoge   pariyesitva   asahasena  na
attanam  sukheti  na  1-  pineti  na  samvibhajati  na  punnani  karoti. Idha
pana   gamani  ekacco  kamabhogi  dhammena  bhoge  pariyesati  asahasena
dhammena   bhoge   pariyesitva   asahasena  attanam  sukheti  pineti  na
samvibhajati   na  punnani  karoti  .  idha  pana  gamani  ekacco  kamabhogi
dhammena   bhoge   pariyesati   asahasena   dhammena  bhoge  pariyesitva
asahasena   attanam   sukheti   pineti   samvibhajati   punnani  karoti  te
ca     bhoge     gadhito    mucchito    ajjhapanno    anadinavadassavi
anissaranapanno   paribhunjati   .   idha   pana  gamani  ekacco  kamabhogi
dhammena   bhoge   pariyesati   asahasena   dhammena  bhoge  pariyesitva
asahasena    attanam    sukheti    pineti   samvibhajati   punnani   karoti
te   ca   bhoge   agadhito   amucchito   anajjhapanno   adinavadassavi
nissaranapanno paribhunjati.
     [634]  Tatra  gamani  yvayam  kamabhogi  adhammena bhoge pariyesati
sahasena   adhammena  bhoge  pariyesitva  sahasena  na  attanam  sukheti
na   pineti  na  samvibhajati  na  punnani  karoti  .  ayam  gamani  kamabhogi
tihi   thanehi   garayho   .   katamehi   tihi   thanehi  garayho .
@Footnote: 1 Yu. nasaddo natthi.
Adhammena   bhoge   pariyesati   sahasenati   imina   pathamena  thanena
garayho  .  na  attanam  sukheti  na  1- pinetiti imina dutiyena thanena
garayho  .  na  samvibhajati  na  punnani  karotiti  imina  tatiyena thanena
garayho. Ayam gamani kamabhogi imehi tihi thanehi garayho.
     [635]  Tatra  gamani  yvayam  kamabhogi  adhammena bhoge pariyesati
sahasena  adhammena  bhoge  pariyesitva  sahasena  attanam sukheti pineti
na   samvibhajati   na   punnani   karoti   .  ayam  gamani  kamabhogi  dvihi
thanehi  garayho  ekena  thanena  pasamso  .  katamehi  dvihi thanehi
garayho   .  adhammena  bhoge  pariyesati  sahasenati  imina  pathamena
thanena   garayho   .   na   samvibhajati   na   punnani  karotiti  imina
dutiyena   thanena  garayho  .  katamena  ekena  thanena  pasamso .
Attanam   sukheti   pinetiti   imina  ekena  thanena  pasamso  .  ayam
gamani   kamabhogi   imehi   dvihi   thanehi  garayho  imina  ekena
thanena pasamso.
     [636]  Tatra  gamani  yvayam  kamabhogi  adhammena bhoge pariyesati
sahasena   adhammena   bhoge   pariyesitva   sahasena  attanam  sukheti
pineti   samvibhajati   punnani   karoti  .  ayam  gamani  kamabhogi  ekena
thanena   garayho   dvihi   thanehi   pasamso   .   katamena  ekena
thanena   garayho  .  adhammena  bhoge  pariyesati  sahasenati  imina
ekena   thanena   garayho   .  katamehi  dvihi  thanehi  pasamso .
@Footnote: 1 Yu. nasaddo natthi.
Attanam  sukheti  pinetiti  imina  pathamena  thanena  pasamso  .  samvibhajati
punnani   karotiti   imina   dutiyena  thanena  pasamso  .  ayam  gamani
kamabhogi   imina   ekena   thanena  garayho  imehi  dvihi  thanehi
pasamso.
     [637]   Tatra   gamani   yvayam  kamabhogi  dhammadhammena  bhoge
pariyesati   sahasenapi   asahasenapi   dhammadhammena  bhoge  pariyesitva
sahasenapi   asahasenapi   na   attanam  sukheti  na  pineti  na  samvibhajati
na   punnani   karoti   .   ayam   gamani   kamabhogi  ekena  thanena
pasamso   tihi   thanehi   garayho   .   katamena   ekena   thanena
pasamso   .   dhammena  bhoge  pariyesati  asahasenati  imina  ekena
thanena   pasamso   .   katamehi  tihi  thanehi  garayho  .  adhammena
bhoge   pariyesati   sahasenati  imina  pathamena  thanena  garayho .
Na  attanam  sukheti  na  pinetiti  imina  dutiyena  thanena  garayho .
Na  samvibhajati  na  punnani  karotiti  imina  tatiyena  thanena  garayho.
Ayam   gamani   kamabhogi   imina   ekena   thanena   pasamso  imehi
tihi thanehi garayho.
     [638]   Tatra   gamani   yvayam  kamabhogi  dhammadhammena  bhoge
pariyesati   sahasenapi   asahasenapi   dhammadhammena  bhoge  pariyesitva
sahasenapi   asahasenapi   attanam   sukheti   pineti   na   samvibhajati  na
punnani   karoti   .   ayam   gamani  kamabhogi  dvihi  thanehi  pasamso
Dvihi   thanehi   garayho   .   katamehi   dvihi  thanehi  pasamso .
Dhammena   bhoge   pariyesati   asahasenati   imina   pathamena  thanena
pasamso   .   attanam   sukheti   pinetiti   imina   dutiyena   thanena
pasamso   .   katamehi   dvihi  thanehi  garayho  .  adhammena  bhoge
pariyesati   sahasenati   imina   pathamena   thanena   garayho  .  na
samvibhajati   na   punnani  karotiti  imina  dutiyena  thanena  garayho .
Ayam    gamani   kamabhogi   imehi   dvihi   thanehi   pasamso   imehi
dvihi thanehi garayho.
     [639]   Tatra   gamani   yvayam  kamabhogi  dhammadhammena  bhoge
pariyesati   sahasenapi   asahasenapi   dhammadhammena  bhoge  pariyesitva
sahasenapi   asahasenapi   attanam   sukheti   pineti   samvibhajati  punnani
karoti   .   ayam   gamani   kamabhogi   tihi  thanehi  pasamso  ekena
thanena   garayho   .   katamehi   tihi  thanehi  pasamso  .  dhammena
bhoge   pariyesati   asahasenati  imina  pathamena  thanena  pasamso .
Attanam  sukheti  pinetiti  imina  dutiyena  thanena  pasamso  .  samvibhajati
punnani   karotiti   imina   tatiyena   thanena   pasamso   .  katamena
ekena  thanena  garayho  .  adhammena  bhoge  pariyesati  sahasenati
imina   ekena   thanena  garayho  .  ayam  gamani  kamabhogi  imehi
tihi thanehi pasamso imina ekena thanena garayho.
     [640]  Tatra  gamani  yvayam  kamabhogi  dhammena  bhoge pariyesati
Asahasena  dhammena  bhoge  pariyesitva  asahasena  na  attanam  sukheti
na   pineti   na   samvibhajati   na   punnani   karoti   .   ayam   gamani
kamabhogi   ekena   thanena   pasamso   dvihi   thanehi  garayho .
Katamena    ekena   thanena   pasamso   .  dhammena  bhoge  pariyesati
asahasenati   imina   ekena   thanena   pasamso  .  katamehi  dvihi
thanehi  garayho  .  na  attanam  sukheti  na  pinetiti  imina  pathamena
thanena   garayho   .   na   samvibhajati   na   punnani  karotiti  imina
dutiyena   thanena  garayho  .  ayam  gamani  kamabhogi  imina  ekena
thanena pasamso imehi dvihi thanehi garayho.
     [641]  Tatra  gamani  yvayam  kamabhogi  dhammena  bhoge pariyesati
asahasena   dhammena   bhoge   pariyesitva  asahasena  attanam  sukheti
pineti   na   samvibhajati   na   punnani  karoti  .  ayam  gamani  kamabhogi
davihi   thanehi  pasamso  ekena  thanena  garayho  .  katamehi  dvihi
thanehi   pasamso   .  dhammena  bhoge  pariyesati  asahasenati  imina
pathamena   thanena   pasamso   .   attanam   sukheti   pinetiti   imina
dutiyena   thanena  pasamso  .  katamena  ekena  thanena  garayho .
Na  samvibhajati  na  punnani  karotiti  imina  ekena  thanena  garayho.
Ayam    gamani   kamabhogi   imehi   dvihi   thanehi   pasamso   imina
ekena thanena garayho.
     [642]  Tatra  gamani  yvayam  kamabhogi  dhammena  bhoge pariyesati
Asahasena   dhammena   bhoge   pariyesitva  asahasena  attanam  sukheti
pineti   samvibhajati   punnani   karoti   te   ca  bhoge  gadhito  mucchito
ajjhapanno   1-   anadinavadassavi   anissaranapanno  paribhunjati  .  ayam
gamani   kamabhogi   tihi   thanehi  pasamso  ekena  thanena  garayho
katamehi  tihitha  nehi  pasamso  .  dhammena bhoge pariyesati asahasenati
imina   pathamena   thanena   pasamso   .   attanam   sukheti   pinetiti
imina   dutiyena   thanena   pasamso   .   samvibhajati   punnani  karotiti
imina   tatiyena   thanena   pasamso   .   katamena   ekena  thanena
garayho  .  te  ca  bhoge  gadhito mucchito ajjhapanno anadinavadassavi
anissaranapanno      paribhunjatiti      imina      ekena      thanena
garayho   .   ayam   gamani   kamabhogi  imehi  tihi  thanehi  pasamso
imina ekena thanena garayho.
     [643]  Tatra  gamani  yvayam  kamabhogi  dhammena  bhoge pariyesati
asahasena   dhammena   bhoge   pariyesitva  asahasena  attanam  sukheti
pineti   samvibhajati   punnani   karoti  te  ca  bhoge  agadhito  amucchito
anajjhapanno    2-    adinavadassavi    nissaranapanno   paribhunjati  .
Ayam   gamani   kamabhogi   catuhi   thanehi   pasamso  .  katamehi  catuhi
thanehi   pasamso   .  dhammena  bhoge  pariyesati  asahasenati  imina
pathamena   thanena   pasamso   .   attanam   sukheti   pinetiti   imina
dutiyena   thanena   pasamso   .   samvibhajati   punnani   karotiti  imina
@Footnote: 1 Ma. ajjhopanno .  2 Ma. anajjhopanno.
Tatiyena   thanena   pasamso   .   te   ca  bhoge  agadhito  amucchito
anajjhapanno       adinavadassavi       nissaranapanno      paribhunjatiti
imina    catutthena   thanena   pasamso   .   ayam   gamani   kamabhogi
imehi catuhi thanehi pasamso.
     [644]  Tayome  gamani  tapassino  lukhajivino  santo  samvijjamana
lokasmim   .   katame   tayo  .  idha  gamani  ekacco  tapassi  lukhajivi
saddho     agarasma    anagariyam    pabbajito    hoti    appevanama
kusalam    dhammam    adhigaccheyyam    appevanama    uttarimanussadhammam    1-
alamariyananadassanavisesam      sacchikareyyanti     .     so     attanam
atapeti   paritapeti  kusalanca  dhammam  nadhigacchati  uttarimanussadhammam  2-
alamariyananadassanavisesam    na    sacchikaroti    .    idha   pana   gamani
ekacco   tapassi   lukhajivi   saddho   agarasma   anagariyam   pabbajito
hoti     appevanama     kusalam    dhammam    adhigaccheyyam    appevanama
uttarimanussadhammam      alamariyananadassanavisesam      sacchikareyyanti    .
So   attanam   atapeti   paritapeti  kusalam  hi  kho  dhammam  adhigacchati
uttarimanussadhammam alamariyananadassanavisesam na sacchikaroti.
     {644.1}   Idha   pana   gamani  ekacco  tapassi  lukhajivi  saddho
agarasma    anagariyam   pabbajito   hoti   appevanama   kusalam   dhammam
adhigaccheyyam        appevanama       uttarimanussadhammam       alamariya-
nanadassanavisesam    sacchikareyyanti    .    so   attanam   atapeti
@Footnote: 1 Si. Ma. Yu. sabbavaresu uttarimanussadhammati patho dissati.
@2 Ma. uttari ca manussadhamma. evamuparipi.
Paritapeti      kusalanca      dhammam      adhigacchati     uttarimanussadhammam
alamariyananadassanavisesam sacchikaroti.
     [645]  Tatra  gamani  yvayam  tapassi  lukhajivi  attanam  atapeti
paritapeti      kusalanca      dhammam     nadhigacchati     uttarimanussadhammam
alamariyananadassanavisesam    na    sacchikaroti   .   ayam   gamani   tapassi
lukhajivi  tihi  thanehi  garayho  .  katamehi  tihi  thanehi  garayho .
Attanam  atapeti  paritapetiti  imina  pathamena  thanena  garayho .
Kusalanca   dhammam   nadhigacchatiti   imina   dutiyena  thanena  garayho .
Uttarimanussadhammam       alamariyananadassanavisesam      na      sacchikarotiti
imina   tatiyena   thanena   garayho   .  ayam  gamani  tapassi  lukhajivi
imehi tihi thanehi garayho.
     [646]  Tatra  gamani  yvayam  tapassi  lukhajivi  attanam  atapeti
paritapeti     kusalanhi    kho    dhammam    adhigacchati    uttarimanussadhammam
alamariyananadassanavisesam    na    sacchikaroti   .   ayam   gamani   tapassi
lukhajivi  dvihi  thanehi  garayho  ekena  thanena  pasamso  .  katamehi
dvihi  thanehi  garayho . Attanam atapeti paritapetiti imina pathamena
thanena    garayho    .    uttarimanussadhammam    alamariyananadassanavisesam
na   sacchikarotiti   imina   dutiyena   thanena   garayho   .  katamena
ekena    thanena   pasamso   .   kusalanhi   kho   dhammam   adhigacchatiti
imina   ekena   thanena   pasamso   .   ayam  gamani  tapassi  lukhajivi
Imehi dvihi thanehi garayho imina ekena thanena pasamso.
     [647]    Tatra    gamani    yvayam   tapassi   lukhajivi   attanam
atapeti   paritapeti   kusalam   ca   dhammam   adhigacchati  uttarimanussadhammam
alamariyananadassanavisesam     sacchikaroti    .    ayam    gamani    tapassi
lukhajivi  ekena  thanena  garayho  dvihi  thanehi  pasamso  .  katamena
ekena  thanena  garayho  .  attanam  atapeti  paritapetiti  imina
ekena   thanena   garayho   .  katamehi  dvihi  thanehi  pasamso .
Kusalam   ca   dhammam   adhigacchatiti   imina   pathamena  thanena  pasamso .
Uttarimanussadhammam      alamariyananadassanavisesam     sacchikarotiti     imina
dutiyena   thanena   pasamso   .   ayam   gamani  tapassi  lukhajivi  imina
ekena thanena garayho imehi dvihi thanehi pasamso.
     [648]   Tisso   ima   gamani   sanditthika  nijjara  akalika
ehipassika    opanayika   paccattam   veditabba   vinnuhi   .   katama
tisso    .    yam   ratto   ragadhikaranam   attabyabadhayapi   ceteti
parabyabadhayapi   ceteti   ubhayabyabadhayapi   ceteti   rage  pahine
neva  attabyabadhayapi  1-  ceteti  na  parabyabadhayapi 1- ceteti na
ubhayabyabadhayapi   ceteti   sanditthika  nijjara  akalika  ehipassika
opanayika   paccattam   veditabba   vinnuhi   .  yam  duttho  dosadhikaranam
attabyabadhayapi   ceteti   parabyabadhayapi  ceteti  ubhayabyabadhayapi
@Footnote: 1 Ma. Yu. pisaddo natthi.
Ceteti    dose    pahine    neva   attabyabadhayapi   ceteti   na
parabyabadhayapi      ceteti     na     ubhayabyabadhayapi     ceteti
sanditthika      nijjara      akalika     ehipassika     opanayika
paccattam     veditabba    vinnuhi    .    yam    mulho    mohadhikaranam
attabyabadhayapi        ceteti       parabyabadhayapi       ceteti
ubhayabyabadhayapi   ceteti   mohe   pahine   neva   attabyabadhayapi
ceteti    na    parabyabadhayapi    ceteti    na    ubhayabyabadhayapi
ceteti    sanditthika    nijjara   akalika   ehipassika   opanayika
paccattam   veditabba   vinnuhi  .  ima  kho  gamani  tisso  sanditthika
nijjara    akalika    ehipassika   opanayika   paccattam   veditabba
vinnuhiti   .   evam   vutte   rasiyo   gamani   bhagavantam   etadavoca
abhikkantam   bhante   abhikkantam   bhante   .pe.   upasakam   mam   bhagava
dharetu ajjatagge panupetam saranangatanti. Dvadasamam.



             The Pali Tipitaka in Roman Character Volume 18 page 406-418. https://84000.org/tipitaka/read/roman_read.php?B=18&A=8270&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=8270&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=18&item=629&items=20              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=278              Study Atthakatha :- https://84000.org/tipitaka/attha/attha.php?b=18&i=629              The Pali Atthakatha in Thai :- https://84000.org/tipitaka/atthapali/read_th.php?B=13&A=3721              The Pali Atthakatha in Roman :- https://84000.org/tipitaka/atthapali/read_rm.php?B=13&A=3721              Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]