PaliRoman Vol.19

[373] Ye te bhikkhave bhikkhu silasampanna samadhisampanna pannasampanna vimuttisampanna vimuttinanadassanasampanna dassanampaham ^1- bhikkhave tesam bhikkhunam bahupakaram ^2- vadami savanampaham bhikkhave tesam bhikkhunam bahupakaram vadami upasankamanampaham bhikkhave tesam bhikkhunam bahupakaram vadami payirupasanampaham bhikkhave tesam bhikkhunam bahupakaram vadami anussatimpaham bhikkhave tesam bhikkhunam bahupakaram vadami anupabbajjampaham bhikkhave tesam bhikkhunam bahupakaram vadami . tam kissa hetu . tatharupanam bhikkhave bhikkhunam dhammam sutva dvayena ^[3]- vupakattho viharati kayavupakasena ca cittavupakasena ca so tatha vupakattho viharanto tam dhammam anussarati anuvitakketi. @Footnote: ¹ Ma. Yu. dassanampaham. ² Ma. bahukaram. Yu. bahukaram. evamupari. @³ Ma. Yu. vupakasena. [374] Yasmim samaye bhikkhave bhikkhu tatha vupakattho viharanto tam dhammam anussarati anuvitakketi satisambojjhango tasmim samaye bhikkhuno araddho hoti satisambojjhangam tasmim samaye bhikkhu bhaveti satisambojjhango tasmim samaye bhikkhuno bhavanaparipurim gacchati so tathasato viharanto tam dhammam pannaya pavicinati pavicarati parivimamsamapajjati. [375] Yasmim samaye bhikkhave bhikkhu tathasato viharanto tam dhammam pannaya pavicinati pavicarati parivimamsamapajjati dhammavicayasambojjhango tasmim samaye bhikkhuno araddho hoti dhammavicayasambojjhangam tasmim samaye bhikkhu bhaveti dhammavicayasambojjhango tasmim samaye bhikkhuno bhavanaparipurim gacchati tassa tam dhammam pannaya pavicinato pavicarato parivimamsamapajjato araddham hoti viriyam asallinam. [376] Yasmim samaye bhikkhave bhikkhuno tam dhammam pannaya pavicinato pavicarato parivimamsamapajjato araddham hoti viriyam asallinam . Viriyasambojjhango tasmim samaye bhikkhuno araddho hoti viriyasambojjhangam tasmim samaye bhikkhu bhaveti viriyasambojjhango tasmim samaye bhikkhuno bhavanaparipurim gacchati araddhaviriyassa uppajjati piti niramisa. [377] Yasmim samaye bhikkhave bhikkhuno araddhaviriyassa uppajjati Piti niramisa . pitisambojjhango tasmim samaye bhikkhuno araddho hoti pitisambojjhangam tasmim samaye bhikkhu bhaveti pitisambojjhango tasmim samaye bhikkhuno bhavanaparipurim gacchati pitimanassa kayopi passambhati cittampi passambhati. [378] Yasmim samaye bhikkhave bhikkhuno pitimanassa kayopi passambhati cittampi passambhati passaddhisambojjhango tasmim samaye bhikkhuno araddho hoti passaddhisambojjhangam tasmim samaye bhikkhu bhaveti passaddhisambojjhango tasmim samaye bhikkhuno bhavanaparipurim gacchati passaddhakayassa ^[1]- sukhino cittam samadhiyati. [379] Yasmim samaye bhikkhave bhikkhuno passaddhakayassa sukhino cittam samadhiyati samadhisambojjhango tasmim samaye bhikkhave bhikkhuno araddho hoti samadhisambojjhangam tasmim samaye bhikkhu bhaveti samadhisambojjhango tasmim samaye bhikkhuno bhavanaparipurim gacchati so tatha samahitam cittam sadhukam ajjhupekkhita hoti. [380] Yasmim samaye bhikkhave bhikkhu tatha samahitam cittam sadhukam ajjhupekkhita hoti upekkhasambojjhango tasmim samaye bhikkhuno araddho hoti upekkhasambojjhangam tasmim samaye bhikkhu bhaveti upekkhasambojjhango tasmim samaye bhikkhuno bhavanaparipurim gacchati. [381] Evam bhavitesu kho bhikkhave sattasu bojjhangesu evam bahulikatesu satta phala sattanisamsa patikankha . katame satta @Footnote: ¹ Yu. sukham hoti. Phala sattanisamsa. [382] Dittheva dhamme patikacca annam aradheti no ce dittheva dhamme patikacca annam aradheti atha maranakale annam aradheti . no ce dittheva dhamme patikacca annam aradheti no ce maranakale annam aradheti atha pancannam orambhagiyanam sannojananam parikkhaya antaraparinibbayi hoti . no ce dittheva dhamme patikacca annam aradheti no ce maranakale annam aradheti no ce pancannam orambhagiyanam sannojananam parikkhaya antaraparinibbayi hoti atha pancannam orambhagiyanam sannojananam parikkhaya upahaccaparinibbayi hoti . no ce dittheva dhamme patikacca annam aradheti no ce maranakale annam aradheti no ce pancannam orambhagiyanam sannojananam parikkhaya antaraparinibbayi hoti no ce pancannam orambhagiyanam sannojananam parikkhaya upahaccaparinibbayi hoti atha pancannam orambhagiyanam sannojananam parikkhaya asankharaparinibbayi hoti. {382.1} No ce dittheva dhamme patikacca annam aradheti no ce maranakale annam aradheti no ce pancannam orambhagiyanam sannojananam parikkhaya antaraparinibbayi hoti no ce pancannam orambhagiyanam sannojananam parikkhaya upahaccaparinibbayi hoti no ce pancannam orambhagiyanam sannojananam parikkhaya asankharaparinibbayi hoti Atha pancannam orambhagiyanam sannojananam parikkhaya sasankharaparinibbayi hoti . no ce dittheva dhamme patikacca annam aradheti no ce maranakale annam aradheti no ce pancannam orambhagiyanam sannojananam parikkhaya antaraparinibbayi hoti no ce pancannam orambhagiyanam sannojananam parikkhaya upahaccaparinibbayi hoti no ce pancannam orambhagiyanam sannojananam parikkhaya asankharaparinibbayi hoti no ce pancannam orambhagiyanam sannojananam parikkhaya sasankharaparinibbayi hoti atha pancannam orambhagiyanam sannojananam parikkhaya uddhamsoto hoti akanitthagami . evam bhavitesu kho bhikkhave sattasu bojjhangesu evam bahulikatesu ime satta phala sattanisamsa patikankhati.

The Pali Tipitaka in Roman Character Volume 19 page 98-102. https://84000.org/tipitaka/read/roman_read.php?B=19&A=1861&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=1861&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=373&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=76 Study Atthakatha :- https://84000.org/tipitaka/attha/attha.php?b=19&i=373 The Pali Atthakatha in Thai :- https://84000.org/tipitaka/atthapali/read_th.php?B=13&A=4518 The Pali Atthakatha in Roman :- https://84000.org/tipitaka/atthapali/read_rm.php?B=13&A=4518 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19