|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[949] Pancimani bhikkhave indriyani. Katamani panca. Sukhindriyam dukkhindriyam somanassindriyam domanassindriyam upekkhindriyam. [950] Sukhavedaniyam bhikkhave phassam paticca uppajjati sukhindriyam. So sukhitova samano sukhitosmiti pajanati tasseva sukhavedaniyassa phassassa nirodha yantajjam vedayitam sukhavedaniyam phassam paticca uppannam sukhindriyam tam nirujjhati tam vupasamatiti 1- pajanati. [951] Dukkhavedaniyam bhikkhave phassam paticca uppajjati dukkhindriyam. So dukkhitova samano dukkhitosmiti pajanati tasseva dukkhavedaniyassa phassassa nirodha yantajjam vedayitam [2]- dukkhavedaniyam phassam paticca uppannam dukkhindriyam tam nirujjhati tam vupasamatiti pajanati. [952] Somanassavedaniyam bhikkhave phassam paticca uppajjati somanassindriyam . so sumanova samano sumanosmiti pajanati tasseva somanassavedaniyassa phassassa nirodha yantajjam vedayitam somanassavedaniyam phassam paticca uppannam somanassindriyam tam nirujjhati tam vupasamatiti pajanati. [953] Domanassavedaniyam bhikkhave phassam paticca uppajjati domanassindriyam . so dummanova samano dummanosmiti pajanati tasseva domanassavedaniyassa phassassa nirodha yantajjam vedayitam domanassavedaniyam phassam paticca uppannam domanassindriyam tam nirujjhati @Footnote: 1 Ma. Yu. vupasammatiti. 2 Yu. tam.--------------------------------------------------------------------------------------------- page282.
Tam vupasamatiti pajanati. [954] Upekkhavedaniyam bhikkhave phassam paticca uppajjati upekkhindriyam . so upekkhakova samano upekkhakosmiti pajanati tasseva upekkhavedaniyassa phassassa nirodha yantajjam vedayitam upekkhavedaniyam phassam paticca uppannam upekkhindriyam tam nirujjhati tam vupasamatiti pajanati. [955] Seyyathapi bhikkhave dvinnam katthanam sanghatanasamodhana 1- usma jayati tejo abhinibbattati tesamyeva katthanam nanabhavanikkhepa 2- ya tajja usma sa nirujjhati sa vupasamati . Evameva kho bhikkhave sukhavedaniyam phassam paticca uppajjati sukhindriyam so sukhitova samano sukhitosmiti pajanati tasseva sukhavedaniyassa phassassa nirodha yantajjam vedayitam sukhavedaniyam phassam paticca uppannam sukhindriyam tam nirujjhati tam vupasamatiti pajanati . dukkhavedaniyam bhikkhave phassam paticca .pe. somanassavedaniyam bhikkhave phassam paticca. Domanassavedaniyam bhikkhave phassam paticca . upekkhavedaniyam bhikkhave phassam paticca uppajjati upekkhindriyam so upekkhakova samano upekkhakosmiti pajanati tasseva upekkhavedaniyassa phassassa nirodha yantajjam vedayitam upekkhavedaniyam phassam paticca uppannam 3- upekkhindriyam tam nirujjhati tam vupasamatiti pajanatiti.The Pali Tipitaka in Roman Character Volume 19 page 281-282. https://84000.org/tipitaka/read/roman_read.php?B=19&A=5429&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=5429&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=949&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=220 Study Atthakatha :- https://84000.org/tipitaka/attha/attha.php?b=19&i=949 The Pali Atthakatha in Thai :- https://84000.org/tipitaka/atthapali/read_th.php?B=13&A=6931 The Pali Atthakatha in Roman :- https://84000.org/tipitaka/atthapali/read_rm.php?B=13&A=6931 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]