ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

     [956]  Pancimani  bhikkhave indriyani. Katamani panca. Dukkhindriyam
@Footnote: 1 Ma. sanghattanasamodhana. Yu. sanghattanasamodhana. 2 Ma. nanabhavavinikkhepa.
@Yu. nanabhavanikkhepa. 3 Ma. uppajjati.
Domanassindriyam sukhindriyam somanassindriyam upekkhindriyam.
     [957]    Idha    bhikkhave    bhikkhuno   appamattassa   atapino
pahitattassa   viharato   uppajjati   dukkhindriyam   .  so  evam  pajanati
uppannam   kho   me   idam   dukkhindriyam   tanca   kho  sanimittam  sanidanam
sasankharam   sappaccayam   tanca   animittam   anidanam   asankharam   appaccayam
dukkhindriyam  uppajjissatiti  netam  thanam  vijjatiti  .  so dukkhindriyanca
pajanati      dukkhindriyasamudayanca      pajanati     dukkhindriyanirodhanca
pajanati     yattha     cuppannam     dukkhindriyam    aparisesam    nirujjhati
tanca   pajanati   .  kattha  cuppannam  dukkhindriyam  aparisesam  nirujjhati .
Idha   bhikkhave   bhikkhu   vivicceva   kamehi   vivicca  akusalehi  dhammehi
savitakkam   savicaram   vivekajam   pitisukham  pathamajjhanam  upasampajja  viharati .
Ettha   cuppannam   dukkhindriyam   aparisesam   nirujjhati   .   ayam   vuccati
bhikkhave    bhikkhu    annasi   dukkhindriyassa   nirodham   tathattaya   cittam
upasamharati  1-.
     [958]   Idha   pana   bhikkhave   bhikkhuno  appamattassa  atapino
pahitattassa    viharato    uppajjati    domanassindriyam   .   so   evam
pajanati    uppannam    kho   me   idam   domanassindriyam   tanca   kho
sanimittam   sanidanam   sasankharam   sappaccayam   tanca  2-  animittam  anidanam
asankharam    appaccayam    domanassindriyam    uppajjatiti    netam    thanam
@Footnote: 1 Si. sabbavaresu upasamhasiti patho dissati. 2 Yu. tam vata.
Vijjatiti      1-      .     so     domanassindriyanca     pajanati
domanassindriyasamudayanca         pajanati        domanassindriyanirodhanca
pajanati    yattha    cuppannam    domanassindriyam    aparisesam    nirujjhati
tanca pajanati.
     {958.1}   Kattha  cuppannam  domanassindriyam  aparisesam  nirujjhati .
Idha   bhikkhave   bhikkhu   vitakkavicaranam   vupasama   ajjhattam   sampasadanam
cetaso   ekodibhavam   avitakkam   avicaram   samadhijam  pitisukham  dutiyajjhanam
upasampajja   viharati   .   ettha   cuppannam   domanassindriyam   aparisesam
nirujjhati   .   ayam   vuccati   bhikkhave  bhikkhu  annasi  domanassindriyassa
nirodham tathattaya cittam upasamharati.
     [959]   Idha   pana   bhikkhave   bhikkhuno  appamattassa  atapino
pahitattassa   viharato   uppajjati   sukhindriyam   .   so  evam  pajanati
uppannam   kho   me   idam   sukhindriyam   tanca   kho   sanimittam  sanidanam
sasankharam   sappaccayam   tanca   animittam   anidanam   asankharam   appaccayam
sukhindriyam   uppajjissatiti   netam   thanam  vijjatiti  .  so  sukhindriyanca
pajanati       sukhindriyasamudayanca      pajanati      sukhindriyanirodhanca
pajanati    yattha    cuppannam    sukhindriyam   aparisesam   nirujjhati   tanca
pajanati   .   kattha   cuppannam   sukhindriyam  aparisesam  nirujjhati  .  idha
bhikkhave   bhikkhu   pitiya   ca  viraga  upekkhako  ca  viharati  sato  ca
sampajano   sukhanca   kayena   patisamvedeti   yantam   ariya  acikkhanti
upekkhako   satima   sukhavihariti   tatiyajjhanam   upasampajja   viharati  .
@Footnote: 1 Ma. itisaddo na dissati. evamuparipi.
Ettha    cuppannam   sukhindriyam   aparisesam   nirujjhati   .   ayam   vuccati
bhikkhave    bhikkhu    annasi    sukhindriyassa   nirodham   tathattaya   cittam
upasamharati.
     [960]   Idha   pana   bhikkhave   bhikkhuno  appamattassa  atapino
pahitattassa    viharato    uppajjati    somanassindriyam   .   so   evam
pajanati    uppannam    kho   me   idam   somanassindriyam   tanca   kho
sanimittam    sanidanam    sasankharam   sappaccayam   tanca   animittam   anidanam
asankharam    appaccayam    somanassindriyam    uppajjissatiti   netam   thanam
vijjatiti   .   so   somanassindriyanca  pajanati  somanassindriyasamudayanca
pajanati     somanassindriyanirodhanca     pajanati     yattha    cuppannam
somanassindriyam    aparisesam    nirujjhati    tanca   pajanati   .   kattha
cuppannam    somanassindriyam    aparisesam    nirujjhati   .   idha   bhikkhave
bhikkhu    sukhassa    ca    pahana    dukkhassa    ca   pahana   pubbeva
somanassadomanassanam     atthangama    adukkhamasukham    upekkhasatiparisuddhim
catutthajjhanam   upasampajja   viharati   .   ettha  cuppannam  somanassindriyam
aparisesam    nirujjhati    .    ayam   vuccati   bhikkhave   bhikkhu   annasi
somanassindriyassa nirodham tathattaya cittam upasamharati.
     [961]   Idha   pana   bhikkhave   bhikkhuno  appamattassa  atapino
pahitattassa   viharato   uppajjati  upekkhindriyam  .  so  evam  pajanati
uppannam   kho   me   idam   upekkhindriyam  tanca  kho  sanimittam  sanidanam
Sasankharam   sappaccayam   tanca   kho   1-   animittam   anidanam  asankharam
appaccayam    upekkhindriyam   uppajjissatiti   netam   thanam   vijjatiti  .
So    upekkhindriyanca    pajanati    upekkhindriyasamudayanca   pajanati
upekkhindriyanirodhanca     pajanati    yattha    cuppannam    upekkhindriyam
aparisesam   nirujjhati   tanca   pajanati  .  kattha  cuppannam  upekkhindriyam
aparisesam   nirujjhati   .   idha   bhikkhave   bhikkhu   sabbaso  nevasanna-
nasannayatanam      samatikkamma      sannavedayitanirodham      upasampajja
viharati   .   ettha  cuppannam  upekkhindriyam  aparisesam  nirujjhati  .  ayam
vuccati   bhikkhave   bhikkhu   annasi   upekkhindriyassa   nirodham  tathattaya
cittam upasamharatiti.
                   Sukhindriyavaggo catuttho.
                        Tassuddanam
      suddhakanca soto 2- araha    dve samanabrahmanena ca
      vibhangena tayo vutta              arahato 3- uppatikena cati.
                      -----------
@Footnote: 1 Ma. khosaddo natthi. 2 Po. ... dve va soto dve araha ... uparivarikena
@cati. Ma. suddhikanca soto araha duve samanabrahmana
@ ...... ...... ...... ...... kattho uppatikatikanti.
@3 Yu. arani ....



             The Pali Tipitaka in Roman Character Volume 19 page 282-286. https://84000.org/tipitaka/read/roman_read.php?B=19&A=5468&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=5468&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=19&item=956&items=6              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=221              Study Atthakatha :- https://84000.org/tipitaka/attha/attha.php?b=19&i=956              The Pali Atthakatha in Thai :- https://84000.org/tipitaka/atthapali/read_th.php?B=13&A=6937              The Pali Atthakatha in Roman :- https://84000.org/tipitaka/atthapali/read_rm.php?B=13&A=6937              Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]