PaliRoman Vol.19

[1031] Evamme sutam ekam samayam bhagava kosambiyam viharati ghositarame . tatra kho bhagava bhikkhu amantesi atthi nu kho bhikkhave pariyayo yam pariyayam agamma sekkho bhikkhu sekkhabhumiyam santhito ^1- sekkhosmiti pajaneyya asekkho bhikkhu asekkhabhumiyam santhito asekkhosmiti pajaneyyati . bhagavammulaka no bhante dhamma .pe. [1032] Atthi bhikkhave pariyayo yam pariyayam agamma sekkho bhikkhu sekkhabhumiyam santhito sekkhosmiti pajaneyya asekkho bhikkhu asekkhabhumiyam santhito asekkhosmiti pajaneyya. [1033] Katamo ca bhikkhave pariyayo yam pariyayam agamma sekkho bhikkhu sekkhabhumiyam santhito sekkhosmiti pajanati . idha bhikkhave sekkho bhikkhu idam dukkhanti yathabhutam pajanati ayam dukkhasamudayoti yathabhutam pajanati ayam dukkhanirodhoti yathabhutam pajanati ayam dukkhanirodhagamini patipadati yathabhutam pajanati . Ayampi kho bhikkhave pariyayo yam pariyayam agamma sekkho bhikkhu sekkhabhumiyam santhito sekkhosmiti pajanati. [1034] Puna caparam bhikkhave sekkho bhikkhu iti patisancikkhati atthi nu kho ito bahiddha anno samano va brahmano va yo evam bhutam taccham tatham dhammam deseti yatha bhagavati . So evam pajanati natthi nu kho ito bahiddha anno samano @Footnote: ¹ Ma. Yu. thito. evamupari. Va brahmano va yo evam bhutam taccham tatham dhammam deseti yatha bhagavati . ayampi kho bhikkhave pariyayo yam pariyayam agamma sekkho bhikkhu sekkhabhumiyam santhito sekkhosmiti pajanati. [1035] Puna caparam bhikkhave sekkho bhikkhu pancindriyani pajanati saddhindriyam viriyindriyam satindriyam samadhindriyam pannindriyam . yamgatikani yamparamani yamphalani yampariyosanani na heva kho kayena phusitva viharati pannaya ca ativijjha passati. Ayampi kho bhikkhave pariyayo yam pariyayam agamma sekkho bhikkhu sekkhabhumiyam santhito sekkhosmiti pajanati. [1036] Katamo ca bhikkhave pariyayo yam pariyayam agamma asekkho bhikkhu asekkhabhumiyam santhito asekkhosmiti pajanati . Idha bhikkhave asekkho bhikkhu pancindriyani pajanati . saddhindriyam viriyindriyam satindriyam samadhindriyam pannindriyam . Yamgatikani yamparamani yamphalani yampariyosanani kayena ca phusitva viharati pannaya ca ativijjha passati . ayampi kho bhikkhave pariyayo yam pariyayam agamma asekkho bhikkhu asekkhabhumiyam santhito asekkhosmiti pajanati. [1037] Puna caparam bhikkhave asekkho bhikkhu cha indriyani pajanati cakkhundriyam sotindriyam ghanindriyam jivhindriyam kayindriyam manindriyam . imani kho cha indriyani sabbena sabbam sabbatha Sabbam aparisesa nirujjhissanti annani ca cha indriyani na kuhinci kisminci uppajjissantiti pajanati . ayampi kho bhikkhave pariyayo yam pariyayam agamma asekkho bhikkhu asekkhabhumiyam santhito asekkhosmiti pajanatiti.

The Pali Tipitaka in Roman Character Volume 19 page 303-305. https://84000.org/tipitaka/read/roman_read.php?B=19&A=5880&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=5880&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1031&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=234 Study Atthakatha :- https://84000.org/tipitaka/attha/attha.php?b=19&i=1031 The Pali Atthakatha in Thai :- https://84000.org/tipitaka/atthapali/read_th.php?B=13&A=7093 The Pali Atthakatha in Roman :- https://84000.org/tipitaka/atthapali/read_rm.php?B=13&A=7093 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19