|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[1245] Tatra kho bhagava bhikkhu amantesi tam kim mannatha bhikkhave katamesam dhammanam bhavitatta bahulikatatta tathagato evammahiddhiko evammahanubhavoti. Bhagavammulaka no bhante dhamma .pe. [1246] Catunnam kho bhikkhave iddhipadanam bhavitatta bahulikatatta tathagato evammahiddhiko evammahanubhavo . katamesam catunnam . Idha bhikkhave tathagato chandasamadhipadhanasankharasamannagatam iddhipadam bhaveti iti me chando na ca atilino bhavissati na ca atipaggahito bhavissati na ca ajjhattam sankhitto bhavissati na ca bahiddha vikkhitto bhavissati pacchapure sanni ca viharati yatha pure tatha paccha yatha paccha tatha pure yatha adho tatha uddham yatha uddham tatha adho yatha diva tatha rattim yatha rattim tatha diva iti vivatena cetasa apariyonaddhena sappabhasam cittam bhaveti . viriyasamadhi cittasamadhi vimamsasamadhipadhana- sankharasamannagatam iddhipadam bhaveti iti me vimamsa na ca atilina bhavissati na ca atipaggahita bhavissati .pe. iti vivatena cetasa apariyonaddhena sappabhasam cittam bhaveti . imesam kho bhikkhave catunnam iddhipadanam bhavitatta bahulikatatta tathagato Evammahiddhiko evammahanubhavo. [1247] Imesanca pana bhikkhave catunnam iddhipadanam bhavitatta bahulikatatta tathagato anekavihitam iddhividham paccanubhoti ekopi hutva bahudha hoti .pe. Yava brahmalokapi kayena vasam vatteti. [1248] Imesanca pana bhikkhave catunnam iddhipadanam bhavitatta bahulikatatta tathagato asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti. (chapi abhinnayo vittharetabba). Ayogulavaggo tatiyo. Tassuddanam maggo ayogulo bhikkhu suddhakanca 1- dve phala ananda dve vutta bhikkhuhi apare dve moggallano tathagatoti. --------- @Footnote: 1 Ma. suddhikancapi dve phala dve cananda duve bhikkhu....The Pali Tipitaka in Roman Character Volume 19 page 372-373. https://84000.org/tipitaka/read/roman_read.php?B=19&A=7242&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=7242&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1245&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=285 Study Atthakatha :- https://84000.org/tipitaka/attha/attha.php?b=19&i=1245 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]