PaliRoman Vol.19

Dutiyavaggo dutiyo [1363] Ekam samayam bhagava icchanangale viharati icchanangala- vanasande . tatra kho bhagava bhikkhu amantesi icchamaham bhikkhave temasam patisalliyitum ^1- namhi kenaci upasankamitabbo annatra ekena pindapataniharakenati . evam bhanteti kho te bhikkhu bhagavato patissutva nassudha koci bhagavantam upasankamati annatra ekena pindapataniharakena. [1364] Atha kho bhagava tassa temasassa accayena patisallana vutthito bhikkhu amantesi sace vo bhikkhave annatitthiya paribbajaka evam puccheyyum katamenavuso viharena samano gotamo vassavasam bahulam vihasiti . evam puttha tumhe bhikkhave tesam annatitthiyanam paribbajakanam evam byakareyyatha anapanassatisamadhina kho avuso bhagava vassavasam bahulam vihasiti. [1365] Idhaham bhikkhave sato assasami sato passasami digham va assasanto digham assasamiti pajanami digham va passasanto digham passasamiti pajanami . rassam va assasanto rassam assasamiti pajanami rassam va passasanto rassam passasamiti pajanami . Sabbakayapatisamvedi assasissamiti pajanami [vittharo] . Patinissagganupassi assasissamiti pajanami patinissagganupassi @Footnote: ¹ Po. patisallitum. Passasissamiti pajanami. [1366] Yanhi tam bhikkhave samma vadamano vadeyya ariyaviharo itipi brahmaviharo itipi tathagataviharo itipi anapanassatisamadhim samma vadamano vadeyya ariyaviharo itipi brahmaviharo itipi tathagataviharo itipi . ye te bhikkhave bhikkhu sekkha appattamanasa anuttaram yogakkhemam patthayamana viharanti tesam anapanassatisamadhi bhavito bahulikato asavanam khayaya samvattati. [1367] Ye ca kho te bhikkhave bhikkhu arahanto khinasava vusitavanto katakaraniya ohitabhara anuppattasadattha parikkhinabhavasannojana sammadanna vimutta tesam anapanassatisamadhi bhavito bahulikato ditthadhammasukhaviharaya ceva samvattati satisampajannaya ca. [1368] Yanhi tam bhikkhave samma vadamano vadeyya ariyaviharo itipi brahmaviharo itipi tathagataviharo itipi anapanassatisamadhim samma vadamano vadeyya ariyaviharo itipi brahmaviharo itipi tathagataviharo itipiti.

The Pali Tipitaka in Roman Character Volume 19 page 412-413. https://84000.org/tipitaka/read/roman_read.php?B=19&A=7997&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=7997&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1363&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=309 Study Atthakatha :- https://84000.org/tipitaka/attha/attha.php?b=19&i=1363 The Pali Atthakatha in Thai :- https://84000.org/tipitaka/atthapali/read_th.php?B=13&A=7716 The Pali Atthakatha in Roman :- https://84000.org/tipitaka/atthapali/read_rm.php?B=13&A=7716 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19