PaliRoman Vol.2

Surusuruvaggo [851] Tena samayena buddho bhagava kosambiyam viharati ghositarame. Tena kho pana samayena annatarena brahmanena sanghassa Payopanam patiyattam hoti . bhikkhu surusurukarakam khiram pivanti . Annataro natapubbako bhikkhu evamaha sabbayam manne sangho sitikatoti . ye te bhikkhu appiccha .pe. te ujjhayanti khiyanti vipacenti katham hi nama bhikkhu sangham arabbha davam karissatiti .pe. saccam kira tvam bhikkhu sangham arabbha davam akasiti . saccam bhagavati . vigarahi buddho bhagava katham hi nama tvam moghapurisa sangham arabbha davam karissasi netam moghapurisa appasannanam va pasadaya pasannanam va bhiyyobhavaya .pe. Vigarahitva dhammim katham katva bhikkhu amantesi na bhikkhave buddham va dhammam va sangham va arabbha davo katabbo yo kareyya apatti dukkatassati . athakho bhagava tam bhikkhum anekapariyayena vigarahitva dubbharataya .pe. evanca pana bhikkhave imam sikkhapadam uddiseyyatha {851.1} na surusurukarakam bhunjissamiti sikkha karaniya. Na surusurukarakam bhunjitabbam . yo anadariyam paticca surusurukarakam bhunjati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [852] Savatthinidanam . tena kho pana samayena chabbaggiya bhikkhu hatthanillehakam bhunjanti .pe. {852.1} Na hatthanillehakam bhunjissamiti sikkha karaniya. Na hatthanillehakam bhunjitabbam . yo anadariyam paticca hatthanillehakam bhunjati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [853] Savatthinidanam . tena kho pana samayena chabbaggiya bhikkhu pattanillehakam bhunjanti .pe. {853.1} Na pattanillehakam bhunjissamiti sikkha karaniya. Na pattanillehakam bhunjitabbam . yo anadariyam paticca pattanillehakam bhunjati apatti dukkatassa. Anapatti asancicca asatiya ajanantassa gilanassa parittake sese ekato sankaddhitva nillehitva bhunjati apadasu ummattakassa adikammikassati. [854] Savatthinidanam . tena kho pana samayena chabbaggiya bhikkhu otthanillehakam bhunjanti .pe. {854.1} Na otthanillehakam bhunjissamiti sikkha karaniya. Na otthanillehakam bhunjitabbam . yo anadariyam paticca otthanillehakam bhunjati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [855] Tena samayena buddho bhagava bhaggesu viharati sumsumaragire ^1- @Footnote: ¹ Ma. Yu. susumaragire. evamuparipi. Bhesakalavane migadaye . tena kho pana samayena bhikkhu kokanade pasade samisena hatthena paniyathalakam patigganhanti . manussa ujjhayanti khiyanti vipacenti katham hi nama samana sakyaputtiya samisena hatthena paniyathalakam patiggahessanti seyyathapi gihi kamabhoginoti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama bhikkhu samisena hatthena paniyathalakam patiggahessantiti .pe. saccam kira bhikkhave bhikkhu samisena hatthena paniyathalakam patigganhantiti . saccam bhagavati. {855.1} Vigarahi buddho bhagava katham hi nama te bhikkhave moghapurisa samisena hatthena paniyathalakam patiggahessanti netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {855.2} na samisena hatthena paniyathalakam patiggahessamiti sikkha karaniya. Na samisena hatthena paniyathalako patiggahetabbo . yo anadariyam paticca samisena hatthena paniyathalakam patigganhati apatti dukkatassa. Anapatti asancicca asatiya ajanantassa gilanassa dhovissamiti va dhovapessamiti va patigganhati apadasu ummattakassa adikammikassati. [856] Tena samayena buddho bhagava bhaggesu viharati sumsumaragire bhesakalavane migadaye . tena kho pana samayena bhikkhu kokanade pasade sasitthakam pattadhovanam antaraghare chaddenti . manussa ujjhayanti khiyanti vipacenti katham hi nama samana sakyaputtiya sasitthakam pattadhovanam antaraghare chaddessanti seyyathapi gihi kamabhoginoti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama bhikkhu sasitthakam pattadhovanam antaraghare chaddessantiti . saccam kira bhikkhave bhikkhu sasitthakam pattadhovanam antaghare chaddentiti . saccam bhagavati . Vigarahi buddho bhagava katham hi nama te bhikkhave moghapurisa sasitthakam pattadhovanam antaraghare chaddessanti netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {856.1} na sasitthakam pattadhovanam antaraghare chaddessamiti sikkha karaniya. Na sasitthakam pattadhovanam antaraghare chaddetabbam . yo anadariyam paticca sasitthakam pattadhovanam antaraghare chaddeti apatti dukkatassa. Anapatti asancicca asatiya ajanantassa gilanassa udridhatva va bhinditva va patiggahe va niharitva chaddeti apadasu ummattakassa adikammikassati. Solasa dhammadesanapatisamyutta ^1- [857] Savatthinidanam . tena kho pana samayena chabbaggiya bhikkhu chattapanissa dhammam desenti . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu chattapanissa dhammam desessantiti .pe. saccam kira tumhe bhikkhave chattapanissa dhammam desethati . saccam bhagavati . vigarahi buddho bhagava katham hi nama tumhe moghapurisa chattapanissa dhammam desessatha netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {857.1} na chattapanissa dhammam desessamiti ^2- sikkha karaniya. {857.2} Evancidam bhagavata bhikkhunam sikkhapadam pannattam hoti. [858] Tena kho pana samayena bhikkhu chattapanissa gilanassa dhammam desetum kukkuccayanti . manussa ujjhayanti khiyanti vipacenti katham hi nama samana sakyaputtiya chattapanissa gilanassa dhammam na desessantiti . assosum kho bhikkhu tesam manussanam ujjhayantanam khiyantanam vipacentanam . athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave chattapanissa gilanassa dhammam desetum evanca @Footnote: ¹ Ma. idam pathadvayam natthi . ² yebhuyyena desissamiti pathanti. evam sabbattha @natabbam. Pana bhikkhave imam sikkhapadam uddiseyyatha {858.1} na chattapanissa agilanassa dhammam desessamiti sikkha karaniya. Chattam nama tini chattani setacchattam kilanjacchattam pannacchattam mandalabaddham salakabaddham . dhammo nama buddhabhasito savakabhasito isibhasito devatabhasito atthupasanhito dhammupasanhito . Deseyyati ^1- padena deseti pade pade apatti dukkatassa . Akkharaya deseti akkharakkharaya apatti dukkatassa . na chattapanissa agilanassa dhammo desetabbo . yo anadariyam paticca chattapanissa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [859] Savatthinidanam . tena kho pana samayena chabbaggiya bhikkhu dandapanissa dhammam desenti .pe. {859.1} Na dandapanissa agilanassa dhammam desessamiti sikkha karaniya. Dando nama majjhimassa purisassa catuhattho dando . tato ukkattho adando omako adando . na dandapanissa agilanassa dhammo desetabbo . yo anadariyam paticca dandapanissa agilanassa dhammam deseti apatti dukkatassa. @Footnote: ¹ ayam patho vicaretabbo matikayam avijjamanatta. Anapatti asancicca asatiya ajanantassa gilanassa apadasu ummattakassa adikammikassati. [860] Savatthinidanam . tena kho pana samayena chabbaggiya bhikkhu satthapanissa dhammam desenti .pe. {860.1} Na satthapanissa agilanassa dhammam desessamiti sikkha karaniya. Sattham nama ekatodharam ubhatodharam paharani . na satthapanissa agilanassa dhammo desetabbo . yo anadariyam paticca satthapanissa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [861] Savatthinidanam . tena kho pana samayena chabbaggiya bhikkhu avudhapanissa dhammam desenti .pe. {861.1} Na avudhapanissa agilanassa dhammam desessamiti sikkha karaniya. Avudham nama capo kodando . na avudhapanissa agilanassa dhammo desetabbo . yo anadariyam paticca avudhapanissa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. Surusuruvaggo chattho. ------- @Footnote: ¹ Ma. Yu. paharanam.

The Pali Tipitaka in Roman Character Volume 2 page 553-560. https://84000.org/tipitaka/read/roman_read.php?B=2&A=10064&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=10064&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=851&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=140 Study Atthakatha :- https://84000.org/tipitaka/attha/attha.php?b=2&i=851 The Pali Atthakatha in Thai :- https://84000.org/tipitaka/atthapali/read_th.php?B=2&A=10526 The Pali Atthakatha in Roman :- https://84000.org/tipitaka/atthapali/read_rm.php?B=2&A=10526 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2