PaliRoman Vol.2

Sattamasikkhapadam [157] Tena samayena buddho bhagava savatthiyam viharati jetavane anathapindikassa arame . tena kho pana samayena annataro puriso pavasam gacchanto pajapatim etadavoca suttam dharayitva amukassa tantavayassa dehi civaram vayapetva nikkhipahi ^1- agato ayyam upanandam civarena acchadessamiti . assosi kho annataro pindacariko bhikkhu tassa purisassa imam vacam bhasamanassa . Athakho so bhikkhu yenayasma upanando sakyaputto tenupasankami upasankamitva ayasmantam upanandam sakyaputtam etadavoca mahapunnosi tvam avuso upananda amukasmim okase annataro puriso pavasam gacchanto pajapatim etadavoca suttam dharayitva amukassa tantavayassa dehi civaram vayapetva nikkhipahi agato ayyam upanandam civarena acchadessamiti . atthavuso mam so upatthakoti. Sopi kho tantavayo ayasmato upanandassa sakyaputtassa upatthako hoti . Athakho ayasma upanando sakyaputto yena so tantavayo tenupasankami upasankamitva tam ^2- tantavayam etadavoca idam kho avuso civaram mam uddissa viyati ayatanca karohi vitthatanca appitanca suvitanca suppavayitanca @Footnote: ¹ Ma. Yu. nikkhipa. evamuparipi . ² Ma. Yu. ayam patho natthi. Suvilekhitanca suvitacchitanca karohiti . ete kho me bhante suttam dharayitva adamsu imina suttena civaram vinahiti na bhante sakka ayatam va vitthatam va appitam va katum sakka ca kho bhante suvitanca suppavayitanca suvilekhitanca suvitacchitanca katunti . Ingha tvam avuso ayatanca karohi vitthatanca appitanca na tena suttena patibaddham bhavissatiti. {157.1} Athakho so tantavayo yathaabhatam suttam tante upanetva yena sa itthi tenupasankami upasankamitva tam itthim etadavoca suttena ayye atthoti . nanu tvam ayya ^1- maya vutto imina suttena civaram vinahiti . saccaham ayye taya vutto imina suttena civaram vinahiti apica mam ayyo upanando evamaha ingha tvam avuso ayatanca karohi vitthatanca appitanca na tena suttena patibaddham bhavissatiti . athakho sa itthi yattakanneva suttam pathamam adasi tattakam paccha adasi. {157.2} Assosi kho ayasma upanando sakyaputto so kira puriso pavasato agatoti . athakho ayasma upanando sakyaputto yena tassa purisassa nivesanam tenupasankami upasankamitva pannatte asane nisidi . athakho so puriso yenayasma upanando sakyaputto tenupasankami upasankamitva ayasmantam upanandam sakyaputtam abhivadetva ekamantam nisidi . ekamantam @Footnote: ¹ Ma. Yu. ayyo. Nisinno kho so puriso pajapatim etadavoca vayapitam ^1- civaranti. Ama ayya vayapitam ^2- civaranti . ahara ayyam upanandam civarena acchadessamiti . athakho sa itthi tam civaram niharitva samikassa datva etamattham arocesi . athakho so puriso ayasmato upanandassa sakyaputtassa tam ^3- civaram datva ujjhayati khiyati vipaceti mahiccha ime samana sakyaputtiya asantuttha nayime sukara civarena acchadetum katham hi nama ayyo upanando maya pubbe appavarito tantavaye ^4- upasankamitva civare vikappam apajjissatiti. {157.3} Assosum kho bhikkhu tassa purisassa ujjhayantassa khiyantassa vipacentassa . ye te bhikkhu appiccha .pe. Te ujjhayanti khiyanti vipacenti katham hi nama ayasma upanando sakyaputto pubbe appavarito gahapatikassa tantavaye upasankamitva civare vikappam apajjissatiti . athakho te bhikkhu bhagavato etamattham arocesum. Saccam kira tvam upananda pubbe appavarito gahapatikassa tantavaye upasankamitva civare vikappam apajjasiti ^5- . saccam bhagavati . Natako te upananda annatakoti . annatako bhagavati . Annatako moghapurisa annatakassa na janati patirupam va appatirupam va santam va asantam va tattha nama tvam moghapurisa pubbe @Footnote: ^1-2 Ma. Yu. vitam tam . ³ Ma. Yu. ayam patho natthi . ⁴ Yu. gahapatikassa @tantavaye . ⁵ Ma. Yu. apajjiti. Appavarito annatakassa gahapatikassa tantavaye upasankamitva civare vikappam apajjissasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {157.4} bhikkhum paneva uddissa annatako gahapati va gahapatani va tantavayehi civaram vayapeyya. Tatra ce so bhikkhu pubbe appavarito tantavaye upasankamitva civare vikappam apajjeyya idam kho avuso civaram mam uddissa viyati ayatanca karotha vitthatanca appitanca suvitanca suppavayitanca suvilekhitanca suvitacchitanca karotha appevanama mayampi ayasmantanam kincimattam anupadajjeyyamati . evanca so bhikkhu vatva kincimattam anupadajjeyya ^1- antamaso pindapatamattampi nissaggiyam pacittiyanti. [158] Bhikkhum paneva uddissati bhikkhussatthaya bhikkhum arammanam katva bhikkhum acchadetukamo . annatako nama matito va pitito va yava sattama pitamahayuga asambaddho . gahapati nama yo koci agaram ajjhavasati . gahapatani nama ya kaci agaram ajjhavasati . tantavayehiti pesakarehi . civaram nama channam civaranam annataram civaram vikappanupagam pacchimam . vayapeyyati vinapeti . tatra ce so bhikkhuti yam bhikkhum uddissa civaram viyati @Footnote: ¹ anuppadajjeyyati amhakam mati. So bhikkhu . pubbe appavaritoti pubbe avutto hoti kidisena te bhante civarena attho kidisam te civaram vayapemiti. Tantavaye upasankamitvati gharam gantva yattha katthaci upasankamitva . Civare vikappam apajjeyyati idam kho avuso civaram mam uddissa viyati ayatanca karotha vitthatanca appitanca suvitanca suppavayitanca suvilekhitanca suvitacchitanca karotha appevanama mayampi ayasmantanam kincimattam anupadajjeyyamati. {158.1} Evanca so bhikkhu vatva kincimattam anupadajjeyya antamaso pindapatamattampiti pindapato nama yagupi bhattampi khadaniyampi cunnapindopi dantakatthampi dasikasuttampi antamaso dhammampi bhanati . tassa vacanena ayatam va vitthatam va appitam va karoti payoge dukkatam patilabhena nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam me bhante civaram pubbe appavarito annatakassa gahapatikassa tantavaye upasankamitva civare vikappam apannam nissaggiyam imaham sanghassa nissajjamiti .pe. dadeyyati .pe. dadeyyunti .pe. Ayasmato dammiti. [159] Annatake annatakasanni pubbe appavarito gahapatikassa tantavaye upasankamitva civare vikappam apajjati nissaggiyam pacittiyam . annatake vematiko pubbe appavarito gahapatikassa Tantavaye upasankamitva civare vikappam apajjati nissaggiyam pacittiyam . annatake natakasanni pubbe appavarito gahapatikassa tantavaye upasankamitva civare vikappam apajjati nissaggiyam pacittiyam . natake annatakasanni apatti dukkatassa . natake vematiko apatti dukkatassa . natake natakasanni anapatti. [160] Anapatti natakanam pavaritanam annassatthaya attano dhanena mahaggham vayapetukamassa appaggham vayapeti ummattakassa adikammikassati. Sattamasikkhapadam nitthitam. -------

The Pali Tipitaka in Roman Character Volume 2 page 135-140. https://84000.org/tipitaka/read/roman_read.php?B=2&A=2380&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=2380&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=157&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=27 Study Atthakatha :- https://84000.org/tipitaka/attha/attha.php?b=2&i=157 The Pali Atthakatha in Thai :- https://84000.org/tipitaka/atthapali/read_th.php?B=2&A=5771 The Pali Atthakatha in Roman :- https://84000.org/tipitaka/atthapali/read_rm.php?B=2&A=5771 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2