PaliRoman Vol.2

Navamasikkhapadam [165] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhu vutthavassa arannakesu senasanesu viharanti . kattikacoraka bhikkhu laddhalabhati paripatenti . bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave arannakesu senasanesu viharantena tinnam civaranam annataram civaram antaraghare nikkhipitunti . tena kho pana samayena bhikkhu bhagavata anunnatam arannakesu senasanesu viharantena tinnam civaranam annataram civaram antaraghare nikkhipitunti. {165.1} Te ^1- tinnam civaranam annataram civaram antaraghare nikkhipitva atirekacharattam vippavasanti . tani civarani nassantipi vinassantipi dayhantipi undurehipi khajjanti . bhikkhu duccola honti lukhacivara . bhikkhu evamahamsu kissa tumhe avuso duccola lukhacivarati . athakho te bhikkhu bhikkhunam etamattham arocesum . Ye te bhikkhu appiccha .pe. te ujjhayanti khiyanti vipacenti katham hi nama bhikkhu tinnam civaranam annataram civaram antaraghare nikkhipitva atirekacharattam vippavasissantiti . Athakho te bhikkhu bhagavato etamattham arocesum . saccam kira @Footnote: ¹ Ma. ayam patho natthi. Bhikkhave bhikkhu tinnam civaranam annataram civaram antaraghare nikkhipitva atirekacharattam vippavasantiti . saccam bhagavati . vigarahi buddho bhagava katham hi nama te bhikkhave moghapurisa tinnam civaranam annataram civaram antaraghare nikkhipitva atirekacharattam vippavasissanti netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {165.2} upavassam kho pana kattikapunnamam . yani kho pana tani arannakani senasanani sasankasammatani sappatibhayani tatharupesu bhikkhu senasanesu viharanto akankhamano tinnam civaranam annataram civaram antaraghare nikkhipeyya . siya ca tassa bhikkhuno kocideva paccayo tena civarena vippavasaya charattaparamantena bhikkhuna tena civarena vippavasitabbam . tato ce uttarim vippavaseyya annatra bhikkhusammatiya nissaggiyam pacittiyanti. [166] Upavassam kho panati vutthavassanam . kattikapunnamanti kattikacatumasini vuccati . yani kho pana tani arannakani senasananiti arannakam nama senasanam pancadhanusatikam pacchimam . Sasankam nama arame aramupacare coranam nivitthokaso dissati bhuttokaso dissati thitokaso dissati nisinnokaso dissati nipannokaso dissati . sappatibhayam nama arame aramupacare corehi manussa hata dissanti vilutta dissanti akotita Dissanti . tatharupesu bhikkhu senasanesu viharantoti evarupesu bhikkhu senasanesu viharanto . akankhamanoti icchamano . Tinnam civaranam annataram civaranti sanghatim va uttarasangam va antaravasakam va . antaraghare nikkhipeyyati samanta gocaragame nikkhipeyya . siya ca tassa bhikkhuno kocideva paccayo tena civarena vippavasayati siya paccayo siya karaniyam . charattaparamantena bhikkhuna tena civarena vippavasitabbanti charattaparamata vippavasitabbam . annatra bhikkhusammatiyati thapetva bhikkhusammatim . Tato ce uttarim vippavaseyyati sattame arunuggamane nissaggiyam hoti nissajjitabbam sanghassa va ganassa va puggalassa va . Evanca pana bhikkhave nissajjitabbam .pe. idam me bhante civaram atirekacharattam vippavuttham annatra bhikkhusammatiya nissaggiyam imaham sanghassa nissajjamiti .pe. dadeyyati .pe. dadeyyunti .pe. Ayasmato dammiti. [167] Atirekacharatte atirekasanni vippavasati annatra bhikkhusammatiya nissaggiyam pacittiyam . atirekacharatte vematiko vippavasati annatra bhikkhusammatiya nissaggiyam pacittiyam . Atirekacharatte unakasanni vippavasati annatra bhikkhusammatiya nissaggiyam pacittiyam. Appaccuddhate paccuddhatasanni ... Avissajjite vissajjitasanni ... Anatthe natthasanni ... avinatthe vinatthasanni ... adaddhe Daddhasanni ... avilutte viluttasanni vippavasati annatra bhikkhusammatiya nissaggiyam pacittiyam . nissaggiyam civaram anissajjitva paribhunjati apatti dukkatassa . unakacharatte atirekasanni apatti dukkatassa . unakacharatte vematiko apatti dukkatassa . Unakacharatte unakasanni anapatti. [168] Anapatti charattam vippavasati unakacharattam vippavasati charattam vippavasitva puna gamasimam okkamitva vasitva pakkamati antocharattam paccuddharati vissajjeti nassati vinassati dayhati acchinditva ganhati ^1- vissasam ganhati ^2- bhikkhusammatiya ummattakassa adikammikassati. Navamasikkhapadam nitthitam. ------- @Footnote: ^1-2 Ma. Yu. ganhanuti.

The Pali Tipitaka in Roman Character Volume 2 page 145-148. https://84000.org/tipitaka/read/roman_read.php?B=2&A=2561&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=2561&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=165&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=29 Study Atthakatha :- https://84000.org/tipitaka/attha/attha.php?b=2&i=165 The Pali Atthakatha in Thai :- https://84000.org/tipitaka/atthapali/read_th.php?B=2&A=5829 The Pali Atthakatha in Roman :- https://84000.org/tipitaka/atthapali/read_rm.php?B=2&A=5829 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2