PaliRoman Vol.2

Tatiyasikkhapadam [32] Tena samayena buddho bhagava savatthiyam viharati jetavane anathapindikassa arame . tena kho pana samayena annatarassa bhikkhuno akalacivaram uppannam hoti tassa tam civaram kayiramanam nappahoti . athakho so bhikkhu tam civaram ussapetva punappunam vimajjati . addasa kho bhagava senasanacarikam ahindanto tam bhikkhum tam civaram ussapetva punappunam vimajjantam disvana yena so bhikkhu tenupasankami upasankamitva tam bhikkhum etadavoca kissa tvam bhikkhu imam civaram ussapetva punappunam vimajjasiti . idam me bhante akalacivaram uppannam kayiramanam nappahoti tenaham imam civaram ussapetva punappunam vimajjamiti . atthi pana te bhikkhu civarapaccasati . atthi bhagavati . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave akalacivaram patiggahetva civarapaccasaya ^1- nikkhipitunti. [33] Tena kho pana samayena bhikkhu bhagavata anunnatam akalacivaram patiggahetva civarapaccasaya ^2- nikkhipitunti akalacivaram ^3- @Footnote: ^1-2 Ma. Yu. civarapaccasa . ³ Ma. Yu. akalacivarani. Patiggahetva atirekamasam nikkhipanti . tani civarani civaravamse bhandikabaddhani titthanti . addasa kho ayasma anando senasanacarikam ahindanto tani civarani civaravamse bhandikabaddhani thitani ^1- disvana bhikkhu amantesi kassimani avuso civarani civaravamse bhandikabaddhani titthantiti . amhakam avuso imani ^2- akalacivarani civarapaccasaya ^3- nikkhittaniti . kivaciram panavuso imani civarani nikkhittaniti . atirekamasam avusoti . ayasma anando ujjhayati khiyati vipaceti katham hi nama bhikkhu akalacivaram patiggahetva atirekamasam nikkhipissantiti. {33.1} Athakho ayasma anando ^[4]- bhagavato etamattham arocesi . athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave bhikkhu akalacivaram patiggahetva atirekamasam nikkhipantiti . saccam bhagavati . vigarahi buddho bhagava katham hi nama te bhikkhave moghapurisa akalacivaram patiggahetva atirekamasam nikkhipissanti netam bhikkhave appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {33.2} nitthitacivarasmim bhikkhuna ubbhatasmim kathine bhikkhuno paneva akalacivaram uppajjeyya akankhamanena bhikkhuna patiggahetabbam patiggahetva khippameva karetabbam no cassa paripuri masaparamantena @Footnote: ¹ Ma. Yu. titthante . ² Ma. ayam patho natthi . ³ Ma. Yu. civarapaccasa. @⁴ Ma. te bhikkhu anekapariyayena vigarahitva. Bhikkhuna tam civaram nikkhipitabbam unassa paripuriya satiya paccasaya tato ce uttarim ^1- nikkhipeyya satiyapi paccasaya nissaggiyam pacittiyanti. [34] Nitthitacivarasmim bhikkhunati bhikkhuno civaram katam va hoti nattham va vinattham va daddham va civarasa va upacchinna . ubbhatasmim kathineti atthannam matikanam annataraya matikaya ubbhatam hoti sanghena va antara ubbhatam hoti . akalacivaram nama anatthate kathine ekadasamase uppannam atthate kathine sattamase uppannam kalepi adissa dinnam etam akalacivaram nama . uppajjeyyati uppajjeyya sanghato va ganato va natito va mittato va pamsukulato ^2- va attano va dhanena. [35] Akankhamanenati icchamanena patiggahetabbam . Patiggahetva khippameva karetabbanti dasaha karetabbam. [36] No cassa paripuriti kayiramanam nappahoti. Masaparamantena bhikkhuna tam civaram nikkhipitabbanti masaparamata nikkhipitabbam . unassa paripuriyati unassa paripuratthaya . satiya paccasayati paccasa hoti sanghato va ganato va natito va mittato va pamsukulato ^3- va attano va dhanena. [37] Tato ce uttarim nikkhipeyya satiyapi paccasayati @Footnote: ¹ Ma. uttari. evamuparipi . ^2-3 Ma. Yu. pamsukulam. Tadahuppanne mulacivare paccasacivaram uppajjati dasaha karetabbam . Dvihuppanne mulacivare ... Tihuppanne mulacivare ... Catuhuppanne mulacivare ... Pancahuppanne mulacivare ... Chahuppanne mulacivare ... Sattahuppanne mulacivare ... atthahuppanne mulacivare ... Navahuppanne mulacivare ... Dasahuppanne mulacivare ... Paccasacivaram uppajjati dasaha karetabbam. Ekadase uppanne mulacivare ... Dvadase uppanne mulacivare ... Terase uppanne mulacivare ... Cuddase uppanne mulacivare ... Pannarase uppanne mulacivare ... Solase uppanne mulacivare ... Sattarase uppanne mulacivare ... Attharase uppanne mulacivare ... Ekunavise uppanne mulacivare ... Vise uppanne mulacivare paccasacivaram uppajjati dasaha karetabbam . Ekavise uppanne mulacivare paccasacivaram uppajjati navaha karetabbam . dvavise uppanne mulacivare paccasacivaram uppajjati atthaha karetabbam . tevise uppanne mulacivare ... sattaha karetabbam . catuvise uppanne mulacivare ... chaha karetabbam. Pancavise uppanne mulacivare ... pancaha karetabbam . chabbise uppanne mulacivare ... catuha karetabbam . sattavise uppanne mulacivare ... Tiha karetabbam. Atthavise uppanne mulacivare ... Dviha karetabbam . ekunatimse uppanne mulacivare paccasacivaram uppajjati ekaham karetabbam . timse uppanne mulacivare paccasacivaram Uppajjati tadaheva adhitthatabbam vikappetabbam vissajjetabbam . No ce adhitthaheyya va vikappeyya va vissajjeyya va ekatimse arunuggamane nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam me bhante akalacivaram masatikkantam nissaggiyam imaham sanghassa nissajjamiti .pe. dadeyyati .pe. dadeyyunti .pe. ayasmato dammiti. [38] Visabhage uppanne mulacivare paccasacivaram uppajjati rattiyo ca sesa honti na akama karetabbam. [39] Masatikkante atikkantasanni nissaggiyam pacittiyam . Masatikkante vematiko nissaggiyam pacittiyam . masatikkante anatikkantasanni nissaggiyam pacittiyam . anadhitthite adhitthitasanni avikkappite vikappitasanni avissajjite vissajjitasanni anatthe natthasanni avinatthe vinatthasanni adaddhe daddhasanni avilutte viluttasanni nissaggiyam pacittiyam. [40] Nissaggiyam civaram anissajjitva paribhunjati apatti dukkatassa . masanatikkante atikkantasanni apatti dukkatassa . Masanatikkante vematiko apatti dukkatassa . masanatikkante anatikkantasanni anapatti. [41] Anapatti antomase adhittheti vikappeti vissajjeti Nassati vinassati dayhati acchinditva ganhati ^1- vissasam ganhati ^2- ummattakassa adikammikassati. Tatiyasikkhapadam nitthitam. ------- @Footnote: ^1-2 Ma. Yu. ganhanti.

The Pali Tipitaka in Roman Character Volume 2 page 17-22. https://84000.org/tipitaka/read/roman_read.php?B=2&A=298&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=298&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=32&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=3 Study Atthakatha :- https://84000.org/tipitaka/attha/attha.php?b=2&i=32 The Pali Atthakatha in Thai :- https://84000.org/tipitaka/atthapali/read_th.php?B=2&A=3866 The Pali Atthakatha in Roman :- https://84000.org/tipitaka/atthapali/read_rm.php?B=2&A=3866 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2