ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                       Chatthasikkhapadam
     [294]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana   samayena  ayasma
anuruddho   kosalesu   janapadesu  1-  savatthim  gacchanto  sayam  annataram
gamam   upagacchi  .  tena  kho  pana  samayena  tasmim  game  annatarissa
itthiya   avasathagaram   pannattam  hoti  .  athakho  ayasma  anuruddho
yena   sa   itthi   tenupasankami   upasankamitva   tam  itthim  etadavoca
sace   te  bhagini  agaru  vaseyyami  ekarattim  2-  avasathagareti .
Vaseyyatha    bhanteti    .    annepi   addhika   yena   sa   itthi
tenupasankamimsu   upasankamitva   tam   itthim  etadavocum  sace  te  ayye
agaru   vaseyyama    ekarattim  avasathagareti  .  eso  kho  ayyo
samano pathamam upagato sace so anujanati vaseyyathati.
     {294.1}  Athakho  te  addhika yenayasma anuruddho tenupasankamimsu
upasankamitva   ayasmantam  anuruddham  etadavocum  sace  te  bhante  agaru
vaseyyama   ekarattim   avasathagareti   .   vaseyyatha  avusoti .
Athakho   sa  itthi  ayasmante  anuruddhe  saha  dassanena  patibaddhacitta
ahosi   .   athakho   sa   itthi   yenayasma  anuruddho  tenupasankami
upasankamitva    ayasmantam    anuruddham    etadavoca    ayyo   bhante
imehi   manussehi   akinno   na   phasu   viharissati   sadhaham  bhante
@Footnote: 1 Ma. janapade. sabbattha idisameva .  2 Ma. vaseyyama ekarattam. evamuparipi.
Ayyassa    mancakam    abbhantaram   pannapeyyanti   .   adhivasesi   kho
ayasma   anuruddho   tunhibhavena   .   athakho  sa  itthi  ayasmato
anuruddhassa   samam  1-  mancakam  abbhantaram  pannapetva  alankatapatiyatta
gandhagandhini     yenayasma    anuruddho    tenupasankami    upasankamitva
ayasmantam   anuruddham   etadavoca   ayyo   bhante   abhirupo  dassaniyo
pasadiko    ahancamhi    abhirupa    dassaniya    pasadika   sadhaham
bhante   ayyassa   pajapati   bhaveyyanti   .   evam   vutte  ayasma
anuruddho   tunhi   ahosi   .  dutiyampi  kho  .pe.  tatiyampi  kho  sa
atthi    ayasmantam    anuruddham   etadavoca   ayyo   bhante   abhirupo
dassaniyo    pasadiko    ahancamhi    abhirupa   dassaniya   pasadika
sadhu  bhante  ayyo  manceva  sampaticchatu  2-  sabbanca  sapateyyanti.
Tatiyampi kho ayasma anuruddho tunhi ahosi.
     {294.2}   Athakho   sa   itthi   satakam  nikkhipitva  ayasmato
anuruddhassa   purato   cankamatipi   titthatipi  nisidatipi  seyyampi  kappeti .
Athakho   ayasma   anuruddho   indriyani  okkhipitva  tam  itthim  neva
olokesi  napi  alapi  .  athakho  sa  itthi acchariyam vata bho abbhutam vata
bho   bahu  me  manussa  satenapi  sahassenapi  pahinanti  ayam  pana  samano
maya   samam  yaciyamano  na  icchati  manceva  sampaticchitum  3-  sabbanca
sapateyyanti   satakam   nivasetva   ayasmato   anuruddhassa   padesu
@Footnote: 1 Ma. ayam patho natthi .  2 Ma. Yu. paticchatu .  3 Ma. Yu. paticchitum.
Sirasa   nipatitva   ayasmantam  anuruddham  etadavoca  accayo  mam  bhante
accagama    yathabalam    yathamulham    yathaakusalam   yaham   evarupamakasim
tassa   me   bhante   ayyo   accayam   accayato  patigganhatu  ayatim
samvarayati   .   ingha   tam   1-   bhagini  accayo  accagama  yathabalam
yathamulham   yathaakusalam   ya  tvam  evamakasi  yato  ca  kho  tvam  bhagini
accayam   accayato  disva  yathadhammam  patikarosi  tante  mayam  patigganhama
vuddhi   hesa   bhagini   ariyassa   vinaye  yo  accayam  accayato  disva
yathadhammam patikaroti ayatim 2- samvaram apajjatiti.
     {294.3}  Athakho  sa  itthi  tassa  rattiya accayena ayasmantam
anuruddham    panitena    khadaniyena   bhojaniyena   sahattha   santappetva
sampavaretva   ayasmantam   anuruddham   bhuttavim   onitapattapanim  [3]-
ekamantam  nisidi  .  ekamantam  nisinnam  kho  tam  itthim  ayasma anuruddho
dhammiya   kathaya   sandassesi   samadapesi   samuttejesi  sampahamsesi .
Athakho   sa   itthi  ayasmata  anuruddhena  dhammiya  kathaya  sandassita
samadapita   samuttejita   sampahamsita   ayasmantam   anuruddham  etadavoca
abhikkantam   bhante   abhikkantam  bhante  seyyathapi  bhante  nikkujjitam  va
ukkujjeyya   paticchannam  va  vivareyya  mulhassa  va  maggam  acikkheyya
andhakare      va      telappajjotam      dhareyya      cakkhumanto
@Footnote: 1 Ma. tavam .  2 Ma. Yu. ayatim ca .  3 Ma. Yu. abhivadetva.
Rupani   dakkhantiti   evamevam  1-  ayyena  anuruddhena  anekapariyayena
dhammo   pakasito  esaham  bhante  tam  bhagavantam  saranam  gacchami  dhammanca
bhikkhusanghanca    upasikam   mam   ayyo   dharetu   ajjatagge   panupetam
saranam gatanti.
     {294.4}   Athakho  ayasma  anuruddho  savatthim  gantva  bhikkhunam
etamattham  arocesi  .  ye  te  bhikkhu  appiccha .pe. Te ujjhayanti
khiyanti  vipacenti  katham  hi  nama  ayasma  anuruddho  matugamena  saha
seyyam  kappessatiti  .  athakho  te  bhikkhu  bhagavato  etamattham arocesum
.pe.  saccam  kira  tvam  anuruddha  matugamena  saha  seyyam  kappesiti .
Saccam   bhagavati  .  vigarahi  buddho  bhagava  katham  hi  nama  tvam  anuruddha
matugamena   saha   seyyam  kappessasi  netam  anuruddha  appasannanam  va
pasadaya .pe. Evanca pana bhikkhave imam sikkhapadam uddiseyyatha
     {294.5}   yo   pana  bhikkhu  matugamena  saha  seyyam  kappeyya
pacittiyanti.
     [295]  Yo  panati  yo  yadiso  .pe.  bhikkhuti .pe. Ayam imasmim
atthe  adhippeto  bhikkhuti  .  matugamo  nama  manussitthi  na  yakkhi  na
peti    na   tiracchanagata   antamaso   tadahujatapi   darika   pageva
mahantatari   2-   .   sahati   ekato  .  seyya  nama  sabbacchanna
sabbaparicchanna   yebhuyyenacchanna   yebhuyyena   paricchanna   .  seyyam
kappeyyati   atthangate   suriye   matugame   nipanne  bhikkhu  nipajjati
@Footnote: 1 sabbattha evamevati patho pannayati .  2 Ma. mahattari. Yu. mahatari.
Apatti   pacittiyassa   .  bhikkhu  nipanne  matugame  nipajjati  apatti
pacittiyassa  .  ubho  va  nipajjanti  apatti  pacittiyassa. Utthahitva
punappunam nipajjanti apatti pacittiyassa.
     [296]   Matugame   matugamasanni  saha  seyyam  kappeti  apatti
pacittiyassa   .   matugame   vematiko  saha  seyyam  kappeti  apatti
pacittiyassa   .   matugame   amatugamasanni   saha   seyyam   kappeti
apatti pacittiyassa.
     {296.1}   Upaddhacchanne  upaddhaparicchanne  apatti  dukkatassa .
Yakkhiya  1-  va  petiya  va  pandakena  va tiracchanagatitthiya va saha
seyyam   kappeti   apatti   dukkatassa   .   amatugame  matugamasanni
apatti   dukkatassa   .   amatugame  vematiko  apatti  dukkatassa .
Amatugame amatugamasanni anapatti.
     [297]   Anapatti   sabbacchanne   sabbaaparicchanne  sabbaparicchanne
sabbaacchanne   yebhuyyena  acchanne  yebhuyyena  aparicchanne  matugame
nipanne   bhikkhu   nisidati   bhikkhu  nipanne  matugamo  nisidati  ubho  va
nisidanti ummattakassa adikammikassati.
                   Chatthasikkhapadam nitthitam.
                               -------
@Footnote: 1 Ma. yakkhiniya.



             The Pali Tipitaka in Roman Character Volume 2 page 198-202. https://84000.org/tipitaka/read/roman_read.php?B=2&A=3531&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=3531&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=294&items=4              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=42              Study Atthakatha :- https://84000.org/tipitaka/attha/attha.php?b=2&i=294              The Pali Atthakatha in Thai :- https://84000.org/tipitaka/atthapali/read_th.php?B=2&A=6360              The Pali Atthakatha in Roman :- https://84000.org/tipitaka/atthapali/read_rm.php?B=2&A=6360              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]