PaliRoman Vol.2

Pancamasikkhapadam [379] Tena samayena buddho bhagava savatthiyam viharati jetavane anathapindikassa arame . tena kho pana samayena sattarasavaggiya bhikkhu sahayaka honti . te vasantapi ekato va vasanti pakkamantapi ekato va pakkamanti . te annatarasmim sanghike vihare seyyam santharitva tam pakkamanta neva uddharimsu na uddharapesum anapuccha pakkamimsu . senasanam upacikahi khayitam hoti . Ye te bhikkhu appiccha .pe. te ujjhayanti khiyanti vipacenti katham hi nama sattarasavaggiya bhikkhu sanghike vihare seyyam santharitva tam pakkamanta neva uddharissanti na uddharapessanti anapuccha pakkamissanti senasanam upacikahi khayitanti. {379.1} Athakho te bhikkhu bhagavato etamattham arocesum. Athakho bhagava bhikkhu patipucchi saccam kira bhikkhave sattarasavagtiya bhikkhu sanghike vihare seyyam santharitva tam pakkamanta neva uddharimsu na uddharapesum anapuccha pakkamimsu senasanam upacikahi khayitanti . saccam bhagavati. Vigarahi buddho bhagava katham hi nama te bhikkhave moghapurisa sanghike vihare seyyam santharitva tam pakkamanta neva uddharissanti na uddharapessanti anapuccha pakkamissanti senasanam upacikahi khayitam netam bhikkhave appasannanam va pasadaya .pe. evanca Pana bhikkhave imam sikkhapadam uddiseyyatha {379.2} yo pana bhikkhu sanghike vihare seyyam santharitva va santharapetva va tam pakkamanto neva uddhareyya na uddharapeyya anapuccham va gaccheyya pacittiyanti. [380] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . sanghiko nama viharo sanghassa dinno hoti pariccatto . seyyam nama bhisi cimilika uttarattharanam bhummattharanam tattika cammakhando nisidanam paccattharanam tinasantharo pannasantharo . Santharitvati sayam santharitva . santharapetvati annam santharapetva. Tam pakkamanto neva uddhareyyati na sayam uddhareyya. Na uddharapeyyati na annam uddharapeyya . anapuccham va gaccheyyati bhikkhum va samaneram va aramikam va anapuccha parikkhittassa aramassa parikkhepam atikkamantassa apatti pacittiyassa . aparikkhittassa aramassa upacaram atikkamantassa apatti pacittiyassa. [381] Sanghike sanghikasanni seyyam santharitva va santharapetva va tam pakkamanto neva uddhareyya na uddharapeyya anapuccham va gaccheyya apatti pacittiyassa . sanghike vematiko seyyam santharitva va santharapetva va tam pakkamanto neva uddhareyya na uddharapeyya anapuccham va gaccheyya apatti pacittiyassa . sanghike puggalikasanni seyyam santharitva va Santharapetva va tam pakkamanto neva uddhareyya na uddharapeyya anapuccham va gaccheyya apatti pacittiyassa . viharassa upacare va upatthanasalayam va mandape va rukkhamule va seyyam santharitva va santharapetva va tam pakkamanto neva uddhareyya na uddharapeyya anapuccham va gaccheyya apatti dukkatassa . Mancam va pitham va vihare va viharassa upacare va upatthanasalayam va mandape va rukkhamule va santharitva va santharapetva va tam pakkamanto neva uddhareyya na uddharapeyya anapuccham va gaccheyya apatti dukkatassa . Puggalike sanghikasanni apatti dukkatassa . puggalike vematiko apatti dukkatassa . puggalike puggalikasanni annassa puggalike apatti dukkatassa. Attano puggalike anapatti. [382] Anapatti uddharitva gacchati uddharapetva gacchati apuccham gacchati kenaci palibuddham hoti sapekkho gantva tattha thito apucchati kenaci palibuddho hoti apadasu ummattakassa adikammikassati. Pancamasikkhapadam nitthitam. --------

The Pali Tipitaka in Roman Character Volume 2 page 247-249. https://84000.org/tipitaka/read/roman_read.php?B=2&A=4443&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=4443&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=379&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=51 Study Atthakatha :- https://84000.org/tipitaka/attha/attha.php?b=2&i=379 The Pali Atthakatha in Thai :- https://84000.org/tipitaka/atthapali/read_th.php?B=2&A=7131 The Pali Atthakatha in Roman :- https://84000.org/tipitaka/atthapali/read_rm.php?B=2&A=7131 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2