PaliRoman Vol.2

Sattamasikkhapadam [387] Tena samayena buddho bhagava savatthiyam viharati jetavane anathapindikassa arame . tena kho pana samayena sattarasavaggiya bhikkhu annataram paccantimam mahaviharam patisankharonti idha mayam vassam vasissamati . addasamsu kho chabbaggiya bhikkhu sattarasavaggiye bhikkhu viharam patisankharonte disvana evamahamsu ime avuso sattarasavaggiya bhikkhu viharam patisankharonti handa ne vutthapessamati . ekacce evamahamsu agamethavuso yava patisankharonti patisankhate vutthapessamati. {387.1} Athakho chabbaggiya bhikkhu sattarasavaggiye bhikkhu etadavocum utthethavuso amhakam viharo papunatiti . nanu avuso patikacceva acikkhitabbam mayanca annam patisankhareyyamati . nanu avuso sanghiko viharoti . amavuso sanghiko viharoti . utthethavuso amhakam viharo papunatiti . mahallako avuso viharo tumhepi vasatha mayampi vasissamati . utthethavuso amhakam viharo papunatiti kupita anattamana givayam gahetva nikkaddhanti . te nikkaddhiyamana rodanti . bhikkhu evamahamsu kissa tumhe avuso rodathati. Ime avuso chabbaggiya bhikkhu kupita anattamana amhe sanghika vihara nikkaddhantiti . ye te bhikkhu appiccha .pe. te Ujjhayanti khiyanti vipacenti katham hi nama chabbaggiya bhikkhu kupita anattamana bhikkhu sanghika vihara nikkaddhissantiti . Athakho te bhikkhu bhagavato etamattham arocesum . athakho bhagava chabbaggiye bhikkhu patipucchi saccam kira tumhe bhikkhave kupita anattamana bhikkhu sanghika vihara nikkaddhathati . saccam bhagavati . Vigarahi buddho bhagava katham hi nama tumhe moghapurisa kupita anattamana bhikkhu sanghika vihara nikkaddhissatha netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha {387.2} yo pana bhikkhu bhikkhum kupito anattamano sanghika vihara nikkaddheyya va nikkaddhapeyya va pacittiyanti. [388] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . bhikkhunti annam bhikkhum. Kupito anattamanoti anabhiraddho ahatacitto khilajato. [389] Sanghiko nama viharo sanghassa dinno hoti pariccatto . nikkaddheyyati gabbhe gahetva pamukham nikkaddhati apatti pacittiyassa . pamukhe gahetva bahi nikkaddhati apatti pacittiyassa . ekena payogena bahukepi dvare atikkameti apatti pacittiyassa . nikkaddhapeyyati annam anapesi apatti pacittiyassa . sakim anatto bahukepi dvare atikkameti apatti pacittiyassa. [390] Sanghike sanghikasanni kupito anattamano nikkaddhati va nikkaddhapeti va apatti pacittiyassa . sanghike vematiko kupito anattamano nikkaddhati va nikkaddhapeti va apatti pacittiyassa . Sanghike puggalikasanni kupito anattamano nikkaddhati va nikkaddhapeti va apatti pacittiyassa. {390.1} Tassa parikkharam nikkaddhati va nikkaddhapeti va apatti dukkatassa . viharassa upacara va upatthanasalaya va mandapa va rukkhamula va ajjhokasa va nikkaddhati va nikkaddhapeti va apatti dukkatassa . tassa parikkharam nikkaddhati va nikkaddhapeti va apatti dukkatassa . anupasampannam vihara va viharassa upacara va upatthanasalaya va mandapa va rukkhamula va ajjhokasa va nikkaddhati va nikkaddhapeti va apatti dukkatassa . tassa parikkharam nikkaddhati va nikkaddhapeti va apatti dukkatassa. {390.2} Puggalike sanghikasanni apatti dukkatassa . Puggalike vematiko apatti dukkatassa . puggalike puggalikasanni annassa puggalike apatti dukkatassa . attano puggalike anapatti. [391] Anapatti alajjim nikkaddhati va nikkaddhapeti va tassa parikkharam nikkaddhati va nikkaddhapeti va ummattakam nikkaddhati va nikkaddhapeti va tassa parikkharam nikkaddhati Va nikkaddhapeti va bhandanakarakam va kalahakarakam va vivadakarakam va bhassakarakam va sanghe adhikaranakarakam va nikkaddhati va nikkaddhapeti va tassa parikkharam nikkaddhati va nikkaddhapeti va antevasikam va saddhiviharikam va na sammavattantam nikkaddhati va nikkaddhapeti va tassa parikkharam nikkaddhati va nikkaddhapeti va ummattakassa adikammikassati. Sattamasikkhapadam nitthitam. -------

The Pali Tipitaka in Roman Character Volume 2 page 253-256. https://84000.org/tipitaka/read/roman_read.php?B=2&A=4543&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=4543&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=387&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=53 Study Atthakatha :- https://84000.org/tipitaka/attha/attha.php?b=2&i=387 The Pali Atthakatha in Thai :- https://84000.org/tipitaka/atthapali/read_th.php?B=2&A=7254 The Pali Atthakatha in Roman :- https://84000.org/tipitaka/atthapali/read_rm.php?B=2&A=7254 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2