PaliRoman Vol.2

Tatiyasikkhapadam [486] Tena samayena buddho bhagava vesaliyam viharati mahavane kutagarasalayam . tena kho pana samayena vesaliyam panitanam bhattanam bhattapatipati adhitthita hoti . athakho annatarassa daliddassa kammakarassa ^1- etadahosi na kho idam orakam bhavissati yathayime manussa sakkaccam bhattam karonti yannunahampi bhattam kareyyanti . athakho so daliddo kammakaro yena kirapatiko tenupasankami upasankamitva tam kirapatikam etadavoca icchamaham ayyaputta buddhappamukhassa bhikkhusanghassa bhattam katum dehi me vetananti . sopi kho kirapatiko saddho hoti pasanno . athakho so kirapatiko tassa daliddassa kammakarassa atirekam ^2- vetanam adasi. {486.1} Athakho so daliddo kammakaro yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho so daliddo kammakaro bhagavantam etadavoca adhivasetu me bhante bhagava svatanaya bhattam saddhim bhikkhusanghenati . maha kho avuso bhikkhusangho janahiti . hotu bhante maha bhikkhusangho bahu me badara patiyatta badaramissakena ^3- peyya paripuressantiti. Adhivasesi bhagava tunhibhavena . athakho so daliddo kammakaro @Footnote: ¹ Si. kammakarassa. evamuparipi . ² Ma. Yu. abbhatirekam . ³ Ma. Yu. badaramissena. @⁴ Ma. paripurissantiti. Bhagavato adhivasanam viditva utthayasana bhagavantam abhivadetva padakkhinam katva pakkami . assosum kho bhikkhu daliddena kira kammakarena svatanaya buddhappamukho bhikkhusangho nimantito badaramissakena peyya paripuressantiti . te kalasseva pindaya caritva bhunjimsu . assosum kho manussa daliddena kira kammakarena buddhappamukho bhikkhusangho nimantitoti . te daliddassa kammakarassa pahutam khadaniyam bhojaniyam abhiharimsu . athakho so daliddo kammakaro tassa rattiya accayena panitam khadaniyam bhojaniyam patiyadapetva bhagavato kalam arocapesi kalo bhante nitthitam bhattanti. {486.2} Athakho bhagava pubbanhasamayam nivasetva pattacivaramadaya yena tassa daliddassa kammakarassa nivesanam tenupasankami upasankamitva pannatte asane nisidi saddhim bhikkhusanghena . athakho so daliddo kammakaro bhattagge bhikkhu parivisati . bhikkhu evamahamsu thokam avuso dehi thokam avuso dehiti . ma kho tumhe bhante ayam daliddo kammakaroti thokam thokam patigganhittha pahutam me khadaniyam bhojaniyam patiyattam patigganhatha bhante yavadatthanti . na kho mayam avuso etamkarana thokam thokam patigganhama apica mayam kalasseva pindaya caritva bhunjimha tena mayam thokam thokam patigganhamati . athakho so daliddo kammakaro ujjhayati khiyati vipaceti katham hi Nama bhaddanta maya nimantita annatra bhunjissanti na caham patibalo yavadattham datunti . assosum kho bhikkhu tassa daliddassa kammakarassa ujjhayantassa khiyantassa vipacentassa . ye te bhikkhu appiccha .pe. te ujjhayanti khiyanti vipacenti katham hi nama bhikkhu annatra nimantita annatra bhunjissantiti .pe. Saccam kira bhikkhave bhikkhu annatra nimantita annatra bhunjissantiti . Saccam bhagavati . vigarahi buddho bhagava katham hi nama te bhikkhave moghapurisa annatra nimantita annatra bhunjissanti netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {486.3} paramparabhojane pacittiyanti . evancidam bhagavata bhikkhunam sikkhapadam pannattam hoti. [487] Tena kho pana samayena annataro bhikkhu gilano hoti . annataro bhikkhu pindapatam adaya yena so bhikkhu tenupasankami upasankamitva tam bhikkhum etadavoca bhunjahi avusoti . alam avuso atthi me bhattapaccasati . tassa bhikkhuno pindapato ussure ahariyittha . so bhikkhu na cittarupam bhunji . bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanena bhikkhuna paramparabhojanam bhunjitum evanca Pana bhikkhave imam sikkhapadam uddiseyyatha {487.1} paramparabhojane annatra samaya pacittiyam . tatthayam samayo gilanasamayo ayam tattha samayoti. {487.2} Evancidam bhagavata bhikkhunam sikkhapadam pannattam hoti. [488] Tena kho pana samayena manussa civaradanasamaye sacivarabhattam patiyadetva bhikkhu nimantenti bhojetva civarena acchadessamati. Bhikkhu kukkuccayanta nadhivasenti patikkhittam bhagavata paramparabhojananti. Civaram parittam uppajjati . bhagavato etamattham arocesum . Anujanami bhikkhave civaradanasamaye paramparabhojanam bhunjitum evanca pana bhikkhave imam sikkhapadam uddiseyyatha {488.1} paramparabhojane annatra samaya pacittiyam . tatthayam samayo gilanasamayo civaradanasamayo ayam tattha samayoti. {488.2} Evancidam bhagavata bhikkhunam sikkhapadam pannattam hoti. [489] Tena kho pana samayena manussa civarakarake bhikkhu bhattena nimantenti . bhikkhu kukkuccayanta nadhivasenti patikkhittam bhagavata paramparabhojananti . bhagavato etamattham arocesum . Anujanami bhikkhave civarakarasamaye paramparabhojanam bhunjitum evanca pana bhikkhave imam sikkhapadam uddiseyyatha {489.1} paramparabhojane annatra samaya pacittiyam . tatthayam samayo gilanasamayo civaradanasamayo civarakarasamayo ayam tattha samayoti. {489.2} Evancidam bhagavata bhikkhunam sikkhapadam pannattam hoti. [490] Athakho bhagava pubbanhasamayam nivasetva pattacivaramadaya ayasmata anandena pacchasamanena yena annataram kulam tenupasankami upasankamitva pannatte asane nisidi . athakho te manussa bhagavato ca ayasmato ca anandassa bhojanam adamsu . Ayasma anando kukkuccayanto na patigganhati . ganhahi anandati . alam bhagava atthi me bhattapaccasati . tenahananda vikappetva ganhahiti ^1- . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave bhattapaccasam ^2- vikappetva paramparabhojanam bhunjitum evanca pana bhikkhave vikappetabbam mayham bhattapaccasam itthannamassa dammiti. [491] Paramparabhojanam nama pancannam bhojananam annatarena bhojanena nimantito tam thapetva annam pancannam bhojananam annataram bhojanam bhunjati etam paramparabhojanam nama . annatra samayati thapetva samayam . gilanasamayo nama na sakkoti ekasane nisinno yavadattham bhunjitum . gilanasamayoti bhunjitabbam . civaradanasamayo nama anatthate kathine vassanassa pacchimo maso atthate kathine panca masa . civaradanasamayoti bhunjitabbam . civarakarasamayo nama civare kayiramane . civarakarasamayoti bhunjitabbam . annatra samaya bhunjissamiti patigganhati apatti dukkatassa . @Footnote: ¹ Si. patiganhahi . ² Ma. Yu. ayam patho na hoti. Ajjhohare ajjhohare apatti pacittiyassa. [492] Paramparabhojane paramparabhojanasanni annatra samaya bhunjati apatti pacittiyassa . paramparabhojane vematiko annatra samaya bhunjati apatti pacittiyassa . paramparabhojane naparamparabhojanasanni annatra samaya bhunjati apatti pacittiyassa . naparamparabhojane paramparabhojanasanni apatti dukkatassa . naparamparabhojane vematiko apatti dukkatassa . Naparamparabhojane naparamparabhojanasanni anapatti. [493] Anapatti samaye vikappetva bhunjati dve tayo nimantane ekato bhunjati nimantanapatipatiya bhunjati sakalena gamena nimantito tasmim game yattha katthaci bhunjati sakalena pugena nimantito tasmim puge yattha katthaci bhunjati nimantiyamano bhikkham gahessamiti bhanati niccabhatte salakabhatte pakkhike uposathike patipadike panca bhojanani thapetva sabbattha anapatti ummattakassa adikammikassati. Tatiyasikkhapadam nitthitam. --------

The Pali Tipitaka in Roman Character Volume 2 page 316-321. https://84000.org/tipitaka/read/roman_read.php?B=2&A=5672&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=5672&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=486&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=69 Study Atthakatha :- https://84000.org/tipitaka/attha/attha.php?b=2&i=486 The Pali Atthakatha in Thai :- https://84000.org/tipitaka/atthapali/read_th.php?B=2&A=8279 The Pali Atthakatha in Roman :- https://84000.org/tipitaka/atthapali/read_rm.php?B=2&A=8279 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2