ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                       Chatthasikkhapadam
     [504]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho  pana  samayena  dve  bhikkhu
kosalesu   janapadesu   1-   savatthim   addhanamaggapatipanna   honti .
Eko  bhikkhu  anacaram  acarati  .  dutiyo  bhikkhu tam bhikkhum etadavoca ma
avuso   evarupam   akasi   netam  kappatiti  .  so  tasmim  upanandhi .
Athakho  te  bhikkhu  savatthim  agamamsu  .  tena  kho  pana samayena savatthiyam
annatarassa    pugassa   sanghabhattam   hoti   .   dutiyo   bhikkhu   bhuttavi
pavarito   hoti   .   upanaddho   bhikkhu   natikulam   gantva  pindapatam
adaya   yena   so   bhikkhu   tenupasankami   upasankamitva   tam   bhikkhum
etadavoca   bhunjahi   avusoti   .   alam   avuso  paripunnomhiti .
Sundaro avuso pindapato bhunjahiti.
     {504.1}   Athakho   so  bhikkhu  tena  bhikkhuna  nippiliyamano  tam
pindapatam  bhunji  .  upanaddho  bhikkhu  tam  bhikkhum  etadavoca  tvam  2-  hi
nama   avuso   mam   vattabbam   mannasi   yam   tvam   bhuttavi  pavarito
anatirittam   bhojanam   bhunjasiti   .  nanu  avuso  acikkhitabbanti  .  nanu
avuso  pucchitabbanti  .  athakho  so  bhikkhu bhikkhunam etamattham arocesi.
Ye   te   bhikkhu  appiccha  .pe.  te  ujjhayanti  khiyanti  vipacenti
katham   hi   nama   bhikkhu  bhikkhum  bhuttavim  pavaritam  anatirittena  bhojanena
@Footnote: 1 Ma. sabbattha janapade .  2 Ma. tvampi.
Abhihatthum   pavaressatiti   .pe.   saccam  kira  tvam  bhikkhu  bhikkhum  bhuttavim
pavaritam  anatirittena  bhojanena  abhihatthum  pavaresiti  .  saccam bhagavati.
Vigarahi   buddho   bhagava   katham  hi  nama  tvam  moghapurisa  bhikkhum  bhuttavim
pavaritam   anatirittena   bhojanena  abhihatthum  pavaressasi  netam  moghapurisa
appasannanam   va   pasadaya   pasannanam   va   bhiyyobhavaya   .pe.
Evanca pana bhikkhave imam sikkhapadam uddiseyyatha
     {504.2}   yo  pana  bhikkhu  bhikkhum  bhuttavim  pavaritam  anatirittena
khadaniyena  va  bhojaniyena  va  abhihatthum  pavareyya  handa  bhikkhu  khada
va bhunja vati janam asadanapekkho bhuttasmim pacittiyanti.
     [505]  Yo  panati  yo  yadiso  .pe. Bhikkhuti .pe. Ayam imasmim
atthe   adhippeto  bhikkhuti  .  bhikkhunti  annam  bhikkhum  .  bhuttavi  nama
pancannam    bhojananam   annataram   bhojanam   antamaso   kusaggenapi   bhuttam
hoti    .    pavarito   nama   asanam   pannayati   bhojanam   pannayati
hatthapase   thito   abhiharati   patikkhepo  pannayati  .  anatirittam  nama
akappiyakatam  hoti  appatiggahitakatam  hoti  anuccaritakatam  hoti  ahatthapase
katam   hoti   abhuttavina   katam   hoti  bhuttavina  pavaritena  asana
vutthitena   katam  hoti  alametam  sabbanti  avuttam  hoti  na  gilanatirittam
hoti  etam  anatirittam  nama  .  khadaniyam  nama panca bhojanani yamakalikam
sattahakalikam   yavajivikam  thapetva  avasesam  khadaniyam  nama  .  bhojaniyam
Nama   panca   bhojanani   odano   kummaso   sattu   maccho  mamsam .
Abhihatthum    pavareyyati    yavatakam   icchasi   tavatakam   ganhahiti  .
Janati   nama   samam   va   janati  anne  va  tassa  arocenti
so   va   aroceti  .  asadanapekkhoti  imina  imam  codessami
saressami    paticodessami   patisaressami   mankum   karissamiti  .
Abhiharati   apatti  dukkatassa  .  tassa  vacanena  khadissami  bhunjissamiti
patigganhati    apatti    dukkatassa    .    ajjhohare   ajjhohare
apatti dukkatassa. Bhojanapariyosane apatti pacittiyassa.
     [506]   Pavarite   pavaritasanni   anatirittena   khadaniyena  va
bhojaniyena   va  abhihatthum  pavareti  apatti  pacittiyassa  .  pavarite
vematiko  anatirittena  khadaniyena  va  bhojaniyena  va abhihatthum pavareti
apatti    dukkatassa    .    pavarite    appavaritasanni   anatirittena
khadaniyena   va   bhojaniyena   va   abhihatthum   pavareti  anapatti .
Yamakalikam   sattahakalikam   yavajivikam   aharatthaya   abhiharati  apatti
dukkatassa   .   tassa   vacanena   khadissami   bhunjissamiti  patigganhati
apatti   dukkatassa  .  ajjhohare  ajjhohare  apatti  dukkatassa .
Appavarite   pavaritasanni  apatti  dukkatassa  .  appavarite  vematiko
apatti dukkatassa. Appavarite appavaritasanni anapatti.
     [507]    Anapatti    atirittam    karetva    deti   atirittam
Karapetva   bhunjahiti   deti  annassatthaya  haranto  gacchahiti  deti
gilanassa   sesakam   deti   yamakalikam   sattahakalikam   yavajivikam   sati
paccaye paribhunjati deti ummattakassa adikammikassati.
                   Chatthasikkhapadam nitthitam.
                            --------



             The Pali Tipitaka in Roman Character Volume 2 page 331-334. https://84000.org/tipitaka/read/roman_read.php?B=2&A=5958&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=5958&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=504&items=4              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=72              Study Atthakatha :- https://84000.org/tipitaka/attha/attha.php?b=2&i=504              The Pali Atthakatha in Thai :- https://84000.org/tipitaka/atthapali/read_th.php?B=2&A=8693              The Pali Atthakatha in Roman :- https://84000.org/tipitaka/atthapali/read_rm.php?B=2&A=8693              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]