PaliRoman Vol.2

Acelakavaggassa pathamasikkhapadam [527] Tena samayena buddho bhagava vesaliyam viharati mahavane kutagarasalayam . tena kho pana samayena sanghassa khadaniyam uppannam hoti . athakho ayasma anando bhagavato etamattham arocesi . Tenahananda vighasadanam puvam dehiti . evam bhanteti kho ayasma anando bhagavato patissunitva vighasade patipatiya nisidapetva ekekam puvam dento annatarissa paribbajikaya ekam mannamano dve puve adasi. {527.1} Samanta paribbajikayo tam paribbajikam etadavocum jaro te eso samanoti . na meso samano jaro ekam mannamano dve puve adasiti . dutiyampi kho ayasma anando ekekam puvam dento tassayeva paribbajikaya ekam mannamano dve puve adasi . samanta paribbajikayo tam paribbajikam etadavocum jaro te eso samanoti . na meso samano jaro ekam mannamano dve puve adasiti . tatiyampi kho ayasma anando ekekam puvam dento tassayeva paribbajikaya ekam mannamano dve puve adasi. {527.2} Samanta paribbajikayo tam paribbajikam etadavocum jaro te eso samanoti . Na meso samano jaro ekam mannamano dve puve adasiti . jaro na jaroti upphandimsu. Annataropi ajivako parivesanam agamasi . annataro bhikkhu pahutena sappina odanam madditva tassa Ajivakassa mahantam pindam adasi . athakho so ajivako tam pindam adaya agamasi . annataro ajivako tam ajivakam etadavoca kuto taya avuso pindo laddhoti . tassavuso samanassa gotamassa mundakagahapatikassa parivesanaya laddhoti. {527.3} Assosum kho upasaka tesam ajivakanam imam kathasallapam. Athakho te upasaka yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te upasaka bhagavantam etadavocum ime bhante titthiya avannakama buddhassa avannakama dhammassa avannakama sanghassa sadhu bhante ayya titthiyanam sahattha na dadeyyunti. Athakho bhagava te upasake dhammiya kathaya sandassesi samadapesi samuttejesi sampahamsesi. {527.4} Athakho te upasaka bhagavata dhammiya kathaya sandassita samadapita samuttejita sampahamsita utthayasana bhagavantam abhivadetva padakkhinam katva pakkamimsu . athakho bhagava etasmim nidane etasmim pakarane bhikkhusangham sannipatapetva bhikkhunam tadanucchavikam tadanulomikam ^1- dhammim katham katva bhikkhu amantesi tenahi bhikkhave bhikkhunam sikkhapadam pannapessami dasa atthavase paticca sanghasutthutaya sanghaphasutaya .pe. saddhammatthitiya vinayanuggahaya evanca pana bhikkhave imam sikkhapadam uddiseyyatha {527.5} yo pana bhikkhu acelakassa va paribbajakassa va paribbajikaya @Footnote: ¹ Ma. bhikkhusangham ... tadanulomikanti ime patha natthi. Va sahattha khadaniyam va bhojaniyam va dadeyya pacittiyanti. [528] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . acelako nama yo koci paribbajaka- samapanno naggo . paribbajako nama bhikkhunca samaneranca thapetva yo koci paribbajakasamapanno . paribbajika nama bhikkhuninca sikkhamananca samanerinca thapetva ya kaci paribbajikasamapanna . khadaniyam nama panca bhojanani udaka- dantaponam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . dadeyyati kayena va kayapatibaddhena va nissaggiyena va deti apatti pacittiyassa. [529] Titthiye titthiyasanni sahattha khadaniyam va bhojaniyam va deti apatti pacittiyassa . titthiye vematiko sahattha khadaniyam va bhojaniyam va deti apatti pacittiyassa . titthiye atitthiyasanni sahattha khadaniyam va bhojaniyam va deti apatti pacittiyassa . Udakadantaponam deti apatti dukkatassa . atitthiye titthiyasanni apatti dukkatassa . atitthiye vematiko apatti dukkatassa . Atitthiye atitthiyasanni anapatti. [530] Anapatti dapeti na deti upanikkhipitva deti bahiralepam ^1- deti ummattakassa adikammikassati. Pathamasikkhapadam nitthitam. @Footnote: ¹ Ma. bahiralepam.

The Pali Tipitaka in Roman Character Volume 2 page 347-349. https://84000.org/tipitaka/read/roman_read.php?B=2&A=6228&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6228&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=527&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=77 Study Atthakatha :- https://84000.org/tipitaka/attha/attha.php?b=2&i=527 The Pali Atthakatha in Thai :- https://84000.org/tipitaka/atthapali/read_th.php?B=2&A=9370 The Pali Atthakatha in Roman :- https://84000.org/tipitaka/atthapali/read_rm.php?B=2&A=9370 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2