PaliRoman Vol.2

Chatthasikkhapadam [547] Tena samayena buddho bhagava rajagahe viharati veluvane kalandakanivape . tena kho pana samayena ayasmato upanandassa sakyaputtassa upatthakakulam ayasmantam upanandam sakyaputtam bhattena nimantesi annepi bhikkhu bhattena nimantesi . tena kho pana samayena ayasma upanando sakyaputto purebhattam kulani payirupasati . Athakho te bhikkhu te manusse etadavocum dethavuso bhattanti. Agametha bhante yava ayyo upanando agacchatiti . dutiyampi kho te bhikkhu te manusse etadavocum dethavuso bhattanti . agametha bhante yava ayyo upanando agacchatiti . tatiyampi kho te bhikkhu te manusse etadavocum dethavuso bhattam pure kalo atikkamatiti . yampi mayam bhante bhattam karimha ayyassa upanandassa karana agametha bhante yava ayyo upanando agacchatiti. {547.1} Athakho ayasma upanando sakyaputto purebhattam kulani payirupasitva diva agacchati . bhikkhu na cittarupam bhunjimsu . Ye te bhikkhu appiccha .pe. te ujjhayanti khiyanti vipacenti katham hi nama ayasma upanando sakyaputto nimantito sabhatto samano purebhattam kulesu carittam apajjissatiti .pe. saccam kira tvam upananda nimantito sabhatto samano purebhattam kulesu Carittam apajjasiti . saccam bhagavati . vigarahi buddho bhagava katham hi nama tvam moghapurisa nimantito sabhatto samano purebhattam kulesu carittam apajjissasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {547.2} yo pana bhikkhu nimantito sabhatto samano purebhattam kulesu carittam apajjeyya pacittiyanti. {547.3} Evancidam bhagavata bhikkhunam sikkhapadam pannattam hoti. [548] Tena kho pana samayena ayasmato upanandassa sakyaputtassa upatthakakulam sanghassatthaya khadaniyam pahesi ayyassa upanandassa dassetva sanghassa databbanti . tena kho pana samayena ayasma upanando sakyaputto gamam pindaya pavittho hoti . athakho te manussa aramam gantva bhikkhu pucchimsu kaham bhante ayyo upanandoti. Esavuso ayasma upanando sakyaputto gamam pindaya pavitthoti . Idam bhante khadaniyam ayyassa upanandassa dassetva sanghassa databbanti . bhagavato etamattham arocesum ^[1]- . tenahi bhikkhave patiggahetva nikkhipatha yava upanando agacchatiti. {548.1} Athakho ayasma upanando sakyaputto bhagavata patikkhittam purebhattam kulesu carittam apajjitunti pacchabhattam @Footnote: ¹ ito param athakho bhagava etasmim nidane dhammim katham katva bhikkhu amantesiti @pali sabbapotthakesu dissati. sa vicaretabba. Kulani payirupasitva diva patikkami . khadaniyam ussariyittha . Ye te bhikkhu appiccha .pe. te ujjhayanti khiyanti vipacenti katham hi nama ayasma upanando sakyaputto pacchabhattam kulesu carittam apajjissatiti .pe. saccam kira tvam upananda pacchabhattam kulesu carittam apajjasiti . saccam bhagavati . vigarahi buddho bhagava katham hi nama tvam moghapurisa pacchabhattam kulesu carittam apajjissasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {548.2} yo pana bhikkhu nimantito sabhatto samano purebhattam va pacchabhattam va kulesu carittam apajjeyya pacittiyanti. {548.3} Evancidam bhagavata bhikkhunam sikkhapadam pannattam hoti. [549] Tena kho pana samayena bhikkhu civaradanasamaye kukkuccayanta kulani na payirupasanti . civaram parittam uppajjati . Bhagavato etamattham arocesum . anujanami bhikkhave civaradanasamaye kulani payirupasitum evanca pana bhikkhave imam sikkhapadam uddiseyyatha {549.1} yo pana bhikkhu nimantito sabhatto samano purebhattam va pacchabhattam va kulesu carittam apajjeyya annatra samaya pacittiyam. Tatthayam samayo civaradanasamayo ayam tattha samayoti. {549.2} Evancidam bhagavata bhikkhunam sikkhapadam pannattam hoti. [550] Tena kho pana samayena bhikkhu civarakammam karonti attho ca hoti suciyapi suttenapi satthakenapi . bhikkhu kukkuccayanta kulani na payirupasanti . bhagavato etamattham arocesum . Anujanami bhikkhave civarakarasamaye kulani payirupasitum evanca pana bhikkhave imam sikkhapadam uddiseyyatha {550.1} yo pana bhikkhu nimantito sabhatto samano purebhattam va pacchabhattam va kulesu carittam apajjeyya annatra samaya pacittiyam. Tatthayam samayo civaradanasamayo civarakarasamayo ayam tattha samayoti. {550.2} Evancidam bhagavata bhikkhunam sikkhapadam pannattam hoti. [551] Tena kho pana samayena bhikkhu gilana honti attho ca hoti bhesajjehi . bhikkhu kukkuccayanta kulani na payirupasanti . Bhagavato etamattham arocesum . anujanami bhikkhave santam bhikkhum apuccha kulani payirupasitum evanca pana bhikkhave imam sikkhapadam uddiseyyatha {551.1} yo pana bhikkhu nimantito sabhatto samano santam bhikkhum anapuccha purebhattam va pacchabhattam va kulesu carittam apajjeyya annatra samaya pacittiyam . tatthayam samayo civaradanasamayo civarakarasamayo ayam tattha samayoti. [552] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . nimantito nama pancannam bhojananam annatarena bhojanena nimantito . sabhatto nama yena Nimantito tena sabhatto . santam nama bhikkhum sakka hoti apuccha pavisitum . asantam nama bhikkhum na sakka hoti apuccha pavisitum . Purebhattam nama yena nimantito tam abhuttavi. {552.1} Pacchabhattam nama yena nimantito antamaso kusaggenapi bhuttam hoti . kulam nama cattari kulani khattiyakulam brahmanakulam vessakulam suddakulam . kulesu carittam apajjeyyati annassa gharupacaram okkamantassa apatti dukkatassa . pathamam padam ummaram atikkameti apatti dukkatassa . dutiyam padam atikkameti apatti pacittiyassa . annatra samayati thapetva samayam . civaradanasamayo nama anatthate kathine vassanassa pacchimo maso atthate kathine panca masa. Civarakarasamayo nama civare kayiramane. [553] Nimantite nimantitasanni santam bhikkhum anapuccha purebhattam va pacchabhattam va kulesu carittam apajjati annatra samaya apatti pacittiyassa . nimantite vematiko santam bhikkhum anapuccha purebhattam va pacchabhattam va kulesu carittam apajjati annatra samaya apatti pacittiyassa . nimantite animantitasanni santam bhikkhum anapuccha purebhattam va pacchabhattam va kulesu carittam apajjati annatra samaya apatti pacittiyassa . animantite nimantitasanni apatti dukkatassa . animantite vematiko apatti dukkatassa . animantite animantitasanni anapatti. [554] Anapatti samaye santam bhikkhum apuccha pavisati asantam bhikkhum anapuccha pavisati annassa gharena maggo hoti gharupacarena maggo hoti antararamam gacchati bhikkhunupassayam gacchati titthiyaseyyam gacchati patikkamanam gacchati bhattiyagharam gacchati apadasu ummattakassa adikammikassati. Chatthasikkhapadam nitthitam. -------

The Pali Tipitaka in Roman Character Volume 2 page 362-367. https://84000.org/tipitaka/read/roman_read.php?B=2&A=6493&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6493&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=547&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=82 Study Atthakatha :- https://84000.org/tipitaka/attha/attha.php?b=2&i=547 The Pali Atthakatha in Thai :- https://84000.org/tipitaka/atthapali/read_th.php?B=2&A=9429 The Pali Atthakatha in Roman :- https://84000.org/tipitaka/atthapali/read_rm.php?B=2&A=9429 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2