|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Atthamasikkhapadam [562] Tena samayena buddho bhagava savatthiyam viharati jetavane anathapindikassa arame . tena kho pana samayena raja pasenadi kosalo senaya abbhuyyato hoti . chabbaggiya bhikkhu uyyuttam senam dassanaya agamamsu . addasa kho raja pasenadi kosalo chabbaggiye bhikkhu durato va agacchante disvana pakkosapetva etadavoca kissa tumhe bhante agatatthati . maharajanam mayam datthukamati . kim bhante mam ditthena yuddhabhinandinam nanu bhagava passitabboti . manussa ujjhayanti khiyanti vipacenti katham hi nama samana sakyaputtiya uyyuttam senam dassanaya agacchissanti amhakampi alabha amhakampi dulladdham ye mayam ajivassa hetu puttadarassa karana senaya agacchamati. {562.1} Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu uyyuttam senam dassanaya gacchissantiti .pe. saccam kira tumhe bhikkhave uyyuttam senam dassanaya gacchathati . saccam bhagavati . Vigarahi buddho bhagava katham hi nama tumhe moghapurisa uyyuttam senam dassanaya gacchissatha netam moghapurisa appasannanam va pasadaya pasannanam va bhiyyobhavaya--------------------------------------------------------------------------------------------- page375.
.pe. Evanca pana bhikkhave imam sikkhapadam uddiseyyatha {562.2} yo pana bhikkhu uyyuttam senam dassanaya gaccheyya pacittiyanti. {562.3} Evancidam bhagavata bhikkhunam sikkhapadam pannattam hoti. [563] Tena kho pana samayena annatarassa bhikkhuno matulo senaya gilano hoti . so tassa bhikkhuno santike dutam pahesi aham hi senaya gilano agacchatu bhaddanto icchami bhaddantassa agatanti . athakho tassa bhikkhuno etadahosi bhagava bhikkhunam sikkhapadam pannattam na uyyuttam senam dassaya gantabbanti ayanca me matulo senaya gilano katham nu kho maya patipajjitabbanti. Bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave tatharupapaccaya senam gantum evanca pana bhikkhave imam sikkhapadam uddiseyyatha {563.1} yo pana bhikkhu uyyuttam senam dassanaya gaccheyya annatra tatharupapaccaya pacittiyanti. [564] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . uyyutta nama sena gamato nikkhamitva nivittha va hoti payata va . sena nama hatthi assa ratha patti 1- . dvadasapuriso hatthi . tipuriso asso . Catupuriso ratho . cattaro purisa sarahattha patti . Dassanaya gacchati apatti dukkatassa . yattha thito passati @Footnote: 1 Ma. patti.--------------------------------------------------------------------------------------------- page376.
Apatti pacittiyassa . dassanupacaram vijahitva punappunam passati apatti pacittiyassa . annatra tatharupapaccayati thapetva tatharupapaccayam. [565] Uyyutte uyyuttasanni dassanaya gacchati annatra tatharupapaccaya apatti pacittiyassa . uyyutte vematiko dassanaya gacchati annatra tatharupapaccaya apatti pacittiyassa . Uyyutte anuyyuttasanni dassanaya gacchati annatra tatharupapaccaya apatti pacittiyassa. {565.1} Ekamekam dassanaya gacchati apatti dukkatassa . Yattha thito passati apatti dukkatassa . dassanupacaram vijahitva punappunam passati apatti dukkatassa . anuyyutte uyyuttasanni apatti dukkatassa . anuyyutte vematiko apatti dukkatassa . Anuyyutte anuyyuttasanni anapatti. [566] Anapatti arame thito passati bhikkhussa thitokasam va nisinnokasam va nipannokasam va agacchati patipatham gacchanto passati tatharupapaccaya apadasu ummattakassa adikammikassati. Atthamasikkhapadam nitthitam.The Pali Tipitaka in Roman Character Volume 2 page 374-376. https://84000.org/tipitaka/read/roman_read.php?B=2&A=6706&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6706&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=562&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=84 Study Atthakatha :- https://84000.org/tipitaka/attha/attha.php?b=2&i=562 The Pali Atthakatha in Thai :- https://84000.org/tipitaka/atthapali/read_th.php?B=2&A=9467 The Pali Atthakatha in Roman :- https://84000.org/tipitaka/atthapali/read_rm.php?B=2&A=9467 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]