PaliRoman Vol.2

Pancamasikkhapadam [598] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu sattarasavaggiye bhikkhu bhimsapenti . te bhimsapiyamana rodanti. Bhikkhu evamahamsu kissa tumhe avuso rodathati . ime avuso chabbaggiya bhikkhu amhe bhimsapentiti . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu bhikkhu ^1- bhimsapessantiti .pe. saccam kira tumhe bhikkhave bhikkhu ^2- bhimsapethati . saccam bhagavati . vigarahi buddho bhagava katham hi nama tumhe moghapurisa bhikkhu ^3- bhimsapessatha netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {598.1} yo pana bhikkhu bhikkhum bhimsapeyya pacittiyanti. [599] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti. Bhikkhunti annam bhikkhum. {599.1} Bhimsapeyyati upasampanno upasampannam bhimsapetukamo rupam va saddam va gandham va rasam va photthabbam va upasamharati bhayeyya va so na va bhayeyya apatti pacittiyassa . corakantaram va valakantaram va pisacakantaram va acikkhati bhayeyya va @Footnote:1-2-3 Ma. bhikkhum. So na va bhayeyya apatti pacittiyassa. [600] Upasampanne upasampannasanni bhimsapeti apatti pacittiyassa . upasampanne vematiko bhimsapeti apatti pacittiyassa . upasampanne anupasampannasanni bhimsapeti apatti pacittiyassa. [601] Upasampanno ^1- anupasampannam bhimsapetukamo rupam va saddam va gandham va rasam va photthabbam va upasamharati bhayeyya va so na va bhayeyya apatti dukkatassa . corakantaram va valakantaram va pisacakantaram va acikkhati bhayeyya va so na va bhayeyya apatti dukkatassa. [602] Anupasampanne upasampannasanni apatti dukkatassa . Anupasampanne vematiko apatti dukkatassa . anupasampanne anupasampannasanni apatti dukkatassa. [603] Anapatti na bhimsapetukamo rupam va saddam va gandham va rasam va photthabbam va upasamharati corakantaram va valakantaram va pisacakantaram va acikkhati ummattakassa adikammikassati. Pancamasikkhapadam nitthitam. ------- @Footnote: ¹ Ma. ayam patho natthi.

The Pali Tipitaka in Roman Character Volume 2 page 393-394. https://84000.org/tipitaka/read/roman_read.php?B=2&A=7061&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=7061&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=598&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=91 Study Atthakatha :- https://84000.org/tipitaka/attha/attha.php?b=2&i=598 The Pali Atthakatha in Thai :- https://84000.org/tipitaka/atthapali/read_th.php?B=2&A=9579 The Pali Atthakatha in Roman :- https://84000.org/tipitaka/atthapali/read_rm.php?B=2&A=9579 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2