PaliRoman Vol.2

Atthamasikkhapadam [619] Tena samayena buddho bhagava savatthiyam viharati jetavane anathapindikassa arame . tena kho pana samayena sambahula bhikkhu ca paribbajaka ca saketa savatthim addhanamaggapatipanna honti . antaramagge cora nikkhamitva te acchindimsu . Savatthiya rajabhata nikkhamitva te core sabhande gahetva bhikkhunam santike dutam pahesum agacchantu bhaddanta sakam sakam civaram sanjanitva ganhantuti . bhikkhu civaram ^1- na sanjananti . Manussa ^2- ujjhayanti khiyanti vipacenti katham hi nama bhaddanta attano attano civaram na sanjanissantiti . assosum kho bhikkhu tesam manussanam ujjhayantanam khiyantanam vipacentanam. {619.1} Athakho te bhikkhu bhagavato etamattham arocesum. Athakho bhagava etasmim nidane etasmim pakarane bhikkhusangham sannipatapetva bhikkhunam tadanucchavikam tadanulomikam dhammim katham katva bhikkhu amantesi tenahi bhikkhave bhikkhunam sikkhapadam pannapessami dasa atthavase paticca sanghasutthutaya sanghaphasutaya .pe. saddhammatthitiya vinayanuggahaya. Evanca pana bhikkhave imam sikkhapadam uddiseyyatha {619.2} navam pana bhikkhuna civaralabhena tinnam dubbannakarananam annataram dubbannakaranam adatabbam nilam va kaddamam va kalasamam va . anada ce bhikkhu tinnam dubbannakarananam annataram dubbannakaranam @Footnote: ¹ Ma. ayam patho natthi . ² Ma. te. Navam civaram paribhunjeyya pacittiyanti. [620] Navam nama akatakappam vuccati . civaram nama channam civaranam annataram civaram . tinnam dubbannakarananam annataram dubbannakaranam adatabbanti antamaso kusaggenapi adatabbam . nilam nama dve nilani kamsanilam palasanilam . kaddamo nama odako vuccati . Kalasamam nama yankinci kalakam ^1- . anada ce bhikkhu tinnam dubbannakarananam annataram dubbannakarananti antamaso kusaggenapi anadiyitva tinnam dubbannakarananam annataram dubbannakaranam navam civaram paribhunjati apatti pacittiyassa. [621] Anadinne anadinnasanni paribhunjati apatti pacittiyassa . anadinne vematiko paribhunjati apatti pacittiyassa. Anadinne adinnasanni paribhunjati apatti pacittiyassa . Adinne anadinnasanni apatti dukkatassa . adinne vematiko apatti dukkatassa. Adinne adinnasanni anapatti. [622] Anapatti adiyitva paribhunjati kappo nattho hoti kappakatokaso jinno hoti kappakatena akappakatam samsibbitam hoti aggale anuvate paribhande ummattakassa adikammikassati. Atthamasikkhapadam nitthitam. -------- @Footnote: ¹ Ma. Yu. kalasamakam.

The Pali Tipitaka in Roman Character Volume 2 page 404-405. https://84000.org/tipitaka/read/roman_read.php?B=2&A=7272&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=7272&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=618&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=94 Study Atthakatha :- https://84000.org/tipitaka/attha/attha.php?b=2&i=619 The Pali Atthakatha in Thai :- https://84000.org/tipitaka/atthapali/read_th.php?B=2&A=9607 The Pali Atthakatha in Roman :- https://84000.org/tipitaka/atthapali/read_rm.php?B=2&A=9607 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2