PaliRoman Vol.2

Dasamasikkhapadam [627] Tena samayena buddho bhagava savatthiyam viharati jetavane anathapindikassa arame . tena kho pana samayena sattarasavaggiya bhikkhu asannihitaparikkhara honti . chabbaggiya bhikkhu sattarasavaggiyanam bhikkhunam pattampi civarampi apanidhenti . sattarasavaggiya bhikkhu chabbaggiye bhikkhu etadavocum dethavuso amhakam pattampi civarampiti . chabbaggiya bhikkhu hasanti . te rodanti . bhikkhu evamahamsu kissa tumhe avuso rodathati . ime avuso chabbaggiya bhikkhu amhakam pattampi civarampi apanidhentiti. {627.1} Ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu bhikkhunam pattampi civarampi apanidhessantiti .pe. saccam kira tumhe bhikkhave bhikkhunam pattampi civarampi apanidhethati . saccam bhagavati . vigarahi buddho bhagava katham hi nama tumhe moghapurisa bhikkhunam pattampi civarampi apanidhessatha netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {627.2} yo pana bhikkhu bhikkhussa pattam va civaram va nisidanam va sucigharam va kayabandhanam va apanidheyya va apanidhapeyya va antamaso hassapekkhopi ^1- pacittiyanti. @Footnote: ¹ Ma. hasapekkhopi. Yu. hasapekkhopi. evamuparipi. [628] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . bhikkhussati annassa bhikkhussa . Patto nama dve patta ayopatto mattikapatto . civaram nama channam civaranam annataram civaram vikappanupagam pacchimam . nisidanam nama sadasam vuccati . sucigharam nama sasucikam va asucikam va. Kayabandhanam nama dve kayabandhanani pattikam ^1- sukarantakam . apanidheyyati sayam apanidheti apatti pacittiyassa . apanidhapeyyati annam anapeti apatti pacittiyassa . sakim anatto bahukampi apanidheti apatti pacittiyassa . antamaso hassapekkhopiti kiladhippayo. [629] Upasampanne upasampannasanni pattam va civaram va nisidanam va sucigharam va kayabandhanam va apanidheti va apanidhapeti va antamaso hassapekkhopi apatti pacittiyassa . upasampanne vematiko pattam va civaram va nisidanam va sucigharam va kayabandhanam va apanidheti va apanidhapeti va antamaso hassapekkhopi apatti pacittiyassa . upasampanne anupasampannasanni pattam va civaram va nisidanam va sucigharam va kayabandhanam va apanidheti va apanidhapeti va antamaso hassapekkhopi apatti pacittiyassa. Annam parikkharam apanidheti va apanidhapeti va antamaso hassapekkhopi apatti dukkatassa . anupasampannassa pattam va @Footnote: ¹ Ma. pattika. Civaram va annam va parikkharam apanidheti va apanidhapeti va antamaso hassapekkhopi apatti dukkatassa . anupasampanne upasampannasanni apatti dukkatassa . anupasampanne vematiko apatti dukkatassa . anupasampanne anupasampannasanni apatti dukkatassa. [630] Anapatti na hassadhippayo dunnikkhittam patisameti dhammim katham katva dassamiti patisameti ummattakassa adikammikassati. Dasamasikkhapadam nitthitam. Surapanavaggo chattho. --------- Tassuddanam sura anguli haso ca ^1- anadariyanca bhimsana ^2- joti nhanadubbannam samam apanidhena cati. --------- @Footnote: ¹ toyanca. itipi patho . ² Ma. bhimsanam.

The Pali Tipitaka in Roman Character Volume 2 page 409-411. https://84000.org/tipitaka/read/roman_read.php?B=2&A=7361&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=7361&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=627&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=96 Study Atthakatha :- https://84000.org/tipitaka/attha/attha.php?b=2&i=627 The Pali Atthakatha in Thai :- https://84000.org/tipitaka/atthapali/read_th.php?B=2&A=9641 The Pali Atthakatha in Roman :- https://84000.org/tipitaka/atthapali/read_rm.php?B=2&A=9641 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2