PaliRoman Vol.2

Chatthasikkhapadam [654] Tena samayena buddho bhagava savatthiyam viharati jetavane anathapindikassa arame . tena kho pana samayena annataro sattho rajagaha patiyalokam gantukamo hoti . annataro bhikkhu te manusse etadavoca ahampi ayasmantehi saddhim gamissamiti . Mayam kho bhante sunkam pariharissamati . pajanathavusoti . assosum kho kammika sattho kira sunkam pariharissatiti te magge pariyutthimsu . Athakho te kammika tam sattham gahetva acchinditva tam bhikkhum etadavocum kissa tvam bhante janam theyyasatthena saddhim gacchasiti palibuddhitva ^1- muncimsu. {654.1} Athakho so bhikkhu savatthim gantva bhikkhunam etamattham arocesi . ye te bhikkhu appiccha .pe. te ujjhayanti khiyanti vipacenti katham hi nama bhikkhu janam theyyasatthena saddhim samvidhaya ekaddhanamaggam patipajjissatiti .pe. saccam kira tvam bhikkhu janam theyyasatthena saddhim samvidhaya ekaddhanamaggam patipajjasiti . saccam bhagavati . vigarahi buddho bhagava katham hi nama tvam moghapurisa janam theyyasatthena saddhim samvidhaya ekaddhanamaggam patipajjissasi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {654.2} yo pana bhikkhu janam @Footnote: ¹ Ma. palibundhetva. Theyyasatthena saddhim samvidhaya ekaddhanamaggam patipajjeyya antamaso gamantarampi pacittiyanti. [655] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . janati nama samam va janati anne va tassa arocenti so va aroceti . Theyyasattho nama cora katakamma va honti akatakamma va rajanam va theyyam gacchanti sunkam va pariharanti . saddhinti ekato . samvidhayati gacchamavuso gacchama bhante gacchama bhante gacchamavuso ajja va hiyyo va pare va gacchamati samvidahati apatti dukkatassa . antamaso gamantarampiti kukkutasampate game gamantare gamantare apatti pacittiyassa . agamake aranne addhayojane addhayojane apatti pacittiyassa. [656] Theyyasatthe theyyasatthasanni samvidhaya ekaddhanamaggam patipajjati antamaso gamantarampi apatti pacittiyassa . Theyyasatthe vematiko samvidhaya ekaddhanamaggam patipajjati antamaso gamantarampi apatti dukkatassa . theyyasatthe atheyyasatthasanni samvidhaya ekaddhanamaggam patipajjati antamaso gamantarampi anapatti . bhikkhu samvidahati manussa na samvidahanti apatti dukkatassa . atheyyasatthe theyyasatthasanni apatti dukkatassa . Atheyyasatthe vematiko apatti dukkatassa . atheyyasatthe Atheyyasatthasanni anapatti. [657] Anapatti asamvidahitva gacchati manussa samvidahanuti bhikkhu na samvidahati visanketena gacchati apadasu ummattakassa adikammikassati. Chatthasikkhapadam nitthitam. --------

The Pali Tipitaka in Roman Character Volume 2 page 425-427. https://84000.org/tipitaka/read/roman_read.php?B=2&A=7651&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=7651&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=654&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=102 Study Atthakatha :- https://84000.org/tipitaka/attha/attha.php?b=2&i=654 The Pali Atthakatha in Thai :- https://84000.org/tipitaka/atthapali/read_th.php?B=2&A=9768 The Pali Atthakatha in Roman :- https://84000.org/tipitaka/atthapali/read_rm.php?B=2&A=9768 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2