PaliRoman Vol.2

Sahadhammikavaggassa pathamasikkhapadam [680] Tena samayena buddho bhagava kosambiyam viharati ghositarame . tena kho pana samayena ayasma channo anacaram acarati . bhikkhu evamahamsu ma avuso channa evarupam akasi netam kappatiti . so evam vadeti na tavaham avuso etasmim sikkhapade sikkhissami yava nannam bhikkhum byattam vinayadharam paripucchamiti . ye te bhikkhu appiccha .pe. te ujjhayanti khiyanti vipacenti katham hi nama ayasma channo bhikkhuhi sahadhammikam vuccamano evam vakkhati na tavaham avuso etasmim sikkhapade sikkhissami yava nannam bhikkhum byattam vinayadharam paripucchamiti .pe. saccam kira tvam channa bhikkhuhi sahadhammikam vuccamano evam vadesi na tavaham avuso etasmim sikkhapade sikkhissami yava nannam bhikkhum byattam vinayadharam paripucchamiti . saccam bhagavati . Vigarahi buddho bhagava katham hi nama tvam moghapurisa bhikkhuhi sahadhammikam vuccamano evam vakkhasi na tavaham avuso etasmim sikkhapade sikkhissami yava nannam bhikkhum byattam vinayadharam paripucchamiti netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {680.1} yo pana bhikkhu bhikkhuhi sahadhammikam vuccamano evam Vadeyya na tavaham avuso etasmim sikkhapade sikkhissami yava nannam bhikkhum byattam vinayadharam paripucchamiti pacittiyam . sikkhamanena bhikkhave bhikkhuna annatabbam paripucchitabbam paripanhitabbam . ayam tattha samiciti. [681] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti. Bhikkhuhiti annehi bhikkhuhi. {681.1} Sahadhammikam nama yam bhagavata pannattam sikkhapadam etam sahadhammikam nama . tena vuccamano evam vadeti ^1- na tavaham avuso etasmim sikkhapade sikkhissami yava nannam bhikkhum byattam vinayadharam panditam medhavim bahussutam dhammakathikam paripucchamiti bhanati apatti pacittiyassa. [682] Upasampanne upasampannasanni evam vadeti apatti pacittiyassa . upasampanne vematiko evam vadeti apatti pacittiyassa . upasampanne anupasampannasanni evam vadeti apatti pacittiyassa . appannattena vuccamano idam na sallekhaya na dhutattaya na pasadikataya na apacayaya na viriyarambhaya samvattatiti evam vadeti na tavaham avuso etasmim sikkhapade sikkhissami yava nannam bhikkhum byattam vinayadharam panditam medhavim bahussutam dhammakathikam paripucchamiti bhanati apatti dukkatassa . anupasampannena pannattena va appannattena va @Footnote: ¹ Ma. Yu. vadeyya. Vuccamano idam na sallekhaya na dhutattaya na pasadikataya na apacayaya na viriyarambhaya samvattatiti evam vadeti na tavaham avuso etasmim sikkhapade sikkhissami yava nannam bhikkhum byattam vinayadharam panditam medhavim bahussutam dhammakathikam paripucchamiti bhanati apatti dukkatassa . anupasampanne upasampannasanni apatti dukkatassa . anupasampanne vematiko apatti dukkatassa . Anupasampanne anupasampannasanni apatti dukkatassa. [683] Sikkhamanenati sikkhitukamena . annatabbanti janitabbam . paripucchitabbanti idam bhante katham imassa ko atthoti ^1- . paripanhitabbanti cintetabbam tulayitabbam . ayam tattha samiciti ayam tattha anudhammata. [684] Anapatti janissami sikkhissamiti bhanati ummattakassa adikammikassati. Pathamasikkhapadam nitthitam. ------- @Footnote: ¹ Ma. kvatthoti.

The Pali Tipitaka in Roman Character Volume 2 page 449-451. https://84000.org/tipitaka/read/roman_read.php?B=2&A=8080&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=8080&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=680&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=107 Study Atthakatha :- https://84000.org/tipitaka/attha/attha.php?b=2&i=680 The Pali Atthakatha in Thai :- https://84000.org/tipitaka/atthapali/read_th.php?B=2&A=9853 The Pali Atthakatha in Roman :- https://84000.org/tipitaka/atthapali/read_rm.php?B=2&A=9853 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2