|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Tatiyasikkhapadam [689] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu anacaram acaritva annanakena apannati janantuti patimokkhe uddissamane evam vadenti 1- idaneva kho mayam janama ayampi kira dhammo suttagato suttapariyapanno anvaddhamasam uddesam agacchatiti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu patimokkhe uddissamane evam vakkhanti idaneva kho mayam janama ayampi kira dhammo suttagato suttapariyapanno anvaddhamasam uddesam agacchatiti .pe. saccam kira tumhe bhikkhave patimokkhe uddissamane evam vadetha idaneva kho mayam janama ayampi kira dhammo suttagato suttapariyapanno anvaddhamasam uddesam agacchatiti . saccam bhagavati . vigarahi buddho bhagava katham hi nama tumhe moghapurisa patimokkhe uddissamane evam vakkhatha idaneva kho mayam janama ayampi kira dhammo suttagato suttapariyapanno anvaddhamasam uddesam agacchatiti netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha @Footnote: 1 Ma. Yu. vadanti. evamuparipi.--------------------------------------------------------------------------------------------- page456.
{689.1} Yo pana bhikkhu anvaddhamasam patimokkhe uddissamane evam vadeyya idaneva kho aham janami ayampi kira dhammo suttagato suttapariyapanno anvaddhamasam uddesam agacchatiti . tance bhikkhum anne bhikkhu janeyyum nisinnapubbam imina bhikkhuna dvittikkhattum patimokkhe uddissamane ko pana vado bhiyyoti na ca tassa bhikkhuno annanakena mutti atthi yanca tattha apattim apanno tanca yathadhammo karetabbo uttarincassa 1- moho aropetabbo tassa te avuso alabha tassa te dulladdham yam tvam patimokkhe uddissamane na sadhukam atthikatva manasikarositi . idam tasmim mohanake pacittiyanti. [690] Yo panati yo yadiso .pe. bhikkhuti .pe. ayam imasmim atthe adhippeto bhikkhuti. Anvaddhamasanti anuposathikam. {690.1} Patimokkhe uddissamaneti uddissante . evam vadeyyati anacaram acaritva annanakena apannoti janantuti patimokkhe uddissamane evam vadeti idaneva kho aham janami ayampi kira dhammo suttagato suttapariyapanno anvaddhamasam uddesam agacchatiti apatti dukkatassa. [691] Tanceti 2- mohetukamam bhikkhum anne bhikkhu janeyyum nisinnapubbam imina bhikkhuna dvittikkhattum patimokkhe uddissamane @Footnote: 1 Ma. Yu. uttari cassa. evamuparipi . 2 Ma. itisaddo natthi.--------------------------------------------------------------------------------------------- page457.
Ko pana vado bhiyyoti na ca tassa bhikkhuno annanakena mutti atthi yanca tattha apattim apanno tanca yathadhammo karetabbo uttarincassa moho aropetabbo . evanca pana bhikkhave aropetabbo . byattena bhikkhuna patibalena sangho napetabbo {691.1} sunatu me bhante sangho ayam itthannamo bhikkhu patimokkhe uddissamane na sadhukam atthikatva 1- manasikaroti . Yadi sanghassa pattakallam sangho itthannamassa bhikkhuno moham aropeyya. Esa natti. {691.2} Sunatu me bhante sangho ayam itthannamo bhikkhu patimokkhe uddissamane na sadhukam atthikatva manasikaroti . Sangho itthannamassa bhikkhuno moham aropeti . yassayasmato khamati itthannamassa bhikkhuno mohassa aropana so tunhassa yassa nakkhamati so bhaseyya. {691.3} Aropito sanghena itthannamassa bhikkhuno moho . Khamati sanghassa tasma tunhi. Evametam dharayamiti. [692] Anaropite mohe moheti apatti dukkatassa . Aropite mohe moheti apatti pacittiyassa. [693] Dhammakamme dhammakammasanni moheti apatti pacittiyassa . dhammakamme vematiko moheti apatti pacittiyassa . Dhammakamme adhammakammasanni moheti apatti pacittiyassa . Adhammakamme dhammakammasanni apatti dukkatassa . adhammakamme @Footnote: 1 Ma. atthim katva. evamuparipi.--------------------------------------------------------------------------------------------- page458.
Vematiko apatti dukkatassa . adhammakamme adhammakammasanni apatti dukkatassa. [694] Anapatti na vittharena sutam hoti unakadvittikkhattum vittharena sutam hoti namohetukamassa ummattakassa adikammikassati. Tatiyasikkhapadam nitthitam. -------The Pali Tipitaka in Roman Character Volume 2 page 455-458. https://84000.org/tipitaka/read/roman_read.php?B=2&A=8190&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=8190&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=689&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=109 Study Atthakatha :- https://84000.org/tipitaka/attha/attha.php?b=2&i=689 The Pali Atthakatha in Thai :- https://84000.org/tipitaka/atthapali/read_th.php?B=2&A=10021 The Pali Atthakatha in Roman :- https://84000.org/tipitaka/atthapali/read_rm.php?B=2&A=10021 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]