|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Catutthasikkhapadam [695] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu kupita anattamana sattarasavaggiyanam bhikkhunam paharam denti . Te rodanti . bhikkhu evamahamsu kissa tumhe avuso rodathati . Ime avuso chabbaggiya bhikkhu kupita anattamana amhakam paharam dentiti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu kupita anattamana bhikkhunam paharam dassantiti .pe. saccam kira tumhe bhikkhave kupita anattamana bhikkhunam paharam dethati . saccam bhagavati . vigarahi buddho bhagava katham hi nama tumhe moghapurisa kupita anattamana bhikkhunam paharam dassatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {695.1} yo pana bhikkhu bhikkhussa kupito anattamano paharam dadeyya pacittiyanti. [696] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . bhikkhussati annassa bhikkhussa . Kupito anattamanoti anabhiraddho ahatacitto khilajato . paharam dadeyyati kayena va kayapatibaddhena va nissaggiyena va antamaso--------------------------------------------------------------------------------------------- page460.
Uppalapattenapi paharam deti apatti pacittiyassa. [697] Upasampanne upasampannasanni kupito anattamano paharam deti apatti pacittiyassa . upasampanne vematiko kupito anattamano paharam deti apatti pacittiyassa . Upasampanne anupasampannasanni kupito anattamano paharam deti apatti pacittiyassa . anupasampannassa kupito anattamano paharam deti apatti dukkatassa . anupasampanne upasampannasanni apatti dukkatassa . anupasampanne vematiko apatti dukkatassa . Anupasampanne anupasampannasanni apatti dukkatassa. [698] Anapatti kenaci vihethiyamano mokkhadhippayo paharam deti ummattakassa adikammikassati. Catutthasikkhapadam nitthitam. ---------The Pali Tipitaka in Roman Character Volume 2 page 459-460. https://84000.org/tipitaka/read/roman_read.php?B=2&A=8260&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=8260&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=695&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=110 Study Atthakatha :- https://84000.org/tipitaka/attha/attha.php?b=2&i=695 The Pali Atthakatha in Thai :- https://84000.org/tipitaka/atthapali/read_th.php?B=2&A=10039 The Pali Atthakatha in Roman :- https://84000.org/tipitaka/atthapali/read_rm.php?B=2&A=10039 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]