PaliRoman Vol.2

Tatiyasikkhapadam [744] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu vikale gamam pavisitva sabhayam nisiditva anekavihitam tiracchanakatham kathenti seyyathidam rajakatham corakatham mahamattakatham senakatham bhayakatham yuddhakatham annakatham panakatham vatthakatham sayanakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham ^[1]- surakatham visikhakatham kumbhatthanakatham pubbapetakatham nanattakatham lokakkhayikam samuddakkhayikam itibhavabhavakatham iti va . manussa ujjhayanti khiyanti vipacenti katham hi nama samana sakyaputtiya vikale gamam pavisitva sabhayam nisiditva anekavihitam tiracchanakatham kathessanti seyyathidam rajakatham corakatham mahamattakatham senakatham bhayakatham yuddhakatham annakatham panakatham vatthakatham sanayakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham surakatham visikhakatham kumbhatthanakatham pubbapetakatham nanattakatham lokakkhayikam samuddakkhayikam itibhavabhavakatham iti va seyyathapi gihi kamabhoginoti. {744.1} Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu @Footnote: ¹ Ma. Yu. purisakatham. evamidisesu thanesu. Vikale gamam pavisitva sabhayam nisiditva anekavihitam tiracchanakatham kathessati seyyathidam rajakatham .pe. itibhavabhavakatham iti vati .pe. saccam kira tumhe bhikkhave vikale gamam pavisitva sabhayam nisiditva anekavihitam tiracchanakatham kathetha seyyathidam rajakatham .pe. itibhavabhavakatham iti vati . saccam bhagavati . vigarahi buddho bhagava katham hi nama tumhe moghapurisa vikale gamam pavisitva sabhayam nisiditva anekavihitam tiracchanakatham kathessatha seyyathidam rajakatham .pe. itibhavabhavakatham iti va netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {744.2} yo pana bhikkhu vikale gamam paviseyya pacittiyanti. {744.3} Evancidam bhagavata bhikkhunam sikkhapadam pannattam hoti. [745] Tena kho pana samayena sambahula bhikkhu kosalesu janapadesu savatthim gacchanta sayam annataram gamam upagacchimsu . Manussa te bhikkhu passitva etadavocum pavisatha bhanteti . Athakho te bhikkhu bhagavata patikkhittam vikale gamam pavisitunti kukkuccayanta na pavisimsu . cora te bhikkhu acchindimsu. Athakho te bhikkhu savatthim gantva bhikkhunam etamattham arocesum . bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave Apuccha vikale gamam pavisitum evanca pana bhikkhave imam sikkhapadam uddiseyyatha {745.1} yo pana bhikkhu anapuccha vikale gamam paviseyya pacittiyanti. {745.2} Evancidam bhagavata bhikkhunam sikkhapadam pannattam hoti. [746] Tena kho pana samayena annataro bhikkhu kosalesu janapadesu savatthim gacchanto sayam annataram gamam upagacchi . Manussa tam bhikkhum passitva etadavocum pavisatha bhanteti . athakho so bhikkhu bhagavata patikkhittam anapuccha vikale gamam pavisitunti kukkuccayanto na pavisi . cora tam bhikkhum acchindimsu . athakho so bhikkhu savatthim gantva bhikkhunam etamattham arocesi . bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave santam bhikkhum apuccha vikale gamam pavisitum evanca pana bhikkhave imam sikkhapadam uddiseyyatha {746.1} yo pana bhikkhu santam bhikkhum anapuccha vikale gamam paviseyya pacittiyanti. {746.2} Evancidam bhagavata bhikkhunam sikkhapadam pannattam hoti. [747] Tena kho pana samayena annataro bhikkhu ahina dattho hoti . annataro bhikkhu aggim aharissamiti gamam gacchati . Athakho so bhikkhu bhagavata patikkhittam santam bhikkhum anapuccha vikale gamam pavisitunti kukkuccayanto na pavisi . bhagavato etamattham Arocesi . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave tatharupe accayike karaniye santam bhikkhum anapuccha vikale gamam pavisitum evanca pana bhikkhave imam sikkhapadam uddiseyyatha {747.1} yo pana bhikkhu santam bhikkhum anapuccha vikale gamam paviseyya annatra tatharupa accayika karaniya pacittiyanti. [748] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . santo nama bhikkhu sakka hoti apuccha pavisitum . asanto nama bhikkhu na sakka hoti apuccha pavisitum . Vikalo nama majjhantike vitivatte yava arunuggamana . gamam paviseyyati parikkhittassa gamassa parikkhepam atikkamantassa apatti pacittiyassa . aparikkhittassa gamassa upacaram okkamantassa apatti pacittiyassa . annatra tatharupa accayika karaniyati thapetva tatharupam accayikam karaniyam. [749] Vikale vikalasanni santam bhikkhum anapuccha gamam pavisati annatra tatharupa accayika karaniya apatti pacittiyassa . vikale vematiko santam bhikkhum anapuccha gamam pavisati annatra tatharupa accayika karaniya apatti pacittiyassa . Vikale kalasanni santam bhikkhum anapuccha gamam pavisati annatra tatharupa accayika karaniya apatti pacittiyassa . kale Vikalasanni apatti dukkatassa . kale vematiko apatti dukkatassa. Kale kalasanni anapatti. [750] Anapatti tatharupe accayike karaniye santam bhikkhum apuccha pavisati asantam bhikkhum anapuccha pavisati antararamam ^1- gacchati bhikkhunupassayam gacchati titthiyaseyyam gacchati patikkamanam gacchati gamena maggo hoti apadasu ummattakassa adikammikassati. Tatiyasikkhapadam nitthitam. -------- @Footnote: ¹ Yu. antaragamam.

The Pali Tipitaka in Roman Character Volume 2 page 493-497. https://84000.org/tipitaka/read/roman_read.php?B=2&A=8886&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=8886&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=744&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=121 Study Atthakatha :- https://84000.org/tipitaka/attha/attha.php?b=2&i=744 The Pali Atthakatha in Thai :- https://84000.org/tipitaka/atthapali/read_th.php?B=2&A=10207 The Pali Atthakatha in Roman :- https://84000.org/tipitaka/atthapali/read_rm.php?B=2&A=10207 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2