ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                      Catutthasikkhapadam
     [794]  Tena  samayena  buddho  bhagava  sakkesu viharati kapilavatthusmim
nigrodharame   .   tena   kho  pana  samayena  sakiyadasaka  avaruddha
honti  .  sakiyanayo  icchanti  arannakesu  senasanesu  bhattam katum.
Assosum   kho  sakiyadasaka  sakiyaniyo  kira  arannakesu  senasanesu
bhattam   kattukamati   .   te  magge  pariyutthimsu  .  sakiyaniyo  panitam
khadaniyam  bhojaniyam  adaya  arannakam  senasanam  agamamsu  .  sakiyadasaka
nikkhamitva  sakiyaniyo  acchindimsu  ca  dusesunca  .  sakiya  nikkhamitva
te   core   sabhande   1-   gahetva  ujjhayanti  khiyanti  vipacenti
katham  hi  nama  bhaddanta  arame  core  pativasante narocessantiti.
Assosum  kho  bhikkhu  sakiyanam  ujjhayantanam  khiyantanam  vipacentanam .
Athakho   te   bhikkhu   bhagavato  etamattham  arocesum  .  athakho  bhagava
etasmim  nidane  etasmim  pakarane  dhammim  katham  katva  bhikkhu  amantesi
tenahi   bhikkhave   bhikkhunam   sikkhapadam   pannapessami   dasa   atthavase
paticca     sanghasutthutaya     .pe.    saddhammatthitiya    vinayanuggahaya
evanca pana bhikkhave imam sikkhapadam uddiseyyatha
     {794.1}     yani     kho     pana     tani     arannakani
senasanani      sasankasammatani      sappatibhayani      yo      pana
bhikkhu   tatharupesu   senasanesu   viharanto   2-   pubbe  appatisamviditam
@Footnote: 1 Ma. Yu. saha bhandena .  2 Ma. Yu. ayam patho na hoti. evamuparipi.
Khadaniyam    va   bhojaniyam   va   ajjharame   sahattha   patiggahetva
khadeyya   va   bhunjeyya   va  patidesetabbam  tena  bhikkhuna  garayham
avuso dhammam apajjim asappayam patidesaniyam tam patidesemiti.
     {794.2} Evancidam bhagavata bhikkhunam sikkhapadam pannattam hoti.
     [795]   Tena   kho  pana  samayena  annataro  bhikkhu  arannakesu
senasanesu   gilano   hoti   .   manussa  khadaniyam  bhojaniyam  adaya
arannakam  senasanam  agamamsu  .  athakho  te  manussa  tam bhikkhum etadavocum
bhunjatha   bhanteti  .  athakho  so  bhikkhu  bhagavata  patikkhittam  arannakesu
senasanesu   khadaniyam  va  bhojaniyam  va  sahattha  patiggahetva  khaditum
bhunjitunti   kukkuccayanto   na   patiggahesi   nasakkhi   pindaya   caritum
chinnabhatto  ahosi  .  athakho  so  bhikkhu  bhikkhunam  etamattham arocesi.
Bhikkhu  bhagavato  etamattham  arocesum  .  athakho  bhagava  etasmim nidane
etasmim   pakarane   dhammim   katham   katva   bhikkhu  amantesi  anujanami
bhikkhave  gilanena  bhikkhu  arannakesu  senasanesu  khadaniyam  va bhojaniyam
va   sahattha   patiggahetva   khaditum   bhunjitum   evanca  pana  bhikkhave
imam sikkhapadam uddiseyyatha
     {795.1}   yani   kho   pana   tani   arannakani  senasanani
sasankasammatani   sappatibhayani   yo  pana  bhikkhu  tatharupesu  senasanesu
viharanto    pubbe    appatisamviditam    khadaniyam    va    bhojaniyam   va
ajjharame    sahattha    patiggahetva    agilano    khadeyya   va
bhunjeyya    va    patidesetabbam   tena   bhikkhuna   garayham   avuso
Dhammam apajjim asappayam patidesaniyam tam patidesemiti.
     [796]  Yani  kho  pana  tani  arannakani senasananiti arannakam
nama   senasanam   pancadhanusatikam   pacchimam   .   sasankam  nama  arame
aramupacare   coranam   nivitthokaso   dissati   bhuttokaso   dissati
thitokaso   dissati   nisinnokaso   dissati   nipannokaso   dissati .
Sappatibhayam   nama   arame   aramupacare   corehi   manussa  hata
dissanti   vilutta   dissanti   akotita   dissanti   .   yo   panati
yo   yadiso   .pe.   bhikkhuti  .pe.  ayam  imasmim  atthe  adhippeto
bhikkhuti   .   tatharupesu   senasanesuti   evarupesu   senasanesu  .
Appatisamviditam   nama   pancannam   patisamviditam   etam  appatisamviditam  nama .
Aramam    aramupacaram    thapetva    patisamviditam   etam   appatisamviditam
nama   .  patisamviditam  nama  yo  koci  itthi  va  puriso  va  aramam
va   1-  aramupacaram  va  2-  agantva  aroceti  itthannamassa
bhante   khadaniyam   va  3-  bhojaniyam  va  4-  ahariyissatiti  .  sace
sasankam   hoti   sasankanti   acikkhitabbam   .   sace  sappatibhayam  hoti
sappatibhayanti    acikkhitabbam   .   sace   hotu   bhante   ahariyissatiti
bhanati    cora    vattabba    manussa   idhupacaranti   apasakkathati  .
Yaguya   patisamvidite   tassa   parivaro   ahariyati   etam   patisamviditam
nama  .  bhattena  patisamvidite  tassa  parivaro  ahariyati  etam patisamviditam
@Footnote: 1-2 Ma. Yu. vasaddo natthi .  3-4 Yu. vasaddo natthi.
Nama   .   khadaniyena   patisamvidite   tassa   parivaro  ahariyati  etam
patisamviditam  nama  .  kulena  patisamvidite  ye  1-  tasmim kule manussa 2-
khadaniyam  va  bhojaniyam  va  aharanti  3- etam patisamviditam nama. Gamena
patisamvidite  ye  1-  tasmim  game  manussa  2- khadaniyam va bhojaniyam va
aharanti  3-  etam  patisamviditam  nama  .  pugena patisamvidite ye 1- tasmim
puge  manussa  2-  khadaniyam  va bhojaniyam va aharanti 3- etam patisamviditam
nama   .   khadaniyam   nama   panca  bhojanani  yamakalikam  sattahakalikam
yavajivikam   thapetva   avasesam  khadaniyam  nama  .  bhojaniyam  nama  panca
bhojanani   odano   kummaso   sattu   maccho   mamsam   .  ajjharamo
nama     parikkhittassa     aramassa    antoaramo    aparikkhittassa
upacaro  .  agilano  nama  sakkoti  pindaya  caritum  .  gilano nama
na   sakkoti   pindaya   caritum   .   appatisamviditam  agilano  khadissami
bhunjissamiti    patigganhati    apatti    dukkatassa    .   ajjhohare
ajjhohare apatti patidesaniyassa.
     [797]  Appatisamvidite  appatisamviditasanni  khadaniyam  va  bhojaniyam va
ajjharame   sahattha  patiggahetva  agilano  khadati  va  bhunjati  va
apatti  patidesaniyassa  .  appatisamvidite  vematiko  khadaniyam va bhojaniyam
va   ajjharame  sahattha  patiggahetva  agilano  khadati  va  bhunjati
va    apatti    patidesaniyassa    .    appatisamvidite   patisamviditasanni
khadaniyam    va   bhojaniyam   va   ajjharame   sahattha   patiggahetva
@Footnote: 1 Ma. Yu. yo .  2 Ma. Yu. manusso .  3 Ma. Yu. aharati.
Agilano khadati va bhunjati va apatti patidesaniyassa.
     {797.1}   Yamakalikam   sattahakalikam   yavajivikam   aharatthaya
patigganhati    apatti    dukkatassa    .    ajjhohare   ajjhohare
apatti    dukkatassa    .    patisamvidite    appatisamviditasanni    apatti
dukkatassa   .   patisamvidite  vematiko  apatti  dukkatassa  .  patisamvidite
patisamviditasanni anapatti.
     [798]    Anapatti    patisamvidite   gilanassa   patisamvidite   va
gilanassa     va     sesakam     bhunjati    baharame    patiggahetva
antoarame   bhunjati   tattha   jatakam  mulam  va  tacam  va  pattam  va
puppham   va   phalam   va   bhunjati   yamakalikam   sattahakalikam  yavajivikam
sati paccaye paribhunjati ummattakassa adikammikassati.



             The Pali Tipitaka in Roman Character Volume 2 page 526-530. https://84000.org/tipitaka/read/roman_read.php?B=2&A=9492&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=9492&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=794&items=5              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=133              Study Atthakatha :- https://84000.org/tipitaka/attha/attha.php?b=2&i=794              The Pali Atthakatha in Thai :- https://84000.org/tipitaka/atthapali/read_th.php?B=2&A=10338              The Pali Atthakatha in Roman :- https://84000.org/tipitaka/atthapali/read_rm.php?B=2&A=10338              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]