บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Khambhakatavaggo [820] Savatthinidanam . tena kho pana samayena chabbaggiya bhikkhu khambhakata antaraghare gacchanti .pe. {820.1} Na khambhakato antaraghare gamissamiti sikkha karaniya. Na khambhakatena antaraghare gantabbam . yo anadariyam paticca ekato va ubhato va khambham katva antaraghare gacchati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [821] Savatthinidanam . tena kho pana samayena chabbaggiya bhikkhu khambhakata antaraghare nisidanti .pe. {821.1} Na khambhakato antaraghare nisidissamiti sikkha karaniya. Na khambhakatena antaraghare nisiditabbam . yo anadariyam paticca ekato va ubhato va khambham katva antaraghare nisidati Apatti dukkatassa. Anapatti asancicca asatiya ajanantassa gilanassa vasupagatassa apadasu ummattakassa adikammikassati. [822] Savatthinidanam . tena kho pana samayena chabbaggiya bhikkhu sasisam parupitva antaraghare gacchanti .pe. {822.1} Na ogunthito antaraghare gamissamiti sikkha karaniya. Na ogunthitena antaraghare gantabbam . yo anadariyam paticca sasisam parupitva antaraghare gacchati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [823] Savatthinidanam . tena kho pana samayena chabbaggiya bhikkhu sasisam parupitva antaraghare nisidanti .pe. {823.1} Na ogunthito antaraghare nisidissamiti sikkha karaniya. Na ogunthitena antaraghare nisiditabbam . yo anadariyam paticca sasisam parupitva antaraghare nisidati apatti dukkatassa. Anapatti asancicca asatiya ajanantassa gilanassa vasupagatassa apadasu ummattakassa adikammikassati. [824] Savatthinidanam . tena kho pana samayena chabbaggiya bhikkhu ukkutikaya antaraghare gacchanti .pe. {824.1} Na ukkutikaya antaraghare gamissamiti sikkha karaniya. Na ukkutikaya antaraghare gantabbam . yo anadariyam paticca ukkutikaya antaraghare gacchati apatti dukkatassa. Anapatti asancicca asatiya ajanantassa gilanassa vasupagatassa apadasu ummattakassa adikammikassati. [825] Savatthinidanam . tena kho pana samayena chabbaggiya bhikkhu pallatthikaya antaraghare nisidanti .pe. {825.1} Na pallatthikaya antaraghare nisidissamiti sikkha karaniya. Na pallatthikaya antaraghare nisiditabbam . yo anadariyam paticca hatthapallatthikaya va dussapallatthikaya va antaraghare nisidati apatti dukkatassa. Anapatti asancicca asatiya ajanantassa gilanassa vasupagatassa apadasu ummattakassa adikammikassati. Samattimsa bhojanappatisamyutta 1- [826] Savatthinidanam . tena kho pana samayena chabbaggiya bhikkhu asakkaccam pindapatam patigganhanti chaddetukama viya .pe. {826.1} Sakkaccam pindapatam patiggahessamiti sikkha karaniya. Sakkaccam pindapato patiggahetabbo . yo anadariyam paticca asakkaccam pindapatam patigganhati chaddetukamo viya apatti dukkatassa. @Footnote: 1 Ma. idam pathadvayam natthi. Anapatti asancicca asatiya ajanantassa gilanassa apadasu ummattakassa adikammikassati. [827] Savatthinidanam . tena kho pana samayena chabbaggiya bhikkhu taham taham olokenta pindapatam patigganhanti akirantepi atikkantepi na jananti .pe. {827.1} Pattasanni pindapatam patiggahessamiti sikkha karaniya. Pattasannina pindapato patiggahetabbo . yo anadariyam paticca taham taham olokento pindapatam patigganhati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [828] Savatthinidanam . tena kho pana samayena chabbaggiya bhikkhu pindapatam patigganhanta supamyeva bahum patigganhanti .pe. {828.1} Samasupakam pindapatam patiggahessamiti sikkha karaniya. Supo nama dve supa muggasupo masasupo hatthahariyo . Samasupako pindapato patiggahetabbo . yo anadariyam paticca supamyeva bahum patigganhati apatti dukkatassa. Anapatti asancicca asatiya ajanantassa gilanassa rasarase natakanam pavaritanam annassatthaya attano dhanena apadasu ummattakassa adikammikassati. [829] Savatthinidanam . tena kho pana samayena chabbaggiya bhikkhu thupikatam pindapatam patigganhanti .pe. {829.1} Samatittikam pindapatam patiggahessamiti sikkha karaniya. Samatittiko pindapato patiggahetabbo . yo anadariyam paticca thupikatam pindapatam patigganhati apatti dukkatassa. Anapatti asancicca asatiya ajanantassa apadasu ummattakassa adikammikassati. Khambhakatavaggo tatiyo. --------The Pali Tipitaka in Roman Character Volume 2 page 540-544. https://84000.org/tipitaka/read/roman_read.php?B=2&A=9778&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=9778&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=820&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=137 Study Atthakatha :- https://84000.org/tipitaka/attha/attha.php?b=2&i=820 The Pali Atthakatha in Thai :- https://84000.org/tipitaka/atthapali/read_th.php?B=2&A=10458 The Pali Atthakatha in Roman :- https://84000.org/tipitaka/atthapali/read_rm.php?B=2&A=10458 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]