|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Sakkaccavaggo [830] Savatthinidanam . tena kho pana samayena chabbaggiya bhikkhu asakkaccam pindapatam bhunjanti abhunjitukama viya .pe. {830.1} Sakkaccam pindapatam bhunjissamiti sikkha karaniya. Sakkaccam pindapato bhunjitabbo . yo anadariyam paticca asakkaccam pindapatam bhunjati abhunjitukamo viya apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [831] Savatthinidanam . Tena kho pana samayena chabbaggiya bhikkhu taham taham olokenta pindapatam bhunjanti akirantepi atikkantepi na Jananti .pe. {831.1} Pattasanni pindapatam bhunjissamiti sikkha karaniya. Pattasannina pindapato bhunjitabbo . yo anadariyam paticca taham taham olokento pindapatam bhunjati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [832] Savatthinidanam . tena kho pana samayena chabbaggiya bhikkhu taham taham omasitva pindapatam bhunjanti .pe. {832.1} Sapadanam pindapatam bhunjissamiti sikkha karaniya. Sapadanam pindapato bhunjitabbo . yo anadariyam paticca taham taham omasitva pindapatam bhunjati apatti dukkatassa. Anapatti asancicca asatiya ajanantassa gilanassa annesam dento omasati annabhajane 1- akiranto omasati uttaribhange apadasu ummattakassa adikammikassati. [833] Savatthinidanam . tena kho pana samayena chabbaggiya bhikkhu pindapatam bhunjanta supamyeva bahum bhunjanti .pe. {833.1} Samasupakam pindapatam bhunjissamiti sikkha karaniya. Supo nama dve supa muggasupo masasupo hatthahariyo . Samasupako pindapato bhunjitabbo . yo anadariyam paticca supamyeva bahum bhunjati apatti dukkatassa. Anapatti asancicca asatiya ajanantassa gilanassa @Footnote: 1 Ma. annassa bhajane. Rasarase natakanam pavaritanam annassatthaya attano dhanena apadasu ummattakassa adikammikassati. [834] Savatthinidanam . tena kho pana samayena chabbaggiya bhikkhu thupato omadditva pindapatam bhunjanti .pe. {834.1} Na thupato omadditva pindapatam bhunjissamiti sikkha karaniya. Na thupato omadditva pindapato bhunjitabbo . yo anadariyam paticca thupato omadditva pindapatam bhunjati apatti dukkatassa. Anapatti asancicca asatiya ajanantassa gilanassa parittake sese ekato sankaddhitva omadditva bhunjati apadasu ummattakassa adikammikassati. [835] Savatthinidanam . tena kho pana samayena chabbaggiya bhikkhu supampi byanjanampi odanena paticchadenti bhiyyokamyatam upadaya .pe. {835.1} Na supam va byanjanam va odanena paticchadessami bhiyyokamyatam upadayati sikkha karaniya. Na supam va byanjanam va odanena paticchadetabbam bhiyyokamyatam upadaya . yo anadariyam paticca supam va byanjanam va odanena paticchadeti bhiyyokamyatam upadaya apatti dukkatassa. Anapatti asancicca asatiya ajanantassa samika paticchadetva denti na bhiyyokamyatam upadaya apadasu Ummattakassa adikammikassati. [836] Savatthinidanam . tena kho pana samayena chabbaggiya bhikkhu supampi odanampi attano atthaya vinnapetva bhunjanti . manussa ujjhayanti khiyanti vipacenti katham hi nama samana sakyaputtiya supampi odanampi attano atthaya vinnapetva bhunjissanti kassa sampannam na manapam kassa sadum na ruccatiti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu supampi odanampi attano atthaya vinnapetva bhunjissantiti .pe. saccam kira tumhe bhikkhave supampi odanampi attano atthaya vinnapetva bhunjathati . saccam bhagavati . vigarahi buddho bhagava katham hi nama tumhe moghapurisa supampi odanampi attano atthaya vinnapetva bhunjissatha netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {836.1} na supam va odanam va attano atthaya vinnapetva bhunjissamiti sikkha karaniya. {836.2} Evancidam bhagavata bhikkhunam sikkhapadam pannattam hoti. [837] Tena kho pana samayena bhikkhu gilana honti . Gilanapucchaka bhikkhu gilane bhikkhu etadavocum kaccavuso khamaniyam kacci yapaniyanti . pubbe mayam avuso supampi odanampi attano Atthaya vinnapetva bhunjama tena no phasu hoti idani pana bhagavata patikkhittanti kukkuccayanta na vinnapema tena no na phasu hotiti . bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanena bhikkhuna supampi odanampi attano atthaya vinnapetva bhunjitum evanca pana bhikkhave imam sikkhapadam uddiseyyatha {837.1} na supam va odanam va agilano attano atthaya vinnapetva bhunjissamiti sikkha karaniya. Na supam va odanam va agilanena attano atthaya vinnapetva bhunjitabbam . yo anadariyam paticca supam va odanam va agilano attano atthaya vinnapetva bhunjati apatti dukkatassa. Anapatti asancicca asatiya ajanantassa gilanassa natakanam pavaritanam annassatthaya attano dhanena apadasu ummattakassa adikammikassati. [838] Savatthinidanam . tena kho pana samayena chabbaggiya bhikkhu ujjhanasanni paresam pattam olokenti .pe. {838.1} Na ujjhanasanni paresam pattam olokessamiti sikkha karaniya. Na ujjhanasannina paresam patto oloketabbo . Yo anadariyam paticca ujjhanasanni paresam pattam oloketi apatti dukkatassa. Anapatti asancicca asatiya ajanantassa dassamiti Va dapessamiti va oloketi naujjhanasannissa apadasu ummattakassa adikammikassati. [839] Savatthinidanam . tena kho pana samayena chabbaggiya bhikkhu mahantam kabalam karonti .pe. {839.1} Natimahantam kabalam karissamiti sikkha karaniya. Natimahanto kabalo katabbo . yo anadariyam paticca mahantam kabalam karoti apatti dukkatassa. Anapatti asancicca asatiya ajanantassa gilanassa khajjake phalaphale uttaribhange apadasu ummattakassa adikammikassati. [840] Savatthinidanam . tena kho pana samayena chabbaggiya bhikkhu digham alopam karonta bhunjanti .pe. {840.1} Parimandalam alopam karissamiti sikkha karaniya. Parimandalo alopo katabbo . yo anadariyam paticca digham alopam karoti apatti dukkatassa. Anapatti asancicca asatiya ajanantassa gilanassa khajjake phalaphale uttaribhange apadasu ummattakassa adikammikassati. Sakkaccavaggo catuttho. --------The Pali Tipitaka in Roman Character Volume 2 page 544-549. https://84000.org/tipitaka/read/roman_read.php?B=2&A=9865&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=9865&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=830&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=138 Study Atthakatha :- https://84000.org/tipitaka/attha/attha.php?b=2&i=830 The Pali Atthakatha in Thai :- https://84000.org/tipitaka/atthapali/read_th.php?B=2&A=10504 The Pali Atthakatha in Roman :- https://84000.org/tipitaka/atthapali/read_rm.php?B=2&A=10504 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]